معسكر بنات مصر الاول مع المراقب المتميز ضياء

[Mo chahin]

السلام عليكم ورحمه الله وبركاته
نبتدى بسم الله الرحمن الرحيم
اولا انا شاكر جدا وممنون جدا جدا ليكى يا نوودى على اختيارك لتلك الشخصية
الجبارة اللامعه فى سماء منتديات بنات مصر
شخصيه جميله يمكن بالنسبالى فى شويه غموض كده احب استفسر عنه
وطبعا مش دلوقتى لانى مقدر طبعا اللى ضياء فيه وبجد انا عذرته من كم الاسئله اللى شوفتها دى
وطبعا ليا رجعه لانى مينفعش اشوف ضساء كده ومعملش اى واجب
حبيت اشكرك على فكرتك يا نودى للمعسكر الجميل جدا ومنور باللى فيه من ضيوف شرف
واعضاء كرام والغالى الجميل اللى انا بلقبه بالقلب الكبير ... ضيـــاء

ولى عوده ان شاء الله

[dr.marmar]

ههههههههههههههههههههههه
منور ياعم ضياء المعسكر
استناني شويه كده بعد الكليه
وهرجعلك ان شاء الله
اما نشوف اخرتها معاك
هههههههههههه

[فتى المدينة المنورة]

رجعنالك يامعلم وانا اقدر ابعد عنك

منور المعسكر وبصراحه زعلان منك اوي

انا شايف كل الاكلات هنا محشيات وكشري وارنب بالملوخيه

وين الكبسه والحركات ولا مابدك نكون معك في المعسكر

نرجع لمحورنا الاساسي وهي الاسئله

س/ كيف بدات رحلتك مع المنتدى اعطيني شرح كامل عن اول يوم قضيته بيننا؟

س/ هل كنت تتوقع انك راح تكون من ضمن مراقبي المنتدى وماهو اول قسم اشرفت عليه؟

س/ ماهو اول شي تفعله عند دخولك المنتدى (بشرح لو سمحت)؟

س/ لحظه مرت عليك في المنتدى ولن تنساها الى اليوم من شدة الفرح بها؟

س/ بصراحه ماهو اكثر شي ينرفزك اذا صار بالمنتدى؟وماهو اكثر شي يفرحك ويعجبك بالمنتدى؟

لانك حبيبي ماراح اطول عليك ؟


تمنياتي لك بالتوفيق

[SiLver Spectra]

ازيك يا ضياء

حبيت اسلم عليك من الزنزانة الي جنبك (كرسي الاعتراف)

احنا الي دلعناهم برضو
ههههههههههههه

منور المعسكر

[doiss]

المشاركة الأصلية كتبت بواسطة kitty cat ~

اولا ميرسي بجد علي كلامك

نرجع بأه بشويه أسئله صغيره
*اصلي خلصت مذاكره وفضيت لكم ^
بعد العشاء الرسمي والتسالي
نسأل شويه

اقتباس 1- من يوم ما سجلت في المنتدي وايه أكتر قسم بيشدك ؟

النقاش وقلم الاعضاء,,

اقتباس 2- كنت مشرف علي حاجه قبل الاداره ومنتدي القصص والروايات ؟

لأ كنت عضو واتنقلت طبيعي ,

اقتباس 3- أيه الموضوع اللي عجبك جدا وأستفدت منه بجد ؟ومين أكتر عضو بتحس انه مفيد بجد ؟

مواضيع كتيرة استفدت منها بس يمكن اول موضوع فيهم ,
كان لأبو ادهم اسئلة موجهة من الطفل للوالدين ,,
واكتر عضو بحسة مفيد اللي مجهودة كبير واللي بيساعد الاعضاء بالردود دايما ,,

