محتاجاكم رايكم ضرورى

[يارااا]

انا عضوره جديده معاكم وبصراحه عايزه اخد رايكم فى موضوع وعايزه كل اللى يقرا الموضوع يقولى رايه من فضلكم انا بصراحه محتاره جدا ومش عارفه اعمل ايه انا فى كليه ومليش اختلاتط باولاد خالص وفى واحد زميل ليه محترم اوى وانا اتشديت ليه ولاقيته بيبين من نظراته وتصرفاته هو كمان اهتمامه وكده بس مقلش حاجه خالص ولا اتكلم بس كل اصحابى من تصرفاته بيقولو انه معجب بيه ومش قادر يقولى لانه خايف اصده لانى مليش زمايل اولادخالص بس مش عارفه اعمل ايه ودلوقتى متقدملى عريس كويس جدا طبعا الاختيار ليه بس انا مش عارفه اعمل ايه ومحتاره انا ممكن استنى التانى بس هو فعلا ممكن يكون كلام اصحابى صح ولا ايه هو فى ولد بيتكسف برده مش عارفه ياريت تردو عليا

[zalabia]

انا مبسوطه ان انا اول واحده ارد عليكى لان يمكن تكون فى حاجات كتير مشتركه بنا
ان انا وانتى ملناش تعامل مع الاولاد فى الكليه واكيد احنا مقتنعين بده
بس انا هقولك حاجه انا فى واحد قريبى قالى ان كان فى بنت كدة مبتكلمش اولاد معاه فى الكليه
وده غظهم جدا فحولوا انهم يلفتوا نظرها ليهم من الاخر عايزين يوقعوها واعد الرهان على البنت دى اربع سنين وفى اخر سنه خلوها تكلمهم وتصاحبهم كمان الولد ممكن يكون بيتكسف او ممكن انه يكون قناع
بس هو لو فعلا بيحبك او معجب بيكى على الاقل كان ممكن يكلم واحده من اصحابك البنات يعنى كان هيجيب وسيط والمشكله ان العريس اللى متقدملك انتى مش عارفه توشفيه لان بالك مشغول بالتانى
بس وزنى بين الاتنين
الاتنين يمكن يكونوا بالنسبه ليكى مجهول الشخصيه بس واضح انك مضيقه ان العريس ده
هو اللى اختارك يعنى جواز صالونات زى مبيقولوا بس انا بقولك نصيحه من اخت ليكى
انك فكرى فى العريس اللى متقدملك وبس وسيبك من التانى على الاقل متاكدة ان العريس ده عيزك بجد
مش لابس قناع الخل وعمر جواز بالطريقه دى كان عيب بالعكس انتى كدة هتعيشى اجمل قصه حب فى حياتك كلها
هتعيشى حياه من غير شك او جرح او غدر
مش كل اتنين حبوا عاشوا مع بعض وكملوا حياتهم سوا خليكى صدقه مع نفسك وفكرى فى العرس واذا رفضيه فيكون لسبب فيه هو يعنى فى شخصيته او انتى مش مستريحه معاه مش علشان حد تانى
علشان محدش يبيعك علشان حد تانى علشان كله سلف ودين

اتمنى ان تكونى فهمتينى واتمنى ليكى حياه سعيده مع حد يستهلك ويقدرك بجد

[7w0r al gana]

انا راى نفس راى زلبيه بالضبط
بسمن راى انك تشيلى الولد ده شويه من دماغك وشوفى العريس ده كن مفيش غيروا
وفى الاخر القرار قرارك

[kota]

طب يا يارااا احنا كده مشتركيين فى ميت حاجه سوى
اولا اننا بنتين ثانيا مبكلمش ولاد فى الكليه ثالثا انى اتحطيت فى نفس الموقف
ههههههههههههه بس هو قال لى بس مش مباشر على منتدى زى ده واللى خلانى عرفت كانت صدفه اصلا وقع كلمتين كده وانا شبطت فيهم مكنتش اعرف اللى هيجرى لى كنت بتعامل بحسن نيه يعنى
بس انا كل اللى كنت اعرفه عنه انه شخصيه محترمه وخلوقه وتدينه كويس وكان فى ثقه من الاول
لما كلمنى انا كنت عامله زيك كده مش يمكن بيمثل عليا مش يمكن بيشتغلنى وهو كده على المنتدى بس لانى معرفهوش على الحقيقه ايه ولا بيتعامل ازاى وكنت محروجه جدااا اسئلى زميلاتى اللى هما صاحباته
بس فكر مع نفسى لقيته انى قدامى حل من اتنيين يا انى ارفض نهائى يا انى اجل الموضوع لحد ما نتخرج
وكان جايلى عريس فى نفس الوق برده وجاهز وتمام وكل حاجه بس انا الشخصيه دى اللى هو زميلى كان عاجبنى تفكيره واسلوبه مش بحبه بس معجبه بالشخصيه دى بعا حكيت لوالدتى بعد ما فكرت انا واخذت القرار وكلمته على الميل بعلم والدتى وقولت له انه الموضوع هيتاجل نائى ومش هيتفتح تانى لحد ما ينفع يبقى رسمى غير كده انا مش هعرف وكانت ساعتها خطوه ايجابيه منه والله مش منى انه قال لى انه عايز يجى البيت مع العلم انه مش جاهز ماديا خااااااالص دلوقتى بس كل الى كان عايز يعمله عايز يثبت نفسه ويقول انا موجود لانى كنت حكيت له انى جايلى عريس وكده واتصل بوالدى وجالنا البيت وحكى ظروفه كلها وناوى على ايه وبرده الموضوع اتاجل لحد ما اتخرجنا احنا لحد دلوقتى زمايل بكل الطرق مبنتعاملش ابدا باى اسلوب تانى زى ما كنا بالظبط ولا حتى بكلمه فى الكليه عشان خايف على منظرى فى الكليه كمان لانه كله عارف انى مش بكلم ولاد بس المفروض انى قررت انى مش هنخطب خالص لحد ما اخص كليه واشوف هو هيعمل ايه ولو فضلت متاكده من حبه ليا زى دلوقتى يبقى اكيد هيتم بس لو اتغير يبقى خلاص

