جزيرة الشيطان

[محمد 2008]

المصريين وجزيرة الشيطان

والله يجماعة انا مبسووووووووووط وفي غاية الانبساط لأني بدأت أشعر إن في أمل في شعب مصر وبدون لف ودوران انا عايز احكي حكاية جزيرة الشيطان .

جزيرة الشيطان دي بصراحة نموذج لرجالة مصر "خير جنود الأرض"

الموقع :- قرية بسيطة بدلتا مصر .

هذه القرية اقتصادها الرئيسي يقوم علي الزراعة وصناعة الطوب و اشتهرت لفترة بصناعة ترانسات اللمبات النيون ولكن وبعد فترة ليست بالقصيرة بدأ احتلال البانجو لأهلها وربنا يكفينا شره ولما بدأ موضوع البانجوفي الزيادة بدأت البودرة كمان تدخل في اللعبه وبدأت تسمع عن حرب عصابات المخدرات والبانجو داخل البلد وأجوارها .

وبدأت اسم هذه البلدة مع صغرها ينتشر في البلاد المجاورة إلي ان أصبحت أشعر بأنني مجاور لشيكاغو " المثل الأعلي في الإجرام". عصابات الصعيد تأتي في ساعات متأخرة من الليل للتوزيع علي تجار الجملة ومعهم الأسلحة الآلية للتأمين وبعد كده الأهالي تتصرف .وبقي اسم البلد معروف" بجزيرة الشيطان"

والدنيا كمان بدأت تسود مع دخول التوكتوك والموتوسيكلات الصيني وموضوع التوزيع ونقل المخدرات بقي عيني عينك وفي وضح النهار و الناس ساكته .

لغاية ماحصل اللي كان لازم يحصل من زمان.

واحد ابن بلد من أهل القرية قام وانتفض والله ياجماعة واحد بس , واحد بس قال لأ. وسبحان الله فعلا انا تذكرت القعقاع بن عمرو لما الرسول"ص" قال عنه انه رجل صوته في المعركة بألف رجل , هذا الرجل بدأ بإقناع الناس بضرورة التخلص من هذا الوباء وفعلا بدأوا بالتخطيط للتخلص من هذا الطاعون .

وبدأت الناس تقوم بتحفيز بعضها للوقوف أمام هذا السرطان .وحدث ماكان .

إنتفض كل أهالي البلد " موقف كدة زي الفيلم اللي تلاقي فيه ناس كتير ماشيين في الشارع شايلين المشاعل وبيقولوا "باطل" جواز اسمه اية من اسمها اية "باطل" فقد قاموا بسد مداخل البلد ومخارجها . وبدأوا بعمليات تفتيش لكل من هو غريب داخل أو خارج وبدأ الأهالي بتنظيم أنفسهم في مجموعات لتبادل الأدوار وكأن البلد تحولت الي خلية نحل كلٌ يعرف دورة ، الشيخ في المسجد ، أعضاء المجالس المحلية ، دي حتي الشرطة جاءت ووقفت مع الناس .

احنا ياشعب مصر خير جنود الأرض " ماينفعشي نشوف الغلط ونسكت ولما مابنستكش ممكن نضحي ولما نضحي التضحية مش ببلاش " اسألوا جنود 73 وثورة 19 اسألوا الانجليز ولو انت عمرك كبير شوية ممكن تسأل الهكسوس .



"قصة واقعية مازالت أحداثها تدور حتي هذه اللحظة "27-9-2009 "

منقول

[Dr.nour]

تسلمممممممممممم اخى الكريم على المعلومات القيمه

[dood]

شكرا على الموضوع الجمييييييييييييل

[Đ σ ρ e s τ]

اسفه يا محمد على التدخل لكن لازم تغير العنوان لأن العنوان اسم لمثلث برمودا وهوة خاص بيه جزيرة الشيطان انتظروا الموضوع بفارغ الصبر هعمل كل حاجه عنو هههههههههه

[محمد 2008]

اقتباس المشاركة الأصلية كتبت بواسطة الفتاه الحائره تسلمممممممممممم اخى الكريم على المعلومات القيمه

تسلمى على ردك يا فتاه

[محمد 2008]

اقتباس المشاركة الأصلية كتبت بواسطة dood شكرا على الموضوع الجمييييييييييييل

شكرا لمرورك الاجمل dood

[محمد 2008]

اقتباس المشاركة الأصلية كتبت بواسطة همس الليل الاسود اسفه يا محمد على التدخل لكن لازم تغير العنوان لأن العنوان اسم لمثلث برمودا وهوة خاص بيه جزيرة الشيطان انتظروا الموضوع بفارغ الصبر هعمل كل حاجه عنو هههههههههه

لا معلش


شكرا لمرورك