من كان جرئ فليجيب!!!! ( كرسى اعتراف جرئ )

[شموسه]

السلام عليكم ورحمة الله وبركاته

ده عامل زى كرسى الاعتراف بس جرئ شويه وانا فى البدايه هختار حد والحد ده هيجاوب ويختار وهكذا واللى هيختاره هو اللى هيبلغه يللا بقى اوريكم الاسئله



الاسئله :

*من أنت ؟ و ما لذي تفعله هنا ؟

*لو ظهر في داركم بئر نفط هل ستخبر الدولة أم لا؟

*لو قدر لك أن تدخل السجن فما هي القضية التي تتمنى ان تدخل بها إليه ؟

*أنت مكلف بحذف حرفين من حروف اللغة العربية .. أيهما ستختار ولماذا ؟

*في يدك قنبلة يدوية وفي الأخرى وردة حمراء .. أين ستضع القنبلة وأين ستضع الوردة؟

*يقال أن الكتابة محاولة للطيران بطائرة ورقية .. مجرد أحلام في الهواء .. ما رأيك أنت ؟

*بجملة واحدة فقط أكتب تعريفا لكل كلمة من الكلمات التالية:

الوطن :

الأم :

الليل :

الحب :

الصمت :

أمريكا :

المرأة :

الإنترنت :

البوابة :

الماسنجر :

*على افتراض أن كائنا أتى من المريخ ووجد أمامه صحيفة برأيك كيف سيعرف أنها صحيفة عربية؟

*كيف تتخيل العالم دون هذه الأشياء ( الشاي ,, الكمبيوتر ,, أمريكا ,, يوم الجمعة) ؟!!

*اختر منصبا واتخذ قرارا ! ؟

*عاد المتنبي وقصدك لتبحث له عن عمل ماذا ستقترح عليه ؟

*يقولون أن أنظمتنا العربية متسلطة على شعوبها .. لكي تنشأ جيلا صبورا أمام المحن !
ما تقول أنت ؟

*لو كنت مرشدا سياحيا فى صحراء الربع الخالي من ستصطحب معك وتضيعه هناك ولماذا ؟

*أختر خمسة أعضاء من المنتدى وامنحهم ألقابا ؟

*وجه رسالة لشخص لا يعرفه إلا أنت ؟

*ما هو لون النسيان؟

اول حد معانا هو

العضوة الجميله

lolla

[kitty cat]

الاسئله :

*من أنت ؟ و ما لذي تفعله هنا ؟
عضوه . أتصفح المنتدي
*لو ظهر في داركم بئر نفط هل ستخبر الدولة أم لا؟
لأ طبعا
*لو قدر لك أن تدخل السجن فما هي القضية التي تتمنى ان تدخل بها إليه ؟
أمن دوله بس دول مش بيروحوا السجن بيروحوا حته تانيه
*أنت مكلف بحذف حرفين من حروف اللغة العربية .. أيهما ستختار ولماذا ؟
مش هقدر................ دي حروف القرآن
*في يدك قنبلة يدوية وفي الأخرى وردة حمراء .. أين ستضع القنبلة وأين ستضع الوردة؟
القنبله علي المكتب بتاعي ......... والورده لماما
*يقال أن الكتابة محاولة للطيران بطائرة ورقية .. مجرد أحلام في الهواء .. ما رأيك أنت ؟
ممكن يكون كده فعلا أن مش كل اللي بنكتبه بنعرف نحققه
*بجملة واحدة فقط أكتب تعريفا لكل كلمة من الكلمات التالية:

الوطن :مكان نتولد فيه وننتمي ليه ونحب ليه الخير

الأم : الجنه تحت أقدامها

الليل :كئيب قوي لكن بنرتاح فيه

الحب :شيء مهم لاستمرار الحياه

الصمت : أحيانا من ذهب واحيانا من نار

أمريكا : قوه عظمي بشعبها وأدارتها

المرأة : ثلاثه ارباع المجتمع دلوقتي

الإنترنت :عالم تاني

البوابة :حاجه تفصل بين مجتمعين الي حد ما غريبين

الماسنجر : واقع عندي

*على افتراض أن كائنا أتى من المريخ ووجد أمامه صحيفة برأيك كيف سيعرف أنها صحيفة عربية؟

