ما نتيجى نفتى و نطلع اشاعات

[أنثـے مًنْ الّخٍـْيـِالْ→♀]

7
7
7






ما نتيجى نفتى و نطلع اشاعات



طبعا العنوان غريب شوية

بس دى دعوة منى اننا نفتى و كمان نتكلم فى اى حاجة منفهمش فيها حاجة



ما تيجى نفتى

على طوووووووول بنلاقى ناس بتطلع اشاعات عن ناس

ملهاش اصل



و طبعا احنا كمصريين الاشاعة من دوول اول لما تطلع

بتنتشر انتشار اسرع من الصاروح



عادى ما تيجى نفتى

اكتر حاجة بتخنقنى اننا نطلع اشاعات ليس لها واقع من الصحة

و طبعا اكتر ناس بيعملوا كده هم اهل الصحافة >> و ان كانت قلة منهم

و لكن السيئة تعم

بتلاقى الصحفى من دووووول يقولك ان فلان مثلا اتجوز علانة و الكلام ده ملوش اساس من الصحة

هدفه ان يشهر نفسه و يشهر المجلة اللى بيكتب فيها



لكن لو اجينا و بصينا ع العواقب للكلام ده هنلاقيها انها لا حصر لها

فمثلا ممكن بسبب هذه المقالة

يفقد فلان اسرته

او تفقد علانة اسرتها

و ان .......... الخ







عادى ما تيجى نفتى

و الاهم من المهم فتاوى الناس اللى بيسموا نفسهم شيوخ و هم اساسا لا يمس لهم اى صلة بهذا اللقب

فتاوى بيخلوا الواحد مش عارف اذا كان هو ماشى غلط و لا غلط



تلاقى الواحدة بتسأل الشيخ فى التليفزيون فى قناة ما عن سؤال ما محيرها

تلاقى الشيخ بيقولها ده يجوز



و لما تقلب و تلاقى شيخ تانى تساله نفس السؤال

تلاقى الشيخ يقولها لا ده يجب



و نفس السؤال تساله لشيخ تالت

تلاقى الاجابة بامتناع الامر الفلانى





طب ايه الحل

من الاشاعات و الفتاوى التى لا حصر لها و لا فائدة منها



بالنسبه للفتوى فعلا دى حاجه مش لذيذه على الاطلاق ولا كويسه

معلومه انا عارفاها واتسألت فيها مثلا اجاوب طالما انا واثقه فى الاجابه

لو مش مواثقه فيها ربع فى الميه مقولهاش اساسا

لانها لو طلعت غلط انا اللى هتتحمل مسئوليتها

وياريت فعلا كل الناس متقولش اى حاجه الا وهى واثقه منها

وللاسف الاشاعات حتى بتكتر مع الصحفين بيبقوا عايزين يعملوا دعايه وشهره على الفاضى

لكن للاسف هو بيبصوا من جانب واحد بس ان انا لما انزل خبر جديد فى جريدتىمثلا وميكنش حد تانى منزله انا اللى مبيعاتى هتكبر اكتر واكتر

لكن مش بيبصوا للجانب الاخر المصداقيه لان لو اتضح ان الخبر اللى نشره الصحفى ده كان غلط او للشهره مش اكتر هو هيخسر مصداقيه القارئ

ممكن هيكون كسب حاجه لفتره صغيره بس للاسف هيخسر حاجه اكبر وهتبقى على طول

[SiLver Spectra]

إنتي عارفه المشكلة مش في الإشاعة بقدر ما المشكلة في الناس إلي بتنقل الإشاعات و بتصدقها

يعني عندي واحد مثلا على الميل

كل يوم يبعتلي رسالة....أوعى ترد على اي رقم بيبدأ ب015 دا بيسبب سرطان

و ما تشتريش المنتج الفلاني دا بيسبب معرفش ايه

و النهارده آخر حاجه بيقولك إن الرسام إلي رسم الكاريكاتير في الدنمارك مات محروق و إنشر الخبر دا عشان في واحده حلمت إن إلي هينشر الخبر دا هيجيله خبر سار و العكس إلي مش هينشر هيجيله خبر سيء !!!


و الله كله كلام أطفال

زي لما كانت الأمهات بتقول لعيالها (مالتعبوش بالنار عشان إلي بيلعب بالنار بيعمل كذا و هو نايم)

نفس الاسلوب...بس هنا اسلوب إغراء و تحذير من عدم نشرك للرسالة أو الإشاعة

المهم إني سألت مره الشخص دا بقوله يا عم دي كلها إشاعات إنت بتصدق الكلام دا

قالي أهو الواحد ياخد الحذر برضو!!!

الرد و المبرر طبعا غريب

إني أنشر أي حاجه عشان آخد الحذر!!


