تبقى انت اكيد .. عبيط

[Mo chahin]

السلام عليكم و رحمة الله و بركاته



فى وقتنا هذا و فى عصرنا الحالى

اصبحت الحياة كفتة بالزبادى

و لو قعدت تهادى و تنادى

و تهشك و تدادى

يتقال عليك عبيط

و فكك من ودانى



الابيات العبيطة دى بقلم واحد مغمور فى طبق سلطة كبير

مليان بكل انواع الخضراوات

الحلوة و الوحشة



شرح الابيات



قد تبدو للكثيرين بلا معنى

و لكن معناها عميق جدا

بتاع 2 متر

المهم



اذا انت راعيت مشاعر غيرك

تبقى انسان عبيط



اذا حبيت الخير لغيرك و حاولت تفيده

تبقى انسان عبيط



لو زعلت على حد

تبقى انسان عبيط



لو عاملت الناس بأمانة

تبقى انسان عبيط



لو انت وثقت بغيرك

تبقى انسان عبيط



لو حبيت غيرك لدرجة انك تضحى عشانه بأى حاجة

تبقى انسان عبيط



لو سامحت حد غلط فيك

تبقى انسان عبيط



لو تتوقع الاعتراف بالجميل

تبقى انسان عبيط



الصور الجمالية



طبعا اكيد الابيات خالية من اى صورة جمالية

لانها تدعو للغش و النفاق و الخداع

و كله باسم

قضيها و الناس لبعضيها



و اخيرا

توضيح صغنون

يمكن استبدال كلمة عبيط بكلمة ساذج

و الاثنين يدخلوا فى اطار الطيبة

و التى لم يعد لها مكان فى وقتنا هذا



دلوقت لازم تبقى زى الوحوش

تغدر و تخون و تنافق و تخدع و تغش

و تحتقر الناس

عشان تحقق مرادك

و ساعتها تبقى انسان ناجح و مجتهد

و لو انت مش كده

حتنيك تحت و محدش حيعبرك

و حتنداس بالرجلين



غش و نافق

اغدر و خون

تلقى حياتك

سكر و لمون





و تحية كبيرة اوى

للى يقرأ الموضوع

و يفهم حاجة





ورمضان كريم

[ايمان محمد]

لالالالالالالالالالالالالالالالالالالا مش للدرجه دى وعلى العموم شكراااااااااا على التهيس الجاااااااامد اوى

[حفيدالفراعنة]

لا مين قال كدة

داة الى يقول كدة على هذا الانسان يبقا هو العبيط بلا شك

ميرسى قوى على التوبيك

اخوك

[Mo chahin]

تهييس ؟؟
يريت تحترمى الحوار اكتر من كده شويه
شكرا لمرورك

[Transporter]

بسم الله الرحمن الرحيم
السلام عليكم ورحمة الله وبركاته



يا عم ميرو يا غالي اختنا ايمان بتهرج معاك يعني عادي وكلنا بنهيس يا جميل هههههههه متزعلش وعموما كلامك فعلا صح وبيحصل انا منكروش يعني بس من غير تعميم بيكون عند فئات معينة مش مع كله يعني دا الناس غلابة اوي مجبورين على امرهم

[Mo chahin]

شكرا ليك يا احمد
ويا حفيد قولنا نحترم نفسنا شويه
تقصد ايسه باللى بيقول كده يبقى هو اللى عبيط ؟
متخلينيش اتعامل بطريقتى الخاصه معاك فاهم ؟

[الملاك الحالم]

موضوع رائع ميرو يستحق التقدير...

قال الله تعالى هماز بنميم ... المعنى ان لا تنادى احد بما يكره وانت فعلت بكلمة عبيط... وكان الرد بالمثل ... لان هناك فى من يقرأ الموضوع يرى انه توجد فيه صفة مما كتبت! .. فلا تغضب لانك الاسوأ !

الا اننى من منظور اخر معك فى كل كلمة فى الموضوع ااؤيد جداا هذا الكلام فى هذا الزمن! ولكن فى الموضوع ككل بشموله وعمومه حتى لا يظهر لى احد ويقول انا اسامح وانا ارد الجميل او اى صفة بالتحديد!

ورأى عن تجربتى الشخصية فلا يفهمنى احد خطأ !


تحياتى واحترامى الشديد لك ولكل المشاركين

[Mo chahin]

اولا كلامك على راسى من فوق
وواضح انك مفهمتي غرضى من اللى كاتبه
انا اقصد هنا احنا ليه كده ؟؟
يعنى المفروض ان دا حوار مثلا لتغيير النفس
انا مقصدش اهانه لحد وبرده اللى يفهم غلط فا دا مش زنبى
وشكرا

[الملاك الحالم]

تحياتى لك اخى الفاضل على ردك على مشاركتى...

واعلم جيداا انك لا تقصد اهانة لاحد مطلقاا.. ومحاولتك للتغير جيدة من وجهة نظر تستحق الاحترام..

ولكنى لا اعلم معنى كلمة مفهتي هل تعنى الفهم ام عدمه .. ولكن من خلال سياق الجملة وما بعدها من تفسير .. اعتقد انها تعنى عدم الفهم.. فأسمح لى ان اوضح اننى لا اؤيد دون ان افهم! خصوصاا وان الموضوع لا يحتاج لاعمال العقل كثيراا لكى افهمه .. وانت من وصفته بأنه تهيس !

احترامى وتحياتى لك

[habeb200522]

السلام عليكم ورحمة الله

اولا تحية طيبه علي هذا الموضوع رغم اني اختلف معاك في المضمون

واعتقد ان الاختلاف لا يفسد للود قضيه

انا من رائ ان الواحد مش مهم الناس هتفتكره ايه يعني تفتكره عبيط تفتكره ساذج

بس المهم هو شايف نفسه ايه

ولا تنسي الحمكه اللي بتقول

ارضاء الناس غايه لا تدرك

تحياتي

اخوك حبيب