الحلقه الأولي من (مسحراتي بنات مصر) مع (‏alison sweeney)

[dr.marmar]

أعتذر عن تاخر الضيف في حلقه الامس
وذلك نظرل لمشاكل في المنتدي
اليوم اول حلقه باذن الله
انتظرونا

[dr.marmar]

الليله اول ليه من برنامجنا
مسحراتي بنات مصر(إصحي يانايم وحد الدايم)

وهنستضيف في سهرتنا الليله
عضوه جميله مميزه
سمسمه 666 سابقا
‏ALISON SWEENEYحاليا

هنقضي معاها سهره رمضانيه جميله ان شاء الله
نورتي السهره ياسمسم
اتفضلي استريحي


واشربي بقي القهوه بالحليب دي علي مانحضر السحور


وشويه مكسرات اهم سلي نفسك فيهم


وكنافه بقي علشان رمضان
كل سنه وانتي طيبه


يلا كفايه عليكي كده علشان تعرفي تتسحري
يلا في انتظار سمسم وفي انتظار أسئلتكم
لعضوتنا الجميله سمسمه

[smsma666]

ميرسى يا مروه على التقديمه الحلوه دى منك ويشرفنى اكيد ان اكون اول ضيفه معاكم هنا فى الموضوع الجمييييل ده ومنتظرين الاعضاء اكيد
وشكرا ليكى يا مرمر يا جميله على الاستضافه الجميله من انسانه اجمل

[AmoOonA]

مين اللي منوره دي سمسمه ازيك يا قمر
اقول سؤالي بقا احكينا بتقضي يومك ازاي من اول ما تصحي لغايه ما تنامي
وانتي سعيده ف رمضان السنادي ولا ايه
وايه اكتر حاجه بتحبيها ف رمضان
واستني بقي لما اجبلك شويه اساله تاني
ههههههههههههههه

[dr.marmar]

سمسم منوره الموضوع والله
ويسعدني تكوني اول ضيفه للحلقات
وانا هسألك شويه أسئله علي الماشي

رمضان عامل ايه معاكي السنه دي ؟
قريتي كام جزء من القرأن الكريم؟
ناويه تختمي ان شاء الله ولا ايه ؟
عامله ايه مع صلاه التراويح ؟
بتتابعيي ايه في التليفزيون؟
كفايه عليكي كده
وهرجعلك تاني ان شاء الله

[smsma666]

اقتباسالمشاركة الأصلية كتبت بواسطة جومانا مرادمين اللي منوره دي سمسمه ازيك يا قمر
اقول سؤالي بقا احكينا بتقضي يومك ازاي من اول ما تصحي لغايه ما تنامي
وانتي سعيده ف رمضان السنادي ولا ايه
وايه اكتر حاجه بتحبيها ف رمضان
واستني بقي لما اجبلك شويه اساله تاني
ههههههههههههههه

اهلا اهلا بالست جومانا مراد
ناخد اسئلتك واحده واحده وبالراحه كده مش داخلين حاميين عليا اوى هههههههههههه

اقتباس احكينا بتقضي يومك ازاي من اول ما تصحي لغايه ما تنامي

بصى يا ستى انا بقوم من النوم اذا ماكنتش صليت الفجر بصليه وبعد كده بقعد شويه وادخل على النت ادخل على بنات مصر واشوف اى حاجه عايزه ابحث عنها وبعد كده لما الضهر يجى اصليها واروح اوضب الصاله وبعد كده اروح اساعد مامتى لو عايزه حاجه فى المطبخ وكده وبعد ذلك العصر يقول الله اكبر اروح اصلى واقرا قرءان وبعديها اريح شويه ونعمل الاكل ونفطر وبعدها اغسل المواعين وارجى اقعد معاكم شويه وبعديها اصلى التراويح وبس

اقتباس وانتي سعيده ف رمضان السنادي ولا ايه

الحمدلله سعيده

اقتباس وايه اكتر حاجه بتحبيها ف رمضان

صلاة التراويح دى احسن حاجه

اقتباس واستني بقي لما اجبلك شويه اساله تاني ههههههههههههههه

تنورى يا ست جومانا ههههههههه اهلا بيكى

[AmoOonA]

هل بتصلي الصلاه ف وقتها؟
وهل بتساعدي ف اعمال البيت ؟
وابتديتي تقري قران وانتي عندك كام سنه؟
وايه البرنامج او المسلسل اللي عاجبك وبتحبيه وبتبعيه؟
استني بقي لما اجيب شويه اساله واجي تاني

[لوليتا المصريه]

سلوة هى اللى معانا انهاردة

مااااشى سيبونى عليها بقى ههههههه

لا دى حبيبه قلبى ويلا كام سؤال كدة صغننين هبقى حنينه عليكى

اول سؤال من امتى وانتى بتسافرى الصومال ههههههه ؟

تانى سؤال ايه لونك المفضل ؟

عندك كام سنه ؟

ايه اكتر حاجة ممكن تضايق سلوى ؟

وايه اكتر حاجة ممكن تبسطها جدا ؟

امتى بتبقى راضيه عن نفسك ؟

لو عندك سر بتقوليه لحد ولو قولتيه بتقوليه لمين ؟

مين اكتر حد بتثقى فيه ؟

مين مثلك الاعلى ؟

ورمضان كريم بقى كل سنه وانتى طيبه كفايه عليكى كدة

انا قولت لازم ابقى حونينه عليكى بردو

يلا منتظرين اجاباتك

[smsma666]

اقتباسالمشاركة الأصلية كتبت بواسطة dr.marmarسمسم منوره الموضوع والله
ويسعدني تكوني اول ضيفه للحلقات
وانا هسألك شويه أسئله علي الماشي

رمضان عامل ايه معاكي السنه دي ؟
قريتي كام جزء من القرأن الكريم؟
ناويه تختمي ان شاء الله ولا ايه ؟
عامله ايه مع صلاه التراويح ؟
بتتابعيي ايه في التليفزيون؟
كفايه عليكي كده
وهرجعلك تاني ان شاء الله

اهلا اهلا بمروه حبيبتى

نبدا بالاسئله

اقتباس رمضان عامل ايه معاكي السنه دي ؟

والله رمضان زى الفل السنه دى وخصوصا ان كله فى الاجازه

اقتباس قريتي كام جزء من القرأن الكريم؟

حتى الان 3 اجزاء

اقتباس ناويه تختمي ان شاء الله ولا ايه ؟

ده شئ اكيد انى هختمه بس ياريت اقدر اكتر من مره

اقتباس عامله ايه مع صلاه التراويح ؟

الحمدلله على طول بصليها وهى دى احلى حاجه فى رمضان فعلا

اقتباس بتتابعيي ايه في التليفزيون؟

رمضان السنه دى معايا ملغبط خالص مش عارفه راسى من رجليا بس مش عارفه اتابع حاجه لانى مش عارفه مواعيد اى حاجه كله بيجى بالصدفه ههههههههههههه بس عموما بسمع مسلسل اسمه الرحايا هو ده اللى بقدر اشوفه مع مسلسل بتاع سامح حسين كوميدى بقى

اقتباس كفايه عليكي كده وهرجعلك تاني ان شاء الله

تنورى فى اى وقت يا قمرايه

[dr.marmar]

ههههههههههههههه
الناس قايمه معاكي بالواجب ياسلوي
خليني انا بقي للاخر
هرجعلك تاني اظبط ان شاء الله
ههههههههههه