ع الناصيه مع (بنات مصر)

[dr.marmar]

برنامج علي الناصيه برنامج شهير للمذيعه أمال فهمي

يناقش قضايا الناس في الشارع
ولكن علي الناصيه اليوم كان من الصعب
أن يبقي علي نفس شكله ومضمونه
لاننا أصبحنا في زمن الانترنت
إختلف كل شئ عن سابقه
فالشباب كل اتجاهه إلي الشبكه العنكبوتيه
فتبادرت الي ذهني فكره جديده
وهي عمل برنامج يشبه علي الناصيه
نتناول فيه كل أسبوع قضيه مهمه وحساسه
ويتم اختيار عضو معين
يكون هو مذيع الحلقه
وهو عن طريق الرسائل الخاصه مع الأعضاء
حتي نضمن المصداقيه وعدم الحرج
يناقش الأعضاء في هذا الموضوع وفي أخر الأسبوع يخرج لنا تسبه
الأعضاء الذين يمارسون هذه العاده مثلا
وأرائهم حول هذا الموضوع والحلول وهكذا
سأحاول تسهيل الفكره بعض الشئ
من الممكن أن نتناقش اولا في موضوع السجائر
ربما بعض شبابنا يحرج ويخجل ان يقول أمام الجميع
انه من المدخنين
فالعضو المختار سيقوم بمراسله شباب المنتدي
وسؤالهم عن إن كانوا مدخنين ام لا
وان كانوا من المدخنين مالذي دفعهم الي هذا
وهل ينوي أن يقلع عن التدخين
وهل الحياه الاجتماعيه والأسريه تؤثر علي
الشباب وتدفعهم للتدخين
وهكذا لمده أسبوع كامل
وفي أخر الأسبوع يأتي الينا بالنتائج وهي ستكون مثلا 25%من شباب المنتدي من المدخنين الدائمين
و50%لايدخنون
و25%يدخنون ولكن بشكل متقطع
ويذكر لنا ماتم سرده من الأعضاء
وحكايتهم مع التدخين ولكن دون ذكر إسم العضو
فمثلا ذكر العضو........... ان بدأ التدخين من سن العاشره مثلا
وسبب تدخينه
ثم يبدأ بعد ذلك جمع الحلول من
كل أعضاء
المنتدي للقضاء علي هذه العاده السيئه
وأخر الأسبوع يأتي لنا بنشره تفصيليه عن مااكتشفه أثناء أسبوع التحقيق
ثم نتولي قضيه أخري مثل الحجاب ولبس الموضه وهكذا
وبهذا ندرك حقيقه الوضع وندرك الأعضاء الموجودون معنا ونتعامل معهم
ولكن يشترط في هذا الموضوع الصدق وعلي العضو الذي سيتكلم
يتأكد مائه بالمائه أنه لايعلم أي عضو من هو ولاحتي كاتبه الموضوع

[dr.marmar]

في انتظار أرائكم
وأنتضرا اول قضيه مع أول مذيع
ان شاء الله

[dr.marmar]

قضيه خطيره تشغل بال الكثير
من مستخدمي النت
من البنين والبنات
الجميع يتسأل هل حب النت من الممكن أن يكون حبا حقيقيا ؟
هل من الممكن الإرتباط بشخص تعرفت عليه عن طريق أحد المنتديات ؟
هل ممكن أن نكون بيتا مستقرا؟
هل ستكون علاقه ناجحه؟
أسئله كثيره خلفها خوف كبير من فشل مثل هذه العلاقات
لهذا سنتناول في الحلقه الأولي من
ع الناصيه مع (بنات مصر)

مع المذيعه
dr.marmar

(انتظرونا مع ماده الموضوع)

[dr.marmar]

أعتذر عن غلق الموضوع
ولكن حتي تكون ماده الموضوع في تسلسل
انتظروا الأسئله في رسائل خاصه

[dr.marmar]

سأقوم بنقل الرسائل الخاصه للموضوع
ثم بعد الانتهاء منها ان شاء الله
سأقوم بفتح الموضوع
لتلقي تعليقاتكم علي الموضوع والرسائل

[dr.marmar]

