عظيمه يابلدى

[حروف مبعثره]

يبقى انت اكيد فى مصر؟؟؟؟؟لما العمارات توقع والبيوت تنهار على سكنها ويموووت يجى الف شخص
ويطلع مسئول يقولك(((ياجماعه الامن مستتب مفيش داعى للهلع او الخوف ايه يعنى الف ولا الفين ماتوا مش ممكن كانوا ماتوا لما كلوا فراخ فاسده ولما سمك فاسد ولا بيض مسمم ا ولا فى معركه فى متش مصر وبركينا فاسوا او من عند سمسم بتاع الكبده ولا من السكر غير مطابق للمواصفات الصحيه ولا من المايه الى غير مكرره (مجارى ياريس لوسمحت الله يخليك)
ولا مثلا فى معركه فى الصعيد بين ولاد ابو اسماعيل وعيلة عوضين (كبير والله ياريس طلعت منها)
يعنى مش مهم الف ده ملخص كلام المسئول وان وزارة الاسكان غير مسئولهعن ماحدث فقد اعلن سيادته انه تم اصدار بيان ازله من الستنيات للعماره ويطلعلك منشور عمر ماحد سمع ولا شافه قبل كده
يقولك القرار طالع ولم يتم تفيذه حتى الان(الكبير كبير)
وقد صرح مصدر امنى ان المسئول فلان الفلات قد توفى الى رحة الله تعالى يوم الخميس نتيجة ازمه قلبيه حاده وارتفاع فى ضغط الدم وانسدادفى الحلق وسنانه كانت وجعاه شويه
(هتكدب الحكومه بردو)
انا سمعت انه مات من الصدمه لما عرف انه اتصور وهو بياخد رشوه من رجل الاعمال ------ كام مليون عشان يسلكله امورره الله يرحمه كان اكلها والعه من دم الغلابه وشقاهم وتعبهم
عظيمه يامصر ياارض اللواء
قد اعلن مصدر مجهول الهويه(معدوم الاسم يعنى)
اعلن ان حالة انفولنزا الخنازير قد انتشرت بشكل مروع مما قد اصار حركة الارتباك بين المواطني
وقد صرحت وزارة الاعلام بمنع تبادل القبلات بين الممثلين ومنع المشاهد الحاره التى تجعل الافلام متربعه على عرش الايرادات نتيجة الاسفاف ومين فلمه اسخن
قد منعت القبلات حتى لاتنتقل العدوى بين الممثلين خاصة بعد اصابه نهال عنبر بانفولنزا الخنازير مما جعلها تبتعد عن الساحه الفنيه حتى يتم الشفاء ان شاء الله_الف سلامه يانهال منتظرينك مش مصريه لازم اهيس مع الهيسه)
كما صرح مصدر ان الفنان تامر (نجم الجيل مصر طبعا) انه على وشك الاصابه بالمرض ان شاء الله وقد اربك ذلك صفوف الفرقه التبعه له(هشك بشك)
كما اعلنت وزارة الصحه ان الطاعون على وشك الدخول الى مصر من عن طريق الحدود الليبيه (من عن طريق الهجره الغير شرعيه) واصابة بعض المواطنين 3 مواطنين عشان تعرف الرقم الحقيقى (اضر فى اتنين) عظيمه يابلدى
كنتوا فين بقى والحدود مهويه
كنا بنفض البطانيه
ولا همك ياباشا
لساكى عظيمه يابلدى
وقد اعلنت الوزاره ان الحالات صحتهم مستقره وطبيعيه (مع الاحتفاظ ببعض حالات الوفاه عشان منتحسدش بس خمسه)
قد جاء الينا احد اهم واخطر الاخبار التى تدور على الساحه المصريه وعالم الفن ان الفنان توت طلق الفنانه سوس نتيجة ارتدائها البكينى الفاتح الذى لاتماشى مع اخلاق الفنان ومبادئه(بيحب الغوامق اذواق)
مما قد اصار الشعب ضده واطلقت مظاهره بهتفات قوم ياتوتو قوم رجع سوسو قوم (لكل منا اهتماماته الخاصه)
وقد اصدر الفنان كبشتينو البومه الاول الذى اكتسح الايرادات وقال الفنان بشتينو معبرا عن سعادته انا مش مصدق نفسى خاااالش انا اكتشحت النجوم والله مش قادر اشدق ومرسى ليكوا ياجمهورى الحبيب بجد وضعتونى فى مكانه عاليه واوعدكوا باانى مش هغزلكوا ابدا ودايما هحافظ على مستواى ((نفسى الجمله دى تتغير مع اى فنان ارحمونا دماغى ورمت)
مع انطلاق الموسم الجديد
انطلق موسم القضايا وقد رفعت الفنانه تومى على الفنان سومى قضية خلع عشان مش بيخرج الكلب بتاعها وانه انسان غير متفاهم لانه مش بيقدر قيمة الحيوان
كما حصلن الفنانه سوسو على اجر 6 مليون جنيه نتيجة تصويرها فيلم جديد
اعرف ناااس بتاخد 50 جنيه فى الشهر ومعاها 5 عيال ولا دى بردو ارزاق

وفى الخاتمه حتى لوبقى اهتمامنا بالتفاهات والامراض مليتنا والمجارى غرقتنا والاكل مبقاش صالح وتوتو مش هيرجع سوسو
والمسئولين الى بحس انهم متعينين لرعاية حد تانى مش شعبنا والبلد الى خربت والشباب الى ضاعوا هتفضلى عظيمه يابلدى

[SiLver Spectra]

جامد الموضوع يا سوليداد

مع إنه موضوع هدام
^_^

طبيعي اي بلد لازم يكون فيه مشاكل

لكن طبعا الفقر بيفاقم المشاكل أكثر

و غنى البلد أو فقرها بيعتمد على شعبها أو مروادها

مصر بلد كبيره و ادارتها صعبة....