أما بالنسبة لجزئية الإفتاء في الدين

فمعلش على التعبير...في أحيانا شيوخ كبار و بيجوا يفتوا في قضية علمية مثلا ما يعرفش فيها حاجه و يفتي غلط

و أحيانا المذيع بيعد يحاول يوضحله الحاله أكثر...تلاقي الشيخ أخدها بعند لا حرااااام

شوفي يا طمطم...بيقولك دايما استفتي نفسك

يعني لو إنت فكرت في الحاجه كويس ممكن توصل لدرجة كبيره من المعرفة ما إذا كانت حرام أو حلال

و لازم نختار الشخص إلي نلجأله

مش أي حد نسأله

أسهل شغلانه تشتغلها هي إنك تضحك على الناس بالدين!!

فلازم الواحد يخلي باله و ما يصدقش أي كلام يتقال و يحاول دايما يفكر و ما يستناش حد عشان يفكرله مهما كانت الحجه

لا تقولي دا دارس أو عالم

في الآخر هو بني آدم و له عقل ...زي ما أنا ليه عقل

و وارد إنه يخطأ بنسبة كبيره




شكرا على الموضوع الرائع يا طمطم

دوام الإبداع و التميز

تحياتي...

[nooody]

سمعتى قبل كدة يا طمطم عن

حاجه اسمها ميثاق الشرف الصحفى

تقدرى تقولى عليه قانون يكفل حريه التعبير او النشر

وفى نفس الوقت يلزم بعدم الخروج عن الاداب او الاخلاق

او التعرض للاديان او الاعراض.

ودة جزء من نص الميثاق اللى له علاقه بموضوعك

الالتزام بما ينشره بمقتضيات الشرف والأمانة والصدق بما يحفظ للمجتمع مثله وقيمه وبما لا ينتهك حقا من حقوق المواطن او يمس احدى حرياته


وللاسف معظم الصحفيين مش ملتزمين بالكلام دة خالص

تحقيق السبق الصحفى سواء لانفسهم او لجريدتهم اصبح

هدف فى حد ذاته بدون التفكير فى اى اعتبارات.

يعنى الصحفى يرتكب جريمه لو حاولى ينشر اى معلومات

عن الاسرار الشخصيه لاى فرد لانه بكدة بيكون انتهك

ميثاق الشرف الصحفى.

بس الكلام دة تقريبا مش بيطبق

انتى مكن تلاقى اخبار الفضائح وفلان اتجوز فلانه ..... الخ

منتشر جدا فى فئه من الصحافه احنا بنسميها الصحافه الصفراء

موادها الاخباريه تعتمد بصفه اساسيه على اخبار الفضائح

عشان تحقق المكسب المادى وتحقق اكبر نسبه من

المبيعات.

وبما ان حق القارىء فى المعرفه هو جوهر العمل الصحفى

يبقى الصحفى عليه مسئوليه كبيرة فى جمع المعلومات

من مصادرها الصحيحه ونشرها مع الالتزام بالمصداقيه

والا ما يستاهلش انه يتحمل مسئوليه زى دى

تقديرى لموضوعك

[قلم بلا حبر]

ده جانب واحد من الحقيقه يا طمطم

احيانا الاشاعات بيكون ليها مغزى او مكسب تانى بيسعى وراه الشخص اللى حتطلع عليه الاشاعه نفسه

ياما فنانين كانوا سبب الاشاعات اللى طلعت عليهم لتحقيق نجوميه ,,, او توزيع اكبر للالبوم ,, لدرجة ان مطرب ادعى على نفسه المرض بفيروس خطير علشان البومه يوزع اكتر
وده بيحصل كتير فى الوسط الفنى والسياسى ,,, فى محاوله لنفض الغبار من على اسمه لو كان فنان او محاولة جذب الراى العام لو كان سياسى

ومع اختلاف الطبقات بتختلف الطريقه لكن فى النهايه الحقيقه الكامله بتقول مش بس الاشاعه ممكن تكون ضرر للشخص بس ,,,

لا كمان ممكن هو يحاول يصنعها لتحقيق مكسب ادبى او معنوى واحيانا مادى

بالنسبه للفتوى ,, فبرضه نص الحقيقه هى اللى ظهرت فى موضوعك

لان احيانا ,,وانا بسمع برنامج ويكون فيه اتصال ,, بييجى عندى اسئله كتير

اولها ,, مين اللى بيتصل ,,, وهل اللى بيقوله صحيح ,, والآهم هل هو مسلم ام لآ ؟

تلات اسئله ,, ومحدش يقول نفترض حسن النيه

لان معظم الشبهات الىل ظهرت فى الفتره الآخيره كانت نتيجة اتصالات

واحيانا بحس ان السؤال مش سؤال دى قصه والمفروض نصدق انها امر واقع وحصلت فعلا

يعنى كون انه يكون فى عذر للمشايخ ده موجود ,,, بس فعلا العذر مش مقبول للنوعيه دى من البرامج اللى بتتلقى شبهات فى الدين من شخصيات مجهولة الهويه والانتماء

لو عايزين نشوف الحقيقه ,, حنضطر نبص من كل الزوايا ,, حنلاقى ان الحياه فيها الىل بييجى على بالنا وفيها اللى من ورا الكواليس ,,,

موضوع مميز يا طمطم

بالتوفيق

تحيااااااااااااااااااااااتى"""""""

[BANOTA COOL]