من الاخبار الهايفه التي تتصدرها
*كيف تتخيل العالم دون هذه الأشياء ( الشاي ,, الكمبيوتر ,, أمريكا ,, يوم الجمعة) ؟!!
دون الشاي .......... ولا فارقه مش بشربه
الكمبيوتر ......... وقت كتيييييييييييييييير فاضي
أمريكا ................. مفيش أختراعات جديده كتير والحروب زي ما هيه يعني أسوأ
يوم الجمعه................. مش متخيله بصراحه يوم الجمعه ده عيد

*اختر منصبا واتخذ قرارا ! ؟
رئيس الجمهوريه ................ قراري منع السفر عن كل رجال الاعمال والوزراء وأعضاء مجلس الشعب
ويرصدوا أموالهم اللي هنا واللي هناك وبعد كده وزاره جديده وانتخابات رئاسه جديده والناس تختار

*عاد المتنبي وقصدك لتبحث له عن عمل ماذا ستقترح عليه ؟
لما ألاقي لنفسي أبقي أشغله معايا


*يقولون أن أنظمتنا العربية متسلطة على شعوبها .. لكي تنشأ جيلا صبورا أمام المحن !
ما تقول أنت ؟
أقول حرام كده كفايه خنقه بأه تعبنا واللي أحنا فيه دلوقتي مش محن ولا ايه ؟؟؟؟؟؟؟؟؟
*لو كنت مرشدا سياحيا فى صحراء الربع الخالي من ستصطحب معك وتضيعه هناك ولماذا ؟

ولا حد أحب أضيع لوحدي وارتاح شويه
*أختر خمسة أعضاء من المنتدى وامنحهم ألقابا ؟

مش عارفه بجد
كل أعضاء المنتدي ناس محترمه
*وجه رسالة لشخص لا يعرفه إلا أنت ؟
وحشتني جدا ياريتني كنت شوفتك قبل ما تسافر
ألقاك في الجنه ان شاء الله
*ما هو لون النسيان؟
غامق علشان يغطي اللي تحته


شكرا علي الموضوع المتميز ده يا شموسه

[kitty cat]

ايه اللي عملته ده


أنا أسفه بجد يا شموسه
مش أخدت بالي أن فيه عضو معين بتختاريه انتي
بجد أنا آسفه

[dr.marmar]

أسئله جميله ياشموسه
وفي انتظار لولا

[nooody]

جديدة الاسئله ياشموسه

فى انتظار لولى تنور

شكرا على الموضوع يا جميله

[DO3AA]

موضوع جميل يا شموسة
والاسئلة جميلة بجد
وفى انتظار لولا
بالتوفيق...

[شموسه]

kitty cat

نورتينى والموضوع مش محتاج اسف كده كده كنا هنبعتلك بس وفرتى علينا الرساله ههههههه بس طبعا يا قمر كنتى لازم تدخلى الموضوع وتكونى من اللى هيجاوبوا بس بجد اجاباتك روعه وبتدل على عقل كبير وثقافه واسعه

وليا عندك سؤال كمان

انتى عندك كم سنه

[شموسه]

dr.marmar

ميرسى يا جميله على مرورك التحفه ونورتى الموضوع اكيد وفى انتظار لولتنا


لكى تحياتى

دمتى بود

[شموسه]

nooody

ميرسى يا حبى على ردك وده خلى الموضوع اجمل بكتير وفى انتظار لولتنا حبيبتان تنور

لكى تحياتى

دمتى بود

[شموسه]

do3aa

ميرسى يا قمر على مرورك الجميل واكيد هتنورينا قريب

تحياتى

دمتى بود