مواقف فى الجامعة و بالمرة اسالكم سؤال

أنثـے مًنْ الّخٍـْيـِالْ→♀ · منذ /10-29-2009, 10:53 PM

ازيكم يا شباب و يا شبات
دوول شوية مواقف فى بعض المحاضرات

فى محاضرة الفيزياء ...

طالب يا عينى كان باين عليه منمش بقاله 15 يوم و نص

هههههه

قاعد فى اخر مدرج

نام ع البنش

قام الدكتور قاله انت يا بنى يا اللى نايم هناك

الواد و لا هو هنا

بياكل رز مع الملايكة يا عينى >> ربنا يكون فى عونه طوول الليل شكله كان ع النت

امال يعنى بيذاكر ههههههه

قام الدكتور قال للزميل اللى جنبه صحيه يا بنى

ده يصحى ده من هنا

قام ده يقوله ايه

سيبنى يا بنى و صحينى كمان خمسة

هههههههههههه

نايم فى بيت ابوه الواد

فضل صاحبه يصحى فيه و يشده من التيشرت

و ده يضرب بايديه و يزعق

و احنا فطسنين من الضحك

قام الواد قام من نومه ده

و بيبص

لقى كل الانظار متجهة له

قام و لعب فى عيونه

زى ما يكون بيقول فى نفسه >> هو انا فى علم و لا فى حلم

هههههههههه

موقف بجد جميل جداا

هههههههههه

قام الدكتور قاله قوم يا بنى كمل نومك برة المدرج

قام و من غير ما ينطق حرف

جمع كتبه و مشى

هههههه

*********

موقف 2

فى امتحان النبات

فى نبات اسمه حبل المساكين

ففى واحد فى الامتحان الاسم راح من باله قام اتصرف و كتب حبل الغلابة
هههههههه

على اساس يعنى ان كله على باب الله

و فى حاجة فى التعريفات اسمها تمثيلية

قام طالب استظرف بردو و كتب بدل تمثيلية >> مسلسل

مهو كله بيقضى الغرض و السلام
ههههههههه

**********

امتحان سكشن الكيمياء

ده كان امتحان

open your book

و اول لما سمعنا انه امتحان نفتح فى الكتاب فرحنا اوى

ده على اساس انهم يجيبوا لنا حاجة من المنهج

جابوا لنا و الله اسئلة فوق التعجيزية

و هم عبارة عن 4 اسئلة

لو حليت 3 صح و واحد غلط هتاخد صفر

لازم تحل الاربع اسئلة صح

فكانت نتيجة القسم كله و الله

صفر

دوون استثناء

قامت دخلت لنا الدكتورة رئيسة القسم

و قالت لنا

انتم قسم

غبى غبى غبى

هههههههه

هى قالت الكلمة دى من هنا

و قلبت معانا كلنا بضحكات هستيرية من هنا

اصل النتيجة فكرتنا

باايام جدو لما كانت نتيجة الثانوى بتيجى فى الراديو

و يقولوا المدرسة الفلانية >> لم ينجح احد

هههههههه

*********

مادة الاقتصاد

دخل الدكتور اول محاضرة الاسبوع اللى فات

قال الاسبوع الجاى عندكم امتحان من صفحة 1 : 165

قلنا له يا دكتور حضرتك مدخلتش لنا و لا محاضرة قبل كده و مخدناش اى حاجة فى المنهج

قال لنا امال الكتاب لزمته ايه

ال يعنى الكتاب نزل

قام واحد رد و قاله يا دكتور الكتاب منزلش

الدكتور انت يا واد هات اسمك .. هتسقط فى المادة دى

هههههههههه

و راح الواد فى خبر كان
:3aa:

السؤال بقى

و اهو حل سؤال بسيط يمنع بلاوى كتيييييرة

بم ان معظم المنتدى هنا علمى

و له فى الكيمياء و الفيزياء

فـــ ليه سطح الزئبق بيبقى مقعر لما نحط فيه حاجة

شبه الصورة دى

و ليه سطح الماء مش بيبقى كده

بس كده

سنونو · منذ /10-29-2009, 11:28 PM

هههههههههههههههههههههه

والله فكرتيني بالذي مضي،، حبل الغلابة...هههههههههههه

بس بجد المواقف دي حصلت بجد معاكوا في الكلية.... يا بختكوا والله.... ده احنا من ما بندخل الكلية لغاية ما نزوّغ الكورسات بقه ماانتي عارفة.....هههههههههه والله ما فيش حتي حد بيقول سلامو عليكو لينا،،، الدكاترة كانوا مطلعين عنينا،، اللي عايز مشروع ده غير مشروع التخرج..ههههههههه واللي عايز مفيش حد يغيب والله كانوا بيحسسونا ان احنا لسة في ابتدائي....ههههههههههه

بالنسبة للسؤال يا طمطم ...
أعتقد ان الاجابة - حسبما اذكر من دروس كيمياء 2 ث -ان الزئبق كثافته أكبر من الماء،، كما ان الزئبق يتخذ في شكله الطبيخي الشكل المقعر،، لذلك - لو أفتكر يعني - يستخدم في الترمومترات الشفافة -،،، بينما الماء بيتكون من ذرتين هيدروجين وذرة أكسجن،،ولما ان الهيدروجين يوجد بنسبة 1:2 ، فده معناه انه مركب متعادل الحجم والكثافة،،، قليل الكثافة بالنسبة للزئبق، بينما العكس بالنسبة للحجم،، لذلك اعتقد ان العمود لا يؤثر في تشكل الزئبق،، بينما هو عكسي التأثير الماء - المركب الايوني المتعادل -.....!

