العيب فى مين ؟؟؟

[hema elngm]

بسم الله الرحمن الرحيم
@@@@@@@@@





كل واحد فينا لية عقل بيفكر بية ديماا احيانا بيكون صح واحيانا بيكون غلط

بس احيانا بيشوف حاجات صح بس الواقع بيقول انها غلط والعكس صحيح طبعا

بمعنى الانسان بيفكر ديماا فى البيئة المحيطة بية


فمثلا


اسمع عن حادثة لرجل من رجال الشرطة (سرق _ قتل ) المهم انو استخدم السلطة

انا بشوف انو غلط ومع ذلك بلاقى المجتمع بيقول انو صح بحجة (اننا فى عصر السلطة والقوة)



سمعت عن دكتور مارس الرذيلة مع المرضى فى العيادة

والحجة كانت ان زوجتة قالت .........


المدرس والطالبات والحجة كانت انو مش معاة يتجوز


اسمع عن فكهانى قتل اخوة حدفة من الدور ال 3 عشان ضيع 5 جنية


وكتير من الجرائم كتير من الفساد قدام عنينا بس الاكتر من كدة والاصعب

لما تلاقى القوة فوق القانون .......( ناس بتموت بلا تمن)
بس برضة برجع ادور تانى فى السبب واقول العيب فى مين؟؟؟؟


فى الحكومات اللى مش عارفة تظبط البلد صح؟؟

فى الاجيال اللى قبلنا اللى ربت الجيل دة؟؟

الفقر والجهل سبب رئيسى لانتشار الكلام دة؟؟

السينما ليها دور انها بتسهل عمليات القتل والاغتصاب والجريمة ؟؟


تفتكرو مين السبب فى كل دة وتفتكرو العيب فى مين؟؟؟؟
موضوع معقد لحد ما بس الواحد لازم يتكلم ........ اتمنى المشاركة من الاعضاء

[smsma666]

موضوع جميل
وبالنسبه للسؤال العيب فى مين ؟؟
من وجهة نظرى ان العيب فينا احنا لان بنترك عوامل كتيره تاثر علينا زى الفقر
صحيح الفقر بيبقى قاسى على ناس كتير لكن مفروض انهم يتغلبوا عليه مش معقول اى حد فقير يروح يسرق واحد غنى وممكن توصل انه يقتل حد بحجة انه فقير ومش معاه فلوس
ربنا سبحانه وتعالى بيعطى كل شخص رزقه بس المشكله اننا مش بنكتفى والنفس البشريه دايما مش قنوعه
يعنى باختصار هى مسالة قناعه مع العلم ان فى ناس فقراء كتير بس عمرهم ما فكروا فى قتل وسرقه وكلام من ده لان نفسهم راضيه بما قسمه الله لهم

واكيد السينما لها دور كبير فى كده يعنى لما شاب عنده 17 سنه مثلا ويسمع فيلم قتل واغتصاب وسرقه وان البطل عمل كل اللى هو عايزه اكيد هيكون جواه ميول انه يعمل حاجه زى كده بس طبعا بتختلف عن شاب لاخر

شكرا على الموضوع الجميل
وبالتوفيق

[lolla]

موضوع جميل يا ابراهيم

والاسباب كتيرة اوى

وصعب ان احنا نحصر كل الفساد الى بنشوفه فى سبب واحد

بمعنى ان كل الاسباب الى ذكرتها كانت طرف فى المشكلة

ومبدأيا كدا العيب فينا

لأن احنا الى صنعنا الظروف دى او على الاقل لم نواجهها

زى الجهل او الفقر والعنف وغيرها وغيرها

دا غير ان احنا بعدنا اوى عن ربنا وعن تعاليم الاسلام

وكل الحاجات الى انت ذكرتها دى مجرد مبررات

يعنى الى قتل اخوه عشان 5 جنيه

هل هو فعلا قتله للسبب دا ؟؟!

