كـــــلام الناس

[Mo chahin]

موضوع أنهاردة
برضه حالة من الحالات
اللى بنشوفها كتير..
كلام الناس..!!
كلام الناس بيبقى يامه قوى على اللى يعرفوه واللى ميعرفهوش وحجات يامه كدة تتعب يعنى..
بس القضية بقى الناس اللى بتخاف من كلام الناس..
يعنى العاطل خايف من كلام الناس والمطلقة بتخاف من كلام الناس والفقير خايف من كلام الناس
فيهم اللى بيظهر للناس بشخصية مزيفه عشان خايف من كلامهم عليه..
وفيهم بيبقى من جواه عاوز يقول الحقيقة بس مش قادر يقولك طب أنا كدة فى نظرهم راجل باشا لما أقول الحقيقة بقى هبقى فى نظرهم ايه
وفيهم اللى تقولك أنا قايلة للناس كلها أنى بنت ومحدش يعرف انى كنت متجوزة وأنفصلت..
طب ليه ياستى يعنى ايه السبب..
تقولك كلام الناس وحش الناس
لو عرفت هتبصلى بصة وحشة..
وفيهم اللى يقولك الناس كلها عرفة انى مهندس فى الشركة الفولانية ومعاية عربية مرسيدس لونها بمبى..
وشقة ع البحر 18 أوضه و6 حمامات وبواب و10 خدامين..
وهو أصلاً ليل نهار على القهوة مش لاقى يدفع المشاريب اللى بيشربها طب ايه ياعم اللى بيخليك تقول كدة يقولك الناس وكلام الناس لما يعرفوا انى عاطل هيقولو ايه امال انا كدة فى نظرهم راجل بيه
فى نظركم كدة لو حد من دول أعترف بحقيقته..
أيه هى هتبقى نظرة الناس ليه وكلامهم عليه..
اكيد بقى الكلام هيكتر والاسلوب بتاعهم هيتغير
مع الحالات دى ؟
ولا هيلاقو رد فعل غريب والناس بتبعد عنهم؟؟
ولا هيلاقوا غير كدة خالص..
ولا الكلام برضه هيفضل شغااااااااااال طول ما الفرح شغااااااال..
ولا ايه..؟
مفتوح للنقاش..

[sokara]

فيهم اللى يقولك الناس كلها عرفة انى مهندس فى الشركة الفولانية ومعاية عربية مرسيدس لونها بمبى..
وشقة ع البحر 18 أوضه و6 حمامات وبواب و10 خدامين..
وهو أصلاً ليل نهار على القهوة مش لاقى يدفع المشاريب اللى بيشربها طب ايه ياعم اللى بيخليك تقول كدة يقولك الناس وكلام الناس لما يعرفوا انى عاطل هيقولو ايه امال انا كدة فى نظرهم راجل بيه
فى نظركم كدة لو حد من دول أعترف بحقيقته..
أيه هى هتبقى نظرة الناس ليه وكلامهم عليه..
اكيد بقى الكلام هيكتر والاسلوب بتاعهم هيتغير
مع الحالات دى ؟
ولا هيلاقو رد فعل غريب والناس بتبعد عنهم؟؟
فى نظرى انة بيعمل كدا خوف من كلام الناس لا
لانة بيحب يظهر فى صورة غير صورتة
لكن من الممكن المطلقة تخاف كلام الناس لا معظم الناس بتلقى اللوم على الست
حتى لو سبب الطلاق الراجل مش بيرحموا الست ويقولو كانت تستحمل
وعلفكرة عمر كلام الناس ما هيخلص
والافضل ان لا نلتفت لكلام الناس ما دام الانسان بيراعى ربنا فى تصرفاتة
تقبل مرورى

[Mo chahin]

اكيد طبعا ومتشكر جدا لمرورك الكريم

[محمد الشريف]

أخى العزيز / Mr. M ! r o

فى نظركم كدة لو حد من دول أعترف بحقيقته..

