بس يا واد .. اخرسي يا بِت !!!

[حفيدالفراعنة]

	السلام عليكم و رحمة الله و بركاتة قبل ما ابتدي بالتوبيك عايز اعرفكم على أسلحة الدمار الشااامل دي مش الاسلحة المحرمة دوليا في الحروب دي اسلحة الاباء والامهات واللي بردو محرمة دوليا نخش في الموضوع ... ممكن يغلط الطفل او يكدب او يسئ التصرف قدام الناس يعني ممكن يعمل اي حاجة تغضب مامته او باباه طبعا دور الام والاب انهم يقوموه ويصححوله اخطاؤه لان هي دي التربية .. وكل طفل محتاج للتربية لان الانسان وهو طفل بيبقى خام والبيئة والاسرة هي اللي بتشكله يا ترى ... انت كأب في المستقبل وانتي كأم في المستقبل ازاي هتكون طريقتكم في التربية ؟ ممكن تتبعوا ثقافة الغرب في التربية يعني مش تفكروا في الضرب كوسيلة واحنا عارفين ان الغرب الطفل اللي بيتضرب عندهم ضرب مبرح او غير مبرح اهله بيتعرضوا لمساءلة قانونية واحتمال كبير ان المجتمع ياخد منهم طفلهم عشان يتربى في مؤسسات توفرله بيئة احسن يعني مفهوم التربية عندهم مش بيعترف بالضرب انما بيعترف بالعقوبات .. مثلا انت اليوم يا ابني كدبت عليا او قليت أدبك او مش زاكرت يبقى ما فيش تلفزيون او ممنوع تخرج بره البيت في اجازة الاسبوع ده او اخوانك هياكلوا الشوكولاتة اللي بيحبوها وانت مالكش شوكولاتة. يا ترى ممكن تتبعوا الاسلوب ده ؟ .::. .::. .::. .::. .::. ولا ممكن تتخذوا الضرب كوسيلة للتربية وطبعا الضرب الغير مبرح واللي تكلم عن الرسول في حديثه ((واضربوهم عليها لعشر)) لما وصى الاهل انهم يضربوا اولادهم لو امتنعوا عن الصلاة عند عشر سنين معنى الكلام ده ان التربية الاسلامية بتقر الضرب ومش بتمنعه انتوا ... ازاي بتفكروا في المسألة دي ؟؟ وايه نظريتكم في التربية ؟؟ يعني ايه الطريقة اللي هتتبعوها ان شاء الله في المستقبل مع اولادكم ؟؟ لو سمحتوا .. مش عايز اسمع اي فضفضة وما حدش يحكيلي طفولته المعذبة مش عايزين نفتحها عيادة نفسي احسن هوريكو اسلحة الدمار بنستخدمها ازاي ههههههههههههههههههههههه يعني اتكلموا عن اللي هتعملوه انتوا في ولادكم مش اللي اتعمل فيكو

[بنوتة بتحب مصر]

ههههههههههههه
انا من راى ان الضرب بيبقى لازم فى بعض الاحيان
لكن انا من وجهة نطرى انه مايكنش قدام الناس يعنى يبقى وسطينا احنا بس لو عمل حاجة غلط قدامى او قدام اخواته وابوه وكدة ممكن نضرب ولكن لو قادم مثلا حد غريب هزعق بس وافهمه غلطه
ميرسي للتوبيك المهم اوى ده
تسلم الايادى

[countess]

طر ح موضوع مميز انا لو حتبح نظام الغرب في التربيه بس في الا شياء الصح وليس التقليد الا عمى

[Transporter]

بسم الله الرحمن الرحيم
السلام عليكم ورحمة الله وبركاته


شوف يا حفيدي يا صغنون انا بقولك شيء

احنا كنا في وقت بنضايق من اهالينا علشان تصرفات معينة وبنرفضها منهم بس لما كبرنا ووعينا زاد بامانه شوفت ان اللي كانو بيعملوه معانا اصح الاصح في الوقت اللي كنا فيه اطفال منكرش انا شوفت كل انواع التربية اللي ممكن حد يشوفها في حياته وانا ادين بكل شرف وكل فخر للي كان بحصل فيا من اهلي بصراحة انا كنت جايبلهم الضغط يعني ههههههههههههههههه بس في الاخير مفيش شيء اسمه ضرب للضرب فقط ومفيش شيء اسمه اهانه للاهانة فقط كل شيء وله حدود وكل موقف وله رد الفعل اللي بيعود عليك في النهاية يا بالسلب يا بالايجاب وعلى حسب التصرف واستدراكك انت للموقف

وشكرا ياغالي على موضوعك المهم جدا

[حفيدالفراعنة]

