اهلا طلاب الثانويه ماهى كليه العلوم

[د احمد]

ماهى كليه العلوم كليه العباقرة
عايزتدرس طب ومواد طب فسيولوجى وانسجة وخليه وتحاليل كميائيه وطبيه الخ بعد
وتشتغل دكتور تحاليل طبيه في المستشفيات والمعامل وتفتح معمل تحاليل كمان باسمك يبقي مكانك في كليه علوم
لو عايز تدرس صيدله وتراكيب الادويه وتصنيع الادويه والمضادات الحيويه وتشتغل في شركات الادويه زيك زى الصيدلي بالظبط في كل حاجة يبقي مكانك عندنا
لو عايز تشتغل في مجال اطفال الانابيب وتشتغل في المعامل الخاصة باطفال الانابيب يبقي مكانك في كليه علوم
لو عايز تطلع كميائي تشتغل في شركات الادويه او الاسمنت او البترول او السراميك او البلاستك او الاسفنج او الاسمدة او الصبغة الي اخر الشركات يبقي اكيد مكانك في كليه علوم
لو عايز تشتغل في مجال مكافحة العدوى في المستشفيات والمعامل يبقي اكيد مكانك في كليه العلوم
لو عايز تدرس الرياضيات والحاسب والفزياء والفلك والارصاد الجويه واو عايز تدرس الدى ان ايه وتطبيقاته يبقي بردو مكانك عندنا
لو عايز تشتغل في مجال البحث العلمى زى مراكز البحوث القوميه وتطلع عالم من العلماء يبقي بردو مكانك في كليه العلوم

هى الكليه التى يدرس بها كل العلوم الحيه والغير حيه الخاصه بالطبيعه والدراسه طبعا فيها باللغه الانجليزيه في كل الجامعات المصريه
والدراسه على اربع سنوات(نقطة نقاش)




اقسام الكليه الرئيسيه



1- قسم الكمياء الخاصة( special chemistry)
وتدرس فيه كل فروع الكميا من


الكمياء الحيويه

( وتدرس فيها جميع التفاعلات الخاصه بالكائن الحى وخصوصا جسم الانسان
وهى من اقوى الفروع فى الكمياء وتفتح مجلات عمل للمتخصصين فيها مثل التحاليل والادويه
وهى غير موجوده فى كل الكليات كأقسام ولكن تتدرس كمواد في قسم الكميا الخاصة زى الكميا العلاجيه وزى الكميا الحيويه 1 وكميا حيويه 2

الكمياء التحليليه

( ويدرس فيها كل مايخص التحليل الكميائى لاى شئ بالقوانين والمعادلات والنظريات
وتاتى فى المرتبه الثانيه من الكمياء لارتباطها الشديد بالاجهزه التحليليه
ويكون المتخصص فيها قدر على استخدام شتى الاجهزه


الكمياء العضويه


( ويدرس فيها كل مايخص العضويه من تفاعلات خارج الجسم وفى التربه وفى الطبيعه
وهى مرتبطه كثيرا بالصناعه فى مختلف المجالات )


الكمياء الصناعيه


( ويدرس فيها المواد الصناعيه مباشره وبعض المؤثرات والعلاقات فى الصناعه )زى industrial chemistry- اللي بتدرس فيها الصناعات الكميائيه زى صناعة الكميائيه للدهانات والخشب والزيوت

وهناك مواد اخرى كثيره ولكن لن اعرف وصفها بالعربى او حتى اسمها مثل
spectroscopy- sterochemistry- inorganic chemistry - physical organic- quantm- natural product - and more

2 - قسم البيولجى ويندرج تحته اقسام


قسم microbiology الميكرو بيولجى

وده مهم جدا زى الكمياء الحيوى ويختص بدراسه الكائنات الدقيقه (بكتريا وفيروسات وفطريات وطحالب)

قسم zoology علم الحيوان


وده قسم من اقوى الاقسام وتتدرس فيه كل مايخص الحيوان والطفيليات و تشريح ومناعه وفسيولجى وسلوك وتقسيم و وراثه وغيرهم ويختص ايضا بامراض الدم للتحاليل وغيره
طبعا قسم ابحاث ومواد بحثيه


قسم Botony علم النبات

ويختص بدراسه كل مايتعلق بالنبات من تشريح ووفسيولجى نبات واستخلاص الزيوت العطريه من النباتات وتقسيم و وراثه وغيرهم

قسم entomology الحشرات

ويختص بدراسه الحشرات من تشريح وفسيولجى وسلوك وتقسيم و وراثه وغيرهم ويختص ايضا
بمقاومه الافات والحشرات ( الجراد)

