عايزه رأيكو

[meerna]

سلامو عليكم

انا حزينه اوي وحاسه بتأنيب الضمير حقولكو ليه؟؟

اتخانقت انا وبابا عشان هوا رافض يشتري ليا عربيه جديده
مع انو قادر يشتري

المشكله تفكيره بتاع زمان بيقول البنت مالهاش في السواقه الا لما تتجوز
مع العلم انني بالجامعه
وكل صحباتي عندهم عربيات وهما اللي بيوصلوني>> احراج

وبابا عاجبو كده طيب ايه الفرق لما اكون انا اللي بسوق؟؟

وقعدنا نحكي كتير وهو مش مقتنع انا تنرفزت
ورحت قايله
لبابا انتا باين عليك كبرت وخرفت
بابا عصب جدا انا رحت جري للغرفه لحسن يجرى حاجه اكبر

بجد ندمانه ع اللي قلتو ومش عارفه اعتزر لبابا ازاي؟

اتمنى تساعدوني ازاي اقنعو واراضيه كمان...


ومتشكره...

[دبدوبة الحبوبة]

لالالالالالالالالالالالالالالالالالالالالالالالالا لالا

هو انتي لسة بتفكري تقنعيه


بجد عيب اوي


انتي تبوسي ايديه ورجليه وتقوليله انا اللي خرفت عشان قولتلك كده

انتي لسة بتفكري في عربية بجد تهرييييييييييييييييج

انا اسفة انا هسكت احسن عشان لو اتكلمت معاكي جد انا هحسسك بتأنيب الضمير اكتر

كبرت وخرفت !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!1

كبر وهو بيربيكي وفي الاخر طلع بيخرف !!!!!!!!!!!!!!!!!!!!!!!!!!!!!!!!!!!!!!!!!!!!!!!

رضاه سهل انتي اطلبيه وهو هيسامح بس ماتطلبيش اي حاجة بعدها العربية يعني انسيها عشان رضاه الدنيا مش هتخرب

[rOsy]

الجمله صعبه جدااااا ان بنت تقولها لابوها
بصي بدون التدخل في امور تانب ضميرك اكتر انا بقترح عليكي
انكي تدخليله في وقت يكون مبسوط فيه يعني موده كويس ومتطلعيش من عنده الا لما تكون الامور تمام
حتي لو وصل بيه الامر انه يضربك امسكي اعصابك واصبري
اوكي
وكمان انا واثقه بعد ما الامور تهدي هتلقي داخل عليكي بالمفاتيح ^^

[aasheq hearts]

ههههههههههههههههههههههههههههههههههه
ايه يابنت اهدى شويه مش ينفع تقولى لباباكى كده خالص خصوصا انك عاوزه تقنعيه بحاجه يعنى اعملى زى ما انا بعمل خليكى كويسه معاه على الاخر هتلاقيه اتغير كتير وهيجيب ليكى العربيه الى انتى عوزاها انا بصراحه مش معاكى فى حكاية انك تجيبى عربيه وانتى تسوقيها انا عندى اخت بخاف عليها جدا انها تسوق اقتعى بابا وقوليله انه يجيب العربيه وسواق عشان يوصلك وهو هيوافق على طول وبعد كده تبقى تاخديها لوحدك بمزاجك اسالى مجرب واتمنى انك تعتذرى ليه دلوقتى حالا ومش تنسى ان الناس بتعة زمان دى مهما كان تفكيرهم افتكرى انهم ناس عظيم لان هما الى بيعملو كل حاجه لينا مش تنسى الكلام ده ابدا

[meerna]

متشكرين جدا على مروركم

وزي ماقلتلكو الكلمه المهببه
اللي قلتها بجد معرفش ازاي طلعت معايا

المفروض بابا أقل حاجه كان يعملها يديني كف على وشي


وهو قايم النهارده بصراحه مش قادره احط عيني بعينو بعد الكلام ده مليش وش من الاساس


بس الاكيد اول مايرجع حعتزر لو وأبوس ايديه ورجليه
وبلاش عربيه د الوقت اهم حاجه رضاه






اسعدنتي ردودكم

[rOsy]

ابقي طمنينا يا قمر عملتي ايه ؟؟

[الضحية البريئة]

ليش هيك يا بطة كان لازم تمسكي اعصابك وتحاسبي على كلامك قبل ما طلعت منك هيك كلمة
بجد صعبة للي رباكي
اطلبي منه السماح وهو حيسامحك ده بابا ابو قلب كبير تحياتي

[حنونة]

انت اتهبلتي ولا ايه في حد يكون عاوز حاجة ويقول كده
انا بنصحك تعتذريله في اقرب فرصة
ولما تكوني عاوزة حاجة لازم تتحايلي عليه
مش تقوليله كلام زي ده

[ميرنا1]

صعب اوي الي قلتية ...بس استسمحية وهوة ان شاء الله هيسامحك

[همس ايمان]

مفيش حاجة فى الدنيا كلها تستاهل انك تخلى بابا ينام وهو زعلان . عربية ايه اللى تخليكى تعملى كدة كفاية النعم اللى انتى عايشة فيها وفيه ناس كتير اقل منك انتى تحمدى ربنا على وجوده معاكى واقل حاجة انك تعتذرى وتحاولى بكل الطرق انك ترضيه رضى الاب من رضى الرب ( وصاحبهما فى الدنيا حسنة ) ( ولا تقل لهما اف )( وقل ربى ارحمهما كما ربيانى صغيرا ) ده كلام ربنا
وهو بقلب الاب اكيد هيسامحك الاب دايما يسامح بس متتكررش تانى

يا ريت تفهمى كلامى ومتزعليش منى

ربنا يهدكى لما يحب ويرضى