اقتباس المشاركة الأصلية كتبت بواسطة transporter بسم الله الرحمن الرحيم السلام عليكم ورحمة الله وبركاته شوف يا حفيدي يا صغنون انا بقولك شيء احنا كنا في وقت بنضايق من اهالينا علشان تصرفات معينة وبنرفضها منهم بس لما كبرنا ووعينا زاد بامانه شوفت ان اللي كانو بيعملوه معانا اصح الاصح في الوقت اللي كنا فيه اطفال منكرش انا شوفت كل انواع التربية اللي ممكن حد يشوفها في حياته وانا ادين بكل شرف وكل فخر للي كان بحصل فيا من اهلي بصراحة انا كنت جايبلهم الضغط يعني ههههههههههههههههه بس في الاخير مفيش شيء اسمه ضرب للضرب فقط ومفيش شيء اسمه اهانه للاهانة فقط كل شيء وله حدود وكل موقف وله رد الفعل اللي بيعود عليك في النهاية يا بالسلب يا بالايجاب وعلى حسب التصرف واستدراكك انت للموقف وشكرا ياغالي على موضوعك المهم جدا

تمام يا فندم

منك نستفيد يا كبير

[حفيدالفراعنة]

اقتباس المشاركة الأصلية كتبت بواسطة البرنسيسه 2 طر ح موضوع مميز انا لو حتبح نظام الغرب في التربيه بس في الا شياء الصح وليس التقليد الا عمى

انا اعتقد الا ناخذ شى من الغرب لان الدين الاسلامى لم يترك لنا شى لم يتكلم فية فى اتبعنا نهج الاسلام لم نحتاج الى الغرب هذا رائى اختى

واختلاف الرئى لا يفسد للود قضية

[Transporter]

بسم الله الرحمن الرحيم
السلام عليكم ورحمة الله وبركاته


المصيبة اننا فاهمين ان الغرب هم احسن مننا في الوقت اللي هم في بيمشو على افكار الاسلام والله ودا اللي منجهم عننا بكتير اسلام بدون مسلمين ومسلمين بدون اسلام والا ايه

[حفيدالفراعنة]

اقتباس المشاركة الأصلية كتبت بواسطة بنوتة بتحب مصر ههههههههههههه انا من راى ان الضرب بيبقى لازم فى بعض الاحيان لكن انا من وجهة نطرى انه مايكنش قدام الناس يعنى يبقى وسطينا احنا بس لو عمل حاجة غلط قدامى او قدام اخواته وابوه وكدة ممكن نضرب ولكن لو قادم مثلا حد غريب هزعق بس وافهمه غلطه ميرسي للتوبيك المهم اوى ده تسلم الايادى

نورت التوبيك يا عسل

[just (o]

السلام عليكم ورحمة الله وبركاته

عن نفسي شايفة انه النظام الغربي افشل الانظمة

اعتقد اني اول حاجة هاعلم اولادي اساسيات دينهم واعرفهم عليه بدون ما اعتمد على دور المدرسة في الموضوع


وبعدين بالنسبة للعقاب على حسب الخطأ لانه ردة الفعل الاولية على الغلط بتعلق في العقل الباطن للطفل حتى لما بيكبر وينسى عقله البطن بيفضل متذكر يمنعه من تكرار الخطأ

يعني لو اخطأ خطأ كبير فلازم ردة الفعل تكون سريعة وحادة اما خطأ بسيط يكفي عقاب معنوي

كمان عشان الطفل يعرف يفرق بين الخطأ الفادح والخطأ البسيط

واعتقد برده اني هخلي بيني وبين اولادي لغة حوار واسرار مشتركة واعاملهم على اساس انهم بيفهموا وانمي فكرهم بالوسائل الممكنة لانه على عكس ما يعتقد البعض الطفل درجة ذكاءه بتكون عاليه وتفكيره واسع


وشكرا جزيلا لك

[حفيدالفراعنة]

اقتباس المشاركة الأصلية كتبت بواسطة just (o السلام عليكم ورحمة الله وبركاته عن نفسي شايفة انه النظام الغربي افشل الانظمة اعتقد اني اول حاجة هاعلم اولادي اساسيات دينهم واعرفهم عليه بدون ما اعتمد على دور المدرسة في الموضوع وبعدين بالنسبة للعقاب على حسب الخطأ لانه ردة الفعل الاولية على الغلط بتعلق في العقل الباطن للطفل حتى لما بيكبر وينسى عقله البطن بيفضل متذكر يمنعه من تكرار الخطأ يعني لو اخطأ خطأ كبير فلازم ردة الفعل تكون سريعة وحادة اما خطأ بسيط يكفي عقاب معنوي كمان عشان الطفل يعرف يفرق بين الخطأ الفادح والخطأ البسيط واعتقد برده اني هخلي بيني وبين اولادي لغة حوار واسرار مشتركة واعاملهم على اساس انهم بيفهموا وانمي فكرهم بالوسائل الممكنة لانه على عكس ما يعتقد البعض الطفل درجة ذكاءه بتكون عاليه وتفكيره واسع وشكرا جزيلا لك

كلام فى منتهى المنطقية بجد ارفع لكى القبعة