الــــــــــــــــــــــــــــــــحلم ...............(((1))) .

[lamar]

هاى على احلى ناس فى الدنيا .........
كان عندى فكرة مسلسل وكنت عايزة رايكوا فيها لانه يهمنى ......
نبتدى بقى من غير كلام كتير ..........

- قصتنا النهاردة بتحكى عن اتنين اصحاب جدا من سنة اولى جامعة "سياحة وفنادق" ....... الاتنين دول هما "حسام & ياسر" ......... هما فعلا اصحاب قوى ..... بسمختلفين جدا عن بعض ....... او يمكن مفيش عندهم صفات مشتركة كتير .
- يعنى مثلا ....."ياسر" ده عبارة عن شاب روش طحن ....... ومفيش فى باله اى حاجة خالص ..... عشان كده كان لازم يتعلم من خطأه ويعيد سنة ثالثة ويضيع من عمره سنة كاملة .......... ده على عكس "حسام"تماما ......الشاب الانطوائى الحزين دايما ..... هو ابن ناس اه بس عايش حياة بسيطة لوحده هنا فى مصر ...... اصل باباه عايش فى باريس بحكم شغله هناك .
- بس "حسام" ديمآ هادى ..... وعندو دراسته رقم واحد فى حياته ...... عشان كده قضى 3 سنين جمعة من غير ما يقع سنة .... و السنة دى داخل سنة رابعة .
- وللأسف "ياسر" برضو مش عايز يبطل شغل الروشنة الكدابه اللى عايش فيها ..... شوية روميو و شوية سوبر مان يعنى ماشى على كل لون ومزال كده ..... بس وقت الجد مافيش عنده غير "سلمى" ...... دى بنت اتعرف عليها فى سنة 3 ...... وحبها جدآ وتقريبآ بيقضدوا كل وقتهم سوا ..... هى بتحاول كتير على قد ما تقدر انها تبعدو عن الناس الغريبه البيمشى معاها وتخليه يركز فى دراسته عشان يتخرج و يشتغل ..... معلش اعذروها اصل البنت خايفه على مستقبلها ..... ما علينا .... ده كان يوم من الايام .... قبل امتحانات الترم بحوالى شهر وكان كده .....

- حسام داخل الكافيه على مجموعة شباب........وكان ياسر معاهم ........

((حسام)) مساء الخير يا جماعة ..... ياسر ..... عايزك .
((ياسر)) اهلآ حسام باشا ..... منور والله ......تعالى اقعد .
((حسام)) لأ شكرآ .....عايزك بقولك .
((ياسر)) طب استنى كده ...... جى اهو ...... انت هتضرب ولا ايه .....؟

- قام ياسر وراح عند حسام ......

