منديل ورق

Mo chahin · منذ /07-25-2009, 01:17 AM

إحساس مُهين ...
إنك تكون ...
منديل ورق !
تمسح عرق .. من عــ الجبين
و تشيل تراب السكة
من عـ النضارات
فتشوف ترابها فيك .. علـَق
يرموك بعيد
و كإن عمر وجودك فى حياتهم
ما فرَق !
إحساس مهين ...
إنك تكون ..
فاكر وجودك فى حياتهم
شئ ثمين
و بعد ما تمر السنين ...
تلاقى عمرك راح
ما بين شمالهم و اليمين !
بطـَّل بقى ..
بطـَّل تصدق حد قالك
إنه شايلك فـ العيون
و إن حبك غالى ...
و عمره أبدا لم يهون
صدق و بس غنوة حليم
إن العيون تعرف تخون !
دلوقتى لا فيه حب فـ زماننا ..
و لا يحزنون
لأ أأأ ... فيه يحزنون !!!
*****
دَ كل حرف قاله من الحروف
دلوقتى بقى زى الكفوف
تضرب خدودى عشان افوق
و يا ريت بافوق !
دَ انا لسة قلبى
بينبض ليه بشوق
و كل ما اتذكر كلامه
أقولــّه : يااااااه !!!
دَ انا كنت ليك فى يوم كل الحياة
أنا كنت أهلك ..
كنت أمك .. كنت ابوك
و كنت جنبك لما كل الناس سابوك
لكن يا عيني
وآآآآه يا عيني من الزمان
علمنى إيه طعم الهوان
شوف لما تدى و تدى ...
و تبقى مش مستني شئ ؟
غير إنه يفضل جنبك ..
لكن يسيبك وحدك فى الطريق
و رجعت انا صفر اليدين !
و معايا حبة ذكريات و يــّا الحنين
و مليت انا بيهم بقى ..
خـُفـّى حـُنين !!!

سلمى سام · منذ /07-25-2009, 03:22 AM

تسلم أيدك على الموضوع الجميل

عصفورة مصر · منذ /07-25-2009, 01:10 PM

بسم الله الرحمن الرحيم

اللهم صلى على سيدنا محمد وعلى اهلة واصحابة أجمعين

السلام عليكم ورحمة الله وبركاته

مشكوووووور والله يعطيك الف عافيه

تسلم ايدك بجد رووووعة واحساس جميل اوى

Mo chahin · منذ /07-25-2009, 10:58 PM

شكرا للمرور عصفورة وشكرا ليكى يا احلى سلمى

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
شبط اخر موديل	"لوليتا"	الازياء الاناقة - ملابس شتوية - ملابس صيفية - اناقة - ازياء	1	05-30-2011 11:59 AM
نكت اخر موديل	حسن513	نكت - طرائف - وناسة - فرفشة	3	01-05-2010 03:41 PM
اخر موديل للشوووووووووز	همس القلوب	الازياء الاناقة - ملابس شتوية - ملابس صيفية - اناقة - ازياء	10	11-07-2009 08:08 PM
زوجة اخر موديل	حسن513	نكت - طرائف - وناسة - فرفشة	2	11-06-2009 04:06 PM

الذين يشاهدون محتوى الموضوع الآن : 1 ( الأعضاء 0 والزوار 1)

..{ فع‘ــآآليـآآت المنتــدى }..

الإهداءات

منديل ورق

قسم الخواطر - وهمس القوافى حصرى بقلم الأعضاء