قسم الكميا الحيوى ( موجود في بعض الجامعات وليست كلها

وتدرس فيها جميع التفاعلات الكميائيه الخاصه بالكائن الحى وخصوصا جسم الانسانة وتدرس فيها الكميا العلاجيه زى المسكنات وخافضات الحرارة وزىمضادات البكتريا والفطريات والفيروسات والطفيليات
وهى من اقوى الفروع فى الكمياء وتتخصه من بيولوجى وتفتح مجا لات عمل
للمتخصصين فيها مثل التحاليل والادويه

قسم علوم وبحار والاسماك(موجود في بعض الجامعات وليست كلها)
ودة بتدرس فيه كل ما يتعلق بعالم البحار وانواع الاسماك
ودة طبعا شغله في المزارع السمكيه ومجال البحث العلمى



قسم الكميا والميكروبيولوجى
وهو قسم مهم جدا بيملكلك العصايه من النص يعنى انت كميائي وفي نفس الوقت
microbiologist

تدرس فيه كل فروع الكميا السابقة (حيويه وعضويه وتحليله وفزيائيه ) وايضا تدرس فيه كل فروع الميكروبيولوجى السابقة (البكتريا والفطريات والطحالب والفيروسات)

قسم الكميا والحيوان
وهو قسم هجين بين الكميا والحيوان وتدرس فيه علوم كل فروع الكميا وكل فروع الحيوان من الطفيليات والفسيولوجى والامراض الوراثية والانسجة وعلم الخليه الخ

قسم الكميا والنبات
هو قسم هجين بين الكميا والنبات وتدرس فيه كل فروع الكميا وكل فروع النبات من امراض نباتيه ووراثيه

قسم البيوتوكنولوجى (قسم موجود في بعض الجامعات فقط)
DNA تدرس فيه
والخ

قسم الكميا والكميا الحيوى(موجود في بعض الجامعات فقط)
بتدرس نص موادك كميا (صناعيه لعضويه لتحليله) والنص التانى كميا حيوى

قسم الميكروبيولوجىوالكميا الحيوى(موجود فقط في جامعة حلوان)
بتدرس نص موادك كميا حيوى والنص التانى ميكروبيولوجى

3-قسم الجولوجيا
ويندرج تحته
قسم الجيوفزيا
قسم الجيولوجيا والكميا
قسم جيولوجيا اسبيشيل
قسم جيولوجيا بترول(موجود فقط في الاسكندريه والقاهرة وبمصاريف خاصة )



وهوقسم يختص بدراسه سطح الارض ومافيها من معادن وغيره


4-قسم الفيزياء

ويندرج تحته

قسم الفزيا الحيويه (في بعض الجامعات)

قسم الفزيا الاشعاعيه(في بعض الجامعات)



قسم خاص بالتجارب والقوانين والعلاقات الرياضيه والدوائر الكهربائيه


5-قسم الحاسبات والرياضه


وهوقسم تدرس فيه كل فروع الرياضيات والحاسبات



6-قسم الفلك والارصاد الجويه (موجود في بعض الجامعات وليست كلها)
تدرس فيه كل ما يتعلق بالفلك والنجوم والكواكب والارصاد الجويه

[maruma ma7mod]

مشكووووووووو يا دكتور احمد ع التوبيك
شكرا ع الافادة
ف انتظار جديدك
دمت بخير

[sasow]

بجد مش عارفة اقولك اية مشكوووووووووووووور
وانا نفسى ادخل الكلية دى والله بس بيقولولى لا دى مالهاش شغل ادخلى صيدلة احسن ولا اية رايك يادكتور

[رحيق الجنه]

اخيرا لقيت حد بيحب كليه العلوم
شكرا على المعلومات

[Genius]

تسلم ايدك على التوبيك الرائع والجميل

[د احمد]

اقتباس المشاركة الأصلية كتبت بواسطة sasow بجد مش عارفة اقولك اية مشكوووووووووووووور وانا نفسى ادخل الكلية دى والله بس بيقولولى لا دى مالهاش شغل ادخلى صيدلة احسن ولا اية رايك يادكتور

واللهى اللي بيقول صيدله افضل من علوم مش بيفهم حاجة

مجالات علوم كتيرة جدا في يعنى ممكن تشتغلي ككميائيه شركات الادويه والبترول والمياه والاسمنت والسراميك والبلاستك والاغذيه والزجاج والاسمدة والحديد والصلب والاخشاب والزيوت والصابون والمناديل الخ
ودلوقتى في شركات الادويه بقوا بيفضلو الكميائيين عن الصيادله

ممكن تبقي دكتورة تحاليل وتفتحى معمل باسمك وواخصائي اطفال انابيب واخصائي مكافحة عدوى
ممكن تشتغلي ميدكال ريب

دة غير مراكز البحوث بس دى طبعا بالواسطة

وطبعا في المعامل والمستشفيات الخ

[~!blάck spidєя!~]

مشكور اخي احمد..

