هذه حكايتي فماهي حكايتكم....

[نووله]

لكل منا إسم ينادى به ...يلازمه طوال حياته وبالطبع هو ليس من إختياره..

ويقال إن للإنسان نصيب من إسمه لذلك يتوجب علينا أن نحسن الإختيار.


وماأود أن تشاركوني فيه اليوم هو إسم إخترته أنت ..

إسم أطلقته بشعورك وعايشته بإحساسك ودونته في لوحة تحكمك


إسمك في منتداك له قصه أو شعور أو معنى..

وهنا سأترك لقلمك التعبير في قصة ..أو معنى.. أو شعورك تجاه إسمك

الذي أخترته بنفسك..




وهاأنا أبدأ..

[نووله]

نووله ده اسم صاحبتي كانت معايه من واحنا صغيرين لحد مادخلنا الجامعه هي اسمها منال بس كانت عصبيه جدا وبتخاف علينا اوي وكانت لما تتعصب ندلعها ونقولها نوله متنيلهاش بس ولاني مش ممكن اشوفها تاني اخترت الاسم ده عشان ديما اكون فكراها دي حكيتي انا مستنيه حكايتكم انتوا

[ام الهول البهواتي]

انا بقه اسمي ام الهول لاني بحب ابو الهول قوي قوي والبائي ده اسم العائلة الكريمة بتعتي
متشكرة

[nooody]

نوله موضوع جميل

اما بقى بالنسبه لاسمى انا

فكل اصحابى بينادونى بالاسم دة

عجبنى الاسم وسجلت بيه هنا

تسلمى على الموضوع

فى انتظار جديدك دائما يا قمر

[شاعر الاقصى]

انا شاعر الاقصى من حبي لفلسطين ومن تميذي المعروف تجاه قصائد فلسطين

فذلك وهبت نفسي للابد بشاعر الاقصى وشكرا


يا منال

[Transporter]

بسم الله الرحمن الرحيم
السلام عليكم ورحمة الله وبركاته


اما نفسي انا عادي اسمي احمد
لكني اخترت اسم transporter يعني الناقل
علشان ليا فكر خاص ووجهة نظر خاصة
بحب انقلها من خلالي ومن خلال اي شخص اخر تحت اي ظرف وبحملها على اكتافي دايما وانا ماشي

تحياتي

[بنتوتة مصرية]

مرسي على طرحك مثل ذلك الموضوع جمييييييييييل ورائع
أما بالنسب لاختياري لإسمي أولا لحبي لمصر
ثانيا لسه أنا صغيرة فحبيت إني أكون بنتوتة من بنات مصر الحلوات فاخترت الاسم ده وطلع حلو وأرفقت ليه مصرية لأني وبكل صراحة لو لم أكن مصرية لعشقت وحبيت إني أكون مصرية
مع تحياااااااااااااااتي

[Rony cool]

ثااااااانكس على موضوعك الروعه
اما بالنسبه لأسمى فالأسم ده كان بيرتبط بوحده صاحبتى بحبها اوى بس فرقنا الزمن
فسجلت بى علشان تفضل معايا على طول حتى من كتر حبى فيها فكرت اسمى بنتى فى المستقبل بنفس الاسم
تحياتى

[ranoy]

انتى لية مش ممكن تشوفيها تانى بس موضوع جميل اما انا فليا اسماء دلع كتير واسمى رنا بس ديما حاسة انى وحيدة:SuN040:

[زهـــ*ــرة النرجــس*]

أنا أخترت الاسم ده،أول حاجة لأني بحب سلسلة هاري بوتر جدآ والأسم ده كان موجود فيها،واللي حببني في الاسم أكتر أن اللي في الدور ده يابانية ،وعندي واحدة صحبتي أوي شبه اليابانيين بس أنا مش بشوفها كتير ،والاسم ده بيفكرني بيها