مضايق ادخل وفضفض لو مضايق

[عطر الاحزان]

أنا النهارده بمناسبة رمضان قررت أحكيلكم مشكلتى
أنا والدى توفى وأنا فى ابتدائى من حوالى 8سنين وكان نفسه انى اكون دكتورة الحمد لله قدراتى توصلنى كنت مجتهده جدا وكنت بذاكر كتير عشان أحقق أمل بابا وماما
حاجه تانيه الحمد لله كنت قريبه من ربنا بدرجه جميله جدا كنت هلبس النقاب كان الناس بيحبونى جدا والله الكلام من غير مبالغه انتو عارفين الواحد الكويس لما يجى يموت او يحصله حاجه بتحسى قبلها علطول انه بيكون فى أحسن حالاته أنا كنت كده بالظبط
المهم الكلام ده لحد السنه اللى فاتت أصبت بمرض خطير جدا وكنت تقريبا بموت واستمر تعبى فترة حوالى سنه بس وقتها كنت تعبانه تعب مش هزار لدرجة انهم كانو بيوقفو التعب بالمنوم لأن الأدويه ماكنتش بتأثر فيا كنت فاكرة انه تعب وهيروح لحاله بس ده راح وسابلى بصمه فى نفسيتى كل شئ جوايا اتغير اتقلبت عالناس لأنى وصلت فى مرة ان كل اللى أعرفهم وقفو قدامى يعيطو ومحدش قدر يفيدنى بقيت أقولهم الحقونى اعملو حاجه يقولو عملنا كل حاجه احنا آسفين قولى يارب
والكل بيبكى طبعا فاللحظه دى اتقلبت كل موازين خصوصا مع الناس
المهم ربنا شفانى باعجاز بجد شفائى كان مفاجئه ومعجزة فى نفس الوقت خلصنا من التعب دخلت على الثانويه يعنى السنه الحاسمه اللى بنتظرها من سنين عشان أعمل كل اللى اقدر عليه وأطلع دكتورة جيت أعمل كده للأسف مقدرتش .......
بسبب تعبى كان مأثر عليا طبعا كنت لسه فى فترة النقاهه الحقيقه دى صدمتنى انى مش هقدر اعمل اللى بستنى اعمله اللى كنت بحلم بيه اللى نفسى فيه خلااااااااااص نفسيتى اتدمرت بجد
الحمد لله موت نفسى فالمزاكرة قد ماقدرت الحمد لله جبت 97 يعنى ملحقتش طب على فكرة أنا مكنتش عاوزة طب عشان كده بس والله السبب الرئيسى انى ذقت طعم المرض وعرفت الدكتور بيكون ايه بالنسبه للمريض ازاى ممكن المريض ده ميكلمش اى انسان حواليه من تعبع ويفتكر ان كل دول مبيفهموش حاجه بس لما يشوف الدكتور حتى لو فيه تعب الدنيا بيتعدل ويحكيله ويعيطله ويقوله ساعدنى بيعتبره ملك من عند ربنا نجده كان نفسى أجرب احساس الدكتور كان نفسى اكون سبب فى شفاء انسان كان نفسى اشوف فرحه مريض بشفاؤه زى ابتسامتى لما ربنا شفانى بس للأسف القدر قالى انتى مينفعش تكونى الطرفين اما دكتورة واما مريضه والحمد لله ربنا اختارلى المريضه
بعد ده كله اتصدمت فالناس جاااااااامد فى ناس كتير تقريبا فى كل الناس لأسباب مختلفه
المهم فى النهايه كل الحاجات دى طلعت انسانه عصبيه صعبه جدا مبتلتمسش الأعذار مبتثقش فى حد انسانه مختلفه مش انا داكله بعدنى عن ربنا
انا مش عارفه انا ليا عذر انى اكون كده أنا مش عارفه تفتكرو هقدر أرجع زى الأول تفتكرو أثق فى الناس ازاى وانا عارفه ان محدش هيفيدنى ولا يضرنى غير ربنا مش عارفه انا بزعل كتير من الناس مش عارفه اعاتب ولا متفرقش طيب لو عاتبت مانا هعاتب كتير لانى بزعل كتير لانى بحب كتير تفتكرو محدش هيزهق منى
حد يقولى انا ايه بالظبط انا مخنوقه ومتلخبطه
سورى اذا طولت عليكو بس دى اول مرة اتكلم كده عن تعبى او عن نفسى لانى متعودتش اتكلم مع حد عن نفسى لانى زى ماقولتلكو انا مبثقش فى حد
عاوزة اقولكو على موقف من كتر مانا بقيت صعبه ومختلفه بدأت انسى انى فيا حاجات ولو قليله كويسه مرة واحده كلمتنى وحش وبعدين اتصلت بيا وقالتلى انا اسفه ممكن تسامحينى سامحتها علطول بس بعدها فضلت افكر واقول لنفسى ايه ده ازاى انا سامحتها مش انا صعبه مش انا مبقبلش اعذار شوفو وصلت لدرجة ايه
please help me

