ياعم انت كسبان يعنى كسبان بس قوم اتصل

[حفيدالفراعنة]

	هل نحن اغبياء سؤال تردد كتيير اوى وانا اشاهد المسابقات التلفزيونية والتى ملئت حياتنا فلوس كتيييير اوووى يعنى الواحد مننا مش لاقى رغيف العبش والتانى يقولة بس انتا اتصل بس عارف ها تكسب اية ييجى الف دولار اسبوعيا طيب ماشى انما قمة الاستهزاء بالعقل لاء بقا لما يقولك مين ضرب مين بالطماطم مثلا وبعدين يجيب واحد وايدة وهدومة مفعصة طماطم ويسئلك دة ولا دة ولا دة اوووم اتصل ولا مثلا يقولك واحد + واحد يبقوا كام -- واحد ولا اتنين ولا اتنين ونص اووم اتصل والاغرب سؤال مين اللى صورتة على الربع جنية والا الجنية ولا حتا النص جنية عارفين وكان الشعب المصرى معاهوووش حتى الجنية علشان يقراء ويشوف جامع مين ولا معبد مين اوووم اتصل لهذا الحد عاملونا بكل غباء وكاننا اغبياء ويبدوا انهم صدقوا انفسهم والدليل شوووفوا كم المسابقات التى تنهال على عقولنا يوميا مين صاحب الاغنية مين اللى قطع سلك التلفيون مين اللى ولع فى التلفزيون مين اللى ومين اللى وعلينا جميعا ان نتصل بقا دة اسمة كلام والسؤال اذا كانت الاسئلة بهذا الغباء والاستخفاف اين تكون المصداقية حتى فى الاتصال والاجابة استخففتم بنا اولا وبعقولنا ثانيا فمن يضمن الا تستخفوا بنا فى حال اتصالنا اوووم اتصل وهل هناك جهات رقابية ولو كان هناك فتلك مصيبة وان لم يكن فالمصيبة اعظم لانهم يتاجرون باحلام الفقراء ويكادون يقسمون لو اتصلتم ها نملاء بالفلوس جيبوكم واخشا ان يكون حلم الفقير فى بلدى مجرد اتصال اخشا على عقولنا ان تتوقف عن الفكر ابعد مما يريدوننا ان نفكر فية اخشا على افكارنا من هؤلاء الذين لا اعرفهم ولا يملكون لنا افكار ولا ابتكار ولا حتى ممارسة عقلية نحترمها ونحترم معها انفسنا وافكارنا واخيرا عندى سؤال مين اللى كان مدرب الاهلى ( 1 ) مانويل جوزية ( 2 ) مانويل جوزية ( 3 ) مانويل جوزية ولو عرفتم الحل اووووموا اتصلوا معايا ها تكسب ها تكسب اووووومال اية

[H&H]

ههههههههههههههههههههههه

لا طبعا احنا مش اغبيه عشان نتصل

بس لان حتى لو كسبنا ده قمار يعني حراااااااااااااااااااااااااااااااااااااااااااام

دي المشكله الاكبر

[حفيدالفراعنة]

اقتباس المشاركة الأصلية كتبت بواسطة h&h ههههههههههههههههههههههه لا طبعا احنا مش اغبيه عشان نتصل بس لان حتى لو كسبنا ده قمار يعني حراااااااااااااااااااااااااااااااااااااااااااام دي المشكله الاكبر

لا ما تخفيش مش ها نكسب هههههههههههههه

وممكن يكون داه قصدهم علشان لو كسبنا يبقا حرام علشان كده هما مش بيكسبونا علشان هو حرام هههههههههههه

شكرا هبه الله على المرور من هناااااااااااااا

[7w0r al gana]

هو بالنسبه للسوال بتاعك ممكن حزف اجبتان :manchester-flag:
هو ده الزكاء الاصلى:vb21:
عارف يا محمد هما عملين علينا حصار بيبعتو رسائيل على
الموبيل مبروك كسبت مش عارفه ايه
واتصل على مش مين :vb5:
حصار بجد حصار
ولا اللى يتصل بيك على التلفون البيت
و يقعد يرغى و يرغى و
فالاخر المكلمه عليك (بابا قعد متعفرت بعدها اسبوعين مش عشان الفتوره لا عشان عملها ازاى ابن الذين:aa_roma2
عادى عادى مش مهم يوصلك الذاى المهم يوصل ويسحب
مش انتو عملتو ازكيه احنا كمان هنتزاكا عليكم
هو ده الشعار اللى رفعاه الشركات

[لوليتا المصريه]

ههههههههههههه

والله يا حفيد كل الكلام ده

ضحك ع الدقون

والمشكله ان بعض الناس بتغلى عقلها

وبتصدق فى الكلام ده

مدام الدنيا وردى كده والفلوس تيجى بلاش كده

من مجرد اتصال

والله ماكنش حد غلب

وكانت الدنيا كلها مفيهاش كلمه فقير

هههههههههههه

تسلم ايدك

منتظرين جديدك

اختك

[منال ابوالوفا]

هههههههههههههههههه
بجد كلااام صح اووي بس اكيد احنا مش اغبيه اووي يعني
تسلم ايديك عالتوبيك الجمييل

[أمة الله]

