سؤال مهم جدا جدا بالنسبالي

[يويو1411]

هاي يا جماعة عندي سؤال مهم جداا بالنسبالي وبالنسبه لكل المصريين العيشين خارج مصر وياااااريت كل اللي يعرف الجواب يقوله
هو إيه شكل رمضان في مصر ؟؟؟لاني محضرتش ولا سنه رمضان في مصر وكل اللي اعرفهم وحضروه يكتفوا بجواب (انه روعه ) ونفسي اعرف التفاصيل
وكل سنه وانتم طيبين

[بـــوســـي]

وانتي طيبه يا قمر ..

بس انا عمري ما حضرتو ف مصر ..
انا برا ع طوول ..بس الي اعرفهم بيقولو جمييل اووووي

[NERA 31]

الرمضان فى مصر جمييييييييييييييييييل خاصة لو بتنزلى تصلى التراويح فى المسجد بجد بيكون ليها احساس جميل جدا وساعة الفطار بتكون الشوارع فاضية خالص وبعد كده بتكون مليانة بالناس وهى رايحة تصلى وقبل الفجر بتكون المساجد مشغلة قران واحيانا بيعدى مسحراتى وبعد كده نبدا نتسحر وفى العشرة الاواخر بننزل نصلى التهجد
بصى انتى مش هتحسى بيه غير لما تعيشي الجو بنفسك
يارب اكون قدرت اوصفلك

[البراءة]

شهر رمضان في مصر ده بيبقى جميل جدا ساعه الفطار مش بتلاقي حد خالص في الشوارع وبعد كده تلاقيها مليانه بالناس اللي رايحين يصلوا وبعد الصلاه بتلاقي الاطفال ملوا الشوارع ويقعدوا يلعبوا بالفوانيس وياسلام على صلاه التراويح دي بجد احساس جميل جدا جدا جدا

[منال ابوالوفا]

كل الكلام اللى اتقال قبلي صح احساس جمييل بلمة الاهل مع بعض كلهم في مكان واحد لحظة انتظار المدفع عشان الكل يفطر وخصوصا الاطفال لما يكونوا صايمين زي الكبار بتبقى حاجة جمييلة جد وصلاه التروايح حاجة جمييلة وهو اكيد عشان شهر في السنة فالواحد بيشتاقله خاالص
ربنا ان شاء الله يحسسك بطعم رمضان في مصر

[tarek ramadan]

اجمل حاجه فى الدنيا
ممكن تلاقيها

[المها]

احنا في السعوديه رمضان حلووووو واجواء فعلا رمضانيه

بس بصرااحه اشتقت اكون في مصررر في رمضان

من خلال وصفك ياالبرنسيسه

تقبلووو مروري

[صمتى لغتى]

ياااااااااااااااه رمضان فى مصر روعه طبعا
وخصوصا وقت الفطار وهى الناس كلها بتساعد بعضها وكلها مع بعضها
دى اجمل حاجه فعلا
مشكوره يا قمر على التوبيك
تقبلى مرورى

[yasmine refat]

والله يابنتي حتى أنا نفسي أعرف**

بس كل بلد لي جوه المميز**

ينقل للمكان الأنسب

أختك

[شموسه]

بصراحه انا من ساعة ما رمضان بييجى فى الدراسه وهو صعب جدا لاننا بنروح المدرسه ونرجع ننام نصحى على الفطار ونفطر ونذاكر وننام بدرى ونتسحر بدرى لكن لو فى الاجازة بيبقى احسن حاجه المسلسلات واللمه على الفطار وكمان تحسى ان فيه حاجه كده جميله وطابع خاص موجود واعتقد ان ده فى مصر

بس ان شاء الله لما هيكون رمضان فى الصيف تروحى مصر وتجربى بنفسك وتحكيلنا عن تجربتك ورمضان عامة جميل وهو شهر مبارك واحسن شهر فى السنه

وربنا يجعل رمضان جميل عليكم كلكم