[روميو مجنن البنات]

اولاا الحمد لله انك قومتلنا بلاسلامه
ثانيا فى حاجه بيقولك وقت الزنقه بتعرفك عدواك من حبيبك وبتعرفى صحبك اللى بيتمنالك الخير من اعداءك اللى بيتمنوالك الشر
وحلو انك اعترفتى انك كنتى صعبه واتغيرتى فمعنى كده انك عارفه وعايزه تتغيرى فالعترف بلااخطاء يريح الانسان ويجعلو مصمم على ذولها من حياتو وعدم تكراره
وحلو كمان انك حطه امامك هدف فى حياتك انك تدوى جراح الناس اللى حوليكى واللى بيتاءلمو باءنك تكونى دكتوره علشان ميشفوش اللى عانيتى منو انتى
ارجو ان تتقبلى مرورى
وحمدالله على السلامه
وعايز ائلالك حاجه ورزقى عالله
انتى انسانه بجد طيبه

[ألاء الرحمن]

السلام عليكم ورحمه الله وبركاته
انا متشكره اوى ياجماعه على ردكم والله فادنى كتير انا على فكره كتبت المشاركه وقعدت فتره ومش لقيت حد رد وقفلت ولسه فاتحه بس بجد انا بشكركم جدااااا والله انا استفدت

اقتباس المشاركة الأصلية كتبت بواسطة واثقه بربها أنا النهارده بمناسبة رمضان قررت أحكيلكم مشكلتى أنا والدى توفى وأنا فى ابتدائى من حوالى 8سنين وكان نفسه انى اكون دكتورة الحمد لله قدراتى توصلنى كنت مجتهده جدا وكنت بذاكر كتير عشان أحقق أمل بابا وماما حاجه تانيه الحمد لله كنت قريبه من ربنا بدرجه جميله جدا كنت هلبس النقاب كان الناس بيحبونى جدا والله الكلام من غير مبالغه انتو عارفين الواحد الكويس لما يجى يموت او يحصله حاجه بتحسى قبلها علطول انه بيكون فى أحسن حالاته أنا كنت كده بالظبط المهم الكلام ده لحد السنه اللى فاتت أصبت بمرض خطير جدا وكنت تقريبا بموت واستمر تعبى فترة حوالى سنه بس وقتها كنت تعبانه تعب مش هزار لدرجة انهم كانو بيوقفو التعب بالمنوم لأن الأدويه ماكنتش بتأثر فيا كنت فاكرة انه تعب وهيروح لحاله بس ده راح وسابلى بصمه فى نفسيتى كل شئ جوايا اتغير اتقلبت عالناس لأنى وصلت فى مرة ان كل اللى أعرفهم وقفو قدامى يعيطو ومحدش قدر يفيدنى بقيت أقولهم الحقونى اعملو حاجه يقولو عملنا كل حاجه احنا آسفين قولى يارب والكل بيبكى طبعا فاللحظه دى اتقلبت كل موازين خصوصا مع الناس المهم ربنا شفانى باعجاز بجد شفائى كان مفاجئه ومعجزة فى نفس الوقت خلصنا من التعب دخلت على الثانويه يعنى السنه الحاسمه اللى بنتظرها من سنين عشان أعمل كل اللى اقدر عليه وأطلع دكتورة جيت أعمل كده للأسف مقدرتش ....... بسبب تعبى كان مأثر عليا طبعا كنت لسه فى فترة النقاهه الحقيقه دى صدمتنى انى مش هقدر اعمل اللى بستنى اعمله اللى كنت بحلم بيه اللى نفسى فيه خلااااااااااص نفسيتى اتدمرت بجد الحمد لله موت نفسى فالمزاكرة قد ماقدرت الحمد لله جبت 97 يعنى ملحقتش طب على فكرة أنا مكنتش عاوزة طب عشان كده بس والله السبب الرئيسى انى ذقت طعم المرض وعرفت الدكتور بيكون ايه بالنسبه للمريض ازاى ممكن المريض ده ميكلمش اى انسان حواليه من تعبع ويفتكر ان كل دول مبيفهموش حاجه بس لما يشوف الدكتور حتى لو فيه تعب الدنيا بيتعدل ويحكيله ويعيطله ويقوله ساعدنى بيعتبره ملك من عند ربنا نجده كان نفسى أجرب احساس الدكتور كان نفسى اكون سبب فى شفاء انسان كان نفسى اشوف فرحه مريض بشفاؤه زى ابتسامتى لما ربنا شفانى بس للأسف القدر قالى انتى مينفعش تكونى الطرفين اما دكتورة واما مريضه والحمد لله ربنا اختارلى المريضه بعد ده كله اتصدمت فالناس جاااااااامد فى ناس كتير تقريبا فى كل الناس لأسباب مختلفه المهم فى النهايه كل الحاجات دى طلعت انسانه عصبيه صعبه جدا مبتلتمسش الأعذار مبتثقش فى حد انسانه مختلفه مش انا داكله بعدنى عن ربنا انا مش عارفه انا ليا عذر انى اكون كده أنا مش عارفه تفتكرو هقدر أرجع زى الأول تفتكرو أثق فى الناس ازاى وانا عارفه ان محدش هيفيدنى ولا يضرنى غير ربنا مش عارفه انا بزعل كتير من الناس مش عارفه اعاتب ولا متفرقش طيب لو عاتبت مانا هعاتب كتير لانى بزعل كتير لانى بحب كتير تفتكرو محدش هيزهق منى حد يقولى انا ايه بالظبط انا مخنوقه ومتلخبطه سورى اذا طولت عليكو بس دى اول مرة اتكلم كده عن تعبى او عن نفسى لانى متعودتش اتكلم مع حد عن نفسى لانى زى ماقولتلكو انا مبثقش فى حد عاوزة اقولكو على موقف من كتر مانا بقيت صعبه ومختلفه بدأت انسى انى فيا حاجات ولو قليله كويسه مرة واحده كلمتنى وحش وبعدين اتصلت بيا وقالتلى انا اسفه ممكن تسامحينى سامحتها علطول بس بعدها فضلت افكر واقول لنفسى ايه ده ازاى انا سامحتها مش انا صعبه مش انا مبقبلش اعذار شوفو وصلت لدرجة ايه please help me

