دمياط يا بلدنا يا صبية

[أنثـے مًنْ الّخٍـْيـِالْ→♀]

بسم الله الرحمن الرحيم

دمياط يا بلدنا يا صبية





7
7



بسم الله

اول حاجة احب اسالها لكم ؟؟
!
ليه اول لما يذكر انك دمياطى يذكر صفة البخل !

سؤال محيرنى

هل ذلك لانهم يعتبرون الشعب المصرى الوحيد الذى به نسبة البطالة تكاد تكون منعدمة

ام لاننا بنحترم الثانية و الدقيقة و الساعة

ام لاننا نحرص على تكوين نفسنا بنفسنا

!!

فعلا سؤال محيرنى

ليه صفة البخل تلازمت مع الدمايطة

مرة و انا فى الامتحان السنة دى

كان بيراقب عليا مدرس من المنصورة

ففضل طول اللجنة يتريق على الدمايطة

حتى كدنا نترك الامتحان للمناقشة معه فى هذا الامر >> طبعا نتيجة هذا الامتحان مش محتاجة اقولها ههههه

المهم نرجع لامرنا تانى

ليه لما نذكر الدمايطة يذكر امثال

تشرب شاى و لا مش كييف

تتعشى و لا تنام خفيف

هههههههههههه

و حاجات تانية كتيييير

طب انت جربت تتعزم عند اسرة من الدمايطة

اقسم لك انهم هيكرموك زى اى حد تانى و احسن كمان




المهم احب احكى لكم عن دمياط شوية و يا ريت تغيروا

دمياط يا بلدنا يا صبية

طبعا دمياط دى بيها راس البر (( مارينا البسطاء )) ,, (( جوهرة الدلتا )) ,, (( اصل المصايف ))

اقتباس ومن أشهر المناطق التي يحرص زوار المدينة على مشاهدتها والتأمل فيها، نقطة التقاء مياه النيل العذبة بالبحر المالح، في المكان المعروف باسم «اللسان».. حيث يصب النيل مياهه بعد رحلة طولها 6695 كيلومترا يقطعها في أراضي عشر دول أفريقية جنوبا، ليصب فيضه عند المدينة الساحلية في مشهد فريد.. مدينة «رأس البر» كانت تعرف قبل الفتح العربي باسم «جيزة دمياط»،

و اليكم هذا الفيلم التسجيلى عن دمياط و ان شاء الله يعجبكم





صناعات تشتهر بيها دمياط

طبعا عندنا تذكر دمياط يذكر معها الحلويات و الاثاث

يعنى احسن ناس تصنع جميع انواع الحلويات الغربية و الشرقية

و كمان احسن ناس عندهم ضمير و صنعة فى صناعة الاثاث


و اليكم بعض الصور

دول اثاث من صنع دمياطى






و ده تاكسى دمياط



و ده موقع دمياط على خريطة مصر


و دى بعض الحلويات من دمياط

اتفضلوا





يا ريت اكون قدمت لكم بعض اشياء دمياط
و يا ريت تردوا على السؤال اللى محيرنى !!

[SiLver Spectra]

اشطه عليكي يا طمطم

و على رأي الشاعر حسني مبارك : ياريتنا كلنا دمايطه


بس شوفتي بيتي؟

كملي الطريق دا طوالي



^_^

فين الكوبري؟

الي صارفين عليه دم قلبنا

^_^

على فكرة أغلب مشاريع دمياط بتبقى من دخل المحافظة...مش بقى ميزانية دولة و هاتي يا حكومة زي باقي المحافظات

و المدرس المنصوري دا....

