معسكر بنات مصر الاول مع المراقب المتميز ضياء

[doiss]

المشاركة الأصلية كتبت بواسطة kitty cat ~


انضباط يا أخت انت وهو


ضياء معانا
^وحش المنتدي ^

اقتباس ~

منور المعسكر يا ضياء

كام سؤال كده علي خفيف
بمناسبه وحش المنتدي

كيتي صاحبة العقلية المحترمة دايما
اهلاا بيكي منورة المعسكر وخصوصا بعد ما الواحد اتغدي الـ15 خروف هههههههه
نجاوب علي اسئلتك ,,
اقتباس ~

1

ليه كده مع انك طيب ؟

هههههههه
ربنا يخليكي
وضع طبيعي انك تشوفي شيء وغيرك شيء تاني صعب الناس كلها تتفق علي حاجة ,
وانا زيك بردو اتفاجأت بالكلمة ,
بس طبعا كلنا هنا اخوات وبنحب نهزر مع بعض واكيد دة في اطار الاحترام المتبادل بينا ,,
اقتباس ~

2

انت من الاول في الاداره ولا كنت من باقي الشعب ؟

هههههههه
الحمد لله كانت عضو واترقيت ودة راجع لبذلي مجهود
وكسب احترام الاعضاء ودة بيجي بأحترامي ليهم طبعا , بخلاف رؤية الادارة ومتابعتها ليا وترشيحها وثقتها فيا ودعمها لتولي الأشراف ويليها دعم المراقبة ,
وطبعا المراقبة من اصعب الاشياء العملية مش حذف مخالفات ووقف اعضاء مخالفين نهائي :liverpool-flag:
اول شيء الأمانة ودية اهم حاجة ,
لأن المراقب عموما متاح لة صلاحيات كتيرة سواء بيانات اعضاء كاملة , او التحكم بمواضيعهم ومشاركاتهم ,
وهية دية المراقبة من وجهة نظري ان الواحد يكون أمين علي الناس اللي معاه وميجاملش حد علي حساب حد , وميتسرعش في القرارت دة بردو من اهم الاشياء , الفصل بين الاعضاء من غير ظلم لأحد الطرفين قدر المستطاع ,,
بخلاف امتصاص غضب الاعضاء , ومراعاة انة المنتدي الاعضاء بيبتدي متوسط الاعمار فية من 10 سنين فيما فوق وكل واحد ولية عقليتة طبعا ,,
واهم نقطة طبعا واللي بتحتاج خبرة هي اتخاذ القرار المناسب في الوقت المناسب ,
اقتباس ~

3

بتعمل ايه لما حد يضايقك قوي ويعمل مخالفات كتير ؟

ههههههههه
تفرق طبعا ,,
لما يكون عضو مسجل جديد لية عندي معاملتين ونص هههههه
لو متعمد المخالفة زي الدعاية والاعلان كأول طرح لية بقولة مع الف سلامة ,,
والنوع التاني من الاعضاء الجداد بيتقسم نوعين هههههههه
نوع طرح كذا مشاركة وواحدة فيهم بس اللي كاتب ايميل او مخالف بالتوقيع او الصورة بحذفها واحذرة في توقيعة او بردو عامل مشاركة تعارف ,
لكن واحد داخل عمل مشاركة واحدة ايميل ولا رقم تليفون او الفاظ او غيرة وطلع يجري , يبقي بالسلامة هههههه
الاعضاء القديمة بئي ههههههه
نادر لما حد فيهم بيخالف , لأن الحمد لله الغالب هنا ناس محترمين جداا وعلي قدر من الوعي ,
وغالبا اللي بيخالف
يا أما سنة صغير مثلاا وبيطرح وبيشارك بطريق الخطأ ودة بحاول اراعي عقليتة وسنة طبعا وبيكون من اقرب الناس لقلبي بجد ههههههه لأني فعلاا بعتبرة اخويا او اختي الصغيرين وبيمسكوا اي حاجة يلعبوا فيها ويبوظوها ههههههه بس طبعا بحاول انبهة قدر الامكان ,,
النوع التاني ,,
ردود سيئة وعدم احترام الاعضاء او استهزاء او صور مخالفة بالتوقيع مثلاا دة بكتفي بتحذيرة اكتر من مرة , ولو تعمد بعد تحذيرة برد مخالف او استمرار ببتدي اطبق علية التدرج التنبيهي من انذارات او ايقاف حسب الموقف وشدتة ,,
نيجي بئي للنوع التالت حبايبي :090:
مراسلة البنات
بسمي بالله وببتدي بشهر ايقاف وعلي حسب الموقف
لأني بشوف مشاركاتة في المنتدي قد اية الاول وعلي حسب عطائة بالمنتدي ببتدي اقدر المخالفة فممكن بدل شهر تكون اسبوع ,
وطبعا لو لية سمعة سيئة وعلية ملاحظات بيكون شهر كبداية ,,
وانا عاوز اقول في الاخر ان دة مش ترهيب حقيقي لحد طبعا ,
بس لما اجي اقارن دلوقتي بين كيتي كات وعضو مقضيها تعارف ورسايل او مخالفات ههههههه صعبة المقارنة طبعا , فلازم هو يشوفني وحش وانتي تشوفيني ملاك ههههههه وضع طبيعي المحترم بيحترم نفسة وبيجبر الناس تحترمة ,
ومنساش بردو اني بفضل الله بحاول التمس العذر علي قد مقدر لأن مفيش حد مش بيغلط واولهم انا ,,
بس دة ميمنعش ان الهزار هزار والجد جد يعني الهزار في حدود اني مجرحش الشخص اللي اودامي او اسيء الية ووقت الجد يكون جد ودة بيفرق طبعا بردو , لأنة بيعتبر استهزاء ,,
اقتباس ~

