نايس توبيك ... سلمت يداك على الطرح بقلمي ميدووو

[ARAGON]

يا لا يا جماعة في مفاجأة في المنتدى وأنت بعد 5 سنين في المنتدى ها يبقى شكلك ايه.. في المنتدى تعبيراتك عاملة ازاي

واحد ممكن يقولي انتوا بتعملوا ايه – انتوا بتعملوا ايه... ههه دي مخالفة العضو يستحق الطرد
م ي م و ج ب
مشكور يا مان والله جامدة بجد
ن ت : يعني ايه نايس توبيك
م : مشكور
ج ا ك خ: جزاك الله كل خير.
دا ها يبقى حالنا بعد 5 سنين وحالنا دلوقتي
فعلا عجيب... عجيب.. عجيب..!!!
في واحد ... يدخل يقول...
أنا مش عارف الناس مش عايزة تقرأ المواضيع ليه انت بتدخل مش لازم تجيب ألف مشاركة في اليوم يا سيدي ادخل وشوف الموضوع بيتكلم في ايه...
هل ها يبقى فيه اختصار للردود؟؟؟ !!
هل المنتديات دي ها تكون اختفت وطلعت حاجة أشد من كده احنا ها نبقي في عصر السرعة ولا ايه الحكاية

توقعاتك ها تبقى شكلها ايه..
ممكن تيجي في يوم تلاقي عضوين بيكتبوا في موضوع واحد وفي وقت واحد ولاول مرة معقولة دي أكيد حاجة ها تبقى غريبة.
طبعا في ناس مستغربة..
أنا مثلا أتوقع اللي جاي بعدي ممكن يقول ايه على الموضوع اللي أنا كاتبه... مثلا.
ها يجي يقول .." نايس توبيك" تسلم ايدك .. دا فعلا قرا الموضوع بس للأسف ما حبش يشارك معانا.. أو داخل يزود مشاركات بس مش أكثر وده طبعا أول حاجة لاحظها في الموضوع إن عدد المشاركات هي صفر... وهو أول واحد يرد على الموضوع من غير ما يشوف ... إن الموضوع ده في قسم إيه.. هل الموضوع في قسم الطرائف... ولا في قسم النقاش ولا في قسم الرياضة..
بمعنى أنا جيت في مرة لاقيت رد على موضوع نقاشي في قسم الرياضة واحدة جاية تقول ايه " نايس توبيك ... سلمت يداك على الطرح " هو احنا بنلم المحصول اللي طرح يا أختي احنا مش في جمع القطن ولا في تحصيل الأرز.. دا مش استهزاء مني بس أنا بزعل جدا لما بلاقي واحد داخل يقول نايس توبيك.. أنا ها حاول اجرب الجملة دي في خمس مواضيع هادفة وعايز أشوف الرد عامل ازاي..

وممكن واحد يجي يقول ايه اللي انتا بتقوله ده انا مش فاهم ولا كلمة..
ودا أكيد لأنه ما قراش الموضوع كويس

ويجي اللي بعده لما يلاقي الاثنين اللي قبله
1- .." نايس توبيك" تسلم ايدك ..
2- انا مش فاهم ولا كلمة..
يجي التالت ويقول " " " بكل دهشة وسذاجة وتلقائية ......... لا تعليق " لا تعليق على ايه دول اثنين بس اللي ردوا على الموضوع..

يجي واحد رابع آه فكرة حلوة انك تناقش المستقبل في المنتدى عامل ازاي وده طبعا لأنه وقف على كلام معين. في الموضوع.
وو تشده نقطة تانية داخل الموضوع.... هي ايه يشوف أنا توقعت الرد ازاي بتاع الاثنين اللي في الأول.. واحد يقولي هو بيحاول يوجه رسالة... ولا عايز اللي جاي بعده يحتار يرد ازاي.. عليه..

