دستور يوميات الاعضاء

[falta tanto amor]

الف مبروك معلش ماخدتش بالي

طبعا قسم اليوميات يعتبر اهم قسم في المنتدي لانه

هو اللي بيوصل الاعضاء ببعض وبيتعرفوا علي بعض منه

لولا القسم ده كان هيبقي المنتدي دمه تقيل

[morshooo]

بسم الله الرحمن الرحيم طبعا انا هدخل فى الموضوع على طول بصراحة القسم انا بس فى كام نقطة حابب اكلم فيهم وياريت لجميع يفهم المقصود من كلامى يمكن الفترة الاخيرة انا مش بدخل كتير القسم ودا لظروف خاصة ويمكن الاكاديمية بدخلها قليل جدا برضو ودا عشان تقيمات الاسابيع و .... الخ ما علينا قسم يوميات الاعضاء من الاقسام المهمة فى المنتدى ويمكن معظم الاعضاء بيدخولو القسم عشان يشوفو الاستضافات والاحداث الى بتحصل فعشان كدا كنت حابب اقول حاجا مهمة هو مش قانون او دستور خاص بالقسم ولكن دا رجأء فياريت نهتم بالكلام دا . 1 - اتمنى من جميع الاعضاء الى بينزلو مواضيع فى القسم ان يهتمو بتنسيق الموضوع وهما بينزلوة يعنى ما يصحش العضو يدخل الموضوع يلاقى الخط صغير والوان غريبة ومفيش تنسيق وحاجات غريبة الكلام دا بقولة لى اصحاب المواضيع ياريت كلنا ندخل المواضيع ونشوف شكلها عامل ازاى . 2 - ( انتظرونا ) ( قريبا ) الفترة الاخيرة فى مواضيع كتير نزلت فى القسم وفى كمان عودة برامج قديمة وطبعا من حق اى عضو انة ينزل اعلان للتوبيك بس ياريت محدش ينزل اعلان عن توبيك قبل بداية اول حلقة بفترة كبيرة يعنى صاحب الموضوع يبقى عامل حسابة انة هينزل اعلان التوبيك قبل نزول اول حلقة بــ ( 3 ايام فقط ) 3 - اتمنى ان القسم يهتم بالاستضافات الهادفة والمواضيع الهادفة يعنى ياريت بلاش حد يحلم حلم بليل يصحى الصبح بنزل توبيك عن الحلم الى حلمة دى برضو من الحاجات الى بحسها غريبة شوية على القسم والا كل يوم هنلاقى 70 حلم قصدى 70 موضوع من الاعضاء وكل واحد بيرد على حلم التانى فياريت نخلى بالنا من النقطة دى كمان 4 - اتمنى الاهتمام بمكان المواضيع يعنى مش كل يوم هدخل القسم انقل 4 مواضيع لى اقسام تانية عشان نازلين فى القسم غلط 5 - الاعضاء الى بينزلة اكثر من برنامج فى القسم ياريت ياريت مرة تانية يبقى فى تنسيق لنزول المواضيع يعنى مش شرط كل يوم حلقة من برنامج انا بقول كدا عشان ضيف الحلقة ياخد حقة فى التوبيك والاعضاء يقدرو يحتفلو بية فى التوبيك الى هو فية فياريت يكون بين كل حلقة والاخرة ( 3 ايام ) وبين كل موضوع وموضوع اخر ايضا ( 3 ايام ) 6 - ياريت الاعضاء مايوفقوش على الاستضافات كلها مرة واحدة يعنى مايبقاش مثلا ( morshoo ) فجأة بقة فى ( 4 برامج ) فى القسم فى وقت واحد ياريت انا كضيف ابقى مخلى بالى من حاجا زى دى مش عيب انى اعتزر عن توبيك او اطلب تأجيل الحلقة اخيرا انا بقول تانى دا مش قانون للقسم او دستور جديد منزلة ولكن دا رجأء للجميع فياريت كلنا نشتغل على الحاجات دى وانا من ناحيتى اكيد هيبقى فى حاجات جديدة لجميع الاعضاء ويمكن اهمها ان اى اعلان عن برنامج جديد هينزل هيتم تثبيت الاعلان لمدة ( 3 ايام ) وكمان كل ( 3 ايام ) هيتم تثبيت برنامج من القسم وهيكون طبعا البرنامج الى هيتثبت هيكون برنامج مميز وصاحب مشاهدة كبيرة والاهم انة يكون وجهة مشرفة للقسم من ناحية التنسيق والاهتمام بشكل التوبيك تحياتى للجميع morshooo

[~♥ Queen sozan♥~]

تسلم على اهتمامك با القسم يا مورشيو وبجد كلامك مظبوط وان شاء الله ننفزو حاضر .. وعندك حق لازم نلتزم با موضعنا عشان القسم ينظبط وانا معاك ان التنثيق بجد طلع عامل مهم جدااااااااااااااا فى اى موضوع والله الموافق

[м a я a м]

كلاّم صحيح ياّ مورشو
ان شاّء الله الكل يلتزم @_@
باّلتوفيق

[مان مصر]

ان شاء الله كله يلتزم بكلامك
يا احمد وده من حقك اللى شيفه
غلط فى القسم لازم تحاول تصححه
شكرا يا ابو حميد على اهتمامك
للنهوض بمستوى منتدانا

[ماتركس]

كلامك ميه ميه يا كبير

وعداك العيب يا ريس احمد

بالتوفيق للجميع

[غالي الأثمان]

كلامك 100%

[محمد (رومانسى)]

كلامك صحيح يا احمد
وان شاء الله يتم التنفيذ من الجميع ويلتزمو بهذة الشروط العامة
بالتوفيق ليك يا غالى
تحــــياتى

[♥..pure]

ماشاء الله الكل داخل يقول كلام 100 %
دا شئ جميل جدا واسعدني كتير
ان شاء الله نلاقي التطبيق والتنفيذ
تسلم يا مورشو على مجهودكـ
تحياتي

[M@HMOUD]

فعلنا ياريت كل واحد يلتزم بالكلام دهـ لان انا حاسس ان القسم بقى ممل وانا عن نفسى مش بقت بدخلوا زى الاول
تسلم على المجهود يا كبير
بالتوفيق