خليه يلعب بعيد هما و جمصه بتاعتهم
ههههههههههههههه

على فكرة المنتدى مليان منصوريين و الحرب ممكن تولع في المنتدى
^_^

ماجبتيش كمان فيديو لراس البر ليه؟



و دا فيديو تاني تحس إنها حكايات ألف ليلة و ليلة
ههههههههه





و دا هو مكان التقاء النيل بالبحر المتوسط

على الشمال النيل و على اليمين البحر المتوسط




شكرا يا طمطم على الموضوع

طبعا السمعات دي مالهاش أي صحة من الواقع

زي الصعايده...أو البورسعدية و غيرها

حكم تعميمي ظالم

مالوش أي منطق



معجبة بتاكسي دمياط أوي
^_^

[أنثـے مًنْ الّخٍـْيـِالْ→♀]

اهلا اهلا بخيرة شباب دمياط

طبعا مش هعرف اعقب على ردك عن دمياط

لانك دمياطى زيى

غيرغ انك اضفت كتيييير للموضوع

تسلم يا طرووق ع الرد

بس لى عودة للرد على بعض الجزيئيات

سللاام

[أنثـے مًنْ الّخٍـْيـِالْ→♀]

اقتباس
المشاركة الأصلية كتبت بواسطة SiLver Spectra





اشطه عليكي يا طمطم
هههههههههههه
محسسنى اننا قاعدين على قهوة
ههههههه

و على رأي الشاعر حسني مبارك : ياريتنا كلنا دمايطه
ده شاعر جديد اظن انه اللى صورتة بتعمل لنا باى فى بداية راس البر

بس شوفتي بيتي؟

كملي الطريق دا طوالي

هههههههههههههه
اوعى يكون جنب مديرية الامن !! ده اخر الطريق على ما اظن ههههه



^_^

فين الكوبري؟

الي صارفين عليه دم قلبنا

بقى من الاثار

^_^

على فكرة أغلب مشاريع دمياط بتبقى من دخل المحافظة...مش بقى ميزانية دولة و هاتي يا حكومة زي باقي المحافظات

و المدرس المنصوري دا....

خليه يلعب بعيد هما و جمصه بتاعتهم
ههههههههههههههه

على فكرة المنتدى مليان منصوريين و الحرب ممكن تولع في المنتدى

ههههههههههههههههههه
هو احنا قلنا حاجة هههههه
^_^

ماجبتيش كمان فيديو لراس البر ليه؟

هههههههههه و الله كنت ناوية اكمل الموضوع بس لقيت ان لازم يتوافق عليه الاول



و دا فيديو تاني تحس إنها حكايات ألف ليلة و ليلة
ههههههههه







و دا هو مكان التقاء النيل بالبحر المتوسط
و للعلم المكان ده مذكور فى القران فى سورة الرحمن

على الشمال النيل و على اليمين البحر المتوسط




شكرا يا طمطم على الموضوع

طبعا السمعات دي مالهاش أي صحة من الواقع

زي الصعايده...أو البورسعدية و غيرها

حكم تعميمي ظالم

مالوش أي منطق



معجبة بتاكسي دمياط أوي

هههههههههههههههه
اشيك من غيره ههههههه
^_^

صح يا طارق الحكم التعميمى للدمايطة بالبخل ده

او البورسعيدية بالفشر و الكذب

او الشرقاوية بالفلاحة

و الصعايدة بــ ..... تيت ....

ملهاش اى اساس من الواقع و لازم كل بنى ادم يفهم كده

و يبنى فكرته على التعامل و ليس على ما بيسمع

يعنى ميمشيش بمبدأ الصيت و لا الغنى

و على كل حال يسلموو ع الرد

و كفاية كده ليرجع حبر المنتدى يخلص

هههههههههههههه

سلامى لك

[drhanan]

السلام عليكم يا اخوانى
دمايطية او من اى بلد تانى
انا دمياطية وبتتشرف بكده
علشان انا من يابان مصر
مش بس كده وكمان مذكورين ف القران [/OCOLOR="Plum"]مرج البحرين يلتقيان[/COLOR]).
واللى بيقول علينا بخلاء يبقى هو ...............................؟؟؟

[أنثـے مًنْ الّخٍـْيـِالْ→♀]

اقتباس
المشاركة الأصلية كتبت بواسطة drhanan





السلام عليكم يا اخوانى
دمايطية او من اى بلد تانى
انا دمياطية وبتتشرف بكده
علشان انا من يابان مصر
مش بس كده وكمان مذكورين ف القران [/OCOLOR="Plum"]مرج البحرين يلتقيان[/color]).
واللى بيقول علينا بخلاء يبقى هو ...............................؟؟؟