خلاصة الموضوع: انك لما تكون قدام فكرة جديدة بتحاول تعبر عنها ازاي - ----- وبعد كده تفتكر الفكرة دي شدت الزوار للموضوع ولفكرته... واحد يقول هو بيقول ايه وبيحاول يفكر ازاي.... انا توهت منه.. ياعمي مش عارف اعمل ايه...
وياريت الكل يتابع معانا ويشوف لو احنا عدلنا من ردودنا ها يبقى شكل المنتدى عامل ازاي... يعني لازم نخلي فيه وعي في الردود واحترام الآخرين.. وإن شاء الله فكر جديد في منتدى من حديد....

[~!blάck spidєя!~]

مشكور يا مان على التوبي...!

ويا رب ما تحرمنا من اجديدك

تحياتي ...!

[أنثـے مًنْ الّخٍـْيـِالْ→♀]

ههههههههههههههههههه

اولا انا بضحك ع الرد اللى قبلى

مش عارفة اذا كان قصده يغيظك و لا ايه >>>>> بهدى النفوس

بس على العموم

نايس توبيك يا احمد

ربنا ما يحرمنا من الطرح المميز ده

ههههههههه



بجد و ربك انت عندك حق

لان كتييييييير بيدخلوا المواضيع و عيونهم مش على الموضوع لكن على عداد المشاركات

و برضو اللى يغييظ اكتر زى ما قلت انه لو قال الكلمات المعتادة (نايس توبيك ......) فى موضوع موجود اساسا للمناقشة ...


ربنا يهدى الجميع

و ان شاء الله المنتدى هيتطور و يعلو اسمه باعضاء مثلك

تسلم ايها الشرطى الازرق

يا رب يا احمد اللى يدخل الموضوع يقراه

[Sєяєєη●•ʚɞ]

موضوع حلو اوى يا احمد

وانا لاحظت كدة فعلا فى المنتدى دة ان الناس كلها داخله تقول نايس توبيك فى موضوع للمناقشة وردود تانية مختصرة لابعد الحدود حسسونى انى لو عبرت عن رايى وطولت شويه هتحدف بالطماطم لدرجة بقيت مش بطول فى الاجابة لانى هحس ان انا الوحيدة اللى فى التوبيك اللى داخله ارغى مع العلم ان اساسا توبيكات المناقشة بتحتاج لردود طويلة وعرض وجهة نظرك....

انا لسه جديدة اة بس بلاحظ بسرعه اوى ودة نقطة مهمة جدا انا لاحظتها
وفعلا من الردود بتقدر تلاحظ اذا كان اللى رد قرا التوبيك كلة ولا نصه ولامجرد قرا رد اللى قدامه وخلاص....

تصورى لشكل المنتدى بعد 5 سنين بالاختصار الرهيب فى الرد دة ممكن توصل لدرجة الواحد يدخل يكتب حرف (ش) وخلاص باعتبارة كلمة شكرا
بشكرك على التوبيك الحلو دة يا احمد

[حنـــــون]

اولا موضوع مهم جداااااااااا يااحمد

فعلا حاجه تغيظ لما يبقى الموضوع

نقاشى وادخل اقول نايس توبيك

بحس بالتفاهه لدرجه محدش يتخيلها

وان الموضوع تافه ومش يستحق النقاش

وتحس كده انهم بيجيروا بخطرك ههههههههه

بس بجد ليه مانقولش رئينا وناقش اراء بعض

ونطور فكرنا ليه دايما بنحب نستسهل الامور

ونخلص بسرعه وننجز زى ما بيقولوا بجد دا

شئ سئ جدااااااااا بتمنى اننا نغير الاسلوب ده

وندى لكل حاجه حقها بشكرك جداااااااا يا احمد على الموضوع

وبتمنى ان الجميع يستفادوا منوا تحيااااااااتى اختك حنون

[Mr.Henry]

هوووووووو ده يامان


والله ناس كتير فاكره ان العضو بمشاركاته


وناس تانيه بتكسل


وناس تانيه مقضياها كوبي وباست


والله الواحد بيزهق


عارف في كمان حاجه ااخنق واخنق


ان واحد ينقل موضوع نقاشى مهم

وترد انت وتناقشه يقولك شكرآ لمرورك نورت وعطرت وزفتت صفحتى :d


وربنا حسسو الواحد باليأس ههههههههه


ع العموم شكرآ لموضوعك يارب ياااااارب الكل يستفاد وياخد خطوه ايجابيه

..............

