فرصة ذهبية قبل العيد بيوم .. ياتلحق يا متلحقش(((عيدكم مبارك)))

[راجيه الفردوس]

السلام عليكم ورحمة الله وبركاته
الحمد لله والصلاة والسلام على رسول الله
الحمد لله الذي بلغنا الشهر وبغنا فيه العشر وأعاننا على الصيام والقيام فنسأله سبحانه أن يمن علينا بالقبول أن يكتبنا من الفااائزين ومن عتقاء الشهر الكريم ..
قولوا.. آميـــــــــــــــــــــن


جئنا إليكم اليوم بأفكار دعوية قوية جدا تحت شعار
( يا تحلق يا متلحقش!!)

الموضوع إننا نريد ان نستغل آخر يوم في رمضان ونلحق الثواب المضاعف
هنديك أربع حاجات ثوابهم بجد مع إخلاص النية .. حــاجة إستحالة نعرف نقدرها


فالحاجة الأولى :

ان شاء الله اليوم خذ معك بلح كتير وانزل قبل صلاة المغرب ووزع على كل المصلين والمعتكفين
يالا نلحق آخـر يوم .. لعله يكون آخر يوم في عمرنا
عاوزين نلم اكبر قدر من الحسنات
خد معاك أكواب بلاستيك صغيرة وزجاجة عصير عرقسوس / خروب /تمر هندي/قمر الدين /اى حاجى عندك في البيت او اشتريها .. وخدها معاك تاخد ثواب كــــل الناس دي ولا تنقص من اجر صومهم شئ
دي أول حاجة

الحاجة الثانية :

ابحث في ملابسك عن قميص ضيق عليك او واسع عليك او جلباب ليك او جيبة او بنطلون
وحبذا لو كان من ضمن الحاجات دي حجاب معدتيش بتلبسيه وانزلى اقربجمعية خيرية وحطي فيها الهدوم دي هتدخلى الفرحة على قلوب مسلمين محتاجيب بجد لهدوم للعيد ومش لاقيين .. ده غير ان الثواب مضاعف لاننا مازلنا يظلنا شهر رمضان الكريم (اعاده الله علينا وعليكم اعواما عديدة وأزمنة مديدة)

الحاجة الثالثة : كل ما تدخل المسجد لا تنسى نية الإعتكـــاف بالمسجد لتحصل أجر كبير ان شاء الله تعالى

الشئ الرابع :

وهذا أهـــــــــــــــــم شئ
إدخــــــــال السرور على قلوب أطفال المسلمين جميعا ان شاء الله في العيد
ازاى نقدر نشارك في الثواب العظيم ده؟؟

*********

انزل اقرب محل جملة واشترى 1/2 كيلو بونبونى هيكلفك حوال (4.5 جنية)
وكمان برطمان مصاصات صغيرة (برطمان كبير ب 18 جنيه فيه حوالى 80 واحدة او برطمان أكبر ب 24.5 فيه 120 واحدة )
وعلبة لبان او 1/2 كيلو بسكويب بالشيكولاتة جوفريت هيكلفك (8.5 جنيه)
واى محل بتاع بلاستيكات اشتري من عنده 1/8 كيلو أكياس صغيرة (اصغر حجم) هيكلفك (2 جنيه)
على فكرة ال1/8 كيلو حوالى 200 كيس او اكتر كمان

بعد كدة نضع في كل كيس 2 بونبون مع واحدة بسكويت مع 1 مصاصة بس كدة واغلق الكيس بالدباسة*********

هتلاقي الكيس شكله حلو أووووووى هيفرح بيه الأطفال جدا
ولما تنزلوا لصلاة العيد وزعوا على الأطفال يبقة بكدة احنا بنوزع على الأطفال وان شاء الله الجوائز توزع علينا من رب السماوات في آخر رمضان

الفكرة بجد هايلة جداااااا
جمعت انا واصدقائى وليس وحدى واشترينا الحمد لله كمية كويسة هتعمل حوالى 400 كيس يعني ان شاء الله هنفرح 400 طفل مسلم .. وكله في ميزان حسناتكم
يالا نبدأ نعبي الأكياس من الآن
ويا تحلق يا تلحق ان شاء الله .. والله الموضوع بسيط مش هياخد وقت خالص تكلفة بسيطة ثواب عظيم لو كلنا اشتغلنا وساعدنا بعض هنعمل انجاز كبييييييير أوى
في ناس فعلا مش قادرة تفرح اولادها في العيد من غلاء الاسعار
في اصدقاء لنا بيضعوا كمان في الكيس مع ما سبق بلونة صغيرة
ورونا الهمم العالية .. اتصلوا بأصدقائكم من الآن وجمعوا الفلوس وانزلوا اشتروا الحاجات وابدأ علشان نلحق نوزعهم في صلاة العيد

لضيق الوقت لمن لا يستطيع ان يعمل اكياس للاطفال الصغار
اشتري كيس بونبونى ووزعه على الأطفال
المهم اننا نعمل حاجة ..والأهم اخلاص النية بادخال السرور على اطفال المسلمين واهلهم كمان اكيد

انشر الموضوع فالدال علي الخير كفاعله

اللهم اختم لنا شهر رمضان برضوانك والعتق مننيرانك والفوز بجناتك

أعـــــــاده الله علينا وعليكم أعوما عديدة

وكل عام وأنتم و الأمة الإسلامية جميعها بألف خير
منقول للافاده

[مشتاقه للجنه]

راجية الفردوس

فكره جميله جدا وتدخل السرور على الاطفال وتشجعهم

شكرا للنقل وجزاكى الله خيرا

[حنونة]

تسلمي على الفكرة الحلوة

[عيون فلسطينية]

وعليكم السلام ورحمه الله وبركاته
بجد أفكار حلوة

[Sєяєєη●•ʚɞ]

فكرة حلوة اوى ومشجعة وثوابها كبير فعلا
تسلمى عليها

[راجيه الفردوس]

شكرا على المرور

[yasmienflwer]

جزاكم الله كل خير وكل عام وانتم بخير اعاده الله عليكم بالخير واليمن والبركات ويارب يكون عيد سعيد عليكم



(:SuN011:"][/COLOR]

[ياسمينااا]

فكره حلوه اوي وهتفرح الاطفال
جزاكي الله كل خير
وجعله في ميزان حسناتك

[عاشقه القمر]

والله إنها فكره جميله انا في المدرسه كنت عضو من المتبرعات الاطفال إلي بحاجه الى المال
انا تبرعت بمال علشان ما حد يكون احسن من حد انكون متساوين احنا هاك المصري اكيد هاك بفرح الا طفال البرئين إلي بحاجه الى فرحت العيد ويسلمو على الفكره

[راجيه الفردوس]

شكرا لكم على المرور