سنه أولى اشراف

[nooody]

السلام عليكم ورحمه الله وبركاته

دى فكرة موضوع جديد , طبعا كان فى تحضير للفكرة مسبقا

تحت شعار

(نحن نعمل فى صمت )

ههههههههه

حضرت مجموعه من الاسئله نقدر نقول انها امتحان مصغر ههههه



ودة نموذج للاسئله

الاسئله كالتالى :





ملحوظه _جميع الاسئله اجباريه .




_ شرط الصراحه مطلوب.




_اى فبركه فى الاجابه تحسب عليك بالمينس وتنقص من درجات .





1_ ازاى قدرت توصل / توصلى للاشراف ؟





2_ بقالك قد ايه مشرف ؟




3_فى عهد مين توليت / توليتى الاشراف ؟





4_شعورك لما اتعرض عليك / عليكى منصب الاشراف ؟





5_ فى بدايه الاشراف كيف تعاملت / تعاملتى مع أودات الاشراف ؟





6_ هل تتذكر / تتذكرى موقف طريف تعرضت / تعرضتى له اثناء




استخدامك لادوات الاشراف ؟




( بمعنى استخدمت اداة وطلعت غلط وبوظت حاجه فى المنتدى)





7_ هل كان هناك من ساعدك على استخدام أدوات الاشراف ام انه




كان تعلم ذاتى ؟





8_ هل مازلت حتى الان تجهل / تجهلى مهام بعض ادوات




الاشراف ؟





9_ رايك فى منصب الاشراف بوجه عام ؟ حدد المزايا والعيوب






اطيب تمنياتى بالتوفيق

الاسئله دى تم ارسلها الى كل مشرفى المنتدى

انا هعرض كل مرة رساله واحدة بس فيها اجابات المشرف او المشرفه

وبعض المعلومات عن المشرف او المشرفه دى

المطلوب بقى من الاعضاء

من خلال المعلومات اللى انا هعرضها واجابات المشرف او المشرفه

انهم يتوقعوا مين صا حب او صاحبه الاجابات

تعالوا اتعرفوا معانا على مشرفين منتدى بنات

فى سنه وأولى اشراف

انتظرونا مع اول رساله

[nooody]

السلام عليكم ورحمه الله وبركاته

　

نبدأ بقى مع اول رساله

صحاب الرساله بتاعتنا النهاردة

مشرف شعله من نشاط

سواء فى قسمه أو الاقسام التانيه

تاريخ تسجيله فى المنتدى قرب على سنتين تقريبا

موضوعاته فى الاقلام قليله فى عددها ولكنها

غنيه فى فكرها

له مواضيع فى اقسام تانيه زى التنميه البشريه

السجل واليوميات الاقسام الاسلاميه

طلما دعنا لننظر لانفسنا ونبحث فى اعماقنا لنقف على سلبياتنا

اجاباته على الاسئله كانت كالتالى :

ملحوظه _جميع الاسئله اجباريه .
ليه بس ما كنا حلوين مش شكل مواضيع التعبير سؤال اختياري من احد المواضيع

_ شرط الصراحه مطلوب.
تمام لأن الصراحة عنوان لكل شخص طبعا

_اى فبركه فى الاجابه تحسب عليك بالمينس وتنقص من درجات .
لا ما تقلقيش - ربنا يسترها

1_ ازاى قدرت توصل / توصلى للاشراف ؟
قدمت طلب اشراف والحمد لله بقيت مشرف

2_ بقالك قد ايه مشرف ؟
9 شهور

3_فى عهد مين توليت / توليتى الاشراف ؟
الإدارة
أبو أدهم - همس الروح - محمود - الحب الصامت - عاشق الاحزان

4_شعورك لما اتعرض عليك / عليكى منصب الاشراف ؟
أكيد بتفرق شوية - بس لازم المسئولية - والامانة - لأن الناس دي سابتلك قسم انت بتتحكم فيه طبعا - وتقدر تحذف وتسيب وتثبت وتدعم اي شخص معاك في القسم - تنصحي اللي معاكي - بقيتي وسيلة توجيه وارشاد في المنتدى اكثر مما كنت في البداية

5_ فى بدايه الاشراف كيف تعاملت / تعاملتى مع أدوات الاشراف ؟
أبو ادهم كلمني على الخاص وبلغني بأدوات الإدارة
طبعا مع التعامل بتفرق اكثر - لان التنفيذ اكثر ثباتا من العلم بالشيء فقط