عندك حق يا طمطم

بس لما الصحافة لما هتكسب على الخبر دة هتفقد فعلا المصداقية بتاعتها

وبالنسبة للشيوخ انا رايى ان يكون فى مفتى واحد بس ولة مساعد لة نفس الفكر

بس اصلا ديننا كلة لم يترك القران الكريم فية زرة الا وقد قيلت والسنة النبوية مفصلة ذلك

فاذا اتبعنا القران والسنة والمفتى والشيخ الوحيد سوف يسبت ايماننا انشاء الله

تقبلى مرورىى اختى طمطم

[countess]

شكررررررررررررررررررررررررا فعلا الا يشا عات والفتاوى مالها حل ابدا وفعلا المشكله في الناس اخر اشاعه سمعتهاان البصل ضربينوه ابره وهادي الا بره فيها مرض الايدز استغفر الله ايه ده

[Mo7aMaD 3aLa2]

اها الناس اساسا بتفرح بالاشاعات دى...ومش بس كدة

دة كل واحد بيزود حاجة من عندة كدة...بيحط بصمتة يعنى..ههههه

والغلط مننا احنا لاننا بنصدق اى حاجة من غير دليل

والاشاعات دى اتسببت فى مصايب كتير جداااا..وكل دة سبب الناس اللى بتنقلها وبتنشرها

الناس دى كمان دورها اكبر من الصحافة فى نشر الاشاعات

لكن بردة ارجع واقول العيب فينا ان احنا بنصدق...لان اى حد ممكن يقول اى كلام الكلام مش فلوس زى ما بيقولوا

وميرسى ع التوبيك

[احلى ابتسامة]

مشكوووووور والله يعطيك الف عافيه

[احلى ابتسامة]

سبحانك اللهم وبحمدك ، أشهد أن لا إله إلا أنت أستغفرك وأتوب إليك

[أنثـے مًنْ الّخٍـْيـِالْ→♀]

اقتباس إنتي عارفه المشكلة مش في الإشاعة بقدر ما المشكلة في الناس إلي بتنقل الإشاعات و بتصدقها يعني عندي واحد مثلا على الميل كل يوم يبعتلي رسالة....أوعى ترد على اي رقم بيبدأ ب015 دا بيسبب سرطان و ما تشتريش المنتج الفلاني دا بيسبب معرفش ايه و النهارده آخر حاجه بيقولك إن الرسام إلي رسم الكاريكاتير في الدنمارك مات محروق و إنشر الخبر دا عشان في واحده حلمت إن إلي هينشر الخبر دا هيجيله خبر سار و العكس إلي مش هينشر هيجيله خبر سيء !!! و الله كله كلام أطفال زي لما كانت الأمهات بتقول لعيالها (مالتعبوش بالنار عشان إلي بيلعب بالنار بيعمل كذا و هو نايم) نفس الاسلوب...بس هنا اسلوب إغراء و تحذير من عدم نشرك للرسالة أو الإشاعة المهم إني سألت مره الشخص دا بقوله يا عم دي كلها إشاعات إنت بتصدق الكلام دا قالي أهو الواحد ياخد الحذر برضو!!! الرد و المبرر طبعا غريب إني أنشر أي حاجه عشان آخد الحذر!! أما بالنسبة لجزئية الإفتاء في الدين فمعلش على التعبير...في أحيانا شيوخ كبار و بيجوا يفتوا في قضية علمية مثلا ما يعرفش فيها حاجه و يفتي غلط و أحيانا المذيع بيعد يحاول يوضحله الحاله أكثر...تلاقي الشيخ أخدها بعند لا حرااااام شوفي يا طمطم...بيقولك دايما استفتي نفسك يعني لو إنت فكرت في الحاجه كويس ممكن توصل لدرجة كبيره من المعرفة ما إذا كانت حرام أو حلال و لازم نختار الشخص إلي نلجأله مش أي حد نسأله أسهل شغلانه تشتغلها هي إنك تضحك على الناس بالدين!! فلازم الواحد يخلي باله و ما يصدقش أي كلام يتقال و يحاول دايما يفكر و ما يستناش حد عشان يفكرله مهما كانت الحجه لا تقولي دا دارس أو عالم في الآخر هو بني آدم و له عقل ...زي ما أنا ليه عقل و وارد إنه يخطأ بنسبة كبيره شكرا على الموضوع الرائع يا طمطم دوام الإبداع و التميز تحياتي...

ازيك يا طرووووووق

دايمااا كده ردك بيدى روح للمواضيع

اولا عندك حق ان العيب من الشخص اللى بينشر الاشاعة عن طريق الميلات و غيرها

و الله بسبب الميلات اللى من الشكل ده اللى بتيجى لى انا بقفل النافذة بتاعتهم من غير قراءة عشان موجعش قلبى
:cv23:

و فعلا لازم الواحد منا يكون عنده لمحة ذكاء فى الناس اللى بيسألهم
:771:
و يعرف اذا كان هو ده الشخص الصيح الللى المفروض اسأله و لا لأ
:543:

يسلمووو طارق ع الرد:hayth1: