يا مصرى أصحى وفوق

[حميد بدوى]

يا مصرى اصحى وفوق
وخلى عندك ذوق
طالت نومتك
وواعى تحضر وانت عايش دفنتك
اوعى تنام فى الخط
وتقول اللى عايزينة هيكون
وانت اية فى الكون
قوام واصحى واصرخ وقول كلمتك
يا مصرى امتى هتتحرك
خمسين سنة صوتك بيتزور
يا مصرى اصحى وفوق
وخلى عندك ذوق
عمر التغير ما هايجى من فوق
لازم انت تتغير
اوعى تقول كدا رضا
وانت مش لاقى القوت
اوعى تقول عيشة واخرتها الموت
اوعى تقول احنا غلابة هنرحوا فين
فى بطن الحوت
اوعى تخاف من شومة او من نبوت
يا مصرى شمسك منورة
وانت مضلم
اتعلم من الشمس اتعلم
اوعى للظلم والذل والقهر تسلم
لسة فية امل بس انت اتكلم
قول دى بلدى بتموت قدامى
مقدرش يا ناس اتحمل
انطق اصرخ اتكلم
اوعى تسمعلهم بيقولوا انجازات
على ورق لو تعرف الحقيقة قلبك ينحرق
هتفضل لحد امتى راضى ان بلدك تتسرق
اوعى تصدق كلمهم
ان البلد فقيرة
والناس كتيرة
طيب ما يسيبوا البلد
انما لا الاب بيجيب الولد
مش ناوى اعمل حاوى
واقولك بص لنص الكوب المليان
واحنا فى بلد الامن والامان
كل دة كلام فاضى
انا شايف البلد بتموت قدامى
عايش مدفون فى قبرى احلامى
مستنى صوتك فى منامى
مستنى صوتك فى منامى
اوعى تصدق انهم اشغال شقة فى حب البلد
هما اشغال شقة فى شفط البلد
الاب بيجيب الولد
وانت واقف صنم
ملكش اى دور
عايش طنبور
داحتى الطنبور بيدور
وبيروى الارض البور
بس لازم حد يدورا
ولو حتى واقف مزورع
اطرح فروع من نور
علشان نتغيروا
اوعى تصدق ان احنا بنتقدموا
من يوم ما بينينا الهرم
واحنا فى كبارى ونفق
وعايزينا قال اية نحلموا
لازم نحلموا ان احنا لازم نتغيروا
يا مصرى اصحى وفوق
وارفع راسك فوق
وخلى عند ابوك ذوق
نايم فى الخط من يوم حتحوت
ليوم الموت
وزى مارحت زى ما جيت
بس هاتتحاسب على السكوت
تعالى نغيروا شكلها
تعالى نرسموا بسمة تملأ وشها
بدل الدموع اللى ملية قلبها
تعالى انا وانت نغيروا شكلها
يا مصرى لية الخوف مموتك
يا مصرى اصحى وفوق
وسمع العالم غنوتك
اتظاهر اغضب اطلب حقك
اوعى تخاف من مسئول
المسئول اللى لازم يخاف منك
المسئول بيشتغل عندى وعندك
يا مصرى اصحى وفوق
وخلى عندك ذوق
طالت نومتك
اوعى تحضر وانت عايش دفنتك

[Transporter]

بسم الله الرحمن الرحيم
السلام عليكم ورحمة الله وبركاته



مشكور يا حميد على الدفعة الحماسية

[البرنس رامى]

اخىى حميد بدوى

معروف كتاباتك حماسيه

وكلمات معبره وحقيقيه

ومين مش بيحب مصر

الحرامى بيحب مصر والفقير بيحب مصر والغنى بيحب مصر

والناس صاحيه وفايقه مش نايمه فى الخط ولكن ربنا بيقول اسعى ياعبد

مش بلط فى الخط

وعموما يا عبد الحميد يابدوى بتمنى لك حيااة سعيده وبتمنى الحماس يكون فعال

[حميد بدوى]

هى فين الناس اللى فايقة والنبى شاور عليهم نفسى اشوفهم نفسى ابوس ايديهم
احنا شعب مبلط بجدارة واسال عن الغاز واسال عن العبارة ويكفى المستشفيات تدخل زيارة
تطلع متعبى فى شكارة بقينا اخر شعوب الارض الظلم فرض
اشكرك على العموم ويارب مصر تتساهل تكون احلى من كدا الف مرة

[عبد الحميد بدوى]

مممممممممممممشششششكورررر

[ڪــــبرياء الروح]

اابدعت وسلمت لما تكتب



بس رى بكل مكان حلو ووحش

مش كل الامكان حلوة ومش كل الامكان وحشه


اذا نظرت لجاااانبك المتشاااااااائم منه

حاول ان تبحث عن الامكان الرااااااااائعه وسوف تجدها

[عبد الحميد بدوى]

هى فين ايتها الجميلة