بسم الله الرحمن الرحيم

فعلا موضوع سخيف ويحسسك انك لازم تلغى عقلك علشان تصدق تلك التفاهات التى ملئت حاتنا

حتى اكل الاطفال اشترى كيس علشان تكسب اتنيين والله انا ريحت علقى ولاغيت جميع

القنوات الا الاسلاميه هذا يكفى بس تحس انه ليه نظره تانيه عايزين الناس تكون ملهيه

فى الهيافه وميفكروش ايه اسباب الفساد اللى حولنا لو فكرو هيعملو انقلاب

فالحل ايه نلهيههم باالمسابقات والغلاء ولقمة العيش علشان منفكرش منفكرش نغير حاجه لحد ما

اصبح المجتمع قمة فى السلبيه بس اكيد لازم نتغير وعلى الله قصد السبيل

[ايمى شيتوس]

انا بحس ان هما بيجيوا اسئله تافها وسهله علشان احنا نتصل وهما طبعا مش هيتصوا بينا فا فى الاول وفى الاخر هما اللى كسبانين
عن تجربه والله بيتى اتخرب على جيم تيم ومحدش عبرنى مسد

[محمد الشريف]

أخى العزيز / حفيد الفراعنة

هذا الأسلوب عف عليه الزمن وصار غير ذى إغراء ولا قبول إلا لمن يقع فيه

ويقبل عليه لأول مرة وبعدها يتحصن من ذلك النفاق الذى لاهدف له سوى

سلب مافى الجيوب ... ولقد صادفنى ذلك عدة مرات بالاتصال التليفونى

العشوائى تذكر لى المتصلة اسمى كما ورد بدليل التليفون وتتقدم لى بالتهانى

على قبولى ضمن العشرة الأوائل الذين وقع عليهم الاختيار من ضمن آلاف

وتسألنى هل ترغب فى التوجه للمكان الفلانى بمنطقة كذا الدور الفلانى

فهناك ستحصل على الجائزة ولكن قبل ذلك كله لابد من مقابلة مع منظمى

المسابقة مانحة الجائزة .... ومن باب الفضول توجهت للمكان المنوه

عنه ... وهناك استقبلت وكأنى عالم الذرة ... وبعد السلامات والتحيات

طلب منى خمسون جنيها لتحرير استمارة دخول السحب وخيرونى هلى أكتفى

بالسحب العادى أم السحب السوبر !!!!!!!!! وتساءلت عن الفرق قيل لى الأول

قاصر على الجوائز المالية والعينية بينما الثانى يمنح فرصة رحلة للتجول فى

بعض عواصم العالم الغربى !!!!! ولابد من مضاعفة المبلغ فى تلك الحالة

فاكتفيت بالسحب الأول ودفعت الخمسون جنيها .... ونودى على اسمى

لتسلم الجائزة !!!! ووقتئذ سألنى أحدهم هل يمكن دفع 25 ج لمفاجأتى

بما يفوق الجائزة المقررة فوافقت وإذا بالجائزة الكبرى ماهى إلا طقمين

من كاسات المياه دستين وعليهما علبة من العطر وأنبوبة حلاقة للذقن

وعندم فتحت الجائزة الكبرى وجدت أن قيمتها لاتتعدى ال40 ج بأى

حال من الأحوال .... وهكذا أدركت أن هناك أسلوبا للتحايل بأسلوب

أقرب للنصب منه للبيع بالحلال . وقس على ذلك دعايات الراديو

والتليفزيون مدفوعة الأجر مقدما وتنطوى على الاستخفاف بعقول

البسطاء كتلك التى تقول : من مخرج فيلم طاقية الإخفاء وتلك ملحن

أغنية الطشت قالى ياحلوة قومى استحمى وهكذا ... فليرحمنا الله من

سوءات أعمالنا ويرزقها بالحلال .

مع تحياتى لك

[حفيدالفراعنة]

اقتباس المشاركة الأصلية كتبت بواسطة 7w0r al gana هو بالنسبه للسوال بتاعك ممكن حزف اجبتان :manchester-flag: هو ده الزكاء الاصلى:vb21: عارف يا محمد هما عملين علينا حصار بيبعتو رسائيل على الموبيل مبروك كسبت مش عارفه ايه واتصل على مش مين :vb5: حصار بجد حصار ولا اللى يتصل بيك على التلفون البيت و يقعد يرغى و يرغى و فالاخر المكلمه عليك (بابا قعد متعفرت بعدها اسبوعين مش عشان الفتوره لا عشان عملها ازاى ابن الذين:aa_roma2 عادى عادى مش مهم يوصلك الذاى المهم يوصل ويسحب مش انتو عملتو ازكيه احنا كمان هنتزاكا عليكم هو ده الشعار اللى رفعاه الشركات

ههههههه


بصى هما لو قلتيلهم كده ها يفرحو قو ى ومش يحذفو اجابتين ها يحذفو كل الاجابات وتبقى كسبان على طول بس اهم حاجه تتصلى هههههه

داه لعب على النفوس والعقول فى نفس الوقت

عارفه يا نهى انا اعرف واحد قريبى اتصل كتير قوى وبعدين كسب ههههه

كسب اقل من الفلوس الى اتصل بيها يعنى حتى لو كسبت ها تكسب فلوسك ههههههه

شكرا نهى على المرور من هناااااااااااا