مصطلحات روشنة ..

[مــــريــــMEROــــم]

السلام عليكم ورحمة الله وبركاته

ازيكو يا احلى شباب وبنات

يارب تكونوا بخير

انا جيبالكو انهارده المصطلحات اللي وعدتكوا بيها يارب تعجبكو

انامستكنيس كده == انا مرتاح كده

ده انت لو عملت شقلباظ==معناه لو عملت المستحيل بنقولون حد طالب منا حاجة ومش هنعملهاله

سيطرة==لما حد يفرض نفوذه بتتقال فلان دخل سيطر على المكان

حفلة==لما يكون مجموعة شباب ماسكين ولد وبيدوله علقة محترمه عاملين عليه حفلة

اقلبلوا الطرابيزة==اتغدى بيه قبل مايتعشى بيك

ده واد فانله==لما تكون قاعد مع حد رخم جداااااااا

استلامه==دي بقولها لما يكون حد كبير ابنه او تلميذه وبيديله محاضره في الاخلاق بنقول فلان في استلامه

دانا اعدهالك في ثانية الا تلت==دي في وسط الشباب اللي بيشرب لما يكون واصل لمرحلة عدم الاحساس بالالم يقول انا اعيهالك في ثانية الا تلت طبعا هيعدي المطوه في رجله او ايده

فكك من الزواحف==لما يكون حد في افكار غريبه في دماغه

جاي عن طريق اسوان==لما يكون حد ماشي في طريق طويل مع ان في طريق مختصر ؟(بمعنى ودنك فين ياجحا)

بربرق== لما يكون في حد ملامحه حلوه بجد بنقول في واحد/ه بربرق

بيكفتن==لما يكون حد بيعمل حاجة بكروته مش بضمير (غالبا بنقولها على الدكاترة اللي بتخلص الكتاب في محاضرتين بنقول بيكفتن او كفتجي)

رايحيين نفول==رايحين ناكل

دماغه مريضه==منفسن

خلعون==بنقولها لما نكون هنسيب حد (يلا فيالخلعون انا بقى)

حجاب 2009==الحجاب اللي على بادي وبنطلون

عم الامور==لما يكون حد فاكر نفسه حلو ومدوب البنات وراه

إكسكوزا==بعد اذنك (لما نكون عايزين حد قافل الطريق قدامنا)

دمه مش نظيف==لما يكون حد معروف عنه شرب المخدرات والكحول

عربية السيدات==لما نلاقي الكلام قلب على الطبيخ والراجل والعيال وكلام الحريم ده

اختشي==لما يكون ولد اقرب للبنات في الشكل والتعامل يعني نحس انه اختنا مش ولد

السحابه السوده هبت على هنا==لما نلاقي مجموعة افارقه (اصحاب البشرة السوداء)

رايح العميد==رايح الحمام

البطيخة==لما نلاقي حد بيقول كلام مش مفهوم نقوله ده البطيخة

الشخرمون طاخ في الترالملم==لما تكون كل الفيوسات ضربت في بعض ومش قادرين نركز في حاجة

S.M.T== super multy teeet يعني عيل خنيييييييييييق جدا

ده يشرح النملة == واحد جامد اخر حاجة ويعمل اللي ميتعملش

عيل مأرش== يعني واحد هارش الليلة كلها بكل حاجة

عمل معاه الصغيرة ==يعني عمل حركت نقص مع صاحبه


يا جماعه الكلمات دي كانت مطلوبة مني في بحث في الكلية وبجد هو ده الكلام اللي اتقدم في البحث للدكتور وتخيلوا طبعا شكل الدكتور وهو بيقرا الكلمات دي

[CuOp!D]

اضحك يعنى

طيب استنى

هههههههههههههههههههههههههههه

[محمد خطاب]

هههههههههههههههههههههههههه

مصطلحات جامد اخر 13 حاجه

موضوع روعه جداااااا

تحيتى ....

[يوسى كات]

هههههههههه
موضوع جميل اوى
مشكوررررررره

[لؤلؤة الوديان]

هههههههههههههههههه


يا سلام على الروشنة الجامدة دى

توحفة يا مان

تسلم ايدك:005:

[BatoOota]

هههههههههههههههههههههههه

يا سلام
على كدا انا مش روشة خالص
هههههههه
ميرسى ليكى يا قمر

[مــــريــــMEROــــم]

شكرا يا جماعة على مروركوا الجميل
نورتوني بتواجدكوا