مدمن سابق...

[rony]

مدمن سابق
للاسف كتير قوى من شبابنا بيقع فى فخ الادمان
ودة بيكون لاسباب كتير اما الضغوط او الفقر او التجربة
وطبعا اى من الاسباب دى مش مبرر للانسان انة يدمن
بس كتير قوى لحظات ضعف الانسان تخدة لطرق عمرها ما بتكون فى حسابة
وطبعا الكلام دة على الشباب والبنات لان نسبة البنات المدخنة للاسف زادت جدا ودى ان دلت تدل على كارثة
لان البنات اساس مجتمع بالكامل واى انحدالر فى اخلاقهم يعنى تدمير اسرة وبالتالى تدمير جيل بالكامل
ومش دى المرحلة الى عايزة اتكلم عليها ...
لان سهل قوى ان الانسان يدمن ويتمادى فى المرحلة دى
بس الاصعب انك تقدر تقاوم وتواجة دة وتحاول تتعالج منة..
ومجرد القدرة على اتخاذ الخطوة دى فهى تحدى الانسان لنفسة انة هيقدر يقاوم
بس المشكلة مش فى كدة لان دلوقتى فى مصحات محترمة موجودة وبالمجان وبيدرها شباب ...
بس الاصعب نظرة المجتمع الى بيرفض انة يتعامل مع حاجة زى دى
مع ان الادمان مرض زى اى مرض ممكن يتعرض اى حد لية
"مع الاخذ فى الاعتبار الفرق الموجود"
وبيقى الشاب خلال ادمانة"مدمن"وبعد ما يقاوم ويتعالج"مدمن سابق"
..عايزة اعرف رايكوا فى الموضوع دة وممكن الناس تغير رايها
وتفكيرها وتبص للشباب نظرة انهم كانوا فى محنة وكانوا قادرين
على مواجهتها وبدل من البعد عنة نقرب منهم ونمدلهم ايدينا ونشجعهم انهم يبقوا احسن
...واخيرا عندى سؤال...
**تقبل تجوز اختك/بنتك لشاب كان مدمن ؟
**تقبلى تتجوزى شاب كان مدمن ؟