اقتباس 4- أكيد مشترك في منتديات تانيه ... شايف مين الافضل ؟ بنات مصر ولا غيره ؟

انا شايف ان المنتدي هنا افضل من اي مكان تاني زي مذكرت مسبقا هنا فية حاجة جميلة وهية قرب الاعضاء من بعضهم اكتر من اي منتدي او مكان تاني , ونادر جدا لو فكرت اشارك في مكان تاني وكفاية عليا 12 ساعة هنا ههههههه بنام بئي او بشوف اللي ورايا في حياتي الشخصية هههههههه

اقتباس 5-ايام الامتحانات والناس بتقل في المنتدي ؟ بتحس براحه ولا بتقول يرجعوا أحسن ؟

لأ طبعا مش عملية راحة دية هدنة مؤقتة ههههه
بكون مضايق طبعا لأن المنتدي قايم علي روح اعضائة ,,

اقتباس 6- هو اللي في الصوره الرمزيه بتاعتك ده عليه دم ولا ايه ؟

هههههههه دم يا كيتي هههههه دة علي اساس اني جزار مثلاا ومتصور ليلة العيد وخمسة وخميسة ههههههه
نورتي يا كيتي والمعسكر مفتوح 24 ساعة والف شكر علي اسئلتك الجميلة واللي اديتني مجال اني اتواصل معاكم ,
ربنا يوفقك دايما للخير ,,

[doiss]

المشاركة الأصلية كتبت بواسطة Just G!rl ~

اقتباس ضياء منور والله نودي والله عرفتي تختاري أنا جايه هنا أستفيد منك ممكن ولا

ازيك يا الاء والله مبسوط جداا بتواجدك واكيد انا اللي هستفاد منك وحضرتلك الريشة والله بعد ما قريت اسئلتك بجد ههههه

اقتباس لو ممكن جاوب على الأسئله دي دايماً بشوفك في الالعاب تحذف وتراقب ليه مش بتشارك ؟

غالبا بدخل الالعاب فعلاا عشان احذف لأن اوقات الموضوع بيخرج عن اللعب والطبيعي وحصلت كتير وانتي مشرفة القسم وفاهمة ,, انا عن نفسي لعبت حوالي اسبوعين متقطعين ودة عادي لكن لما لاقيت ان العملية بتيجي علي حساب شخصي واي كلام يبقي انا والطوفان هههههه واوقات بكون عاوز اشارك وخصوصا لعبة عد لـ 100 هههههه وابقي امبراطور كنت مترقب لحد رقم 95 عشان ادخل اكتب 100 علطول واكسب هههههههه وحصل حاجة في مكان تاني شغلتني نسيت والاول كنت بلعب بس علي خفيف ايام مكونت باجي اجازة من السفر ببقي عاوز شوية ترفية بس مكونتش العب لعب حب واعجاب والكلام دة ههههههه كنت بحب لعبة ابو ادهم بتاعة وزن الكلمة واخر حرف ههههههه كل واحد حر طبعا يلعب براحتة بس في حدود الاحترام والمعقول , ودلوقتي غالبا ببدي وقتي للأهم واحتياجات الاعضاء طبعا اهم من نفسي ,

اقتباس في أعضاء جداد بيخالفوا ومش بتقدر تنبهم عشان لسه موصلوش ل 100 مشاركه بتعمل ايه معاهم ؟

غالبا لو المخالفة كبيرة اووي بقتبس مشاركتة وانبهة عشان متتكررش ولو خارجة بحذفها وعلي حسب الموقف كل موقف ولية ملابساتة غير كدة بيكون في التوقيع لو برة قسم الالعاب , عشان موضوع الرسايل مش اكتر ,,

اقتباس في أعضاء بتهزر معاهم وياخدوا الموضوع بجد ويشتكوا للإداره لما تكون متأكد إن العضو كان قاصد الهزار بتتعامل مع الي مقدم الشكوى ازاي ؟