فده رائ اسئل نفسك انتى معجبه بالشخصيه دى ولا لاء مش بس عشان واحد معجب بيكى او بيحبك تتغيرى او اتوافقى على طول بصى لكل الابعاد هل بعدين تقدروا تتفاهموا تتعايشه ممكن خجله ده يعمل له مشاكل بعدين ولا ده فى الحته دى بس هل هو تفكيره واسلوبه وطريقه فى الكليه ولو من بعيد مريحاكى ولا حاسه انه شخصيه بتهزر ومش جد نهائى فكرى واحكمى عليه الاول بس حطى قدام عينك انك متظلميهوش وتدى له فرصه
يمكن يكون بيحبك بجد ويمكن يكن بيضحك عليكى

فكرى مع نفسك واى استفسار او مناقشه احنا معاكى
ومعلش على الاطاله

[نمله بتستهبل]

بصي الموضوع في الاول والاخر نصيب اقعودي معا العريس واتكلمي معا لو حسيتي انك مرتحالو خلاص كملي لو محستيش بي ده يبقا متوفقيش وومكن الولد اللي في الجامعه ده يكون معجب مش اكتر لو عاوز يرتبط هيجي ويقولك او علي الاقال هيخلي حد يقولك فا شوفي انتي عايزه مين وربنا يوفاق

[mohamed yousef]

عندي حلو كويس يا عزيزتي

انا شايف انك تنشري خبر ان فيه عريس متقدملك بين صاحبك في الكلية ، لكن انتي لسه بتدرسي الفكرة

واكيد الخير هايوصل للولد .. ولو شاريكي بجد هايخد خطوة ، وانصحك لو مش هيعرف ياخد خطوة سيبك منه لأنه هيبقى جبان ومتردد .

ثانيا : انا عندي تعقيب على جواز الصالونات ، ان الاخت بتقول انه قصة ناجحة وجميلة وحب ورومانسية .. انا ضدك

شوفي يا اخت انا ضد اصلا العلاقة المحرمة بين البنت والولد ، وايضا ضد الظلم والخداع اللي بيكون في جواز الصالونات

صدقيني بيحصل في الجواز ده اكبر عمليه خداع ، العريس بيكون عامل فيها غلبان وطيب وبعد الجواز بيبان على الوش التاني ..

كمان معظم جواز الصالونات بيتم بسرعة ، مش بتكون فيه فترة كافيةللتعارف ، يعني بمجرد الخطوبة ، تبدأو في التجهيز ، ومرة واحدة تلاقي نفسك اتجوزتي ،

وتبقى الجوازة زي البطيخة ( اسف في التعبير ) .. نفس الكلام بيحصل مع العريس ، بيكون احيانا مخدوع في العروسة ، لانه اتخدع في المظاهر

على العموم انا مش بشجع العلاقات المحرمة ، ولا بشجع جواز الصالونات ..

انا مع العلاقة الوسطية ، اللي ولا هي مفتوحة اوي ، واخرها مش كويس

ولا هي مغلقة ، ومش هاقدر اشوف من خلالها الطرف الأخر بوضوح

تقبلوا مروري

اخوكم محمد

[عاشق المستحيل557]

السلام عليكم ورحمه الله وبركاته
الاول معاكم اخوكم احمد
برحب بيكى فالمنتى الا ليس مشترك عليه من ساعه وحده
اختى اجلسي مع نفسك وفكرى كويس
وا توضى وصلى استخاره وادعى (اللهم انى استخرك بعلمك فانت تعلم وانا لا اعلموانت علام الغيوب
ربي ان كان هذا الامر(.....................................) خير لى فى دينى ودنيايا ةعاقبه امرى فقربنى منه وقربه منى وان كان فيه شر لى فى دينى ودنيايا وعاقبه امرى فبعده عنى وبعدنى عنه
واتكلى على الله ونامى والله هتشوفى راى ربنا الى هوا احسن واصح من راى اى حد فالدنيا

[يارااا]

ميرسى بجد على ردودكم انا فعلا كنت محتاجه حد يفكر معايه انا معاكم كلكم وهى ديه المشكله انى مش عارفه ارتاح على حاجه واخد فرار وخايفه اظلم حد معايه وكمان خايفه اتجرح ربنا يستر ادعولى كتييييييييييييييير

[mohamed yousef]

مش المهم انك تظلمي حد

المهم انك ممكن تظلمي نفسك وانتي مش حاسة

فكري كويس ، ولو مش قادرة تاخدي قرار ،، الغي الموضوعين من دماغك ، واضح انك لسه صغيرة والعمر قدامك

علشان ماتخديش قرار وتندمي عليه

والاهم من كده خليكي قريبة من ربنا ، واستخيري ربنا

واكيد الخير انشالله ربنا هيديكي ليه

[توليلا غسان]

انا من رئي خليكي جريئة واسئلي الولد اذا كان بيحبك ولا وائعدي بردو مع العريس وشوفي و حياتو عملة ازاي علي فكرة هو كمان لو بيحبك عندكم بتئولو في مصر يخش البيت من بابو مش من الشبك اتمني اكون فدتك انا من رئي خدي العريس