بس أعتقد اللي قلته ممكن فيه حاجات غلط عشان أنا مكنتش علمي علوم،،، فلو بقية أعضاء المنتدي المتخصصين،،، ممكن يشرحوا الخصائص الفيزيقية والكيميائية للماء والزئبق،،!

وتسلمي علي الموضوع الجميل- واللي بجد أضحكني خصوصاً امتحانOpen Book -......!

اقبلي مروري أختي،،،، أخوكِ السنونو...!

love7amaki · منذ /10-29-2009, 11:31 PM

هههههههههه انا الحمدلله مش في جامعه

انا لسه عيله وفي مدرسه ههههههه

ايوه اعملي على الاعضاء بقى دكتوره واديهم سؤال تعجيزي

هههههههههه

ايه يا طمطم الافكار الجامده لا فكره حلوه بجد يعني

وربنا يوفقك

ρяεттч яo2a · منذ /10-29-2009, 11:37 PM

فكرة تحفه ميرسييييييي يا قمر على المواقف هههههههههههههههههههه

هيا*HYA* · منذ /10-30-2009, 02:43 AM

ههههههههههههههههههههه
الله يكون فى عونكم يا طمطم
والله .. دة عذاب.. مش انتى لوحدك
كل الكليات كدة واسخم من كدة كمان
هههههههههههههههه
سؤال فيزياء مرة واحدة
فكرتينى بالذى مضى
كنت علمى رياضه
فكرة قانون الطفو وقانون تورشيلى
هو متهيألى السؤال دة فى القوانين دى
مش فكرة بصراحه .. هو دة اللى فكراه
بس متهيألى ان كثافه الماء اكبر من كثافه الزئبق
وكمان لان الزئبق لايلتصق بجدار الاناء
وهو فى حاجه تانيه متعلقه بالضغط الجوى
بس الذاكرة عندى ضايعه خالص
ماشى يا طمطم
بتطبقى فينا ولا ايه بالظبط اللى اخدتيه
هههههههههههه
ربنا معاكى يا طومى

҉ آنينُ صمتـﮯ ҉ · منذ /10-30-2009, 12:24 PM

مواقف جميلة جدا

اما بقي علي السوال

ممكن تكون دي اللزوجة لزوجة الزئبق اكبر من الميا

اوالعكس حاجة زي كدا مش فاكرة بقي نسيت الفيزيا

تسلمي ع الموضوع الجميل

أنثـے مًنْ الّخٍـْيـِالْ→♀ · منذ /10-30-2009, 03:15 PM

سنونو

اكيد حصلت بجد

امال افتكاسات يعنى

هههههههه

مهو بردو عندنا دكاترة من النوعية اللى كانت عندك دوول

و تسلم ع الرد ع السؤال

و ربنا يستر

لانى هاخد اجاباتكم دى و اعملها فى تقرير لدكتور الفيزياء

هههههههه

شكلى هرووح فى خبر كان انا كمان
:milan-flag:

هههههه

منور يا بشمهندس سنونو

أنثـے مًنْ الّخٍـْيـِالْ→♀ · منذ /10-30-2009, 06:14 PM

لف حماقى

منورة يا قمر

لا صغيرة و لا حاجة

منا كنت السنة اللى فاتت لسه فى المدرسة

هههههههه

الصغير بكرة يكبر يا ختى

كح كح

منورة يا قمرى

أنثـے مًنْ الّخٍـْيـِالْ→♀ · منذ /10-30-2009, 06:15 PM

برنسيس

منورة يا قمر

تسلمى ع الرد

أنثـے مًنْ الّخٍـْيـِالْ→♀ · منذ /10-30-2009, 06:19 PM

هيا

هههههههه

لا بطبق و لا حاجة

بس بتاع الفيزيا عايز مننا تقرير

و مش عارفة اى حاجة لاى حاجة

هههههههه

فقلت انتم احسن ناس تساعدونى

بس شكلى كده لا هعمل تقرير و لا غيره

و ربنا يعينك و يعينا معاكى

ده احنا لسه سنة اولى

:crazy:

ربنا معاااااااناا

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
اسالكم الفاتحه لوالدي العزيز	سلطان الرومانسية	منتدى سجل الاعضاء	34	12-23-2010 10:32 PM
ممكن اسالكم فى سؤال ؟	NERA 31	قسم مناقشة المواضيع المتداوله والمنقوله	2	10-08-2010 03:10 PM
سؤال لكل شخص هناك 3 مواقف تبكى على اى موقف راح تبكى عليه ؟؟؟	سلام2	قسم مناقشة المواضيع المتداوله والمنقوله	18	09-23-2010 05:18 PM
اسالكم الترحيب	معلم الانكليزي	منتدى الترحيب بالاعضاء الجدد	15	08-29-2010 06:04 AM
الى روح صديقى اسامة الطيب اسالكم الدعاء	شريف القناوى	منتدى سجل الاعضاء	9	06-29-2010 09:02 PM

الذين يشاهدون محتوى الموضوع الآن : 1 ( الأعضاء 0 والزوار 1)

..{ فع‘ــآآليـآآت المنتــدى }..

الإهداءات

مواقف فى الجامعة و بالمرة اسالكم سؤال

منتدى يوميات الاعضاء