هههههههه هية دية بئي فايدة التخفي اني ببقي عارف شخصية العضو بيفتعل موقف علي التاني ولا متضرر فعلاا ,
وغير كدة بشوف الموقف من بدايتة مش من وقت الهزار بس , وبراجع علي مشاركات كل واحد فيهم في المنتدي , واشوف شخصيتة بردو ,
بخلاف فية مواقف متستدعيش المراجعة بتكون مخالفة مباشرة وصريحة مش حويطة وفيها ملابسات ,, فالقرار بيكون سهل فيها :vb24:

اقتباس أنا بحس إن منتدى الالعاب تافه وملهوش فايده إنت ايه رأيك ؟

هههههههههه انا حاسس انك بتتكلمي بجد ودة مش سؤال ههههههه باين عليكي ههههههه
والله مرة شوفت في منتدي تاني عاملين استفتا علي وجودة والغائة , واتلغي في الاخر ههههههه
عموما بردو لية فايدة لما تكون الرقابة علية فعالة , غير كدة سلبياتة بتبقي اكتر ,
ومنساش بردو فية اطفال بتدخل عشان تلعب شوية لأنهم مش بيعرفو يكتبوا او خلافة فبيكون ترفية ليهم مش اكتر ,
والسلبية احنا خلاص عرفناها اللي هي التعارف :barcelona-flag: وبيتهيألي دة امرة سهل , لأن الاسم بيظهر طبيعتة بقسم الالعاب بعد 10 مشاركات وشخصيتة ونيتة بتتعرف :vb5: ,

اقتباس وايه رأيك في الناس الي طول الوقت في الالعاب ومش بتخرج منها وتقريبا داخلين منتدى الألعاب عشان يتعرفوا وبتتعامل معاهم ازاي ؟

والله اللي طول الوقت في الالعاب دية شخصياتهم وحريتهم , لكن لما بتوصل لنقطة التعارف بيكون دور الرقابة في المراجعة المفاجأة علي المشاركات ,
المعاملة معاهم بتكون كالاتي بقسمها نوعين ,,
النوع الاول مخالفة مباشرة زي ايميل او تليفون او صور او كلام خارج
ودة بياخد مخالفتة فورية ,,
النوع الثاني غير مباشرة ,,
علي البطيء :vb5: بمعني اللي بيستخدم ذكائة في التعارف بردو بستخدم عقلي معاه ,
بعملة ملف عندي في رسالة خاصة او الورد للتدرج في العلاقة مع الطرف الاخر لحد ما تتكون اركان الجريمة هههههههههههه ويبقي فية اكتر من دليل يقيني وابتدي اطبق المخالفة مباشرة علية عشان مظلمهوش بردو
( ان بعض الظن اثم )

اقتباس :741: نبعد شويه عن الالعاب بقى انا معجبه بكتاباتك وفكرك وبحترمك جداً والله

والله دية شهادة يا الاء اعتز بيها والف شكر لذوقك وانتي شخصية هادية ومحترمة جداا , وتقريبا كل قاطني حدائق القبة والمخابرات كدة ,,

اقتباس ايه أسهل طريقه لكتابة موضوع في نظرك ؟

والله المفروض ان كل واحد بيكتب بطريقتة , بس ممكن فية طريقة تنفع مع اي حد ,
وعناصرها 3 ,,
القوة ,,
والخبرة ,,
والأمل ,,
بمعني لازم تكون فكرة الموضوع قوية يعني نابعة من وجدان الكاتب عشان القاريء يلمسها ويصدقها حتي لو مش حقيقية ,
الخبرة انة لازم يكون الموضوع بيدي خبرة للقاريء فب شيء , مينفعش يتطرح موضوع فية تساؤلات صاحب الموضوع ميعرفش اجابة ليها هههههه دة مش طلب دة كاتب بيوجة رسالة للأخريين المفروض حتي ولو بسيطة ,,
اخر حاجة الأمل ,, لازم تكون نهاية الموضوع فيها أمل للقاريء مينفعش اخرج اللي بيقرا الموضوع بحالة بؤس او تساؤل محبط او نقم علي شيء او لأثارة مشكلة او قضية متشعبة وفيها 100 راي لأن في الاخر مش هيوصلوا لحل !
لازم الامل عشان الناس روحها تتفاعل مع الموضوع بأي طريقة ,
ودية ابسط طريقة ممكن اي حد يكتب ويعبر بيها عن اللي جواه , اهم شيء مينقلش الفيرس اللي جواه للناس بطريقة سلبية يكون بيعاني حتي منة لو مشكلة بس ينقلة بطريقة ايجابية علي الاقل تخلي القاريء يحاول يساعدة مش يهرب من الموضوع ويقول اية البؤس دة :vb5:
7
7
7
نيجي بقي للريشة اللي وعدتك بيها وتستحقيها علي السؤال دة لمحة منك ممتازة :barcelona-flag: ,,