بس الموضوع هايل

ايه يا عم خفة الدم دي
هههههههه

[محمود زهران]

موضوع روعة

اسمح لي ابدي اعجابي بقلمك

وتميزك واسلوبك الراقي وتالقك

[Transporter]

بسم الله الرحمن الرحيم
السلام عليكم ورحمة الله وبركاته


شكرا سولي على موضوعك الرائع

[حروف مبعثره]

اقتباسالمشاركة الأصلية كتبت بواسطة SiLver Spectraجامد الموضوع يا سوليداد

مع إنه موضوع هدام
^_^

طبيعي اي بلد لازم يكون فيه مشاكل

لكن طبعا الفقر بيفاقم المشاكل أكثر

و غنى البلد أو فقرها بيعتمد على شعبها أو مروادها

مصر بلد كبيره و ادارتها صعبة....


بس الموضوع هايل

ايه يا عم خفة الدم دي
هههههههه






هلا بطارق بس الفقر والغنا اى نعم شئ طبيعى فى دوله بس لما يبقى المسئولين عن الدوله هما السبب فى تاخرها
ويبقى كل مسئول اهم شى عنده هو اخلاء مسئوليته من اى مصيبه ويبقى همه انه يخلص فترة على خير بدون مشاكل ومفيش مانع من شويه مكاسب ماديه يبقى ده مش ذنب شعب ويبقى الموضوع مش هدام ولا ايه
ولما معدل البطاله يبقى بالشكل ده وخرجيى الكليات العليا قاعدين من غير شغل بردو مش ذنب شعب ولاايه ولما فى مناطق فى مصر خاليه تماما من المرافق الصحيه تماما يبقى مش مشكلة شعب بردو
ولما يبقى رجال الاعمال يخرجوا يستثمروا فى صحارى سويسرا وبلدهم اولى ولا صحارى سويسرا ليها شكل تانى عن مصر
ولما تحجز مكانك من الفجر لتانى يوم عشان تلحق مكتب التنسيق ذنب شعب بردو؟؟؟
ولما ااهتمامنا الاول ده يبقى بمين طل ومين اتجوز ومش مهم النااس الى بتموت المهم مين نزل الشريط الجديد ده ممكن يكون ذنب شعب
مشكور طارق على المرور وردك اسعدنى كثيرا

[روميو مجنن البنات]

طبعا الف ميار ربعميه خمسيميه بتعرفى تعدى لحد كام على الموضوع الجامد داه
عارفه هو العيب فينا بش فيها بلدنا احسن بلد فى الدنيا وفيها كميات ثروات كبيره جدا جدا وباعترف امريكا ذات نفسها
بس احنا سلابين لابعد الحدود
ممكن سؤال لكل المنتدى من انتخب حسنى مبارك السنه الانتخابيه اللى فاتت
او مين حته عندو بطاقة انتخب علشان يوصل صوتووا
كلمه اخيره عايزين البلد ديه تطلع لادام قولوا راءيكم ومتخفوش من حد لان ديه بلدكم بش بلد الحكومه

[حروف مبعثره]

اقتباسالمشاركة الأصلية كتبت بواسطة محمود زهرانموضوع روعة

اسمح لي ابدي اعجابي بقلمك

وتميزك واسلوبك الراقي وتالقك
مشكور لمرورك نورت التوبيك

[حروف مبعثره]

اقتباسالمشاركة الأصلية كتبت بواسطة Transporterبسم الله الرحمن الرحيم
السلام عليكم ورحمة الله وبركاته


شكرا سولي على موضوعك الرائع



شكرا احمد على المرور ردك اسعدنى نورت التوبيك

[شاعر الاقصى]

سيلي لا تنسي اننا 80000000 مليوم نسمه صح يعني والله كتر خير الناس

انها عايشين في هذا الكابوس برده وساكته

ومعلش امريكا برده فيها فقر والله ودول الخليج العربي فيها فقر بنسه 30 % تقريبا امال ايه

والحمد لله ربي العالمين وربك موجود بئه ويحاسب الو الامر

وشكرا

وصباح الخير وخلااص

[حروف مبعثره]

اقتباسالمشاركة الأصلية كتبت بواسطة روميو مجنن البناتطبعا الف ميار ربعميه خمسيميه بتعرفى تعدى لحد كام على الموضوع الجامد داه
عارفه هو العيب فينا بش فيها بلدنا احسن بلد فى الدنيا وفيها كميات ثروات كبيره جدا جدا وباعترف امريكا ذات نفسها
بس احنا سلابين لابعد الحدود
ممكن سؤال لكل المنتدى من انتخب حسنى مبارك السنه الانتخابيه اللى فاتت
او مين حته عندو بطاقة انتخب علشان يوصل صوتووا
كلمه اخيره عايزين البلد ديه تطلع لادام قولوا راءيكم ومتخفوش من حد لان ديه بلدكم بش بلد الحكومه


هع هع هع هو مين معاه اصلا بطاقه انتخابيه طبعا نقول رائينا ومنخفش حتى لو جالك حد الساعه 3 الفجر لازم تعمل حسابك يكون عندكوا شباك على الشارع عشان تنط بسرعه والا هتتاخد وتتظبط معاهم ههههههه
نوت ياروميووووو