رضا راضى ورضا مش راضيه

[Mo chahin]

موضوع النهارده عن
رضا راضى ورضا مش راضيه


لو جينا وكل واحد فكر مع نفسه أيه المشكله فى حياته
هتلاقى عدم الرضا
لاننا كتير بنواجه كتير من المشاكل فى حياتنا
والمشكله الحقيقيه هى اننا مبنرضاش باللى ربنا كتبهولنا
مننا اللى مثلا والده صعب والدته صعبه
مننا اللى ميملكش اصحاب حقيقين يلجا ليهم وقت الشده ووقت الفرح
مننا اللى مش عارف يختار حبيب صح
أو بمعنى أصح اللى حبه طلع ميستاهلوش أو قابلتهم مشاكل فمنفعش يكملوا مع بعض
الى اّخره
و فى مشاكل كتيره اوى بتواجههنا أكتر من دى
فى اللى مش حابب مجال دراسته فى اللى داخل كليه غصب عنه أو بسبب مجموع ليه
فى اللى حياة اسرته على قدها و تعبان منها فيلجأ لحاجات غلط
على اعتقاد منه ان ده هيصلح المعيشه اما هينسيه اللى هو فيه
ومشاكل كتيره أوى الى اخره يعنى

وطبعا المفروض نبقى عارفين ان كل المشاكل دى ربنا اللى كاتبها لينا ومن قبل ما نتولد
يعنى لازم نرضى باللى قسمهولنا ربنا
ولام نفكر على هذا الاساس ونمشى خاطوينا على هذا الاساس
لان لو مرضناش بنصيبنا ده
بيترتب عليه اننا بنعمل غلط وبنرتكب ذنوب
والمشكله اننا مبنحسش بالغلط الا لما بتظهر لينا نتيجته
اللى هى كافيه انها تدمر حياتنا
ونرجع نقول ياريت الى جرى ما كان
وتوصل المشكله لنتيجه فوق ارادتنا ونتيجه مكنش فينا حد يتمناها
و ساعتها هنقول أيه الحل
وساعتها أو فى أوقات كتير مش هيبقى فى حل
و يبقى بدل ما كنت بتحاول تنسى مشكله بسيطه لو كنت صبرت عليها كان كل شئ على ما يرام
هتلاقى نفسك فى مشاكل أكبر و أكبر
فالأفضل ان لما ربنا يبتلينا بمصيبه لازم نقول الحمد لله على كل شئ
و نصلى و ندعى ربنا انه يصبرنا لانى عارفه ان الصبر ده محتاج صبر لوحده
بس يا جماعه متنسوش حاجه اننا بايدينا اننا نغير اللى ربنا كاتبهولنا من قبل ما نتولد
بايدينا نغير الأقدار وده عن طريق انك تكثر من الدعاهفى سجدتك وانت بتصلى
كثرة الدعاء ياجماعه ممكن تغير قدر أمه بحالها

ف اللى أنا بدعو ليه هو الرضا
لان فعلا عدم الرضا بيخلى الواحد يعمل تصرفات كتيره غلط وبدون ما هو يدرك
لان هو بيبقى سايب نفسه وتفكيره للشيطان وتبقى ارادته ملك للشيطان
والمشكله الحقيقيه اننا مش هنستفاد حاجه من الغلط ده
كل اللى نايبنا منه هو عدم رضا ربنا وساعتها هتبقى الدنيا ملهاش معنى فى نظرنا والاحوال تتهدور اكتر ما هى كانت

فالرضا ده هو مفتاح الحياه
ياريت كلنا نلجأ لربنا وقت الحاجه وتدعى انه يصبرك
أنا عارفه ان الصبر على احوال المجتمع دلوقتى صعبه
والصبر على الناس اللى عايشين وسطهم صعب
بس متنسوش ان احنا من ضمن الناس دى
ولما بنلاقى غيرنا بيتدى الغلط والشر فبنجارى الغلط ده بغلط أكبر
يبقى لازم نصلح من نفسنا
ويوم ما تلاقى نفسك مش قادر فا الجأ للى خلقك وفضفض معاه
يا جماعه احنا مهما عيشنا فى الدنيا فااحنامش هنعيش كتير
ومهما الدنيا أيامها طالت فهى قصيره
اسعى ورا فعل الخير وافتكر دايما ربنا وحطه دايما قدام عنيك
و الكلام ده يا جماعه أنا قبل ما بوجهه ليكم فأنا بوجهه لنفسى أولا
وكل كلامى ده أكيد انتم على درايه بيه لكن جبيت أقوله للتذكره وليس للعلم

[doiss]

السلام عليكم
7
والله يا ميرو اصبت في موضوعك وتناولت اضافات فية كتير عن نوعية تلك المواضيع ,
انا هعلق علي نقطة واحدة بس عشان بقيت الاعضاء تاخد حقها في التعبير عن رايها ومناقشة الجوانب الاخري للموضوع ,
7
والله يا ميرو انا شايف نقطة من ضمن نقاط عدم الرضا السلبي ( الدونية )
اوقات كتير الدونية بتتحرك بداخل الانسان بدون وعي او ادراك , وتجعلة في منطقة المقارنة , وما دام دخل عقل الانسان في وضع المقارنة مع الاخر بشكل الدونية فدائما ما تكون النتيجة خسائر , لأن زي ما ذكر الله اضرار الحسد في القران علي حد معرفتي ان ذلك بغرض لفت الانتباة الي الدونية ايضا التي تجعل الانسان لا يرضي بحالة ,
وبالتالي ينظر لما في يد غيرة ويشعر بالحسرة , والحسرة في حد ذاتها كفيلة بالاحباط واليأس من الحياة ,
وبالتالي الدخول في صراع كلمة ( اشمعني يارب ) ودية في حد ذاتها مش عاوز ادخل في تفاصيل كفر او معصية , بس دية كلمة صعب اوي ان محدش يقولها في وقت ما مهما كان , لأن زي ما انت ذكرت في موضوعك ( الصبر ) ودة من صفات الانبياء بس اتمني ان كل واحد بما فيهم انا نحاول نتحلي بالصبر قدر الامكان ,
ونسأل الله ان يساعدنا بة في حياتنا ,
7
بالتوفيق يا ميرو موضوع جميل وراقي
وتستحق الشكر والتقدير
دوام التوفيق لكــ ,,

[the queen]

بجد موضوع فى منتهى الروعة وبجد لازم تصبر ونرضى باللى قسمه لينا ربنا وندعيله ان يساعدنا فى حل مشاكلنا

[Mo chahin]

شكر خاص ليك يا ضياء
وانا ديما بقول عليك حكيم ودوك
وردك وعقلك بيدل على ذلك
شكرا ليك يا جميل
وشكرا كوين لمرورك الكريم