&...حواء في سطور...&

[misho]

المشاركة الأصلية كتبت بواسطة آيــــــــه ~

ياسوكا يا جامد

ايه التوبيكات الجامدة دي ياشوزو

بجد فكرة جميلة اووي واختيار روووعة

مستنيين ميرو تنورنا

مرسي ليكي ياحبيبتي

اوووووشة بذات نفسيتها هنا

و ربنا منوورة الدنيا

وطبعا انتي هاتبقي معانا اكيد قريب

انتظريني

[misho]

المشاركة الأصلية كتبت بواسطة DO3AA ~

موضوع جميل جدا يا ميشو
وتنوع الاسئله جميل جداااا
وفى انتظار مرمورتى
بالتوفيق ....

الاجمل تواجدك وردك يا دعاء

ميرسيي يا قمري

انتظري تواجدك عن قريييب جدا

تحياااتي

[misho]

ميروووو الجميلة

اجاباتك روعة طبعا كالعادة

ربنا يوفقك في حياتك يارب

ولما تلاقي ادم لازم تيجي احكيلنا :msn-wink:

وانتظرونا مع حواء جديدة

تحياااتي

[misho]

ومعانا حواء جديدة

ونتعرف عليها عن قرب

معانا مشرفتنا الجميلة

لوليتا المصرية

منتظرينك يا قمري تنورينا

تحياااتي

[لوليتا المصريه]

ميرسى ليكى يا ميشو للتوبيك الجامد دة

وميرسى لاستضافتك ليا

بثبت حضور ولى عودة ان شاء الله

اختك

[لوليتا المصريه]

بااااااك

1 -مكان الميلاد أين كان؟
ههههه المكان الحقيقى ولا اللى عند الحكومه
خلينا فى الحقيقى القاهرة
2 -حياة الطفوله من كان المؤثر الأول بها؟
اختى واخويا اللى اكبر منى وجدتى
3 -موقف من الطفوله مازال عالق في ذهنك؟
هو انى وانا صغيره كنت دايما بشوف اخويا واختى بيركبوا عجل وكنا فى مصيف وفى مرة نشفت دماغى فى انى اركب وراه حد منهم شغل عيال بقى هههههه انا ركبت وراه اختى من هنا وعينك ماتشوف الا نور بعدينا احنا الاتنين بقينا على الارض هههههههه واخويا قعد يضحك علينا عشان كان بيقولى اركب وراه هو ههههه شغل عيال بقى
4 -هل كان يوجد معامله مختلفه لاخوانك الذكورعن البنات؟
الحمد لله الموضوع دة مش بينا
5 -اليوم الدراسي الأول هل تتذكري حالك فيه؟
اه كنت مبسوطه اووى بلبس المدرسه والشنطه الجديده
6 -عبث الطفوله كيف تصفينه في بضع كلمات؟
شقاوة , براءه , سذاجه
7 -أصدقاء الطفوله هل مازلوا على تواصل؟
اه فيه تواصل بس مش زى زمان ان احنا نتقابل مخصوص او او يعنى بتيجى صدف مقابلتنا وبنفتكر مع بعض ايام المدرسه

أول مرة تضعين ميك اب في اي سن ؟
اول مرة كنت فى اولى اعدادى كنت فى فرح اختى بقى ولازم احط الله مش فرح ههههه
بس حاليا ان مش من هواه الميك اب اوى
2 -هل حآولتي أن تقودي سياره ؟
لالالا انا بخاف اصل اقعد جنب اى حد بيسوق هسوق انا ههههههه
هى حلوة اووى العجله مالها زى الفل
3 -مرحلة المراهقه كيف كان تعامل الأهل فيها؟
يعنى الحمد لله دايما ماما بتوجهنى اعمل ايه وماعملش ايه ربنا يباركلى فيها يارب
4 -غالبا مايكون الحب الأول في مرحلة المراهقه فكيف تصفينه إن وجد؟
لا ممكن تقولى اعجاب بشخصيه انما ما وصلش حب ابدا
5 - إلى ماذا كنت تطمحين وهل وصلت لطموحك؟
حلمى فى دراستى وربنا يسهل يارب
6 - عنفوان المراهقه مالذي تبقى منه اليوم في ذاكرتك؟
لا مفيش انا حياتى كانت مليانه بأصحابى اللى بحبهم اووى وذكرياتى كلها كانت معاهم واحلى ايام

1 - كيف هي نظرتك للحياة اليوم؟
نظره امل عشان لو مفيش امل محدش هيوصل لحاجه
2 - كيف هي حياتك بعد الزواج وتحقيق حلم الأمومه؟
قولى يارب هههههه
لسه والله وربنا يكتب اللى فيه الخير يارب
3 - هل وجدت حلاوة المسؤليه مابين واجباتك العملية والعائليه؟
لا هى مسؤليه عمليه بس الى الان وهى دراستى
4 - هل ستربي أبنائك بنفس أسلوب تربية والديك لك؟
اكيد كل ما الوقت بيعدى كل مابيتغير معاه حاجات هحاول انى ابقى متطلعه دايما للتغير دة عشان اقدر اواظب المعامله مع اولادى ان شاء الله
5 - ماأكثر مايشغلك تفكيرك في ظل مرحلة النضج؟
هى دراستى وحياتى الشخصيه فى المستقبل هتبقى عامله ازاى







