هتعمل ايه؟؟؟؟؟؟

[شذى المصرى]

احمد ومحمد قاعدين فى كافتيريا الجامعه ودار الحوار ده

احمد: ايه يا ع مالك النهارده مش طبيعى

محمد: لا عادى يمكن عشان منمتش كويس

احمد: ااااااه وياترى ايه سبب طيران النوم من عينك

محمد: اقولك الحق وتقولى رايك بصراحه

احمد: وانت شاكك ان ممكن اغشك

محمد: ده العشم برده يا ابو حميد

احمد: خير يا عم قول حب جديد

محمد: بص هو مش حب بالظبط لكن اعاب لابعد مدى

احمد: الله الله من ورايا كل ده

محمد: والله حتى ما اتكلمت معاها

احمد: وليه؟

محمد: خايف يكون فى بالها حد تانى وتصدنى

احمد: بس قولى الاول هى من سعيده الحظ

محمد: هاله

احمد: هاله؟؟؟ مين هاله ديه

محمد : يا اخى زميلتنا فى الكليه

احمد: ايه بتقول ايه

محمد: ايه مالك؟

احمد: لا ولا حاجه

محمد: كنت عاوزك تساعدنى

احمد: ازاى؟

محمد: كنت عاوزك تكلمها ليا ات عارف انى خجل ومش هقدر

احمد: انا؟

محمد: اه ايه يا عم ات مش صاحبى برد

احمد:؟؟؟؟؟؟؟

المفروض ان محمد منتظر رد صاحبه هيروح يكلم البنت ديه ولا لاء


بس المشكله ان احمد بيحب البنت ديه ومن زمان لكن هو كان مش كلمها

ياترى يروح يكلمها لصاحبه ولا صارح صاحبه بانه بيحبها من قبله

ولا يعملو ايه ولواخدو راى البنت واختارت واحد فيهم هل ياترى العلاقه هتبقى زى ماهى ولا هتاثر

لان البنت فضلت واحد وسابت واحد؟؟؟

فى انتظار ردكم

[أمة الله]

بسم الله الرحمن الرحيم

فالبدايه انا ضد فكرة الحب من دون ارتباط ذى ما بيحصل فى هذة الايام تعارف لقاءات وطبعا كل دة حرام المهم انا رأى انه يصارح صديقه لان الصداقه علاقة جميله وخصوصا لو مبنيه على الصراحه

اما الحب ان مكانش البنت دى هيلاقى بنات كتير لكن الصداقه نادرة فى هذة الايام

هذا رأى ولك منى كل الاحترام

[شذى المصرى]

ميرسى على مرورك وشكرا

نورتى الموضوع

[ابو ضاهر]

الصديق الحقيقي : هو الذي يظن بك الظن الحسن

و أذا أخطأت بحقه يلتمس العذر ويقول في نفسه لعله لم يقصد

الصديق الحقيقي : هو الذي يرعاك في مالك و أهلك و ولدك و عرضك

الصديق الحقيقي : هو الذي يكون معك في السراء و الضراء و في الفرح و الحزن و في السعةِ و الضيق و في الغنى و الفقر

الصديق الحقيقي : هو الذي يؤثرك على نفسه و يتمنى لك الخير دائما

الصديق الحقيقي : هو الذي ينصحك اذا راى عيبك و يشجعك اذا رأى منك الخير ويعينك على العمل الصالح

الصديق الحقيقي : هو الذي يوسع لك في المجلس و يسبقك بالسلام اذا لقاك و يسعى في حاجتك اذا احتجت اليه

الصديق الحقيقي : هو الذي يدعي لك بظهر الغيب دون ان تطلب منه ذلك

الصديق الحقيقي : هو الذي يحبك بالله و في الله دون مصلحة مادية او معنوية

الصديق الحقيقي : هو الذي يفيدك بعمله و صلاحه و أدبه و أخلاقه

الصديق الحقيقي : هو الذي يرفع شأنك بين الناس و تفتخر بصداقته و لا تخجل من مصاحبته و السير معه

الصديق الحقيقي : هو الذي يفرح اذا احتجت اليه و يسرع لخدمتك دون مقابل

الصديق الحقيقي : هو الذي يتمنى لك ما يتمنى لنفسه

[PrinCesS Gege]

بسم الله الرحمن الرحيم

السلام عليكم ورحمة الله وبركاته

تسلم ايدك على الموضوع

انا من رايى انوا يصارح صاحبه ولو هيا اختارت واحد التانى ميخسرش صاحبه لان ممكن يحب مره واتنين لكن فى الايام دى صعب تلاقى صاحب بجد

تقبلى مرورى

[شذى المصرى]

ميرسى على مروركم

[kitty cat]

أولا الارتباط الرسمي لازم يكون أول حاجه المفروض يفكر فيها
بعدين لو أنا مكان البنت دي
مش هقبل ولا واحد منهم
ويفضلوا أصحاب أحسن مني 100 مره

ده رأيي
أكيد الشباب رأيهم أفضل في الموقف ده

[مسلمة]

هاااااااااااااااااى حبيت اقراء

[Mo7aMaD 3aLa2]

انا من رأيى ان الصراحة هى مفتاح الحل

يعنى هو يصارح صاحبة بحقيقة مشاعرة نحيتها

وبعد كدة يقرروا هيعملوا اية

ومدام محدش فيهم كلمها يبقى الحكاية مش صعبة اوى يعنى لانة مفيش اى علاقة اساسا

وحكاية وقت وممكن كل واحد فيهم يلاقى واحد جديدة يعجب بيها..

ميرسى ع التوبيك

[شذى المصرى]

ميرسى على مرورك نورتنى بجد