كيف تكسب ود أى شخص فى الكون

[بنت المنصورة]

أنا فلان دا لما شفته حسيت أنى نفسى أصاحبه راجل وشهم وجذاب ووسيم ومهندم ومحترم جدا جداً ومتدين كمان و و و و من الأخر باااااااشا.......بس المشكلة أنى مش عارف أصاحبه ومش عارف ليه مش عارف أصاحبه ........



*لكل واحد فى الدنيا مدخل كل واحد فى الدنيا أى واحد مدخل مفتاح والمفتاح دا فى أيد اللى معاه المعلومات فركز أوى فى المعلومات دى:-

1_الأنطباع الأول, مهم جدا جدا وغالبا بيفضل راكز فى الذهن حاول بقدر الإمكان أنه يكون متميز.

2-النظر فى عينه بود , ليها أثر السحر غمض عينك وتخيل معى مشهدك وانت تتحدث إليه وعينك تضحك فى حين أنك فى مشهد أخر تتحدث وأنت تنظر خلفه أو لا تنظر إلى عينيه خوفا من الارتباك أواواوا....أكيد الاولى هتسيب أنطباع هايل ومتنساش بود (eye contact).

3-أظهر الشوق والبسمة الصادقة عند ملاقاته(genuin smile):فعندما تراه تقف فورا وتتجه له وتشد على يديه ولا تترك يده حتى يتركها هو كما كان يفعلى المصطفى .

4_لا تتعالى أو تتكبر عليه فالبعض يستخدم هذه الطريقة أعتقادا منه ان الشخص سينجذب إليه إذا تركه هو بتعالى او تكبر (ولا أخفى عليكم سرا هذه الطريقة تنجح ولكن مع الأشخاص المهمشين وعديمى الشخصية ولا أعتقد ان أحدكم يريد التعرف بهم).

5_الإطراء عليه دون تكلف أو مزايده كالإطراء على ملابسه أو تقول له مثلا على بطريقة ودية ومازحة فى نفس الوقت(أخبار سموك أيه يا باشا) , ولو كان حد معاك عرفهم ببعض إذا ما كانش اللقاء عابر يعنى لو هتقعدم مع بعض عرفهم ببعض لكى تكسر الثليج فى هذه الجلسة .

6_لا تتلفت وانت تصافحه وانظر مباشرة له بكامل جسدك.

7-حاول تعمل تحريات ....أيوة تحريات عن الشخص دا أسأل بيحب أيه بيكره أيه بيلعب رياضة ولا لأ ولو بيلعب بيلعب أيه وفين مين أعز أصدقاءه ساكن فين كل دى تفاصيل هتفيدك أوى بعدين.




8_حضر موضوع معين تكلمه فيه قبل ما تقف معاه يعنى مثلا اللى أنا عايز أصاحبه دا بيحب ...الرســـم الموسيقي الشعر السياسة القراءة..مممم.....كمال الأجسام يبقى تفتح موضوع كمال الأجسام دا بطريقة غير مباشرة وتكون حضرت طبعا عنه معلومات كفايه عشان متبقاش قاعد معاه ولا مؤاخذة بطيخة , معلومات بقى من كتب من النت من واحد صاحبك كدا ....تبتدى بقى تسأله فى الموضوع اللى هو مهتم بيه دا وتبينله انك مهتم بيه انت كمان.

9_ إياااك إياك إياك تبقى ثرثاااار لو الطبع دا فيك أعمل (Back) للصفحة دى أو كل اللى انت قريته دا ملهوش لازمة, بالمناسبة الثرثار مبيعرفش انه ثرثار فهتعرف نفسك لما تلاقيك كل لما تيجى تتكلم اللى قدامك بيرد عليك بإقتضاب يعنى مش معنى الثرثرة الكلام الكتير السريع لأ معناها الكلام الكتير الفاضى التفه فى معظم الأحيان لدرجة تخلى اللى قدامك يعد الثوانى لما تقوم .