1 - الرجل ماذا يعني وجوده في حياتك اليوم؟
كل حياتى
2 - من هي الشخصية الرجاليه التي تعجبك؟
رسولنا الكريم صلى الله عليه وسلم فقد كان نعم الاب والزوج والابن فقد كان افضل مثال للرجل
3 - من هي المرأه التي تود ين أن تكون قدوة لكل نساء الأرض؟
زى مروة بالظبط
السيده خديجه رضي الله عنها
زوجه بمعني الكمله
ام بمعني الكلمه
4 - بعد الأخلاق الحسنة ماأكثر مايلفت انتباهك في الرجل شكلا؟
عينيه ورموشه ههههههه غريبه انا
5 - مارأيك بالرجل الذي اهتمامته كمتابعة الموضه والازياء؟
مش عيب ان الرجل يبقى مهتم بشكله
بل بالعكس دى حاجه كويسه اووى
بس مايكونش ده هدفه فى حياته وبس
6 -خانك آدم فأصبحت مابين المنصدم والمنتقم كيف ستكون ردة فعلك؟
هظل فى موقف الانصادام ودموعى هتتكلم عنى لكن انتقام يبقى انا ماحبتش
7 - بيت شعر تهديه لآدم؟
ياحمامَ الغصونِ لو كنتَ مثلي
عاشقاً لم يرُقكَ غُصْنٌ رَطيبُ

8 - كلمة توجهينها لآدم سواء كانت الأب او الزوج أوالاخ او الحبيب؟
ربنا يخليكو ليا ومايحرمنيش منكو ابدا

آخرر سؤآل وأهمهآ ...


في كم سؤال من الأسئله جاملتي ... كذبتي ... واذكري هالأسئله << مافيه احرااج
لا والله مفيش احراج ولا حاجة الاسئله كلها لذيذه خالص
وميرسى ليكى يا ميشو لاستضافتك ليا
وميرسى للتوبيك الجميل دة
اختك

[misho]

ميرسييي ليكي يا ايمان

لتشريفك الموضوع

اجاباتك جميلة زيك ربنا يكرمك في حياتك

اتمنالك التوفيق دوما

دمتي بخير

انتظرونا مع حواء جديدة

تحياااتي

[misho]

طبعا بعد العطل اللي حصل في المنتدي

مشاركات القلب الطيب و noona راااحت

و طبعا لو قلتلهم يعيدوها تاني ممكن يضربوني :no:

و نعديها المرة دي

ودلوقتي نستقبل حواء جديدة

هي حبية قلبي

حنوون

منتظرينك يا قمري
تحياااتي

[حنـــــون]

شكرا جدااااااااااا ياميشوا على الدعوه الجميله دى

سعدت بها جداااااااااااااا

نبدا بئه بسم الله


1 -مكان الميلاد أين كان؟

مصر محافظه البحيره


2 -حياة الطفوله من كان المؤثر الأول بها؟
اخواتى

3 -موقف من الطفوله مازال عالق في ذهنك؟

ايام سفر بابا كنت حزينه اوى وكانت ايام صعب جدا انى انساها

4 -هل كان يوجد معامله مختلفه لاخوانك الذكورعن البنات؟

ماعنديش والله اخوات ولاد فا كان كلنا بنتعامل زى بعض
5 -اليوم الدراسي الأول هل تتذكري حالك فيه؟
جداااااااااا بفتكر فيه كل شئ بجد كان بيبئه يوم جميل جدااااااااااا من احلى الايام الى فى ذاكرتى كان زى المدرسه دا عندى مقدس لازم يكون احسن شئ اشتريه
فاكرتينى بايام جميله

6 -عبث الطفوله كيف تصفينه في بضع كلمات؟

ايام الصفاء وراحة البال والذكريات الجميله الى عمرها ما بتتنسى مهما طال العمر بتفضل محفوره جوانا
7 -أصدقاء الطفوله هل مازلوا على تواصل؟
انا ماكنش ليه اصدقاء كتير ولكن اوقات بشوف
اصحاب منهم بالصدفه كده


أول مرة تضعين ميك اب في اي سن ؟
وانا عندى عشرين سنه بس انا مش بحط بصراحه غير فى المناسبات يعنى مش دايما
2 -هل حآولتي أن تقودي سياره ؟
لا طبعا انا بتفرج على ابويا وهو بيسوق ببئه مش عارفه هو ازى متحكم اوى كده وعمرى ماتخيلت نفسى ابدا ان اسوق عربيه
3 -مرحلة المراهقه كيف كان تعامل الأهل فيها؟
ولا حاجه عادى جداااااا اصلا والله هى زيها زى اى مرحله بس بيئى اى تجربه فبها بتكون ليها طعم تانى