مارأيك بصراحه ووضوح في الحب عن طريق النت؟
لا اعلم بصراحه.. وانا لااسميه حب ربما يكون نوع من انواع الاعجاب بالشخصيه والاسلوب
هل انت من مؤيدى الحب عبر الشاشات؟
لا اؤيد .. لانه ليس بحب بل اعجاب .. وان تطور لمرة الحب فأظن ان هذة طفرات بسيطه لاتحدث كثير
هل من الممكن أن يكون حب حقيقي وأقوي من اي حب أخر؟
ربما فكل شىء جاهز فى هذا العصر
هل التعارف عن طريق المنتدي مثل أي وسيله أخري للتعارف بين الشاب والفتاه ؟
نعم فهو بهدف الاستفادة من اراء وتجارب الاخرين والصداقه الاخويه.. وليس بهدف اى شىء اخر
ماهي الشروط التي تجعلك توافق علي الارتباط بمثل هذه الطريقه ؟
لا اعلم .. فأن حدث مثل هذا فأظن ان هذا فى علم الغيب
هل سبق لك ان مال قلبك لأي شخص من الشبكه العنكوبتيه وحلمت ان
يكون شريك حياتك ؟
لا لم يحدث .. ولكننى اعجبت بالكثير من الشخصيات وافكارهم وارائهم فى الحياة
كيفا تعرفتما وعلي ماذا اتفقتما ؟
لم يحدث تعارف خارج عن المنتدى
ما نتيجه هذه العلاقه هل بائت بالنجاح أم الفشل ؟
لم تحدث اى علاقه غير الصداقه لتبيء بالنجاح او الفشل


إن حدث هذا هل ستخبر اهلك عن طريق التعارف بينكم أم سيكون سر بينكم؟
لا اعلم .. فهذا فى علم الغيب


لو أخبرك صديق لك أوصديقه لكي أنه تعرف علي فتاه\ او شاب
في أحد المنتديات ويشعر بأحاسيس جميله تجاهه/تجاههها
بماذا ستنصحه؟
انصحها بأن تتاكد اولا من هذة المشاعر ربما تكون مشاعر مراهقه.. وان كانت حب فانصحها بان لا تأخذ اى موقف متهور وان تتأكد اولا بحبه الصادق نحوها
وان حدث فاليتقدم لاهلها لطلبها شريكه له


ماتوقعك لمثل هذه الطريقه في التعارف في المستقبل ؟
لا اعلم
هل ستنتشر وتصبح معترف بها عن كل الناس؟
حسب .. فهذة العلاقه من التعارف مثل اى علاقه من علاقات التعارف الاخرى
وأخيرا نتمني ان تقصص /ي علينا قصه او أكثر عن أشخاص حولك
تعرضوا لهذا الموقف
يوجد واحدة من صديقاتى فى الجامعه تعرفت وخطبت بهذة الطريقه

[dr.marmar]

مارأيك بصراحه ووضوح في الحب عن طريق النت؟
انا مبعتقدش خالص بحب النت ده
من رايي انه تفاهه ازاي حد يحب حد من غير ميشوفه ده رسولنا حتي اوصي بلنظرة الشرعيه قبل الجواز الشخصيات بتبقي
مختلفه تماما بجد حاجه غريبه
هل انت من مؤيدى الحب عبر الشاشات؟
بصراحه انا عمري مدخلت شات مع شاب معرفوش
واجابتي واضحه اني رافضه الي بيسموة حب
اعتقد اسمه الحقيقي مضيعه للوقت
هل من الممكن أن يكون حب حقيقي وأقوي من اي حب أخر؟
ازاي تحب شخص كل الي تعرفه عنه قلمه
وياعالم صادق ولا
هل التعارف عن طريق المنتدي مثل أي وسيله أخري للتعارف بين الشاب والفتاه ؟
لا معتقدش خالص
في تعارف بيبقي موجود فيها الاهل
مش هنقدر نجيب الاهل علي النت ونقري الفتحه ونشرب الشربات ههه
ماهي الشروط التي تجعلك توافق علي الارتباط بمثل هذه الطريقه ؟
لا مفيش شروط معتقدش فكري يسمح بكده
هل سبق لك ان مال قلبك لأي شخص من الشبكه العنكوبتيه وحلمت ان
يكون شريك حياتك ؟
لا الحمد لله
كيفا تعرفتما وعلي ماذا اتفقتما ؟
بقول لا هههههههه
بصي انا مخطوبه الحمد لله ولو هنقول اتعرفت ازاي
علي خطيبي فهو قريبي
وكان بيلمح كده هههه واتقدملي
والاقربون اولي ههه
ما نتيجه هذه العلاقه هل بائت بالنجاح أم الفشل ؟

