::: فعاليات المنتدى :::

أهلا وسهلا بك إلى منتديات بنات مصر.
أهلا وسهلا بك زائرنا الكريم، إذا كانت هذه زيارتك الأولى للمنتدى، فيرجى التكرم بزيارة صفحة التعليمـــات، بالضغط هنا. كما يشرفنا أن تقوم بالتسجيل بالضغط هنا إذا رغبت بالمشاركة في المنتدى، أما إذا رغبت بقراءة المواضيع والإطلاع فتفضل بزيارة القسم الذي ترغب أدناه.

آخر 12 مواضيع
أنا الضحية مش هي
الكاتـب : شاعر الحب الحزين - آخر مشاركة : مياده منصور - مشاركات : 7 -
كنت فاكر نفسي بحب
الكاتـب : شاعر الحب الحزين - مشاركات : 4 -
إوعي تحني
الكاتـب : *فجر الاسلام* - آخر مشاركة : شاعر الحب الحزين - مشاركات : 5 -
ابتدت تغير
الكاتـب : شاعر الحب الحزين - مشاركات : 6 -
مازال قلبك يخفيه
الكاتـب : شاعر الحب الحزين - مشاركات : 10 -
ريش ...............!
الكاتـب : ياسر عبد الباقي - آخر مشاركة : مياده منصور - مشاركات : 12 -
ارحبوا بأنضمام منة غالي
الكاتـب : سيناا - آخر مشاركة : ندوشه 2011 - مشاركات : 7 -
طالبة كده
الكاتـب : شاعر الحب الحزين - مشاركات : 8 -
لماذا نحن هنا ؟
الكاتـب : ahmed 22 - آخر مشاركة : ساحر الأحزان - مشاركات : 3 -
مفيش مقارنة
الكاتـب : شاعر الحب الحزين - مشاركات : 8 -
مسموح بالفتي2
الكاتـب : *فجر الاسلام* - آخر مشاركة : ساحر الأحزان - مشاركات : 22 -
حب واحترام
الكاتـب : واد حبيب - آخر مشاركة : ايمن الغلاب - مشاركات : 4 -

Like Tree5معجبون
  • 3 Post By ahmed 22
  • 2 Post By L o o o l y
إضافة رد
 
LinkBack أدوات الموضوع انواع عرض الموضوع
قديم منذ /09-14-2021, 11:00 PM   #1

قلم مبدع

 

 رقم العضوية : 101793
 تاريخ التسجيل : Sep 2016
 العمر : 30
 الجنس : ~ رجل
 المشاركات : 2,702
 الحكمة المفضلة : لو كان هناك طريق للمعرفة لاصبحت كل الطرق كباري
 النقاط : ahmed 22 has a reputation beyond reputeahmed 22 has a reputation beyond reputeahmed 22 has a reputation beyond reputeahmed 22 has a reputation beyond reputeahmed 22 has a reputation beyond reputeahmed 22 has a reputation beyond reputeahmed 22 has a reputation beyond reputeahmed 22 has a reputation beyond reputeahmed 22 has a reputation beyond reputeahmed 22 has a reputation beyond reputeahmed 22 has a reputation beyond repute
 درجة التقييم : 149621
 قوة التقييم : 75

ahmed 22 غير متواجد حالياً

 

 

 

 

 

أوسمة العضو
افتراضي تأثير



انا من الناس اللي كانت بتحب تتفرج علي برنامج باسم يوسف جدا
ويمكن لحد كام يوم شفت ليه لقاء عاليوتيوب وكنت مستمتع الصراحة ..