مؤكد أنه عايش فى وهم ومصدق نفسه ويعيش فى عالم

زيفه هو بنفسه ولنفسه والمسألة ليست فى أنه مصدق

نفسه ولا غيره ولا المهم من يصدقه من الناس بقدر

ما يتعرض لأذاه من البسطاء من الناس وربما يتحولوا

لفريسة وقتئذ ولا يلومن إلا أنفسهم فهم من سلبوا

أنفسهم نعمة التدبر ونعمة العقل والبصيرة وافتتنوا

بما يلمع .... وليس كل مايلمع ذهبا .

أيه هى هتبقى نظرة الناس ليه وكلامهم عليه..

من وجهة نظرى الشخصية لا يلزمنى وأتجاهله

ولا أزحم فكرى بما أستاء منه .

اكيد بقى الكلام هيكتر والاسلوب بتاعهم هيتغير
مع الحالات دى ؟

تغيرهم يتوقف على الاستعداد الذاتى لهم إلا لو كانوا مدمنين خداع
وصارأسلوبهم كبصمة الابهام فلا محالة من مجرد الأمل فى التغيير
ولو حتى كثر الكلام عليهم سيلجألوا لاستحداث وابتكار الأساليب
بما يعطيهم القدرة على المزيد من ممارسة دنائتهم .

ولا هيلاقو رد فعل غريب والناس بتبعد عنهم؟؟
ولا هيلاقوا غير كدة خالص..

شوف هناك مثل شائع يقول :

العبد يقرع بالعصا والحر تكفيه الملامة

من الأساس هم ألفو الاعوجاج أما لو كان مايزال هناك

بقايا احساس لديهم فلربما يتعظون أقول ربما والأمر هنا

احتمالى ولا أتصور التغيير سوى للأسوأ وبعدين الناس

وأحكامها عليهم ليست مما يشغلهم لأن فاقد الشىء

لايعطيه ولو انكشف أمره فى مكان فلا مانع من تغيير المكان

بغيره وممارسة نفس سوء السلوك مالم يكن التغيير نابع من داخلهم

وبقناعة وإرادة قوية تامة رغبة فى الاصلاح والتوبة والتعفف .

ولا الكلام برضه هيفضل شغااااااااااال طول ما الفرح شغااااااال..
ولا ايه..؟

لايغير الله بقوم حتى يغيروا ما بأنفسهم الكلام شغال والفرح شغال

وانعدم الضمير وزين لهم الشيطان سواءات أفعالهم ونسوا خالقهم

فأنساهم أنفسهم ... ولا حول ولا قوة إلا بالله فسبحانه يهدى من

يشاء ويصل من يشاء ولا يظلم الله أحدا

لا حول ولا قوة إلا بالله

مع الشكر

[نووونا]

ده بيكون طبع في الانسان الناس بتخاف من كلام الناس ومش عارفه ليه بيستريحو لما يكدبو ولا ايه وفين ضميركم من ربنا (ومالك ومال الناس انت بيكون ليك نفسك وبس الناس ملهاش حاجه عندك )

[عسل و قمر]

العادة دي منتشره في كل ارجاء العالم

[Transporter]

بسم الله الرحمن الرحيم
السلام عليكم ورحمة الله وبركاته



اللي بيمشي ورا كلام الناس بيضيع واللي بيعيش بكلام الناس بيندفن
دع الكلاب تنبح وامضي بحياتك ولا تبالي لاحد

وشكرا على موضوعك

[Mo chahin]

متشكر جدا للمرور الجميع منكم جميعا
تحياتى الخاصه ليك يا محمد يا شريف وليك يا احمد
تسلمولى

[H&H]

انا راي الواحد يقول الحقيقه

لانه لو مقلهاش يبقى بيضححك على نفسه مش على الناس

و راي برضه كلام الناس لا بياخر و لا بيقدم

ويبقى الحال على ما هو عليه ومينوب الواحد

الا وجع الدماغ

تحياتي

[Mo chahin]

مظبوط كلامك يا جميل
تسلم لمرورك