10_مظهرك ودى كان المفروض أذكرها مع الانطباع الأول والمظهر مهم جدا مش شرط لبس غالى أو مستورد بس شرط النظافة والذوق فى اللبس يعنى ملاقيش واحد جاى لابسلى اخضر فى أخضر ويقولى دا جاى من باريس أقولك لا دا جاى من الأناية,شعرك دايما متسرح وأبوس أيدك بلاش الجيل لو حكمت أوى أستخدم كريم ,شعر الباط والعانة بيتحلقم كل أسبوع الرسول قال ميزدوش عن أربعين يوم ودا طبعا عشان العرق والريحة ,دايما ملمع جزمتك ولو كوتشى يبقى بتغسله ,وخاليك فاكر وشك دا هو مظهرك مرايتك أهتم بيه أغسل سنانك أعمل مسكات مش عيب ولا حرام أشرب ماء كتير عشان الرطوبة فى الوش (بطل العادة السرية عشان ...ولا بلاش دى مصايبها فى الجسم كله مش الوش بس!!),دايما بتحط برفان ومش هطول فى النقطة دى أظن معظمكم ادرى منى بيها ,بس خليك فاكر بلاش تبقى متكلف فى لبسك.

*عن أنس رضي الله عنه قال‏:‏ قال رجل‏:‏ يا رسول الله، الرجل منا يلقي
أخاه أو صديقه، أينحني له قال‏:‏ ‏"‏لا‏"‏ قال‏:‏ أفيلتزمه ويقبله‏؟‏فال‏:‏
‏"‏لا‏"‏
قال‏:‏ فيأخذ بيده ويصافحه‏؟‏ قال‏:
‏‏"‏نعم‏"‏
‏(‏‏(‏رواه الترمذي وقال‏: حديث حسن‏)‏)) .



*حدثني أبو غسان المسمعي، حدثنا عثمان بن عمر، حدثنا أبو عامر، - يعني
الخزاز عن أبي عمران الجوني، عن عبد الله بن الصامت، عن أبي ذر، قال قال لي النبي ‏"‏ لا تحقرن من المعروف شيئا ولو أن تلقى أخاك بوجه طلق".




* حدثنا يحيى بن أيوب، وقتيبة، وابن، حجر قالوا حدثنا إسماعيل، - وهو ابن جعفر عن العلاء، عن أبيه، عن أبي هريرة، عن رسول الله ‏"‏ ما نقصت صدقة من مال وما زاد الله عبدا بعفو إلا عزا وما تواضع أحد لله إلا رفعه الله ‏"‏ .


*تقول عائشه عن اخلاق النبى "وكان أشد الناس تواضعاً، وأبعدهم عن الكبر، يمنع عن القيام له كما يقومون للملوك، وكان يعود المساكين، ويجالس الفقراء، ويجيب دعوة العبد،ويجلس في أصحابه كأحدهم " .

[Transporter]

بسم الله الرحمن الرحيم
السلام عليكم ورحمة الله وبركاته



مشكورة يا زعيمة الكونغوفو على الطرح القيم دا والله
تحياتي

[بنت المنصورة]

هههههههههه

شكرا transporter على ردك اللى نور الموضوع

بس حلوة زعيمة الكونغوفو دى

اه يعنى من هنا ورايح كله يخاف

تحياتى ليك

[Transporter]

بسم الله الرحمن الرحيم
السلام عليكم ورحمة الله وبركاته


يعني مش اوي شكلك حنينة وقلبك طيب بس ايدك ناشفة هههههههههههههه مانا فاكر كتبتي ايه في موضوع عااااااااااااااارفك

[بنت المنصورة]

ههههههههههه

كده ماشى الله يسامحك

على راى عادل امام

دنا غلباااااااااااان

[فارس القلم]

لكل واحد فى الدنيا مدخل كل واحد فى الدنيا أى واحد مدخل مفتاح

بالفعل لكل شخصيه مفتاح والانسان الذكى الذى يمتلك مفاتيح الشخصيات التى

يتعامل معها

رافعة راسنا يابنت المنصورة

فى انظار مواضيعك المميزه

[سلمى سام]

شكرا على التوبيك الرائع

[ايمان محمد]

شكرااااااااااااااااااااااااااااااااا

[الجنرال]

اقتباس *تقول عائشه عن اخلاق النبى "وكان أشد الناس تواضعاً، وأبعدهم عن الكبر، يمنع عن القيام له كما يقومون للملوك، وكان يعود المساكين، ويجالس الفقراء، ويجيب دعوة العبد،ويجلس في أصحابه كأحدهم " .

هذا الكلام خلاصة هذا الموضوع الراااائع
لأن رسولنا صلى الله عليه وسلم لم يترك شيئا الا وتكلم عنه
ولو اتبعنا سنة رسولنا الكريم سنعيش سعداء للأبد

تسلمى يابنت المنصورة على التوبيك الهايل
تقبلى خالص وأرق تحياتى