تتفق او تختلف
الرجل صاحب كاريزما وتأثير ...
وعمري ما اقتنعت بادعاءات البعض
انه كان جزء من مؤامرة علي البلد والكلام ده ..
ده رأيي ومقتنع بيه .. لاني شايف انه ماضحكش عليا
هو قدم ليا دلايل بشكل كوميدي انا فعليا كنت مقتنع بيها ..
فتح ذهني لافاق اعلي من فكرة انك تعبد السلطة
في وقت كانت بتتشكل افكارنا ..
وفي وقت كان المجتمع افكاره مبنية علي افكار قديمة وصدئة محتاجة تتغير

شوف ...
لبعض الناس .. بداية الطرح ممكن تكون مزعجة ..
وممكن اصلا تجعل البعض يتجاهل بقية الطرح ويركز في اول كلمتين فيه
وهو انك ازاي تتكلم عن شخص هو في نظر كثيرين سبب رئيسي
انه يسقط نظام او جماعة ..
ووجود اشخاص مش علي هواهم حاليا

هو الرجل عامة مصدر اثارة للجذب والهري .. فعادي يعني
وده لوحده كفيل انه يثبت ليك مدي تأثيره ..
لانه قادر يبث فيك شعور انك تحبه او تكرهه لاسباب ممكن نتفق ونختلف عليها

ولكن ده مش هينفي ان الرجل ده من القلائل جدا اللي قدرو
يعملوا تأثير حقيقي بمعناه الحرفي والفعلي اخر كام عقد بشكل ما علي المجتمع ..

و ينطبق عليه كلمة ( مؤثر ) ... وهو مثال مقنع
قدر بضحكة يوصلك فكرة بشعور .. اقنعك وغمرك بيها .. عمل حركة ورواج في المجتمع ...
لان في وقت ما كان بيستني حلقته اكثر من 40 مليون شخص عاوزين يعرفوا بشغف
هو هيقول ايه عن الحدث الفلاني حتي لو معارض ليه .. في وقت كان متوتر و مليان احداث
لدرجة انه كان اكثر من كان تخشاه الانظمة السياسية الحاكمة ..

معلش برنامج كوميدي كان مصدر رعب لجماعة
ثم تم استئصاله من نظام الحكم الحالي لخوفهم من تأثيره علي الناس
في نقده للحكومة او السخرية منها ...
الموضوع جوانبه كتيرة عامة ... بس مش وقته ..

طيب .. شئنا ام ابينا ..نحن في زمن مؤثري السوشيال ميديا
تأثير من نوع تاني .. مرحلة ما بعد باسم يوسف
المرحلة اللي اصبحت السوشيال ميديا واليوتيوب بديل التليفزيون والصحافة
مرحلة لسا بتتشكل بعيوبها وميزاتها ... الشباب والاطفال هما اصحاب اليد العليا فيها

وبالتالي كما العادة وكما اي مجتمع مستهلك
لازم تاخد الجانب الأسوأ وتعيشه لفترة من الزمن حتي تستوعب الظاهرة
وتمتص الجانب السئ فيها ...
وبالتالي العيب الاكبر فيها ان جزء كبير من اطفالنا مغمور فيها لاسفل قدميه حاليا
معظمهم تحت تأثير من يطلقون علي انفسهم .. مؤثري السوشيال ميديا ...

شباب زي حالاتنا كدا من الاخر ... صيحة الفيس بوك واليوتيوب بقت فرصة ليهم
للارتقاء في حياتهم ... وهما استغلوها ... بس هي كمان استغلتهم ..
عشان انك تكون انسان عادي وتعيش مشهور في ظرف سنة ولا اتنين
دي مرحلة مش كل الناس مهيأة ليها .. ومع ذلك وفي زماننا
كل الناس عندها الفرصة انها تعيشها بأنها تعمل صيحة كدا في المجتمع
وتطلع للعلن في 30 ثانية تيك توك او فيديو يكون من نصيبه انه ينطلق علي اليوتيوب
ويعمل ضحة ويبقي ليك كيان ... ويكون قدرك انك يكون ليك متابعين بالملايين ..
في وقت انت مجرد شخص بينضج في الحياة ومطلوب منه يكون قدوة ومثل
طالما تبوء المكانة دي ...
هنا شخص عادي بقا مشهور تأثيره اكبر من لاعب كورة واكثر من مغني
لانه كله بيتأمل انه فيه فرصة انك ممكن تكون مكانه ..
الحلم هنا مش شرطه انك تمتلك موهبة كريستيانو او صوت ديماش

