اية نظامك فى العيد ؟؟

[Mo7aMaD 3aLa2]

اولا كل عام وانتم بخير وعيد سعيد عليكم ان شاء الله..

عايزين بقى نعرف كل واحد هيقضى العيد بتاعة ازاى...يعنى بيروح فين اول يوم

بيصلى العيد ولا لا

بيفطر اية فى اول يوم

كل حاجة عن العيد...

ارجو التفاعل

[حنونة]

كل سنة وانت طيب يا محمد

و كل الاعضاء طيبين

انا حروح عند جدتي ام ابويا اعيد عليها

و اروح افطر عند جدتي ام امي

لان هناك بيت العيلة

اللي حفطره معرفش انتو بتسموه ايه

الكسكس اكيد لان دي هي اكلتنا الشهيرة

وبعدين اخرج و اتفسح مع العيلة

عيدكم مبارك

[dr.marmar]

كل سنه وانت طيب يااحمد
ويارب يجعله عيد سعيد عليك
وعلي كل الامه الاسلاميه
انا بقي العيد بتاعي هو صلاه العيد
يادوب انا اروح اصلي العيد
والفلف شويه بعد الصلاه نصف ساعه كده
مع اصحابي بتوع ثانويه عامه
وبعد كده اجي افضل في البيت طول ايام العيد
قدام النت او التليفزيون
نادرا لما بخرج
بس العيد ده ان شاء الله
احتمال ان شاء الله انزل دسوق لو تعرفها
واروح ايعد علي miraa
والله وكنت بفكر انزل طنطا
ربنا يسهل ادعيلي انت بس
اني مااكسلش كالعاده
ههههههههههههه
كل سنه وانت طيب يامحمد
واحكيلنا انت بقي ناوي تعمل ايه في العيد

[DO3AA]

كل سنه وانتوا طيبين
العيد عندى انى بروح اصلى
واروح لقرايبى اعيد عليهم
وبعدين ارجع افطر اى حاجه
وبعد الضهر كده اروح عند عمى ونفضل معاهم الى ان شاء الله بقى^_^
وبعدين صحباتى ييجوا عندى وانا اروح لصحباتى بردو
وبسسسسس
لكن العيد ده مختلف لانى مش هروح غير لأعز صاحبه عندى لان باها توفى ربنا يرحمه
كـل سنـه وانتـوا طيبيـن

[Mo7aMaD 3aLa2]

ميرسى ع التفاعل حنونة ومرمر ودعاء

انا عن نفسى ناوى اصلى العيد لاول مرة فى حياتى..ههه

بعديها هرجع افطر كبدة...فطار اجبارى ثابت بقالة 100 سنة

بعدين بقى بنام لغاية باليل

تانى يوم بقى عندى فرح اخت واحد صاحبى هكون معاة من اول اليوم

وتالت يوم هنروح بيتنا اللى فى البلد وهقضية هناك

ورابع يوم هعمل تورتة..عشان دة عيد ميلادى ..ههه

[لوليتا المصريه]

الاول كل سنه وانت طيب

ويارب عيد سعيد

انا بقى بردو العيد عندى هو صلاه العيد زى مرمر بالظبط

لان فعلا احلى حاجة فيه بتقابل مع اصحابى اللى كانوا معايا فى الثانوى

لان فى الدراسه مش بنلاقى بعض كل واحد بقى بيبقى مشغول فى دراسته

وبعد كدة بنفطر انا واصحابى مع بعض بنتجمع عند واحده مننا

وبعد كدة بروح وبنااام لان اليوم دة ببقى مطبقه فيه

وفى اول يوم دة بنروح نزور اقاربنا بقى من عيله بابا

والايام التانيه لسه والله مش عارفه هروح عند اقاربى من عيله ماما ولا لا فى القاهرة

لسه يعنى الامور مش اتظبطت

ميرسى للموضوع الجميل دة

ويارب تقضى عيد سعيد ان شاء الله

اختك

[Mo7aMaD 3aLa2]

نورتى التوبيك يا ايمى

وعيد سعيد عليكى ان شاء الله

[حنونة]

يا بختكم انتو العيد 4ايام

احنا يومين بس

كل سنة و انتم احلى اعضاء

كل سنة وانتم بصحة وعافية

كل سنة وانتم طيبين

[yasmine refat]

أولا كل عام وأنت بخير وعيد سعيد على الجميع

والله نظامي في العيد أني أعيد ههههههه

طبعا هنصلي ونروح نفطر عند قريبنا نرجع ننام ونخرج

وهو تقريبا كل يوم عند عيله

عيد قال مش عارفه لي بزهق منو ههههههههه

عموما عيد سعيد على الجميع

وكل عااااااااااام وأنتم بخير

شكرا على الموضوع

أختك

[الجنرال]

أولا كل سنة وأنتم طيبين
وعيد فطر سعيد على الجميع إن شاء الله













أنا بقه نظامى فى العيد مفيش نوم طبعا ألا بعد صلاة العيد
وأنا عندى العيد هو صلاة العيد أيضا
وبعد صلاة العيد بناااااااااام وغالبا بقوم من النوم قرب العصر
يعنى بفطر العصر وبيكون فطار ثقيل والأكل المحبب طبعا
ثم بعد ذلك ربنا يسهلها وتبع الظروف وزى ماأمشى
ومرة تانية كل سنة والجميع بخير