اقتباس ايه رأيك في المواضيع الي في قسم الأقلام ؟ أنا شايفه إن القسم بقى كله نقد لحال البلد إنت ايه رأيك

فعلاا اللمسة الادبية ابتدت تطمس وتختفي بقالة فترة وطبعا فية مواضيع كتير انا شايف مكانها قسم النقاش ومش شايف انة عيب انها تروح النقاش عشان بقلم العضو , انا تقريبا 99% من مواضيعي بقسم النقاش بقلمي يعني امر طبيعي ودة المفروض ,
شوفي كل واحد في مكانة حاسس انة وجهة نظرة الصح لكن لو بدلتي الكراسي هتلاقي الاراء بتتغير , ودة مش عشان الكرسي في حالات كتير زي ما البعض بيشوف , لكن المسئولية بتختلف زي شخص مسئول عن نفسة وواحد تاني مسئول عن اسرة ! تفرق !
الاول نظرتة لنفسة ومستقبلة بس ,, التاني نظرتة لأسرتة قبل نظرتة لنفسة وتفكيرة للجماعة وللمستقبل للجميع ,
سهل اوي اني انتقد البلد وانا في مكاني واكون فكر جماعي مضاد مبني علي الشعارات والاصعب اني أوجد حلول منطقية وعقلانية تناسب وضع البلد من تعدد طوائف ووجود احزاب تميل للتطرف او اليسارية واقتصاد ضعيف وجهل وبطالة بعيدا عن الشعارات والهتافات احنا مش في حرب 73 !!
وضعنا في البلد مختلف عن اي دولة في المنطقة فطبعا الايادي الملوثة بأستمرار بتمد ايديها عشان تتلاعب بأي مشكلة ,,
والمفروض هنا الوعي وحلة بسيط وسهل جداا ,
(( كل واحد يعمل اللي علية ويرضي ضميرة وربنا ظلم بقي متظلمش عند الله ما دام عمل اللي علية ))
لكن مد الايد لعمل الغير هو دة التخريب بعينة ودة فكر مش جديد المفروض الجيل يكون عندة وعي بية ,
ويبتدي يدور علي الحلول المنطقية اللي تناسبة ولا تتجني علي حريات الاخرين بدل هوجة الشعارات وانتقاد احوال البلد ,,
واتمني اللمسة الادبية ترجع للقسم مرة تانية وان شاء الله قريب ,,

اقتباس وسوري طولت عليك هرجع تاني أكيد

ههههههه
ولا طولتي ولا حاجة بالعكس من اجمل الاسئلة اللي اثارة فكري حقيقي يا الاء , اسئلة واعية جداا ونتمني نشوفك في قلم الاعضاء قريب ,,
نورتي المعسكر ,,

[doiss]

المشاركة الأصلية كتبت بواسطة just (o ~

اقتباس السلام عليكم ورحمة الله وبركاته موضوع جميل يا نوودي واختيار موفق جدا اخ ضياء حضرتك منور المعسكر و عجبني منطقك في الظهور متخفي عقليه فعلا

وعليكم السلام ورحمة الله ,
والله منورة المعسكر وكلامك دة نابع اكيد من اخلاقك وذوقك ,,