ماتبصش لنفسك حاليا يا من تخطيت الثلاثين عاما ..
انت خدت مرحلتك وانتهي جزء كبير من تشكيل شخصيتك في وقت الثورات ..
يمكن كان بيؤثر فيك خطاب زعامة او خطاب جماعة او فعل نظام
وقتك نضوجك وتشكيل افكارك كان مضطرب شويا ..
انت خدت التجربة واتشكلت افكارك بشكل ما
واصبحت ما انت عليه حاليا ...سواء رضيت علي نفسك او لم ترضي

ولكن الامر مختلف دلوقتي ...
لأن اطفال السوشيال ميديا من عمر 7 سنوات ل 18 سنة
من يؤثر فيهم هم شباب لا يتخطي اعمارهم برضه ال18 - 25 عام ولم يكتمل نضجهم بعد ..
البعض منهم واخد اليوتيوب اكل عيش زي قنوات الجيمنج وغيره ..
والبعض التاني واخد الفيس بوك مصدر لتجارة وبيزنس
وبالتالي يهمه انه يصنع جيوش متابعين يستثمر فيهم لجذب المعلنين
اكثر من انه يقدم شئ مفيد ..

و دي الظاهرة الاكثر رعبا من وجهة نظري ..
لان ييتصنع من خلال الاطفال اللي بيتم التأثير فيهم كيانات لاشخاص
هم فعليا اغلبهم مستغلين ليهم ... وبيلعبوا فقط لعبة السوشيال ميديا من سنين
وبقت جيوش السوشيال ميديا من الاطفال هي من تحكم الان الرأي العام ..
لانهم اصوات للاعلانات .... ولعبة للماركتينج ..

يمكن حاليا ماتحسش بيهم لأنهم عايشين في هوامش السوشيال ميديا
جماعات التعصب الكروي ... جماعات اللي بتعبد بعض اليوتيوبرز وبيخدوهم قدوة حياة ..
جماعات الموسيقي والفنانين ...

بس لو تابعت اي فيديو علي اليوتيوب وانا بكلم عربيا علي فكرة مش مصر بس
وتشوف مثلا لما يوتيوبر اصبح عنده مليون او 5 مليون متابع
وتشوف ازاي قادر انه يكون موجه للمتابعين بتوعه .. هتفهم قصدي ايه

وبالتالي لما يكون عندك كتلة من البشر قادر توجههم .. ده بيخليك زي محرك الدمي
بتنزع من الاطفال شخصيتهم .... لان اللغة اللي بتخاطبهم بيها في بعض الاوقات
بيكون فيها لغة اوامر اكتر بشكل مبطن ....
ودايما تلاقيه يقولك ادخل تابع الفيديو .. اعمل لايكات لفلان ..
ادخل روح صفحة فلان .. وقوله احنا جيش اليوتيوبر فلان عشان تثبت قوتنا ..

نرجع ونقول ان فيه عوالم في السوشيال ميديا واليوتيوب خاصة خفية عن ارض الواقع ..
شبه اطفال بتوجه اطفال ... ظاهرة صعبة .. بتختفي فيها القدوة الصحيحة ..
وانا مش بقصد بكلمة شبه اطفال اني اقلل لا قدر الله من رجولة شاب عنده 18 او 25 سنة

اقصد ان بعض الاشخاص ينقصهم النضج والتجربة اصبحوا فجأة مشهورين ومؤثرين واصحاب رأي
واصبحوا يمتلكون المال ... وبالتالي بقا معاهم تناقضات السنين في ارائهم
لان مش كله بيكون قادر يوجه الحاجات اللي اتخلقت دي في وقت قصير
وصنعت شهرة لشخص بشكل صحيح ..
وبيكون المتابعين اللي في النص متشبهين بالشخص ده اكثر منه متأثرين
متشبهين في طريقة لبسه وخروجه وكلامه وافكاره
ويكون عالمهم ضحية لافكاره وتوجيهاته لانهم بيكونوا منقادين وشبه عمي