اهلا بيكى اختى معانا

و يشرفنا جميعا بان نكوت دمايطة

على الاقل باخد حقنا بايدنا بدون مساعدة من لاخرين

فلو لم نكن دمايطة لوددنا ان نكون كذلك

لكى منى كل التقدير و الاحترام

[angel tears]

على فكرة يا طمطم انا بحب الدمايطة جدا

و كانوجم قريب فالعاشرة مسائ ميت الخولى عبد الله
الى شافهم
انا اقاريبى دمايط
و على فكرة مش بخلاء و لا حاجا
بس اهى طلعت كدا هنعمل ايه

[smsma666]

موضوع جمييل وخفيف ياطمطم
وانتى وطارق من دمياط خلاص هسكت مش هقول حاجه ههههههههههه
لا نتكلم بجد انا ماعرفش ان اهل دمياط بخله انا اعرف ان المنوفيه هى بلد البخل >>مع احترامى لاى منوفى هنا>>
يعنى زى ماقال طارق كلها احكام تعميميه يعنى الصعيد مثلا هتلاقى محور اى نكته مره واحده صعيدى ......... وتكون النكته اغبى ما يكون طيب تعالى نسال زى ما انتى ما سألتى ليه الصوره الوحشه دى عنهم ؟؟ مع اننا لو لحظنا كل سنه اول الثانويه العامه بيكون من اسيوط يعنى صعايده صعايده >>طبعا علشان انا منها ههههه>> هم نظرة الناس عموما ان احسن محافظتين الجيزه والقاهره باقى المحافظات لازم نطلع عليها سمعه ماتعرفيش ليه
بس دمياط اكيد بلد جميله انا مازرتهاش قبل كده لكن الصور بتاعتك انتى وطارق حلوه جدا
وكفايه بقى انكم منها ولا انتم بخله هههههههههههههه

موضوع جمييييل طمطم مشكوووووووره عليها يا قمر

[مـــــشــمــشـــــة]

يسلمو ايديكو شباب تسلم ايدك ياطمطم وبعدين دمياط ايه واسماعيليه ايه وصعيد ايه بس هما كلهم مش تحت اسم دوله واحده وشكرا على الصور بجد استافدت كتير انا مكنتش اعرف عن دمياط دى غير الموبيليا والمشبك ورأس البر وبعد كده مفيش وبعدين ياطمطم بقلك الشراقوه معروف عنهم الكرم ياقمر انتى نسيتى الحته دى مش الفلاحه بس الشرقيه بينضرب بيها المثل فى الكرم واكيد انتى سمعتى عن موقف القطار اللى الشراقوه فطروا كل ركابه ـــــــ وبعدين ياجماعه شراقوه دمايطه اسمعلاويين صعايده منوفيين كلنا مصريين واكبر دليل ان كلنا مصرى مصرى زعلنا على الدمايطه اللى كانو سجناء لقراصنه الصومال وكلنا فرحنا مصرى مصرى لما شرفونا ورجعو وجيبانهم زى الولايا معاهم مكناش بنقول ده دمياطى لا كنا بنقول مصرى وربنا يحفظ مصر الغاليه شبر شبر فيها من اسوان لأسكندريه وفى الوسط الشرقيه ((شرقاويه ــ كريمه ))ـــــــــــــ تقبلى مرورى

[أنثـے مًنْ الّخٍـْيـِالْ→♀]

اقتباس
المشاركة الأصلية كتبت بواسطة angel tears





على فكرة يا طمطم انا بحب الدمايطة جدا

و كانوجم قريب فالعاشرة مسائ ميت الخولى عبد الله
الى شافهم
انا اقاريبى دمايط
و على فكرة مش بخلاء و لا حاجا
بس اهى طلعت كدا هنعمل ايه

تسلمى يا قمر

و احنا بنحبكم اوى

و هم فعلا كانوا قريب فى كل البرنامج

لانهم قهروا القراصنة الصوماليين

و عرفوا يهربوا منهم و كمان اسروا ناس منهم