انا اتخنقت؟؟؟؟؟

[القطه المشمشيه]

انا اتخنقت من المعاكسات الى بقت عمال على بطال ولاى كبير او صغير مش فارقه


المعاكسه وان الواحد يتحرق دمه كل يوم ده بقى شى عادى


انا كنت بقول فى الاول ان سببها البس فوسعت لبسى ومفيش فايده


بعدين قلت اطوله وبلاش البنطلون وبرضه منفعش


واخيرا اقسم بالله ان انا البس اسدال اسود بقالى سنتين وبرضه نفس المشكله


على الرغم من انى شكلى عادى جدا ولا بحط ميكب ولا غيره


يبقى ايه السبب حد يقولى ياجماعه الناس بقى معندهاش دم ولا يمكن بعدوا اوى عن الدين



الموضوع ده مقرف جدا وبيدايق كل الناس وكتير من الناس اللى اعرفهم موافقينى فى نفس الراى



ياترى اييييييييييييييييييييييييه السبب وايييييييييييييييييييييييه الحل لان انا اتخنقت


واحيانا بكره فكره نزول الشارع

[lost]

بجد عندك حق
المعاكسات بقت بجد حاجة صعبة جدا وبجد معرفش حل للمشكلة دي
شكرا ع التوبيك

[القطه المشمشيه]

ميرسى على رايك

[غنوووة شجن]

امممم

الحل ياقطه انك ماتخرجيش من البيت الا للضرورة

او تكوون خرجتك لمكاان مافيهوش ناااس كتير

او اوقات ماتكونش المكان زحمه

يعني حاااولي قد ماتقدري تبعدي عن الاماكن والاوقات اللي بيكون فيها زحمه >> المعاكسات بتكون اكتر في الاماكن المزدحمه

التزمي بالحجاااب الشرعي ابعدي عن المشي بنص الطريق

يعني حاولي تكوني على طرف الطريق

اتجنبي تتكلمي بصوت عااالي ابدا

اختصري كلامك مع اي حد ماتعرفهوش

خليكي جديه في مشيتك وكلامك وتعاملك مع الغرب

لاني مافيش حل جذري للمعاكسات >>> احيان ناس ايمانها ضعيف احيان مرااهقين ماتربوش كويس



ربنا يعينك يابنوته

لانها فعلا مشكله للبنات اللي بيضطروا يخرجوا كل يوم ام للعمل او للدراسه

ارجو اني افدتك عزيزتي قطه

[~♥ Queen sozan♥~]

اهدى كدة بس عشان الموضوع بقى عادى
خلص الواحد اتعود على السخافات اللى فى الشارع المصرى
السبب مش فى اللبس بس
لاء المشكلة فى الشباب الفاضى
اللى مورهوش شغلنا غير المعاكسة
يعنى هم عوطلية مفيش شغل هيعملو اية
لازم يعملو حاجة يعكسو بقى ويشغلو نفسهم وخلص
بس لو كل شاب مشغول با وظيفة محترمة
ومفيش شباب فى الشارع فاضى
صدقينى هتلقى مجتمعنا رجع احسن من الاول
وبقى عندو مبادئ واخلق
انم طول مهو عاطل كدة اتوقعى اى حاجة
ربنا يستر

ومتزعليش نفسك وخدى كل حاجة ببساطة يا قمر

[ماتركس]

السلام عليكم
ياا استااذه انتي تعملي اللي يرضي ربناا وسيبك من كلام النااس
لوو هنقعد قصاد المعااكسات مش هنخلص ده بيكوون قله تربيه من الاهل

[نانـــــو]

بصى ياقمر احنا اتناقشنا فى النقطة دى كتير وفعلا الموضوع تجاوز عن الحد بمراحل وملهوش اى علاقة بالبس اه ممكن يكون عامل حافز احيانا بس للاقلية الحل الامثل انك متحاوليش تخرجى لوحدك فى مكان مزدحم يعنى انا مش بخرج لازم اخويا يكون معايا حتى كليتى فيها سفر وبهدلة والله هو الى بيوصلنى بعربيته ويسيب شغله علشان متبهدلش فياحبيبتى الحل الامثل متخرجيش لوحدك