:hayth1: بقول انا مخطوبه وان شاء الله يتمملي علي خير قولوا امين

إن حدث هذا هل ستخبر اهلك عن طريق التعارف بينكم أم سيكون سر بينكم؟

لا احنا مخطوبين من وراهم هههههههه

لو أخبرك صديق لك أوصديقه لكي أنه تعرف علي فتاه\ او شاب
في أحد المنتديات ويشعر بأحاسيس جميله تجاهه/تجاههها
بماذا ستنصحه؟

هقوله روح نام واتغطي كويس وان شاء الله تعقل

ماتوقعك لمثل هذه الطريقه في التعارف في المستقبل ؟
من رايي الفشل
كلنا لما نيجي نتكلم علي الشات بيبقي الكلام مختلف تماما الكلام مترتب ومفهوش غلطه
وممكن ميكنش صادق عن لو احنا اتكلمنا
وجها لوجه مثلا هتتكلم من غير تفكير
والكلام من قلبك
فهتحس بلغرابه ومش هتتقبل الانسان دة هتقارن
بين الكلام علشات والكلام وانتوا في وش بعض
وهتكتشف انه مكنش حب
هل ستنتشر وتصبح معترف بها عن كل الناس؟
محدش عنده شجاعه يقول انا اتجوزت عن
طريق النت
عادتنا وتقاليدنا متسمحش بكده
احنا شرقين
وأخيرا نتمني ان تقصص /ي علينا قصه او أكثر عن أشخاص حولك
تعرضوا لهذا الموقف

صحبتي اتعرفت بشاب بلطريقه دي وحب بقي و
مكالمات انا مكنتش مقتنعه بكل ده في الاخر هما الاتنين زهقوا وسابوا بعض ودي حاجه طبيعيه

[dr.marmar]

مارأيك بصراحه ووضوح في الحب عن طريق النت؟

حب مش حقيقي

بس في بنات لما تحب تسمع كلام حلو و لا حاجة تؤمن بيه و تصدقه


هل انت من مؤيدى الحب عبر الشاشات؟

لا انا مش بأيده


هل من الممكن أن يكون حب حقيقي وأقوي من اي حب أخر؟

لا اكيد لا


هل التعارف عن طريق المنتدي مثل أي وسيله أخري للتعارف بين الشاب والفتاه ؟

اه كلهم زي بعض


ماهي الشروط التي تجعلك توافق علي الارتباط بمثل هذه الطريقه ؟

لا انا موافقش الارتباط على هده الطريقة


هل سبق لك ان مال قلبك لأي شخص من الشبكه العنكوبتيه وحلمت ان
يكون شريك حياتك ؟

لا عمري محصلي ده

كيفا تعرفتما وعلي ماذا اتفقتما ؟


ما نتيجه هذه العلاقه هل بائت بالنجاح أم الفشل ؟
انا من رايي انها بتبوء بالفشل

و خصوصا لو كانو بعاد عن بعض

فأكيد مش حتكون حاجة حقيقية


إن حدث هذا هل ستخبر اهلك عن طريق التعارف بينكم أم سيكون سر بينكم؟

اكيد حقولهم و لو اني يعني متأكده ان ده مش حيحصل


لو أخبرك صديق لك أوصديقه لكي أنه تعرف علي فتاه\ او شاب
في أحد المنتديات ويشعر بأحاسيس جميله تجاهه/تجاههها
بماذا ستنصحه؟

انصحه انه ميتسرعش


ماتوقعك لمثل هذه الطريقه في التعارف في المستقبل ؟

في المستقبل مش عارفة


هل ستنتشر وتصبح معترف بها عن كل الناس؟

لا اكيد لا

لان دي مش طريقة للتعارف


وأخيرا نتمني ان تقصص /ي علينا قصه او أكثر عن أشخاص حولك
تعرضوا لهذا الموقف

و الله يا مرمر مفيش اي قصة

و لو فيه كنت حكتها

[dr.marmar]

