حجز الفتاة!

[GLAMOROUS]

السلام عليكم ورحمت الله وبركاته


هخش في الموضوع علي طول منغير كلام كتير علشان مطولش عليكم الموضوع هو
كل الشباب لما يوصلو لسن معين بيبداو يفكرو في الارتباط بشكل جادي و يبتدو يدوروا علي فتاة الاحلام ولما ربنا يوفق ويلقيها بيبقي احسن يوم في حياتهم .........


وطبعا في شباب كتير لما بيلاقوا فتاة الاحام مبيكنوش جاهزين فابيعملو ايه بقي ..........



يقوموا حجزنها لمدة زمنية ميعرفهاش غير ربنا


وطبعا ده بيتوقف علي حالة الشاب الالمادية والإجتماعية ........


والآن كونكِ فتاة هل تقلبين بأن تكوني (( محجوزة )) إلى شاب فيه كل الصفات التي تمنيتنها من فارس أحلام العمر ، ولكن أنتي فقط محجوزة لا اكتر ولا اقل ، وإذا طالت المدة التي وعد بها الشاب
بسبب ظروف لا تعلمين بها ، وتقدم إلى خطبتكِ شاب آخر ، هل سوف تخلفين الوعد .... ؟

وإلى الشباب ايضاً هل أنتم من مؤيدين ( حجز الفتاة ) .. وهل تقبل على نسفك بأن تحجز فتاة العمر
وأنت لا تعلم بما تخفي لك الأيام من ظروف ممكن تطلع ظروف قدرية .. و لما تشوف فتاة أفضل من الفتاة التي حجزتها لنفسك .. هل سوف تغير رائيك وتخلف الوعد ...

[marmora]

مش بقولك كل توبيك ليك اكثر من رائع تقولى ميرسى على المجامله عموما

انا بجد لو بحبه هستناه ولو وعدته اننا هنكون لبعض لا يمكن اخلف الوعد دا اى ان كان
وشور ان كل حد مننا بيدور على الحب وعلى الامان مع انسان معين يحبه ويرتاح ليه ودا انا لو لقيته فى شخص مش ممكن اسيبه عشان اى حاجه او اى حد

الا بقا اذا تدخل النصيب ومنع دا وشور ان دا هيكون خارج عن ارادتى انا



وميرسى كتير ليك على التوبيك الرائع دا

[Silver Flower]

الظاهره هيدى مش منتشره عنا بس في نسبه قليله جدا بتكون فتره الخطبه طويله تقريبا سنه وفي شخصين بعرفهم صار معهم مشاكل كتير وكله على اشياء تافها وصغيره ما تستاهل والي بيحصل بتركوا بعض وهيدى بياثر على البنت الناس بيصيروا يقولوا راحت واجت مع خطيبها وبتسمى عليها وبياثر على فرص زواجها مره تانيه او حتى على حياتها مع شريك حياتها في المستقبل الغيره طبعا وسي سيد وسؤلاته الي ما بتخلص
هيدى لو اجى الها فرص نصيب احسن
عشان هيك ما بحب
وشكرا على الموضوع اخي

[sokara]

عادى ان البنت يحجزها لفترة معينة
ولكن لابد ان ترى البنت واهلها ان الشاب ملتزم
يعنى عامل اللى علية مش نايم فى الخط ههههههه
ويقول حاجز هو كرسى فى سينما
تقبل مرورى

[Mysterious]

لو بيحبنى وشارينى

وبحبو وشارياه

اكيد هستنى

[محمد الشريف]

خير الأمور الوسط فلو تعلق الانتظار بأمر من شأنه ضروريات إتمام إجراءات الارتباط

واستدعى الأمر هذا الانتظار بحيث يكون معلوما لدى الطرفين وبقناعة كافية فلا مانع من

الانتظار ... لكنى لا أؤيد ولا أحبذ الانتظار المعلق على ظروف احتمالية قد تتحقق أو

لا تتحقق فهذا عبث ولا ينبغى قبوله من البداية .

فالإطالة غير المبررة أو المبررة لابد أن تكون محل مناقشة ووعى وإدراك وتتعلق بالمنطقية

ولا تخلط بما سواها من الاتكالية أو التمنى أو الاستغراق فى الأوهام والاعتماد على الظروف

تحاشيا لخلق مناخ مشحون بالتوتر فما أسوأ الانتظار بلا أمل أو هدف .



مع موفور التحايا

[* Nice Girl *]

أشكرك على النقاش

وبالنسبه ليا أكيد مش هخلف الوعد

بس مينفعش أوعد وأنا مش متأكدة من موقفي وموقفه

نحيت بعض ... وكل شئ قسمة ونصيب في الأخر

[لوليتا المصريه]

اولا وعليكم السلام ورحمه الله وبركاته

ثانيا موضوعك فكرته حلوة جدا

واكيد لو البنت دى حبت بجد هتستنى

مدام هما شايفين انهم بيكملو بعض

والحمد لله متفقين مع بعض

لكن

مش كل اللى بيمناه الانسان بيطوله

بمعنى احنا ممكن نكون مرتبين

ان فلان لفلانه لكن القدر بيبقى ليه ترتيب تانى خالص

وبيبقى الخوف كله من القدر دة

بس

هو دة راى ويارب الكل يسعد والقدر ما يخالفهمش

موضوعك كتير حلو

منتظرين جديدك

اختك

[dr.baskota]

اولا ميرسى ع التوبيك الحلوو
طبعا موضوعه الحجز ده بيتوقف على البنت اذا كانت بتحبه بجد فأكيد هتستناه بس كمان لازم هو يكون اد المسؤليه ويبين انه يستحق الحب والانتظار ده ويعمل اللى عليه

[GLAMOROUS]

اقتباس المشاركة الأصلية كتبت بواسطة marmora مش بقولك كل توبيك ليك اكثر من رائع تقولى ميرسى على المجامله عموما انا بجد لو بحبه هستناه ولو وعدته اننا هنكون لبعض لا يمكن اخلف الوعد دا اى ان كان وشور ان كل حد مننا بيدور على الحب وعلى الامان مع انسان معين يحبه ويرتاح ليه ودا انا لو لقيته فى شخص مش ممكن اسيبه عشان اى حاجه او اى حد الا بقا اذا تدخل النصيب ومنع دا وشور ان دا هيكون خارج عن ارادتى انا وميرسى كتير ليك على التوبيك الرائع دا

دي شهادة اعتز بيها جدا marmora

و فعلا الوفاء من ارقي الصفات

بس للاسف برضو قلت كتير

منوراني كتير