انا مش متجوزه امك

[Aya 7ekaya]

والله لو كل واحده بتتقى ربنا فى ابنها و زوجة ابنها و تعاملها زى مابتعامل بناتها فعلا ولو كل زوجة بتتقى ربنا فى زوجها و بتحاول ترضيه أنها تحافظ على علاقة بوالدته الحياة هتكون حلوة و مستقرة
لكن هقولك حاجه فى واحدة بيكون الموضوع عندها أنها تذل زوجة ابنها و فى اعتقادها إن كده هى هتفضل طول عمرها مسيطرة على ابنها و محدش خده منها
الزوجه شرعاً مش مطالبه ابدا بخدمة ام زوجها لكن مطالبه تحسن إليها و تعاملها معاملة حسنة ولو شيفاها محتاجة فعلت مساعدة تساعدها من باب الإحسان لزوجها لكن لو رفضت مش عليها اى ذنب بس مجتمعنا فيه عادات و تقاليد احيانا بتكون ظالمة ف للاسف دى عادات و تقاليد على حسب كل بلد
موضوع مهم نور
عودة موفقة

[big bốss]

اقتباس المشاركة الأصلية كتبت بواسطة aya 7ekaya والله لو كل واحده بتتقى ربنا فى ابنها و زوجة ابنها و تعاملها زى مابتعامل بناتها فعلا ولو كل زوجة بتتقى ربنا فى زوجها و بتحاول ترضيه أنها تحافظ على علاقة بوالدته الحياة هتكون حلوة و مستقرة لكن هقولك حاجه فى واحدة بيكون الموضوع عندها أنها تذل زوجة ابنها و فى اعتقادها إن كده هى هتفضل طول عمرها مسيطرة على ابنها و محدش خده منها الزوجه شرعاً مش مطالبه ابدا بخدمة ام زوجها لكن مطالبه تحسن إليها و تعاملها معاملة حسنة ولو شيفاها محتاجة فعلت مساعدة تساعدها من باب الإحسان لزوجها لكن لو رفضت مش عليها اى ذنب بس مجتمعنا فيه عادات و تقاليد احيانا بتكون ظالمة ف للاسف دى عادات و تقاليد على حسب كل بلد موضوع مهم نور عودة موفقة

ما شاء الله يا ايه

كبرنى و عقلتى رأى حكيم

ربنا يكملك بعقلك

[☆ شهـــاب ☆]

شوف يـ معالي البـيج بـوس :

انا من رأي المتواضع ان الزوجة مش مجبرة ابدا على كدة ،

لكن من اخلاقها الطيبة وتربيتها الحسنة ، لو حابة انها تعمل كدة فـ كتر خيرهـا اوي اوي

وطبعا الام ليهـا حقوق على ابنها ، على ابنها ، على ابنها مش على مرات ابنها .

يعني الابن لو شايف ان امه تعبانة ومحتاج اللي يساعدها في شغل البيت يروح يجيب لها شغالة تشيل عنها التعب دة .

هنا يكون الابن الراجل المحترم مجبـر ومسئول عن راحة امة ، ولو هو مقتدر وما عمل كدة لراحة امة ، يبقا امة ما عرفت تربي ، وابنها دة طلع فنكوش ملوش لازمة .

ويـ سلام لو في محبة ومودة ورحمة بين الام ومرات ابنها ساعتها هتلاقي كل شيء جميل وكل شيء ماشي لوحدة زي الفل ، انما لو في مشاحنات بينهم يبقا ( شيل دة من دة يرتاح دة عن دة ) وريح دماغك .

أحييك يـ محترم على موضوعك القيم وطرحك الرائع ، ،

[big bốss]

اقتباس المشاركة الأصلية كتبت بواسطة ☆ شهـــاب ☆ شوف يـ معالي البـيج بـوس : انا من رأي المتواضع ان الزوجة مش مجبرة ابدا على كدة ، لكن من اخلاقها الطيبة وتربيتها الحسنة ، لو حابة انها تعمل كدة فـ كتر خيرهـا اوي اوي وطبعا الام ليهـا حقوق على ابنها ، على ابنها ، على ابنها مش على مرات ابنها . يعني الابن لو شايف ان امه تعبانة ومحتاج اللي يساعدها في شغل البيت يروح يجيب لها شغالة تشيل عنها التعب دة . هنا يكون الابن الراجل المحترم مجبـر ومسئول عن راحة امة ، ولو هو مقتدر وما عمل كدة لراحة امة ، يبقا امة ما عرفت تربي ، وابنها دة طلع فنكوش ملوش لازمة . ويـ سلام لو في محبة ومودة ورحمة بين الام ومرات ابنها ساعتها هتلاقي كل شيء جميل وكل شيء ماشي لوحدة زي الفل ، انما لو في مشاحنات بينهم يبقا ( شيل دة من دة يرتاح دة عن دة ) وريح دماغك . أحييك يـ محترم على موضوعك القيم وطرحك الرائع ، ،