4

أكتر حاجه نفسك تغيرها في المنتدي؟

والله المنتدي عاجبني جداا من ناحية ادارتة ممتازة ,,
بالنسبة للفنيات فدة امر وارد التعديل بأستمرار ,
لكن حاجة صغيرة بس نفسي وطبعا مش فرض كل واحد حر ,,
بزعل اووي لما بشوف عضو او عضوة معجبين بشخصية لدرجة الهذيان بالصور والكلام ,,
واللي بيجي في بالي مالة الجيل دة بس يارب !!
اقتباس ~

5

يا تري بتتابع الموضوعات الجديده ولا ............؟

الحمد لله علي قد مبقدر بدخل كل المواضيع اللي في المنتدي ,,
بس طبعا فية متابعات لحاجات تانية زي اللي مسجلين جداد او الحوارات والمشاكل بين الاعضاء او المخالفات ,
او المواضيع اللي تستحق الاشادة بيها وتقدير صاحبها حتي ولو برد صغير ,,
وبردو عشان المواضيع هي اللي بتعرفني شخصية كل واحد في المنتدي ,,
والحمد لله بحاول احترم اصغر موضوع لأكبر موضوع واحاول اشجعهم ,,
اقتباس ~

سؤال بس نفسي أسأله من زمان

انت علي طول offline بتدخل امتي ؟

هههههههههههه
بوصي عشان اكون صريح معاكي ,,
فية اعضاء جداد او بيسجلوا جديد فطبعا بيشوفوا مراقب مبيخالفوش لحد ميختفي ولو دخلت ملفة الشخصي هيعرف هههههه فبتخفي واخلية تحت المراقبة واسيبة يتعامل بطبيعتة ,
واشوف نية تسجيلة بالمنتدي لأني بعتبر المنتدي بيتي ومحبش حد يرمي ورقة فية علي الارض ,
بخلاف ان فية اعضاء تشارك مشاركة كويسة وتروح علي الالعاب ومتلعبش زي الناس الطبيعية مثلاا او المواضيع العادية حتي وخلافة وتخالف تعارف بئي او تبادل ايميلات او شبية كدة , فطبعا بكون محتاج اشوفهم من غير ميشفوني عشان بردو اعرف شخصية الاعضاء , ومش شرط انة كدة بيتحرر لة مخالفة , بس دة بينفع في معرفة نوايا الشخصية وميولها في المنتدي وهل يستحق التقدير او لأ !
وبردو متابعة اللي يستحقوا التميز مثلاا او الاشادة بشخصياتهم في المنتدي ,,
ههههههه
وكفاية كدة انا طولت اوي عاوز اتعشي بئي هههههه
اقتباس ~

هرجعلك تاني

تنوري في اي وقت يا كيتي :liverpool-flag:
:052:

[الأمــيــر]

أولا أهلا بيك ياضياء فى المعسكر وان شاء الله يكون معسكر كويس والكل يستفيد منه


ويلا هبدا المعسكر معاك بكام سؤال كده يارب يكونوا سهليين عليك بس عايز أقولك على حاجه ممنوع طبعا الغش ولو قفشت معاك برشام هتتحرم من الامتحان أوك أتفقنا
يلا بينا