[الاميرة العاشقة]

فعلا والله الشباب تعدو الخطوط الحمرا بجد وتجاوزو كل الحدود

بس ارجع واقووووووول البنات هما السبب طبعااا فى بنات محترميييين

مفيش كلام فى كدا بس والله يا قطة لو كان من الاول كل البنااات محترمين

مكنش فى ولا شاب هيتكلم نص كلمة يعنى لما واحد يشوف واحدة لابسة

لبس ضيق وماشية تضحك وتهزر وتبص لكل واحد شوية اكيد مش هيسكت

يعنى فى الاول وفى الاخر البنت هيا السبب بس بصراحة اللى يضايقك فعلا

زى ما انتى قولتى انهم بيعاكسو اى واحدة حتى لو لابسة نقاب والله العظيم

تافهين ما هما لو لاقيين حاجة يشغلو وقتهم بيها وللا يتعلمو اى حاجة

مكانوش قعدو فى الشوارع للى رايحين وجايين بجد والله ببقى منظرهم مش حضارى خاالص

بس برده زى ما فى شباب مش كويسين فى برده ناس كويسين وفى الاول وفى الاخر

ربنا يهدى الجمييييييييييع

مشكووووووووووووووووووووووووووووورة يا قمر على الموضوع

[حياتي ذكريات]

السلام عليكم
أولا موضوع المعاكسات مش بإيدك انتي تخلي الشباب
يبطلوه لازم هما بنفسهم يحسو شوية ويخافو على أخواتهم
ويبطلو يعملو كده احنا مش بإيدينا نعمل حاجه غير التوعية
بس انتي عارفة دولوقتي بجد حتى المنقبات بقو يتعاكسو
يعني مش فارقة معاهم لبسك او شكلك والكلام ده
انتي لو حد عاكسك ما لكيش دعوة ليه ولا تبصي عليه
وما تديهوش أي اهتمام خالص امشي ولا كانك سمعتي حاجه
البنات دولوقتي بيردو عليهم بيخلوهم يزيدو ويكرروا الموضوع
ده مرة واتنين وتلاتة انتي خليكي في حالك وربنا يستر عليكي وعلينا
تسلمي على موضوعك يا قمر .. بالتوفيق ليكي

[محمد الشريف]

فى رأيى تجاهل تلك السخافات إذا لم تتعدى ألفاظ الاستظراف العابرة

فأنت تمضين فى طريقك ( والمعاكس يعوى وأنت تمضين ) فى سبيل

حالك فسبحان الله من يهدى من يشاء ويضل من يشاء وسبحانه

يمهل ولا يهمل أما لو تعدت المعاكسة ذلك فلا تهاون فيها ينبغى

على الفور اتخاذ ما يتناسب معها بالاستغاثة حتى تقطع دابر تواصلها

والخوض فيها وتجنب آثارها وتوابعها على الفور .

ومازالت أطالب الجهات المعنية بالدولة وأخص السلطة التشريعية

بضرورة تغليظ العقوبات لكل من تسول له نفسه للتعرض لأنثى وبمجرد

الشروع وكذلك أطالب أجهزة الأمن بتتبع هؤلاء المارقين المفسدين فى

الأرض فى شكل انتشار سريع يشمل الشارع المصرى فى كل صوب وحدب

فى شكل شرطة سرية ( مباحث الآداب ) لمنع وقوع تلك الجرائم قبل

ارتكابها والخوض فيها وتحاشيا لما يطالعنا كل يوم من التعرض للإناث

مما نفجع به ومن صوره وآثاره المدمرة على نفوس الجميع من إناث وذويهم

والله المستعان

تقبلى تقديرى