والله يا اختى انتى فى الابتلاء اللى مريتى بيه ده ربنا خلاكى تعرفى معادن واصل ناس كتيره اوى
اولا انتى ربنا ابتلاكى بمرض وكان عايز يشوف درجه صبرك اد ايه وكمان يمكن كان عايز سبحانه وتعالى يكفرلك عن ذنوبك اكتر ويقربك ليه وممكن المرض ده كان فى صالحك لان ربناكان عايز يوعيكى ويعرفك مين الناس اللى حواليكى .. هل هم فعلا ناس يستحقوا انك تعرفيهم ؟؟ ولا هما مش جديرين بمصاحبتك ؟؟ يعنى كان درس من عند ربنا وكمان ربنا كان بيوريكى ان الموت قريب من كل انسان .. اى انسان ممكن يموت فى لحظه .. لولا فضل الله عليكى .. انا طبعا مقدره الصدمه اللى انتى حسيتى بيها بسبب معرفتك لاصل الناس اللى حواليكى لان الموقف ده مش سهل ابدااا وصعب على النفس كتير .. بس الواحد لازم يكون عنده ثقه فى ربنا اكتر ويعرف ان اللى حصله ده كان فى صالحه يعنى انتى دايما خليكى قريبه من ربنا دايما يكون فى بالك .. افتكرى لحظات المرض واحمديه على نعمه الصحه دلوقتى .. حاولى تستعيدى ثقتك بنفسك وقربى من الناس تانى بس حاولى تختبرى اللى قدامك قبل ما تخليه شخص مقرب ليكى لان دى طبييعه البشر عامه لو مكنش فى شئ اسمه مجامله كان نص البشر خسروا بعض .. لازم تعودى لحياتك من تانى وبقوه وخليكى واثقه بربك .. ربنا يوفقك ويدخلك كليه الصيدله وخلى النيه حاضره دايما انك داخله الكليه دى عشان تعملى اى حاجه تنفع امتك وتساعدى الناس بعلمك وربنا يوفقك اختى الغاليه ..

