مفيش بنت في مصر مبتعملش كده 100% هو ده اللي بيحصل

[Mo7aMaD 3aLa2]

معظم بنات مصر
انا بقول معظم((مش كلهم))



اما تيجي الاجازه تلاقيهم


ماسكين التليفون وهات يا رغي
ود ود ود ود ود
ويك ويك ويك ويك
شفتي الواد حمص كان لابس ايه النهارده
التيشرت كان جميل بس الشوز كان مقطوع


بيقولوا البت حماره اتقدملها عريس كويس
اه فعلا ..بس رفسته ؟؟



شفتي فستان اليسا الجديد


هيا صحيح البت زعبله اتخطبت
لا.. اصل عريسها مكنش شبه تامر حسني



اما شفت حته واد النهارده
زي القمر وقعد يبصلي كتيــر
(((وهو تلقيه معبرهاش اساسا )))

وبعد اما تقفل التليفون مع صحبتها او بعد ما تسبها
تقول البت دي كدابه كدب ؟؟
دي اكيد بتفشر عليا في اللي قالتله

وهيا في وشها ازيك يا قمر .. ازيك يا روحي .. .ازيك يا حبيبتي
ويا دوبك تديها ضهرها

البت دي انا مبقبلهاش بس هيا اللي مصممه تكلمني

ويقولوا لك علاقه البنات ببعض اقوي من علاقه الشباب مع بعض
والواحده من دول اما تتعارك مع صحبتها
يادهووووووووووووووووووووووي
تلاقي الملايه اتفرشت واللسان الجميل تحول اللي بندقيهak 47

علي راي عادل امام
فجاه لقيت النسر طار يا خال
والنور اللي في وشه انطفي
وقالي ملكـش فلـوش عنـدي


تخلص مع اصحابها تخش علي الام الغلبانه
ومفيش غير كلمه ((لا)) علي لسانها
و((اشمعني انا..))
متخلي فوزيه اختي هيا اللي تعمل

وياليله سودا لو اخوها قالها اعمليلي حاجه
يا الليله السودا اللي هيشوفها
واما تكون عايزه حاجه منه


اخويا حبيبي ..
فاكر لما قلتلي اعملك شاي من سنتين وعملتهولك
ويا سلام لو ماسكه عليه حاجه
اول ما يزعقلها ..تقوله مش فاكر لما خلتني
روحت كلمتلك البت اياها
هتنفز الامر ولا اقول لبابا ولماما اخليهم يطينوا عيشتك
ونظرا للضغط الرهيب من الاخت يرضخ الاخ البري.. الوديع..
الحالم.. المطيع..الركيك. .لطلبات الاخت المفتريه

خلاص خلصت علي ماما واخوها واصحابها




تخش علي بابا عشان تنكد عليه

عايزه اجيب شنطه جديده

عايزه اغير الموبايل

عايزه واحد كشري بالكبده

المهم انها تقرفه وتقوله هات فلوس بأي طريقه
ويقولك البنات حنينين علي اباهتهم

ومن المطبخ للنت للسرير لmelody
واما تلاقي نفسها اتخنقت من اللي عملته




تخش علي المطبخ وهات يا .....؟
كأنه اسد بيفترس وليمه
وهيا تلاقيها قدامك في الجامعه
منتهي الركه والطيبه والحلم
وتقولها متاكلي تقولك انا ساندويتش واحد يشبعني

طبعا الموضوع دة على سبيل الهزار...محدش يزعل :vb7:

[nody ملكة الحب]

هههههههههههه ما تظلمش البنات معظم البنات مش كلهم انا عن نفسى اقوم من النوم على المنتدى لغاية بليل على المنتدى ممكن اخرج مع اصحابى بس بسيط جدا وتليفونات يعنى ومشكور على الموضوع

[روميو مجنن البنات]

ههههههههههههههههههههههههههههههه
هما فيه وفيه بيعملوا كده
نااايس توبيك

[Mo7aMaD 3aLa2]

ميرسى كتير للرد ملكة الحب وروميو

نورتوا التوبيك

[just (o]

ههههههههههههههههه

بس يعني مش كلهم بيعملوا كده يعني الحاجة الوحيدة اللي متاكده انه كلهم بيعملوها بتاعت لما تزل اخوها دي يعني لو هو من الاول احترم نفسه ونفذلها طلبها ما كنتش فكرته بالذي مضى ههههههه وشكرا ليك

[شاعر الاقصى]

هتعمل ايه بس يا صحبي والكل عايز يحب بس لازم يحبوا بالعقل مش بالقلب

وشكرا لك

[زهرة الفل]

طبعا ده قليل جدا الى كده مش مفيش بنت فى مصر مبتعملش كده بس عندك حق شكرررررررا

[Mo7aMaD 3aLa2]

ميرسى للرد just (o وشاعر الاقصى وزهرة الفل

نورتوا التوبيك اكييييييييييد

[LoLa g]

والله انا متهيا لي ان ده احسن من الولد اللي بيقعد مع صحابه البايزين ويقول شفتوا فلانة كانت

لابسة ايه ولا شفتوا الكليب الجديد بتاع هيفا ولا بصوا البنت الجامدة اللي عدت من شوية(عامة

يعني التوبيك دمه خفيف)

[logaina]

اولا ميرسى على الموضوع بس متهيالى ان حبه صغيرين اووووووووووووووى من البنات الى بيعملو كده وبرضه فى ولاد بيعملو اضعاف من الى البنات بيعملوه ساعتها نبقى ارحم بكتييييييييييييير اوى