أصبت اخى الزوجه مش مجبره و لكنها مخيره

لكن العادات و التقاليد هى إلى محسسه الحما أنها لها حق مكتسب على زوجة الابن

نورت و ابدعت

[ساحر الأحزان]

المعامله الحسنه بين الطرفين حتقرب المسافات

بين الام وزوجه ابنها

الزوجه تعاملها علي انها بنتها وام الزوج تعامل زوجه بنتها علي انها بنتها

حتقرب الطريق

بين الطرفين من دون مشاكل

موضوع قيم نور وجميل

تحياتي لك

[فــــــــــرح]

اه وحابه اقول حاجه كمان من غير محد يزعل
ولا تقليل من قيمة حد والتشكيك في اخلاقيات اي شعب
لكن للامانة مشكلة الحماة وزوجة الابن معرفنهاش غير من اخواتنا المصريات
انا كسعودية مش بنقول لام الزوج ( يا حماتي) ولا ( يا مرت عمي) زي الاخوات السوريات
احنا بنقولها ( يا عمه) احترام وتقدير وفي ناس يا امي بس انا محبش اقول يا امي
غير لامي نور عيني الحمدلله معندناش المشكلة دي
واختي عندها مشكلة مع حماتها معملتش حاجه غير انها قطعت علاقتها هي بس بيها
لكن اولادها وزوجها بيروحوا عندها وهي بتجي عندهم البيت لكن علاقتها بيها رسميه

بس الحياة سهله وحلوه وتمشي بالطناش والتفويت

[big bốss]

اقتباس المشاركة الأصلية كتبت بواسطة ساحر الأحزان المعامله الحسنه بين الطرفين حتقرب المسافات بين الام وزوجه ابنها الزوجه تعاملها علي انها بنتها وام الزوج تعامل زوجه بنتها علي انها بنتها حتقرب الطريق بين الطرفين من دون مشاكل موضوع قيم نور وجميل تحياتي لك

التفاهم و الود والاحترام المتبادل هما الحل بعيدا عن أى مشاكل او ضغوط

نورت يا امجد

[big bốss]

اقتباس المشاركة الأصلية كتبت بواسطة فــــــــــرح اه وحابه اقول حاجه كمان من غير محد يزعل ولا تقليل من قيمة حد والتشكيك في اخلاقيات اي شعب لكن للامانة مشكلة الحماة وزوجة الابن معرفنهاش غير من اخواتنا المصريات انا كسعودية مش بنقول لام الزوج ( يا حماتي) ولا ( يا مرت عمي) زي الاخوات السوريات احنا بنقولها ( يا عمه) احترام وتقدير وفي ناس يا امي بس انا محبش اقول يا امي غير لامي نور عيني الحمدلله معندناش المشكلة دي واختي عندها مشكلة مع حماتها معملتش حاجه غير انها قطعت علاقتها هي بس بيها لكن اولادها وزوجها بيروحوا عندها وهي بتجي عندهم البيت لكن علاقتها بيها رسميه بس الحياة سهله وحلوه وتمشي بالطناش والتفويت

و انتم عندكم الكبسه و احنا معندناش

كل مجتمع له معايير و عادات بتحكمه و مينفعش المقارنه

عامتا انتى جبتى الناهيه الحياه سهله بس احنا إلى بنعقدها

نورتى يا فرح

[فــــــــــرح]

انت وابو اياد عندكم مشكله مع الكبسة ههههههههههههه

بس الطعمية المصرية مالهاش اي *^

[Å Ṁ i ŗ â ® Ṁ ä r Ø]

واحنا مالنا احنا ومال وجع القلب دة
أكيد طبعا لما بيكون في وقت فاضي في اليوم لازم الواحدة يكون عندها دم وتساعد لان حماتها زي امها بالضبط
ودة كلة بيكون موجود لو في تفاهم وحب من الأول بين الزوجين بينعكس على الأسرة كلها
برافوو موضوع مهم يطول الكلام فية