مينفعش خالص تعمل ده مع العيال (جيل آخر زمن)

[marwoo]

عيــال دلوقتــي
ما ينفعش تقول للعيل دلوقتي العصفورة قالت لي وفتنت لي
عليك
تؤتؤتؤ أبسولوتلي
عصفورة إيه وهو بيفهم في الموبايل بتاعك أحسن منك
وماينفعش تخوف العيل بأبو رجل مسلوخة
لأنه هايدخل على جوجل و يعمل سيرش عن معنى أبو رجل مسلوخة
وهيلاقي الموقع
بيقول له: هجايص وأساطير عملوها الكبار ف القرن اللي فات
عشان يخوفوا بيها العيال
**********
ماينفعش تعاقبه بأنك تقومه من قدام فيلم بيحبه وبيتفرج
عليه

لأنه هايشوفه تاني يوم على نفس المحطة الصبح وأنت في الشغل

. لو عايز تعاقبه.. نزل له فيروس على الجهاز بتاعه ودمر له

الوندوز وقول له الجهازمش ها يتفرمط ويتعمل له ست أب من
أول وجديد ألا لما يتعدل ويشوف مذاكرته و يبقى محترم وبنى
آدم
لما تعوز تدلعه وتكافؤه على تفوقهماينفعش تجيب له بندقية
صيد وكوره وكتب من المكتبة الخضراء والجو القديم ده كله
انت تجيب له دي اس ال وممكن تظبطه بويب كام جامدة او تدخل
عليه بشاشة
Lcd
الرفيعة خالص دي
**********
ماينفعش لو إبنك سألك عن حاجه مش عارفها تألفله أي إجابة
من دماغك
بعد يوم ولا أتنين هيعرف الإجابة الصحيحة من التليفزيون
ولا النت وساعتها هيبقى
منظرك عامل زي العدة الأريكسون 688 لما يسألك أقعد معاه
على النت ودور معاه على
الإجابة المظبوطة و بلاش قلة قيمة
وإذا طلب رأيك في أكلة دليفرى من اللى بياكلوها الأيام دي
أوعى تقول له: يعنى أيه دى؟؟؟ لأ خليك أب روش هز دماغك
بألاطه وقول له.. حلوة طحن ياااد

وأوعى تفهم الواد إن الرياضة هى أهلي وزمالك
بلا نيلللللا.. على رأى ماري منيب لأنه دلوقتى عارف لعيبة
ريال مدريد والأرسنال
وعارف أسعارهم كمان

[رحاب الشرق]

شكرا على الموضوع المتميز

[ألاء الرحمن]

هههههههه
موضوع قمه فى الروووووووووووعه
شكرا لكِ

[marwoo]

أشكركم على المرو الجميل مرسى على الرد

[مي عز الدين]

هههههههههه
ميه ميه
تسلم ايدك على التوبيك الجميل ده

[M@HMOUD]

ههههههههههههههههه
تسلمى على التوبيك يا قمر

كل سنه وانتى طيبه

[reem onle]

ههههههههههههههه

عندك حق

[مــــريــــMEROــــم]

ههههههههههههههههه
معاكي حق والله
تسلم ايدك بجد

[لؤلؤة الوديان]

ههههههههههههههههههه

عيال أخر زمن

تسلم ايدك

[يوسى كات]

هههههههه
موضوع جميل
شكرا يا قمر