1- لماذا اخترت أسمك المستعار ؟

2- ماذا يعنى لك منتدى بنات مصر

3- كم ساعة تقضيها فى اليوم على منتدى بنات مصر ؟

4- هل فعلا انت مرتاح في تواجدك في المنتدي و مع الاعضاء ؟

5- من هو العضو الذى ترى أن شخصيته مثل شخصيتك ؟

6- ماهى نقاط القوة ونقاط الضعف فى المنتدى من وجهة نظرك ؟

7- كيف وصلت اللى هذا المنصب فى المنتدى ؟

8- إذا واجهتك مشكلة فى المنتدى كيف تتصرف ؟

9- هل فكرت يوماً للأنسحاب من المنتدى ؟؟ لماذا؟؟

10- بماذا تنصح أعضاء منتدى بنات مصر وخاصة الأعضاء الجدد ؟

ضياء يارب تكون أسئلتى كويسه ومعلش لو كنت طولت عليك ويارب أكون ضيف خفيف عليك وربنا يوفقك ولو أحتاجت مساعدة قولى وأنا أغششك أنا مذاكر كويس والله بس السؤال الواحد بخمسة جنيه ههههههههههه

يلا أسيبك مع الاسئلة

[ملاك الجنة]

طيب
ايه الموضيع اللي ممكن تشدك؟؟؟؟؟؟؟؟؟؟؟؟؟؟؟؟؟

[doiss]

المشاركة الأصلية كتبت بواسطة آيــــــــه ~

الله عليكي يا نووودي

مميزة في مواضيعك

وفي اختياراتك :d:d

ياووووووووحش منور وربنا

استناني بالاسئلة بقى :Sh_077:

وطبعا نودي ما قالتش ان لازم الاسئلة تكون اسئلة معسكرية بس :d

7
:SuN037:
ههههههههههه
طيبة وقلبك ابيض طول عمرك هههههه
اية دة مش كرسي اعتراف الله يخليكي وتنجحي يارب بالمجموع اللي انتي عاوزاه ههههههه
لأ نودي قالت اسئلة معسكرية مش تنكرية وكرسي اعترافية واسئلة بتفيد الاعضاء من اللي هية ههههههههه
تنوري يا اية في اي وقت طبعا البيت بيتك

[doiss]

المشاركة الأصلية كتبت بواسطة حنون ~

ايوه كده هو دا المعسكر ولا بلاش حلو اوى

ياضياء الريش ده والنبى تحجزلى كما ريشه

اوعى تنسى ها

سؤال بئه ياضياء


ايه اكتر موقف حصلك فى المنتدى واثر فيك

ومش ممكن تنساه ؟

يمكن ارجع تانى استنونى

سلام مؤقت




7
ههههههههه
حنون والله اجمل 35 ريشة في المنتدي ليكي طبعا من اكتر الشخصيات اخلاق واللي بحترمهم جداا ,
بس مستني بس الراجل يسلق الفرخة وانا مكلمة يحجزلي شوية ليا والاعضاء هههههههه
7

اقتباس ايه اكتر موقف حصلك فى المنتدى واثر فيك ومش ممكن تنساه ؟

ايون ,
بوصي بقي موضوع ليا كنت تعبت فية جداا وحضرتلة اسبوع وتقريبا كل الادارة والمراقبين والمشرفين واعضاء كتيرة ردت فية وفجأة ,, أن أن أن
الصور والكلام اختفوا من الموضوع ومتبقاش غير اسم الموضوع وتوقيعي هههههههه
بس تقريبا الصندوق الماسي كان فية عطل عشان كدة حصل كدة ,,
بس طبعا زعلت بس عشان مكونتش مسيفة وبردو عشان كان يعتبر الموضوع الوحيد في المنتدي اللي رد فية طاقم الادارة والمراقبة والمشرفين وغالبية الاعضاء ,, وكنت شغال فية بقالي اكتر من اسبوع هههههه
الحمد لله ربنا عوضني بردو بعد كدة بحاجات اكتر ,,
7
تنوري يا حنون في اي وقت المعسكر معسكرك طبعا انتي ونودي اصحاب الرحلة طبعا :milan-flag:

[kitty cat]

