حوار بين الرئيس وشباب ابنى بيتك

[عمرو الحكيم]

أوبريت
حوار بين الرئيس وشباب ابنى بيتك

الريس
أبنى بيتك كويس واوعاك تكون عواد
الى ترك ارضه تنهشها كلاب الواد
وطوبة فوق طوبة تحطها ايدين الشداد
وملاطهاهو المسك ريحته عرق الولاد

الشاب حسين
يا ريسنا شكرا على الارض والمشروع
بفكرك نورت صحارينا بالعيون والشموع
لكن فيه ديابه تخطف عرقنا وتبيع لينا الدموع
مقاول وبدوي يسرقونا ويكسروا لينا الضلوع

الريس
دافع عن ارضك وخليك زي الاسد
و الى يخون يتربط في حبل المسد
وبريق الامل احيانا ينزرع فيه الحسد
طهر نور الامل واوع روحك تنفسد

الشباب
يا ريسنا لينا مطالب حقيقي هي خفيفة
تحط في كل مربع نقطة امنية نضيفة
فيها امين وعساكر حراستنا ليهم وظيفة
والامان يملا المكان والحياة تبقى ظريفة

الريس
الامر من دلوقتى يتنفذ يا جهات الامن
والبلطجية يتلموا بكل حكمة وفن
دا حق شباب بلدي مش بنمن عليهم من
هو كل مشروع مفيد نلقى فيه الزن

الشاب موريس
الكلام كدا بدا يا ريسنا يحلالي
بس الميه كمان بتتباع لينا بالغالى
ومفيش مرافق كمان الجهاز عملهالى
ومحدش فيهم هناك سايبنى في حالى



الريس
اخبار دعم الدولة يا شباب معاكم ايه
اوعوا يكون بيسرق منكم وليه
الدولة دعمتكم بخمسة عشر الف جنيه
تسند معاكم شوية وكل واحد يقف على رجليه

الشباب
الدعم يا ريسنا سفوه من ايدينا الطماعين
مقاول بضعف التمن وكرشه تخين وسمين
مهندس لكل خطوة رشوته من جيوب الغلبانين
وبدوي يفض اتاوته علينا وهم دول السفاحين

الريس
يا ولادي انتم عيلتي الى بحاول اعيشها
أتمنى لكل واحد فيكم مخدة من النعام ريشها
حاولوا معايا وساعدونى المشاكل دي نهمشها
نفتح طريق الخير وبالذهور والورد نفرشها

الشباب
ممكن يا ريس نتفق مع الشركات تبنى بيتنا
عثمان ولا درة ترفع لينا حوائطنا
بدل مصاصي الدم الى بسرقوا شوارتنا
ومسئولين الوزارة الى مكتفين ارادتنا

الريس
والله يا ولاد الاقيها منين ولا منين
الظاهر ان لازم اتابع بنفسي مين وفين
80 مليون مواطن في رقبتي مربوطين
بأكلهم وشربهم وعلاجهم وسكنهم محتاجين

الشباب
ربنا يعطيك العافية يا ريسنا من عنده
طالما جنب الفقير واقف وبتسانده
وتلقينا لكل حبايبك واقفين كمان جنبه
اصبر يا ريس علينا والحق ايه ذنبه

الريس
أوعدكم ان شاء الله بكل الخير
وانا وصلى شكاكم والامر جد خطير
وربنا معانا لجل نبنى ارض الخير
ودعواكم ما بيني وبين الله للرحمة برضه سفير

الشباب
الله يخليك لمصر ولينا ويطولنا في عمرك
واحنا طول ما العدل سكتك تحت امرك
ورحمة ربنا تغمرنا وسيل حبنا كمان غمرك
انت لينا الوالد وللولاد الجد طول عمرك

ويغني الشباب بفرحة

بنحبك يا مصرنا يا حبيبتي يا بلدنا
بنحبك يا ماي الى ضمانا وولادنا
ترابك يا مصرنا فيروز ومسك وزعفران
وانتى يا امايا مليا قلوبنا وفؤدنا

مسيحي ولا مسلم تحت نفس العلم
وفي ساعة الشدة بيتالموا نفس الالم
ولما يكون فرح موريس نروح الكنيسة
وبعد كتب كتاب حسين في الجامع نروح الهرم


الجلد نفس الجلد والدم نفس الفصيلة
وجدنا واحد والرب ليه الفضيلة
عيسى نبي وموسى نبي ومحمد نبينا
وكل واحد فينا لربه طريق ووسيلة

أبنى بيتى جنب بيتك يا موريس
ابنى يا حسين من غير سور ولا متاريس
خلى الجنينة بتاعتنا تبقى كبيرة
ويوم الدخلة فرحنا فيها نعمله يا عريس

ونتفسح في شهر العسل فين
ممكن تفكر لنا في مكان يا حسين
هاقولك نلف البلد من شرقها لغربها
ومالقاهرة نبدأ وربنا هو المعين


نتمشى جنب الحسين ونصلى في الازهر
ونعدي على ماري جرجس وحبنا يظهر
واسكندرية مارية والمرسي ابو العباس
منها نروح اسوان دي جوها يبهر

ونرجع على الاقصر بلد الصعايدة الشداد
الى في سمارهم طيبة وحنان ووداد
في سوهاج بناكل فطير وعسله بمغاغة
والقشطة من اسيوط تسلم ايدين الولاد

في الوسطى نرتاح شوية ونعدي على الفيوم
على البركة نركب فلوكة وتنسانا الهموم
ننزل على اكتوبر ونعدي على الجيزة
بالمترو نروح حلون راح ندفع المعلوم

وعالاوتوستراد نركب نروح السويس
وفي الاسماعيلية ناكل منجة عويس
وفي بورسعيد بالمعدية نروح بورفؤاد
ننزل على سينا احنا وحسين وموريس

نرجع من القنطرة والشرقية توحشنا
وفي المحلة نلاقى المنصورة تخطفنا
دمياط بناكل مشبك ونجيب بقية العفش
وفي البحيرة نعدي وكفر الشيخ تضايفنا

نرجع شبين الكوم نتغدى بط ووز
المنوفيه اصلها دي ارض اهل العز
وفى المطار راح تلزمنا طيارة
لجل نروح مطروح يا عم قوملى وفز