[ولاء89]

اولا حمد الله علي السلامه يا قمر
ثانيا الانسان الكويس هوا اللي ربنا بيختبره
ثالثا عجبني فيكي ثقتك بربنا واللي سميتي نفسك بيها ولازم تحاولي بجد انك تعرفي الكويس من الوحش ولازم برده تعرفي ان حتي الانسن الكويس اكيد فيه عيوب انا مش بقولك كده لاني متفائله انا ممكن اتعرضت لموقف المفروض مثقش فيه حتي في اقرب الناس بيا لكن وقفت علي رجلي تاني اينعم قعدت مع دكاتره وبتاع بس المهم اني لسه عايشه صدقيني انا بقولك ده كله عن تجربه جامد شويه وعيشي حياتك وبلاش تبصي وراكي وانسي كل حاجه وحشه وفكري في الحلو انا قعدت سنتين افكر في اللي حصلي لقتني برجع لورا سوري طولت عليكي واتمني انك تكوني صديقتي

[الرومانسية]

السلام عليكم ورحمة الله وبركاتة
تسلم ايديكى على الموضوع الجميل بجد والله موضوع اكثر من رائعموضوع مميز
وتسلم يا روميو انك رجعت الموضوع تانى
وكل سنة وانتم طيبين

[Samar ELDALY]

موضوع جميل ياروميو حقيقي لازم كل واحد يفضفض عشان يطلع اللي جواه ويستريح ولازم كلنا نشارك ميرسي ليكي وكل سنه وأنت طيبه

[عطر الاحزان]

مرسيه لكل اللى ردو عليا
ومرسيه لمرورك يا رومانسيه وانتى ياسمر بس انتو ليه مروركو كان عابر يعنى متكلمتوش على مشكلاتكو ولا حتى رديتو على أى مشكله الموضوع مش عاوز مرسيه وبس الغرض الأصلى اننا نتكلم واحنا منتظرين تفاعلكم أكتر
روميو:أنا متشكرة جدا على ردك وكمان سعيده انك فهمتنى من خلال كلامى عن نفسى انى طيبه بجد مرسيه بس تقريبا انت فهمتنى غلط الناس كلها وقفو جنبى فى زنقتى وعملو أكتر حاجه يقدرو يعملوها بس كل ده مأثرش أقصد أقول انهم ساعدونى باقصى شئ بس فالاخر مغيروش اى شئ يعنى اللى بينفع ويضر هوا ربنا يبقى ليه الناس تتحكم وتتكلم وتزعق ليه انتى بترزقينى ولا بتخففى عنى انتى مخلوقه زيك زيى هوا ده بقى مبدئى وبصراحه مش عارفه اذاكان صح ولا غلط
آلاء:مرسيه ليكى حبيبتى على ردك بصراحه انا استفدت بس كان فى بعض الفهم الخاطئ زى ماقولت لروميو وكمان ردك عجبنى وكنت عاوزة اعرف بوضوح ازاى اتاعمل مع الناس اصل حكايه اللى يستاهل وكده مش داخله دماغى انا اما الكل يستاهل ثقتى واما لاااااعلى الكل برده لأنى اذاحبيت اعرف اللى يستاهل واللى ...أكيد هتعرض لحاجات تتعبنى خصوصا ماللى ميستاهلش وزى ماقولتى ان حتى الكويس لازم يخطئ اهو انا بقى مبقبلش خطئه وبحس وقتها انى اخطئت لما وثقت فيه
لولو حبيبتى :والله يا ولاء كنتى واحشانى انتى فين من زمان شكرا على ردك وسؤالك وعاوزة اقولك انى هكون سعيده لو بقينا اصدقاء ياريت تبعتيلى مسج بميلك وانا أكلمك حالا أصلى لسه مش عارفه استخدم خدمة الرسايل
وأخيرا كل سنه وانتو جميعا بخير
مشاركتكو أسعدتنى
مرسييييييييه يا روميو لك الفضل فانى فضفضت
وعاوزة اقول تانى ان دى اول مرة اتكلم فيها وبصراحه ارتحت قوى مكنتش فاكرة انكو هتسمعونى كده وكمان تتعاطفو معايا بجد شكراااااااااااااااا

[روميو مجنن البنات]

samar
الموضوع بتاع وثقه بش ليا
فلازم ياجماعه الكل يشكارها هى
ويكون فيه تفاعل اكثر من ذلك
فالموضوع اكثر من ممتاز
لانسانه رائعه
وسورى انى فهمتك غلط يا وثقه والله بش مركز معلش شربت شاى حمضان بش مخلينى مركز خلاص

[عطر الاحزان]

هههههههههههههههه ومين اللى عمله ؟
بس انت مرديتش برده على سؤالى ارجع اقرء تانى لو سمحت بس بتركيز
وياسيدى مش فارقه الموضوع بتاع مين وهوا الوقتى خلاص مبقاش بتاعى هوا فعلا بقى موضوعك انت
وعلى فكرة أنا مقدرة تضامنك معايا ووقفتك جنبى مرسيه

[ألاء الرحمن]

والله بجد يا اختى انتى طيبه جداااا وبجد انسانه رائعه .. والله بدعى ان ربنا يجنبك الناس اللى متستاهلش صداقتك .. بجد فعلا فكره روعه وكل ما الاقى نفسى متضايقه وعايزه اتكلم هاجى هنا على طووول