البعض ممكن يشوف الكلام مبالغ فيه .. بس حقيقة الكلام ده اقل من الواقع بكتير
حتي ممكن اقولك ان الموضوع اكيد مش مقتصر علي مؤثري الشوسيال ميديا العاديين فقط ..
يعني عندك حتي ظواهر زي الكي بوب ... وهو نوع من انواع الموسيقي في كوريا
عمل غزو لعقول الشباب العرب .. واصبح من يمثلون الكي بوب من مغنيين
زي العياظ بالله الهة لبعض الشباب و كدا .. وقدوة ومثل واسلوب حياة ...
وليهم صفحات للفانزات علي الفيس بوك اسمائها اغرب من الغرابة .. تحسها عبادة فعلا
وبكرر التاني انا بكلم عن ظواهر تكتسح العالم العربي ككل مش مصر بس ..

الخلاصة احنا في صدد صناعة مجتمع تنقصه الهوية بشكل اكبر مما هو عليه
تنقصه مفهوم القيادة في شبابه واطفاله حاليا ..
للي اصبحوا تابعين اكثر منه اصحاب شخصية
وبالتالي التليفون اللي بيتساب في يد الاطفال ما بين 7 الي 18 سنة وفيه نت
بالتوكتوك بتاعه باليوتيوب بالفيس بوك بالانستجرام .. وهو بمثابة عالم موازي
يعيش فيه الاطفال حاليا طفولتهم مع اطفال اكبر منهم قليلا بيوجهوهم
وبيعيشوا في احلامهم
وبالتالي مفهوم مؤثري السوشيال ميديا بيخلق اجيال ينقصها العزم للتغيير
وبالتالي السقوط نحو الهاوية بشكل اكبر مما نحن فيه الان ..

من كام سنة كان جيلنا يطمح لجزء من التغيير
الجيل الحالي يتم امتصاص مصطلح التفكير منه .... وبالتالي لا تغيير ..








  رد مع اقتباس
قديم منذ /09-16-2021, 01:29 AM   #2

عضو مشارك

 

 رقم العضوية : 115939
 تاريخ التسجيل : Aug 2021
 الجنس : ~ بنوتة
 المشاركات : 276
 النقاط : L o o o l y has a reputation beyond reputeL o o o l y has a reputation beyond reputeL o o o l y has a reputation beyond reputeL o o o l y has a reputation beyond reputeL o o o l y has a reputation beyond reputeL o o o l y has a reputation beyond reputeL o o o l y has a reputation beyond reputeL o o o l y has a reputation beyond reputeL o o o l y has a reputation beyond reputeL o o o l y has a reputation beyond reputeL o o o l y has a reputation beyond repute
 درجة التقييم : 2765
 قوة التقييم : 0

L o o o l y غير متواجد حالياً

 

 

 

 

 

أوسمة العضو
افتراضي

صح كلامك يا استاذ
السوشال ميديا دلوقتى هى بتوجه العقول
وبالفعل اصبحنا من سئ ل اسوء
ومش عارفين رايحين ع فين
بس عايشين وخلاص







ساحر الأحزانو Ice.Teaمعجبون بهذا .
  رد مع اقتباس
قديم منذ /09-16-2021, 12:59 PM   #3

مدير عام سابقا

 

 رقم العضوية : 50632
 تاريخ التسجيل : Jun 2010
 الجنس : ~ رجل
 المكان : مصر حبيبتي
 المشاركات : 40,696
 الحكمة المفضلة : ان فعلت شىء يسعد غيرك فلا تحزن ولا تنتظر المقابل لصنعك
 النقاط : ساحر الأحزان has a reputation beyond reputeساحر الأحزان has a reputation beyond reputeساحر الأحزان has a reputation beyond reputeساحر الأحزان has a reputation beyond reputeساحر الأحزان has a reputation beyond reputeساحر الأحزان has a reputation beyond reputeساحر الأحزان has a reputation beyond reputeساحر الأحزان has a reputation beyond reputeساحر الأحزان has a reputation beyond reputeساحر الأحزان has a reputation beyond reputeساحر الأحزان has a reputation beyond repute
 درجة التقييم : 1809306
 قوة التقييم : 905

ساحر الأحزان غير متواجد حالياً

 

 

 

 

 

