أنا كان مالى ( مسابقة تنشيط الاقسام الأدبيه)

[(طائر الشرق)]

أنا كان مالى

كنت عايش زى كل الناس ماشى وفـ حالى

ده صاحبى وده جارى وده عمى وده خالى

ماشى بين الناس سعيد فرحان لما كنت راضى

بلقمتى وهدمتى وأخر الليل أنام وبالى خالى

أصل أدماغى مش زحمة طلبات عل الفاضى

ولا باصص لحد ده ساكن فل العالى وده واطى

السعاده فـ كل مكان والضحكه من قلب صافى

اتبترت على نعمتى وحلف الشطان ليتحدانى

وسوس فى نفسى الضعيفه لخبطلى حالى

ده راكب عربية وده عنده فيلا وده بياكل غالى

وده عنده فلوس فلـ البنك وده عنده أراضى

وده سافر بره جاب دولارات وداس على الماضى

وأنت يا حزين خليك شقيان لف ودور على الفاضى

ومين يومها وأنا تايه وعن كل حاجه مش راضى

لا عارف أرجع لنفسى ولا أفضل مع الغوالى

وافر تحياتى

عصام

[ويبقى الأثر]

ربنا يبعد عنا الشيطان
ويراضينا بحالنا
يسلم قلمك وحروفك
جميلة

[واد حبيب]

الل ينور عليك ياملك الحروف
بجد روعه
سعيد جدااا بكلماتك والعوده للإبداع من جديد

[ساحر الأحزان]

وما اجمل من البساطه

وحسن الادب

في احترام الذات

احسنت استاذنا عصام

تمنياتي لك بدوام التوفيق

[*فجر الاسلام*]

نشكر المسابقه اللي رجعت ابداعك
ومن رضي بالقليل زاد الحمد لله على كل حال
تسلم ايدك اخي

[(طائر الشرق)]

	المشاركة الأصلية كتبت بواسطة ويبقى الأثر

	ربنا يبعد عنا الشيطان ويراضينا بحالنا يسلم قلمك وحروفك جميلة

أمين يا رب يبعد عننا كل

مكروه وسوء ونعيش

على طاعة الله أمين

شكرآ على الحضور الجميل

[(طائر الشرق)]

	المشاركة الأصلية كتبت بواسطة واد حبيب

	الل ينور عليك ياملك الحروف بجد روعه سعيد جدااا بكلماتك والعوده للإبداع من جديد

انا أسعد ياعم محمد

يا راقى يا صاحب الحضور

الجميل والاسلوب المميز

شرفتنى يا غالى

[(طائر الشرق)]

	المشاركة الأصلية كتبت بواسطة ساحر الأحزان

	وما اجمل من البساطه وحسن الادب في احترام الذات احسنت استاذنا عصام تمنياتي لك بدوام التوفيق

بالفعل ياعم أمجد

البساطه فى كل شئ جميل جمال

حقيقى وراحه لنفس

مرورك أسعدنى يا غالى

[(طائر الشرق)]

	المشاركة الأصلية كتبت بواسطة *فجر الاسلام*

	نشكر المسابقه اللي رجعت ابداعك ومن رضي بالقليل زاد الحمد لله على كل حال تسلم ايدك اخي

والله أنا اللى أشكر ربنا

أنى هنا بين ناس محترمين

ومميزين

فجر الاسلام

مرورك وكلماتك وسام

أعتز بهم

خالص دعواتى

[فداااااااااااء]

اسوء شيء ان الانسان مايرضاش بنصيبه
ويتبع الشيطان في النظر لنعم غيره
لانه بيتحرم من الراحة ويتعب نفسيا
ربنا يجعلنا من الراضيين بما قسم لنا ويرضي عنا
أحسنت التعبير اخى طائر
دام نبض قلمك الجميل