اكيد لأ .... لكن الحقيقة ان الانسان دا عنده خلل نفسى وخلقى وكل حاجة

يعنى بلاحظ ان الناس مش طايقة بعضها وخلقها ضيق جداااا

عشان كدا كل خمس دقايق بتلائى خناقة فى الشارع وياسلام لو الدنيا زحمة !!

وبنسمع عن الى ضرب ابنه الصغير لغاية ما موته لأسباب لا تذكر

وبالنسبة للسينما فى دراسة بتقول

ان كل ما افلام العنف زادت فى بلد بيزيد معاها

اعمال العنف بين اهل البلد دى

واخيرا فى ابيات شعر انا بشوف ان هى بتلخص كل الى احنا فيه

نعيب زماننا والعيب فينا وما لزماننا عيب سوانا

ونهجو ذا الزمان بغير ذنب ولو نطق الزمان لنا هجانا

وليس الذئب يأكل لحم ذئب ويأكل بعضنا بعضاً عيانا

شكرااااا ليك

وفى انتظار جديدك

[حروف مبعثره]

العيب فى فينا خروج الامور عن سيطرتنا
العيب فى الى بيتسرع وبيالغ فى رد فعله
العيب فى الى بيعلق غلطه على شماعة الاكاذيب
العيب فى الى حذف الوازع الينى من حياته بااعتقاده اننا بعصر التقدم ولا بد من التحضر>> على اى اساس بيفكر مش عارفه

العيب فى الى سلم نفسه للشيطان وابتعد عن ربه
العيب اننا نبرر اخطائنا


تحيااااتى لكى

[hema elngm]

الله عليكم بجد كلامكم كلو تماااااام كل عضوة وضحت وجهة نظر سليمة

وقالت نقط اضافية للموضوع يا ريت الكل يشاركنا

وربنا يستر علينا من الزمن دة بجد بقيت اشوف عجايب

وانتظرو مشاركات اكتر باذن الله

[H&H]

بيكون من قلة الايمان او عدمه

وكمان السينما لها دور

بدل ما تكحلها تعميها

وكمان وساوس الشيطان

والنفس الاماره بالسوء

لكن بادعي واقول يارب اهدينا

لانه وحده من يستطيع ذالك

الموضوع بجد يستاهل

[hema elngm]

استمعت نيابة البساتين أمس إلى اعترافات الطالب المتهم بقتل صديقه النقاش، أفادت التحقيقات وتحريات المباحث بأن المتهم أشهر سلاحا أبيض وراح يهدد المارة به فى الشارع، بعد أن حلق شعر رأسه تماما مقلدا شخصية «إبراهيم الأبيض» فى الفيلم السينمائى وعندما تدخل الضحية لمنعه سدد له طعنات، نقل على إثرها إلى مستشفى قصر العينى ولفظ أنفاسه،




ودا خبر يا جماعة من المصرى اليوم . انا شفت الخبر بعد ما كتبت التوبيك

دا بجد نموذج لدور السنما فى الفساد اللى احنا فية وطبعا فى نماذج كتير واخطر

[الاء احمد]

مشكوررر على موضوع جميل

وانا بقول عيب موجود بكل ناس

[hema elngm]

اقتباس المشاركة الأصلية كتبت بواسطة الاء احمد مشكوررر على موضوع جميل وانا بقول عيب موجود بكل ناس

مرسى يا جميلة على مرورك

[حنونة]

العيب فينا بقى
و الفقر المفروض اننا نصبرله
ولا ايه يا نجم
دلوقتي الاخ بيقتل اخوه عشان الفلوس
الناس بتقتل فخلق ربنا عشان حاجات ملهاش قيمة
و الصراحة التلفزيون بيعلمنا حاجات مش كويسة
و كمان العيب في الاجيل اللي قبلنا
يعني في اولياء ميعلموش ولادهم ان ده مش كويس وده حرام
تقولك ان ابني لسه صغير