أوسمة العضو
افتراضي

مش عارف اقلك ايه يا احمد

مشفق عليه او يستاهل الي جراله

ولا مشفق علي حالنا انه اي ينقض بناء بيتم التخلص منه

مثل ما حصل في مجلس الشعب الي بقي مجلس شعب كيوت موالي للحكومه

الاثار كتيره

والادهي حاليا كل شخص بقي ممكن يكون نجم في غصون ايام

مع عصر الكتوطار

او السرعه المنتهيه

المشاكل كتيره يا احمد

ومقالك يحترم

تحياتي لك

وبانتظار جديدك القيم







  رد مع اقتباس
قديم منذ /09-19-2021, 09:00 PM   #4

مشرفه القصص والابداعات سابقا

 

 رقم العضوية : 92692
 تاريخ التسجيل : May 2013
 الجنس : ~ أنثى
 المكان : محافظة بني سويف
 المشاركات : 30,326
 الحكمة المفضلة : كن كاالنخيل على الاحقاد مرتفعاً ترمى بحجر فترمي اجمل الثمر
 النقاط : Lamees has a reputation beyond reputeLamees has a reputation beyond reputeLamees has a reputation beyond reputeLamees has a reputation beyond reputeLamees has a reputation beyond reputeLamees has a reputation beyond reputeLamees has a reputation beyond reputeLamees has a reputation beyond reputeLamees has a reputation beyond reputeLamees has a reputation beyond reputeLamees has a reputation beyond repute
 درجة التقييم : 3180017
 قوة التقييم : 1591

Lamees غير متواجد حالياً

 

 

 

 

 

MY MmS

أوسمة العضو
افتراضي

التأثير موجود من زمان من ايام قميص عمرو دياب
وقصة شعر كرستيانو وغيرهم وغيرهم
المشكلة الكبرى ان الأطفال منسقة بشكل غريب
ومفيش رقابة ولا متابعة من الأهل
وربنا عنده العفو والله







  رد مع اقتباس
قديم منذ /09-19-2021, 09:37 PM   #5

قلم مبدع

 

 رقم العضوية : 18551
 تاريخ التسجيل : May 2009
 الجنس : ~ رجل
 المشاركات : 6,474
 النقاط : عاشق ولهان has a reputation beyond reputeعاشق ولهان has a reputation beyond reputeعاشق ولهان has a reputation beyond reputeعاشق ولهان has a reputation beyond reputeعاشق ولهان has a reputation beyond reputeعاشق ولهان has a reputation beyond reputeعاشق ولهان has a reputation beyond reputeعاشق ولهان has a reputation beyond reputeعاشق ولهان has a reputation beyond reputeعاشق ولهان has a reputation beyond reputeعاشق ولهان has a reputation beyond repute
 درجة التقييم : 237549
 قوة التقييم : 119

عاشق ولهان غير متواجد حالياً

إرسال رسالة عبر Yahoo إلى عاشق ولهان

أوسمة العضو
افتراضي

بصراحه كنت بنتظر كل حلقه

نقده كان بطريقه كوميديه ساخره

من انجح البرامج فعلا ً

تحياتي لك أحمد







  رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع


المواضيع المتشابهه
الموضوع كاتب الموضوع المنتدى مشاركات آخر مشاركة
تأثير .......الكلمه !!! احلي الناس قصص - روايات - حكايات ...منقولة 2 03-14-2015 10:42 PM
تأثير الأنمي .. Abdallah نكت - طرائف - وناسة - فرفشة 3 06-19-2014 06:30 PM
تأثير الصداقة تصدق نسيت منتدى التنميه البشريه 11 11-14-2012 12:58 AM
تأثير آآآآآآلحشيش P R ! M O نكت - طرائف - وناسة - فرفشة 5 09-16-2011 05:07 PM
درس:تأثير الحلم...!!! Hamsa Sense ارشيف قسم الفوتوشوب 11 05-27-2010 05:28 PM


الساعة الآن 10:16 PM


Powered by vBulletin® Version 3.8.7
Copyright ©2000 - 2021, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب

a.d - i.s.s.w