في نص ساعة عدت ساعة

[شاعر الحب الحزين]

في نص ساعة عدت ساعة

يادوب اتكلمنا كلمتين

5 دقايق حب في الساعة

وقعدنا نتخانق ساعتين

ياللي مش فاهم حط السماعة

واقرا كلامنا بالعين



في نص ساعة بتعدي ساعات

لما مش بتشوف الوقت

ولو راقبت وقتك هتستنى ساعات

يعدي نص ساعة من الوقت



نص ساعة كانت عنوان

لموضوع كتبته زمان

اتكلمت فيه عن النسيان

ونسيت بس فاكر العنوان



في نص ساعة تقدر تغير كتير

لو جربت تسبق وقتك ومكانك

في نص ساعة ممكن تبقى الأخير

لو بعد نص ساعة هتسيب زمانك



في نص ساعة حقايق

تهدك العمر كله

تتمنى ترتاح لو دقايق

ومفيش حد تقوله

تيجي تكتبه وانتا رايق

سطرك بس بتأمنله



في نص ساعة عدى العمر ساعة

يادوب عشنالنا يومين

في نص ساعة آخر نص ساعة

كنا فين وبقينا فين



ش . ح

[شاعرة الرومانسيه]

حرف راقي ومميز تسلم ايدك شاعرنا الجميل حروف من ذهب سلمت أناملك الذهبية

[شاعر الحب الحزين]

اقتباس المشاركة الأصلية كتبت بواسطة شاعرة الرومانسيه حرف راقي ومميز تسلم ايدك شاعرنا الجميل حروف من ذهب سلمت أناملك الذهبية

الله ع المفاجأة الحلوة دي
شاعرتنا الرقيقة تسلميلي
سلمتي والنبض الرقيق
أسعدتيني بحضورك الأنيق وكلماتك الجميلة
شكري وتقديري وامتناني 🌺

[العاشق الذى لم يتب]

جميل وجميل وجميل
ومساؤك راقى وعليل
والدفا فى ليالى الشتا عاوز بطاطين كيرة
منور صحبى الغالى
وسلمت والنبض

[شاعر الحب الحزين]

اقتباس المشاركة الأصلية كتبت بواسطة العاشق الذى لم يتب جميل وجميل وجميل ومساؤك راقى وعليل والدفا فى ليالى الشتا عاوز بطاطين كيرة منور صحبى الغالى وسلمت والنبض

😂😂 هي بطانية وحدة وكفاية
تسلملي أبو الروف الغالي ضحكتني
نور طلتك الحلوة ونورك رفعت الجميل
أسعدتني حضوراً وقولا يا جميل
شكري وتقديري وامتناني ❤️