اقتباس وبم اني طيبة هاسال سؤال واحد لو سمحت هل سبق واتخذت قرار واكتشفت بعد ذلك انه كان متسرع او كانت رده فعل متسرعة؟ ولو حصل ازاي قدرت تصلح الموقف ؟

والله هو يمكن قرار انسحابي بسبب موضوع كتبتة دة اللي متذكرة ,
واكتشفت بعدها ان الموقف مكنش مستاهل انسحاب كان يستاهل اني ازعل بس مش اكتر ,
واكيد بعد كلام الناس معايا الموقف عدي واعتذرت للناس والحمد لله الموقف مر بسلاام ,,
7
نورتي يا علاا والله طول عمرك ذوق سؤال خفيف وجميل ,,

[doiss]

المشاركة الأصلية كتبت بواسطة Mr. M ! r o ~

اقتباس السلام عليكم ورحمه الله وبركاته نبتدى بسم الله الرحمن الرحيم اولا انا شاكر جدا وممنون جدا جدا ليكى يا نوودى على اختيارك لتلك الشخصية الجبارة اللامعه فى سماء منتديات بنات مصر شخصيه جميله يمكن بالنسبالى فى شويه غموض كده احب استفسر عنه وطبعا مش دلوقتى لانى مقدر طبعا اللى ضياء فيه وبجد انا عذرته من كم الاسئله اللى شوفتها دى وطبعا ليا رجعه لانى مينفعش اشوف ضساء كده ومعملش اى واجب حبيت اشكرك على فكرتك يا نودى للمعسكر الجميل جدا ومنور باللى فيه من ضيوف شرف واعضاء كرام والغالى الجميل اللى انا بلقبه بالقلب الكبير ... ضيـــاء ولى عوده ان شاء الله

7
وعليكم السلام ورحمة الله ,
الف شكر يا ميرو علي كلامك والله احرجتني فعلاا بكلامك ,
ودة مش غريب عليك ودك ومعاملتك الطيبة وحبك للأعضاء ,
واكيد يشرفني انك تسألني ولو سؤال بسيط , لأني اكيد انا كمان هستفاد منك ,
عقلية مثقفة وجديرة بالاحترام ,
ربنا يديم المعروف ,,
نورت يا ميرو المعسكر وتيجي في اي وقت مكانك ,,

[doiss]

المشاركة الأصلية كتبت بواسطة dr.marmar ~

اقتباس ههههههههههههههههههههههه

اية دة مفيش ازيك ولا سلام عليكم يا مرمر هههههههه ابتسامة كبيرة كدة هههههههههه طيب شماتة دية ولا اية طيب , ولا فرحة ولا الاهلي جاب جوون هههههههههه

اقتباس منور ياعم ضياء المعسكر استناني شويه كده بعد الكليه وهرجعلك ان شاء الله اما نشوف اخرتها معاك هههههههههههه

اولها ههههههههههه واخرها ههههههههههه
انتي اكيد هترجعي من الكلية هتريحي وهتنسي ههههههه
بوصي انا هريحيك علي الاخر خدي الفرخة اهية كلها بريشها
احلقيلها براحتك وخدي الريش اللي انتي عاوزة مش هديكي ريشة واحدة زي ماوعدت الناس اللي هتسأل اسئلة ذكية

حتي شكلها عاوزة تبيض كمان اهية هههههههههه
ولو عاوزة استوردلك ريش والله تأمري ههههههههههه
بس بلاش الاسئلة القوية دنا مصدقت اخلص فيهم شوية اخوكي غلبان :bb7::bb7::bb7:

[smsma666]

اهلييييييييييييين ضياء منووووووووووووور المعسكر بجد
طبعا اختيار جاااااااااامد جدااااااااا نودى

صراحه حاليا طيبه وماعنديش اسئله بس اكيد لى عوده مع الاسئله

اوعوا تقفلوا المعسكر قبل ما اجى