((ياسر)) عامل ايه النهاردة ؟
((حسام)) كويس الحمد لله ...... وانت ....؟
((ياسر)) تمام قوى يا معلم ..... تسلم ......... اه صحيح .... ايه اخبار البت بتاعتك ....زارتك تانى ......!؟
((حسام)) بت ......!! بت ايه ....!؟
((ياسر)) البت بتاعة الحلم ...... لسة بتيجى تزورك ....؟
((حسام)) اااه ..... لا من حوالى اسبوع مش بتيجى .
((ياسر)) يا خبر .... طب ما تسال عليها يا ابنى ...... اهلها منعوها ولا تعبانة .......؟
((حسام)) ياسر ..... انا مش جى اهزر يا ابن الحلال ..... ممكن تسمعنى بقى ....؟
((ياسر)) هزار ايه ...... البت اختفت وانت تقولى هزار ....؟
((حسام)) لما تسيب موضوعنا وتركز فى حتة حلم عادى وتافه كمان ... يبقى بتهزر يا استاذ ....... اسمعنى ولخص .
((ياسر)) الموضوع شكله مهم فعلا ..... اتكلم .
((حسام)) عارف النهارده كام فى الشهر يا استاذ ...!؟
((ياسر)) لأ .... ليه ....انت محتاج فلوس ولا حاجه او جى تقبض .....!؟
((حسام)) ياسر ..... نفسى اتكلم معاك مره وتاخد الموضوع جد عن كده .
((ياسر)) ااااااه .... انا دلوقتى فهمت ..... الموضوع ظهر قوى .
((حسام )) فهمت ايه ....!؟ انت مجنون يا ابنى .....؟
((ياسر)) لأ مش مجنون ..... بس سامع لهجة سلمى ..... هى كلمتك تانى ؟
((حسام)) يعنى ايه....!؟
((ياسر)) يعنى بتروح تشكيلك.... وانت بتسمع منها وتيجى تبهدلنى .
((حسام)) ااااه ..... يعنى بتسوقنى ...... ايه الذوق ده كوله ....... ومين قالك انها اشتكت اصلآ.....؟
((ياسر)) يا ابنى انا حافظ كل واحد فيكو زى اسمى بالظبط ...... وعارف لهجته كمان....... وهى بتيجى تكلمك وتقومك عليا..... ده كده كتير.
((حسام)) طب يا اخى احفظ كتابك زى ما انت حفظنا كده ...... وبعدين افرض انها كلمتنى فعلآ يعنى هى بتعمل كده ليه ...... مش عشان بتحبك ......؟ يا ابنى خايفه عليك
(( ياسر ))ايه اللى دخل الدراسة فى الحب .........؟
(( حسام )) هو مش انت بتحبها ............!؟
(( ياسر )) اه .... ليه ...؟
(( حسام )) طب واللى يحب ..... مش ينجح علشان يتخرج و يشتغل ويتنيل يتجوز ولا هتقضيها حب على طول ......؟ بنات الناس مش لعبه يا ابنى ..... اعقل بقى .
(( ياسر )) ايه اللى دخل بنات الناس فى موضوعنا دلوقتى.........؟
(( حسام )) عارف ....؟ انا غلطان انى واقف اتكلم مع واحد زيك اساسآ ..... لما تعقل وتعرف تتكلم باسلوب احسن من كده وتحترم اللى قدامك انت عارف مكانى .

- ومشى حسام ...... وياسر كمل القاعده مع باقى الشلة وروح من الجامعة
على حوالى الساعة 7 يدوب نام سعتين وبعدين نزل راح لحسام على الساعة 9.5 .........

(( حسام )) اهلآ .
((ياسر )) ايه المقابله الزفت دى .....؟
(( حسام )) جيت ليه ......؟
(( ياسر )) ما هى المقابلة بايظه من اولها ...... وحشتنى يا سيدى .... حلو كده ....؟
(( حسام )) ما انا كنت معاك الصبح .
(( ياسر )) يووووه ..... ايه يا عم حسام ..... جيت اتاسف على الاسلوب اللى كلمتك بيه الصبح ...... خلاص ارتحت .......؟
(( حسام )) افهم من كده انك عقلت خلاص ...... ؟
(( ياسر )) اه والله .... حتى عزمك على العشا .
(( حسام )) طب خليها عليا المره دى.... نطلب اى حاجه هنا .
(( ياسر )) لأ.... الاكل فى جو بره ليه طعم تانى ..... يلا بقى اجهز .
(( حسام )) اوكيه.... ثوانى واكون جاهز ..... خلى الموبايل ده معاك لحد لما اجى .

- مشى حسام عشان يلبس وبعدها بحوالى ربع ساعة ياسر سمعه بيتكلم
نده عليه ياسر.........

((ياسر )) حسام .... حسام .... ايه يا ابنى ....... مش وقت تليفونات خالص ....... متاخرين يا عم .

بس حسام مش بيرد عليه ...... وياسر قام عشان ينده عليه .....
لقى حاجة غريبة قوى ..... اصله انتبه ان موبايل حسام معاه ......
تقريبا جاله جنان ....... وقرر يقوم يشوف حسام بيكلم مين ....!!!!؟

وبكده تبقى خلصت اول حلقة .......
ولو عجبتكوا هنكمل ....... بس عايزة رايكوا بصراحة ...... حتى لو وحشة

ســـــــــــــــــــلام

[PrinCesS Gege]

بسم الله الرحمن الرحيم

السلام عليكم ورحمة الله وبركاته

بجد قصه رووعه وفى انتظار الباقى

تقبلى مرورى

[lamar]

هتى القصة مش عجباكم ولا ايه ؟
وبجد مرسى قوى لمتابعتك