مارأيك بصراحه ووضوح في الحب عن طريق النت؟
مقوله حب النت دى اصلا مش صح
اصل عمر الحب ما هيجى من النت
ممكن نقول تعارف لكن حب لا
هل انت من مؤيدى الحب عبر الشاشات؟
لا طبعا لان كل حاجه فيه بتبقى غامضه
هل من الممكن أن يكون حب حقيقي وأقوي من اي حب أخر؟
لا طبعا مش معقول احب حد
خلف الشاشه
أحب غبيا ولا ايه :brazil-flag:
هل التعارف عن طريق المنتدي مثل أي وسيله أخري للتعارف بين الشاب والفتاه ؟
والله النت دة من ضمن وسائل كتيررر
فى التليفون مثلا
ما يفرقش حاجه عن النت
فى الخاطبه مثلا
بس دى بقى تختلف لان فى النهايه
هدفها معروف غير النت طبعا
ماهي الشروط التي تجعلك توافق علي الارتباط بمثل هذه الطريقه ؟
ما فيش اى شروط ترضينى انى اتعرف بالطريقه دى
الا اذا طبعا كانت النيه واضحه
وانا شفت الشخص دةة وعرفته
غير كدة لا
هل سبق لك ان مال قلبك لأي شخص من الشبكه العنكوبتيه وحلمت ان
يكون شريك حياتك ؟
هههههههه
لا طبعا
كيفا تعرفتما وعلي ماذا اتفقتما ؟
اقتباس الاجابه السابقه
ما نتيجه هذه العلاقه هل بائت بالنجاح أم الفشل ؟
مافيش علاقه اصلا


إن حدث هذا هل ستخبر اهلك عن طريق التعارف بينكم أم سيكون سر بينكم؟
بصراحه لو حصلت طبعا
لازم اقول لامى مش لازم بابا لان
الام بتكون اقرب لابناءها


لو أخبرك صديق لك أوصديقه لكي أنه تعرف علي فتاه\ او شاب
في أحد المنتديات ويشعر بأحاسيس جميله تجاهه/تجاههها
بماذا ستنصحه؟
انصحه انه لازم يقابل الشخص دة فورا
ويحاول يعرف نيته ايه
عشان يقدر ياخد قرار يكمل او لا


ماتوقعك لمثل هذه الطريقه في التعارف في المستقبل ؟
مش عارفه طبعا الله اعلم
بس فى ناس كتير متزوجين بالطريقه دى
وحياتهم ناجحه جدا
بس دة نادرا
هل ستنتشر وتصبح معترف بها عن كل الناس؟
برضه الله اعلم
احتمال
وأخيرا نتمني ان تقصص /ي علينا قصه او أكثر عن أشخاص حولك
تعرضوا لهذا الموقف
بلاش السؤال دة

[dr.marmar]

مارأيك بصراحه ووضوح في الحب عن طريق النت؟
كلام فاضى:Sport-044:
هل انت من مؤيدى الحب عبر الشاشات؟
لالالا وبالتلاته
هل من الممكن أن يكون حب حقيقي وأقوي من اي حب أخر؟
مش متهيئلى:SuN037:
هل التعارف عن طريق المنتدي مثل أي وسيله أخري للتعارف بين الشاب والفتاه ؟
لاطبعا لان كتير من الشباب والبنات بيكون ليهم شخصيتين شخصيه على الكيبورد وشخصيه فى الحياه العاديه
ماهي الشروط التي تجعلك توافق علي الارتباط بمثل هذه الطريقه ؟
:702:
هل سبق لك ان مال قلبك لأي شخص من الشبكه العنكوبتيه وحلمت ان
يكون شريك حياتك ؟
لاطبعا فى حياتى ماحصل ولاعمرى هفكر لانى بحس ان الكل بيمثل مش بيبين شخصيته الحقيقيه
كيفا تعرفتما وعلي ماذا اتفقتما ؟
:702:
ما نتيجه هذه العلاقه هل بائت بالنجاح أم الفشل ؟
إن حدث هذا هل ستخبر اهلك عن طريق التعارف بينكم أم سيكون سر بينكم؟
لو أخبرك صديق لك أوصديقه لكي أنه تعرف علي فتاه\ او شاب
في أحد المنتديات ويشعر بأحاسيس جميله تجاهه/تجاههها
بماذا ستنصحه؟
انصحه برجوع عن هذى العلاقه
ماتوقعك لمثل هذه الطريقه في التعارف في المستقبل ؟
مش متهيئلى هتكون علاقه ناجحه
وحاسه سلبيتها هتكون اكثر من اجابيتها
لانهم لادرسوا بعض صح ولاحصلت بنهم مواقف جديه مافيش غير الكيبورد هى وسيله التعارف هل يعقل هذا
هل ستنتشر وتصبح معترف بها عن كل الناس؟
وأخيرا نتمني ان تقصص /ي علينا قصه او أكثر عن أشخاص حولك
تعرضوا لهذا الموقف
للاسف مافيش قصه معينه
بس فى الاخر بنصح بعدم الوقوع فى هذا الوهم