اولا ميرسي بجد علي كلامك
نرجع بأه بشويه أسئله صغيره
*اصلي خلصت مذاكره وفضيت لكم ^
بعد العشاء الرسمي والتسالي
نسأل شويه
1- من يوم ما سجلت في المنتدي وايه أكتر قسم بيشدك ؟

2- كنت مشرف علي حاجه قبل الاداره ومنتدي القصص والروايات ؟

3- أيه الموضوع اللي عجبك جدا وأستفدت منه بجد ؟ومين أكتر عضو بتحس انه مفيد بجد ؟

4- أكيد مشترك في منتديات تانيه ... شايف مين الافضل ؟ بنات مصر ولا غيره ؟

5-ايام الامتحانات والناس بتقل في المنتدي ؟ بتحس براحه ولا بتقول يرجعوا أحسن ؟

6- هو اللي في الصوره الرمزيه بتاعتك ده عليه دم ولا ايه ؟

بقول كفايه كده أحسن ما تديلي مخالفه ولا حاجه

[doiss]

اقتباس المشاركة الأصلية كتبت بواسطة الأمــيــر ~ أولا أهلا بيك ياضياء فى المعسكر وان شاء الله يكون معسكر كويس والكل يستفيد منه ,,

ازيك يا امير منور المعسكر والمنتدي :italy-flag:
ويلا

اقتباس هبدا المعسكر معاك بكام سؤال كده يارب يكونوا سهليين عليك بس عايز أقولك على حاجه ممنوع طبعا الغش ولو قفشت معاك برشام هتتحرم من الامتحان أوك أتفقنا يلا بينا

اتفضل البيت بيتك ....

اقتباس 1- لماذا اخترت أسمك المستعار ؟

الاسم عشان زمان كنت غالبية البنطلونات اللي بشتريها ماركة lois بس !
فاصحابي بقوا ينادوني دويز ههههه

اقتباس 2- ماذا يعنى لك منتدى بنات مصر

بيتي التاني طبعا ,,

اقتباس 3- كم ساعة تقضيها فى اليوم على منتدى بنات مصر ؟

تقريبا متوسط 12 ساعة ,,

اقتباس 4- هل فعلا انت مرتاح في تواجدك في المنتدي و مع الاعضاء ؟

اكيد بقي فية حد يلاقي ناس تحبة ويحبها في الله كدة في مكان وميبقاش مرتاح
الحمد لله مرتاح طبعا ,,

اقتباس 5- من هو العضو الذى ترى أن شخصيته مثل شخصيتك ؟

لأ زيى اكيد مفيش لأن انا مش زي حد كل واحد ولية بصمتة اللي بتميزة عن التاني ممكن تشابة جزئي او كبير طبعا لكن تطابق صعب ,
وفية اعضاء هنا الحمد لله شخصيتهم احسن من شخصيتي طبعا اتمني اكون زيهم طبعا ,
(( ان اكرمكم عند الله اتقاكم ))

اقتباس 6- ماهى نقاط القوة ونقاط الضعف فى المنتدى من وجهة نظرك ؟

والله نقاط القوة اللي في المنتدي ومشوفتهاش في اي منتدي تاني ان هنا كلة تحس انة بيت واحد , وكلة بيتعرف علي الموجودين ويدخل وسطيهم بسهولة جداا لأن غالبية الموجودين ناس اخلاقهم عالية وبيحترموا وبيقدرو اي حد عاوز يبقي بينهم ,,
نقاط الضعف محتاجين تواجد اكتر وانضمام اعضاء اكتر للمنتدي الفترة القادمة بأذن الله عشان اسرتنا تكبر ,,

اقتباس 7- كيف وصلت اللى هذا المنصب فى المنتدى ؟

ههههههه
جاوبت علية في مشاركة كيتي كات :italy-flag:

اقتباس 8- إذا واجهتك مشكلة فى المنتدى كيف تتصرف ؟

والله علي حسب نوع المشكلة اكيد بحاول اتصرف طبعا واعتمد علي خبرتي الشخصية سواء بالحياة او المنتدي عشان اوصل للقرار السليم ,,

اقتباس 9- هل فكرت يوماً للأنسحاب من المنتدى ؟؟ لماذا؟؟

اقتباس

اه مرة كنت هنسحب لأني بكتب مواضيعي بقلمي ونادر جداا لما بنقل موضوع الاا عشان الافادة ,
وحصل مشكلة في الموضوع دة بسبب الصندوق الماسي ,
لكن طبعا بعد فهمي للموقف من ابو ادهم وهمس وصمت وطارق قررت التراجع طبعا وعدي الموقف بسلام الحمد لله , ودة ناتج لأحترامي لكلامهم وتقديري للموقف ,,