4 -غالبا مايكون الحب الأول في مرحلة المراهقه فكيف تصفينه إن وجد؟
الحب الاول بيكون احلى حاجه ممكن تحصل لاى حد لان بيكون اول احساس بيشعر بيه الانسان يس للاسف فى اغلب الاوقات بيكون مرحله وبتعدى
5 - إلى ماذا كنت تطمحين وهل وصلت لطموحك؟
انا دايما احلامى بسيطه اوى يعنى دايما بحلم بحياه
عاديه ولكن بيسودها الحب بس طبعا الحلم دا بئه صعب شويه لا الحياه اغلبها مصاعب وتقلبات الانسان مش بيكون عامل حسابها

6 - عنفوان المراهقه مالذي تبقى منه اليوم في ذاكرتك؟
مش عارفه ايه السؤال ده
بس مش باقى منها غير ذكريات جميله وبريئه جدا جدا





1 - كيف هي نظرتك للحياة اليوم؟
اختلفت اوى عن زمان كنت الاول مش بشيل اى هم للدنيا وكنت دايما طايره فى السما انما دلوقتى التفكير وتقلبات الناس الى حوالينا غيروا حاجات كتيره حلوه كنت بعشها
2 - كيف هي حياتك بعد الزواج وتحقيق حلم الأمومه؟
اول ما اجوز واكون ام هقولك علطول

3 - هل وجدت حلاوة المسؤليه مابين واجباتك العملية والعائليه؟
اانظر الاجابه السابقه
ههههههههههه
4 - هل ستربي أبنائك بنفس أسلوب تربية والديك لك؟
لا كل جيل وليه طريقه فى التعامل والحياه بتتغير
اكيد اسلوب تربيه والدىووالدتى مش هينفع مع اولادى
وطبعا مش هيجيب نتيجه ايجابيه معاهم لان الزمن كل يوم فى تغير والطبيعى ان اسلوب التربيه يتغير بس الاسلوب بس هو الى هيتغير انما الاساسيات اكيد لا
زى الاخلاق والتدين والاحترام الاشياء دى مافيهاش قديم وجديد
5 - ماأكثر مايشغلك تفكيرك في ظل مرحلة النضج؟

الحياه الجايه هعشها ازى وايه السلبيات فى حياتى الى مش لازم اكررها فى حياتى المستقبليه

وازى اكون انسانه صالحه وفيما بعدازى اكون ام كما ينبغى وزوجه محترمه وازى اكون اسره يرضى عنها ربنا وتكون فعلا من امه محمد حاجات كتير اوى ممكن تشغل تفكيرى

1 - الرجل ماذا يعني وجوده في حياتك اليوم؟

النصف الاخر الى وجوده مهم جداااااا عشان تكتمل الحياه

2 - من هي الشخصية الرجاليه التي تعجبك؟

الشخصيه المحترمه الى احترامها بيظهر فى كل تصرف بتعمله صغير او كبير
واتاكدى اذا وجدا الاحترام الحياه بتكون شئ تانى

3 - من هي المرأه التي تود ين أن تكون قدوة لكل نساء الأرض؟

السيده خديجه زوجه النبى بجد نموذج للزوجات مافيش لاقبله ولا بعده انصح الجميع انه يعرفها كويس

4 - بعد الأخلاق الحسنة ماأكثر مايلفت انتباهك في الرجل شكلا؟

ملامح الطيبه اكتر حاجه ممكن تشدنى لحد بعد الاخلاق هى طبته

5 - مارأيك بالرجل الذي اهتمامته كمتابعة الموضه والازياء؟

بس هى دى اهتماماته الموضه والازياء لو بس يبقى تافه

6 -خانك آدم فأصبحت مابين المنصدم والمنتقم كيف ستكون ردة فعلك؟

سكوت تام مش هعمل حاجه لان الانسان الخيان ماينبكيش عليه ولايستاهل انى اضيع عمرى على الانتقام منه

7 - بيت شعر تهديه لآدم؟

لا مش بيت شعر ولكن هى مقوله للنبى محمد عليه الصلاة والسلام

(استوصوا بالنساء خيرا )

8 - كلمة توجهينها لآدم سواء كانت الأب او الزوج أوالاخ او الحبيب؟

كن انسان بمعنى الكلمه تجد حواء معك فى كل وقت

آخرر سؤآل وأهمهآ ...

في كم سؤال من الأسئله جاملتي ... كذبتي ... واذكري هالأسئله << مافيه احرااج

وحياتك عندى ياميشو ماكذبت فى اى حاجه هى دى الحقيقه الى بقولها دايما

بجد موضوع اكثر من رائع اسئله جميله كلها
بشكرك جدا جدا على دعوتك ليا
سعدت جدااااااااااااا بتواجدى فى موضوع الجميل

تحياااااااااااااااتى اختك حنون

[misho]

تسلمي يا حنون لحضورك الجميل

اجاباتك عسل زيك

ربنا يسعدك يارب في حياتك

ومعانا حواء جديدة

هي حبيبة قلبي

nooody

منتظرااكي يا نودي تنورينا

تحياااتي