[فرحة]

والله يا ميدو انا قريت الموضوع والردود كمان
بس فعلا انت عندك حق .. اذا كنت انا اتغظت لغيظتك ديه
انا برده بتخنق لما بلاقى الكلمات البسيطه ديه على موضوع فيه نقاش
واللى بيخنقنى اكتر لما الاقى المشاهدات فوق 100 والرودود لا تتعدى ال 4
بجد الموضوع تحفه .. ولازم الكل يحط فى باله النقطه ديه

[lolla]

هههههههههههههه متقلبش علينا المواجع يا احمد

لما تكون منزل موضوع عادى خالص وملوش علاقة بالالعاب

وتلائى واحد ييجى يقول شكراااا على اللعبة

طيب دى مش حاجة تفقع المرارة

وانا بجد مش عارفة هنعمل ايه بالمشاركات

نفسى كل واحد يسأل نفسه انا جاى المنتدى ليه ؟؟

والمهم تلائى رد نفس العضو هو هو فى كل الاقسام ومش فارقة

والمشكلة مش بس فى قسم النقاش

ايه المانع ان احنا نقول راينا فى كل الاقسام

والله بجد الردود الهادفة لوحدها بتزود من عمق الموضوع

وبتحس بعد ما كتبت الموضوع ان الفكرة وسعت معاك

وان فى حاجات مكنتش شايفها وعرفتها

اه وفى حاجة كمان ... مش دايما العضو الى كتب الموضوع مظلوم

ممكن يكون الموضوع كوبى بست يحطه فى اى حته

ومش مشكلة الناس الى ردوا عليه

اهم حاجة ان يكون ليه مواضيع هنا وهناك

واراهنك انه حتى مقراش ولا موضوع فيهم

نايس توبيك

تسلم ايدك

وفى انتظار جديدك

[زهرة الفل]

الصراحة عندك حق بلاقى ناس يكون موضوع هام جدا او مفيد وتقول شكررررا _ يسلمووو _ ميرسى ايه ده المفروض نقول ارائنا ونرد الحقيقة بجد شكرا ليك

[smsma666]

موضوع مهم يا احمد
وفعلا الظاهره دى منتشره فى المنتديات كتير والردود كلها شكرا ومجهود رائع .............الخ
هو مافيش مانع اننا نشكر صاحب الموضوع ونظهر له اعجابنا بالموضوع لكن لا اعتقد انه سيكون سعيد اذا اكتفينا بالشكر
والمشكله مش فى قسم النقاش ان الاعضاء بيردوا بشكرا يعنى ممكن نقول قسم النقاش بيكون فيه مواضيع متكرره
لكن المشكله الحقيقيه هى هنا فى القسم ده لان كل المواضيع من كتابة الاعضاء وكتابتهم رائعه ماشاء الله عليهم
نجد ان عضو/عضوه كتبوا موضوع وتعبوا فى كتابته وتحضيره ونجد الرد عليه شكرا مجهود رائع طبيعى صاحب الموضوع يضايق لان مجهود قد انكره هذا العضو بكل بساطه
اتمنى ان الظاهره دى تختفى وعلى فكره مش مهم خالص ان رائ يكون زى رائ صاحب الموضوع بالعكس ده كمان هيكون احسن وهتكون فيه مناقشه اكتر ونتذكر ان اختلاف الرائ لا يفسد للود قضيه

موضوع جميل ويارب نستفيد

*تحياتى*