اقتباس 10- بماذا تنصح أعضاء منتدى بنات مصر وخاصة الأعضاء الجدد ؟

هههههههه
اجمل نصيحة بجد واللي بتخلي العضو يتميز بسرعة ,, العضو اللي بيحاول يكتب بقلمة من غير ما ينقل ,,
ثانيا العضو قليل الانفعال او اللي بيعرف يتحكم بأعصابة كويس *****
ثالثا العضو اللي بيناقش الاعضاء في مواضيعهم او مواضيعة مناقشة جادة علي حجم الموضوع المطروح ويحاول يتكلم بأفق واسع ووعي بدل شكرا لمرورك ونوت وفي حدود اللياقة طبعا ,,
واحترام الناس جميعا بخلاف مناصبهم يعني كلة سواسية علي قد ميقدر ,,

اقتباس ضياء يارب تكون أسئلتى كويسه ومعلش لو كنت طولت عليك ويارب أكون ضيف خفيف عليك وربنا يوفقك ولو أحتاجت مساعدة قولى وأنا أغششك أنا مذاكر كويس والله بس السؤال الواحد بخمسة جنيه ههههههههههه

والله انا مبسوط جداا بأسئلتك دية وكنت مستمتع بالاجابة عليها ,
واتمني لك التوفيق يا امير معانا دايما وتكون مبسوط بينا دايما يارب :italy-flag:
نورت يا امير المعسكر ,,

[Just G!rl]

ضياء منور والله

نودي والله عرفتي تختاري

أنا جايه هنا أستفيد منك ممكن ولا

لو ممكن جاوب على الأسئله دي

دايماً بشوفك في الالعاب تحذف وتراقب ليه مش بتشارك ؟

في أعضاء جداد بيخالفوا ومش بتقدر تنبهم عشان لسه موصلوش ل 100 مشاركه بتعمل ايه معاهم ؟

في أعضاء بتهزر معاهم وياخدوا الموضوع بجد ويشتكوا للإداره

لما تكون متأكد إن العضو كان قاصد الهزار بتتعامل مع الي مقدم الشكوى ازاي ؟

أنا بحس إن منتدى الالعاب تافه وملهوش فايده إنت ايه رأيك ؟

وايه رأيك في الناس الي طول الوقت في الالعاب ومش بتخرج منها وتقريبا داخلين منتدى الألعاب عشان يتعرفوا

وبتتعامل معاهم ازاي ؟

نبعد شويه عن الالعاب بقى

انا معجبه بكتاباتك وفكرك وبحترمك جداً والله

ايه أسهل طريقه لكتابة موضوع في نظرك ؟

ايه رأيك في المواضيع الي في قسم الأقلام ؟

أنا شايفه إن القسم بقى كله نقد لحال البلد إنت ايه رأيك

وسوري طولت عليك هرجع تاني أكيد

[doiss]

المشاركة الأصلية كتبت بواسطة ملاك الجنة ~

طيب
ايه الموضيع اللي ممكن تشدك؟؟؟؟؟؟؟؟؟؟؟؟؟؟؟؟؟


7
منورة المعسكر يا ملاك :magica_roma:
والله اكتر مواضيع تشدني اللي بتاخد جوانب من الشخصية للأنسان , او اللي بتدية أمل أو اللي بتطور من فكرة بشكل عام ,
واكيد يكون العضو كاتبها , ولو منقولة مش مشكلة المهم مضمونها يكون قوي ويجبر القاريء علي متابعة الموضوع ويثير فكري اني أرد علية ,,
:biggrin:
نورتي يا ملاك المعسكر
وكل الشكر والتقدير لتواجدك المميز ,,

[just (o]

السلام عليكم ورحمة الله وبركاته


موضوع جميل يا نوودي

واختيار موفق جدا


اخ ضياء حضرتك منور المعسكر و عجبني منطقك في الظهور متخفي عقليه فعلا

وبم اني طيبة هاسال سؤال واحد لو سمحت

هل سبق واتخذت قرار واكتشفت بعد ذلك انه كان متسرع او كانت رده فعل متسرعة؟ ولو حصل ازاي قدرت تصلح الموقف ؟