حا حاول ما جيش

[اخر الليل]

حا حاول ما جيش



حا حاول ما جيش

عشان ما تزعليش

عشان دمعة عنيكى

ع الخد ماتجريش

عشان بسمة شفايفك

تبقى ولا تنتهيش

وعشان ما تزعليش

حا حاول ما جيش

مادام لقانا دايما

دمع وبكا وأنين

بتنسى شوق لقانا

وتفكرى فى السنين

والحزن ع اللى فات

والدمع والآهات

وعشان ما تزعليش

حا حاول ماجيش

ليه دايما بلاقى شفايفك

بسمة ولا تشحكيش

ليه دايما بلاقى عنيكى

فرحه ولا تفرحيش

ليه شايفه الآمل دا سراب

دا عنيكى ما بتخبيش

وما دام لقانا حزين

والنار ما بتنطفيش

حا حاول ما جيش

عشان ما تزعليش

[شاعر الاقصى]

بجد جميل اوي وفيها تضحيه كمان وحب كبير شكرا لك عزيزي على احساسك العالي

ودمت بخير وصحه ورمضان كريم عليك وعلينا

[اخر الليل]

مشكور جدا لمرورك الرائع شاعر الاقصى

[احمد الحلو]

اخر الليل000

كلماتك غايه فى الرقه واحساسك جميل

استوقفتنى كلماتك المعبره اشعر وانها احساس صادق

ينبع من داخل قلب رقيق

وكلمااات معبرره وصاادقه

حروفـك تتراقـــــــــص عذوبـه ,,,,

هنيئاً لك هذا الابداع


تحياتى لك اخى وفى انتظار ابداعاتك الرقيقه الرائع

كل الحب والتقدير 000كنت هنا000احمد الحلو000

[اخر الليل]

الاخوة الاعضاء مشكورين جدا لتواضعكم بالمرور عبر صفتحى