على الافادة..

وانشاء الله انشوف اجديد..

تقبل مروري

تحياتي

[احلى غزاوية]

كلية العلوم حلوة بس صعبة وادا ربنا وفئني هالسنة بالعلمي اكيد رح فوت تمريض او شي تاني علمي
يسلمو كتيييييييييير

[اميرة حبي انا]

كااان نفسي اعررف حاجه ضروري بجد لو مثلاا دخلت الكليه دي
ودخل قسم بيلوجي الليهو الاحياء وجبت في السنه الاولي والتانيه جيد جدااا ينفع ادخل بعدهاا طب واكمل في كليه الطب عاادي
يااااااااااااااااااااااريت تقولي المعلومه دي يادكتور صحيحه ولا لا بجد انا محتاجه اعرف اوي

[د احمد]

اقتباس المشاركة الأصلية كتبت بواسطة اميرة حبي انا كااان نفسي اعررف حاجه ضروري بجد لو مثلاا دخلت الكليه دي ودخل قسم بيلوجي الليهو الاحياء وجبت في السنه الاولي والتانيه جيد جدااا ينفع ادخل بعدهاا طب واكمل في كليه الطب عاادي يااااااااااااااااااااااريت تقولي المعلومه دي يادكتور صحيحه ولا لا بجد انا محتاجه اعرف اوي

لا انتى ممكن تطلعى دكتورة تحاليل من علوم زي بتاع طب بالظبط وتكتبي علي المعمل الدكتورة فلانه
لان لقب الدكتور اولا لايعطى الا لمن حصل الدكتوراه
لكن مجازا بيطلق علي اي حد بيشتغل في المجال الطبي وحاصل علي درجة بكالوريوس دكتور
.............................
ممكن بعد ما تخلصي بكالوريوس علوم ممكن تاخدى بكالوريوس صيدله بس منصحكيش لان مجالات علوم اشمل من صيدله
يعنى
داخل مصنع الادويه






1 معمل الانتاج لا يجوز ان يعمل بها غير صيادلة وفنيين لان الصيدلى اقرب الى هذا العمل من الكميائى
2- معمل الكمياء يشترك فية الكميائى والصيدلى سواء عن تجربة
3- معمل الميكروبيولوجى لا يعمل بة الا بكالوريوس العلوم قسم ميكوبيولوجى
4- معمل الابحاث والتطوير دى لعبة الصيادلة


5-الاى بى سى ودى ممكن يشتغل فيها كميائيين او صيادلة


6-توكيد الجودة ممكن صيادلة وممكن كميائيين عادىبردة
7-ادارة التخطيط ينفع صيدلى او كميائى وهى موهبة اكتر ما تكون علم حد فاهم حاجة
8-ادارة المخازن ينفع صيلى او كميائى ومحدش يستهزأ بالمخازن دى والله فى قمة الاهمية ودورها جوكر-ومحدش يستهتر بيها بالمخازن دى والله فى قمة الاهمية ودورها جوكر
9- تخصص الفاليديشن validation جديد على مصر وبيندرس فقط برة مصر فى جامعات معينة وفى مصر كورساتة غالية واللى بيفهموا فية فى مصر يتعدوا على الاصابع حوالى 10 بالكتير و اغلبهم كميائيين ودة ممكن يعمل فيى صيدلى او كميائى ترجع للموهبة والقدرة على تنمية المهارات والاطلاع الدورى على كل جديد








خارج مصنع الادويه


1الكميائي يشتغل ميدكال ريب والصيدلي يشتغل ميدكال ريب


2-الكميائي يفتح معمل تحاليل والصيدلي يفتح صيدليه


الكميائي بقي ممكن يشتغل ككميائي في شركات البترول والمياه والاسمنت والاسمدة والاسفنج والصباغة والزجاج والقطن الطبي والمناديل والبلاستك والعصاير والاغذيه والاخشاب والدهانات والسكر والحديد والصلب والملح والصودا والمبيدات الخ

الكميائي ممكن يبقي اخصائي تحاليل او اخصائي اطفال انابيب او اخصائي مكافحة عدوى

هاتييلي بقي فرق واحد بينهم