6_ هل تتذكر / تتذكرى موقف طريف تعرضت / تعرضتى له اثناء

استخدامك لادوات الاشراف ؟

( بمعنى استخدمت اداة وطلعت غلط وبوظت حاجه فى المنتدى)
شوفي موقف اطرف من الموقف اللي انتي عايزاه
انا في اليوم اللي كنت ها بقى فيه مشرف (كنت ها توقف) :cv1:
اتفاجأت برسالة جايالي من (فتى المدينة المنورة) بيقولي مسموح موضوعين في القسم بس
وإلا ها وقفك،،
طبعا قولتله ماشي
بس المشكلة الاحداث كانت كتير وانا كنت خايف اخبار تضيع وما تتعرضش
وللمفارقة هو كان ملكمني الساعة 10 الصبح واتعينت مشرف الساعة 11:30 دقيقة الصبح في نفس اليوم
ههههههههه :080402gudl_prv:
good luck abdl malek
*
*
**
نيجي لسؤالنا
كان فيه دمج موضوعين
انا كنت عاملهم
عشان انزل خبر ثاني
دمجت الموضوعين وانا في الدمج مسحت الموضوعين كلهم
ههههههه
اضطريت اعمل الموضوعين من جديد في موضوع مستقل
وبعدها بدأت اركز في المواضيع واظبطها ازاي

7_ هل كان هناك من ساعدك على استخدام أدوات الاشراف ام انه

كان تعلم ذاتى ؟
كان أبو ادهم (يرجع لنا بالسلامة إن شاء الله)
وطبعا بعض المواضيع في قسم الإشراف
طبعا انتي شوفتيها
بس التنفيذ بيبقى موجود طبعاً وتأثيره الكبير

8_ هل مازلت حتى الان تجهل / تجهلى مهام بعض ادوات

الاشراف ؟
لا الحمد لله (9) شهور ويبقى لسه فيه حاجة تبقى (بروبلم) مشكلة كبيرة

9_ رايك فى منصب الاشراف بوجه عام ؟ حدد المزايا والعيوب
المزايا:
المزايا كثير
تقدري تظبطي القسم اكثر واكثر
راحة الإدارة من ناحية
التوجه إلى النواحي الإدارية فقط
بدلا من مراقبة الاقسام كلها
طبعا في نقطة تمام هي المراقبة العامة اكيد ليها دور كبير في المراقبة في حالة غياب المشرف او انشغاله في احد الاقسام الاخرى
(مزايا كبيرة)
العيوب :
لا اعتقد فيه عيوب
إلا تواجد المشرف فقط في القسم
اعتقد انها تكفي حتى وإن لم يشارك بمواضيع واكتفى بالرد فهي تكون مجزية بنسبة كبيرة
(إذا ارتأى للمشرف اي عضو مخالف (دعايات ومنتديات اخرى) لا يستطيع حذف مشاركات العضو أو ايقافه لأنها خاضعة بدرجة كبيرة للمراقبة)

اطيب تمنياتى بالتوفيق

[أنثـے مًنْ الّخٍـْيـِالْ→♀]

اقتباس ~
نيجي لسؤالنا
كان فيه دمج موضوعين
انا كنت عاملهم
عشان انزل خبر ثاني
دمجت الموضوعين وانا في الدمج مسحت الموضوعين كلهم
ههههههه

هههههههههههههههه

موقف جامد و الله

اظن ان صاحب الرسالة ممكن

البرنس رامى

:sad_1:

[nooody]

الله أعلم يا طمطم

ممكن برضه

ممنوع الغش

نعمل بمبدأ تكافؤ الفرص

هههههه

[SiLver Spectra]

البرنس رامي اقدم من 9 شهور

دا أحمد (ميدو - واحد من الناس)
^_^

صح كدا و لا ايه؟

موضوع قمة في الروعة يا هند

[nooody]

والله يا طارق انا وانت على الله

مش هكشف الحقيقه دلوقتى

[smsma666]

موضوع جامد يانودى والفكره روعه
بس برضه مش جاى فى بالى غير احمد واحد من الناس
الموضوع جمييييييييييل يانودى دمتى بدعه

[أنثـے مًنْ الّخٍـْيـِالْ→♀]

يا دى الحيرة

خلاص نقول كمان ممكن وصفى او محمد سعد

:vb23:

هههههههههههه

اكتب باقى الاسماء و لا كفاية كده

ههههه

[SiLver Spectra]

محمد سعد اتعين بعد ما ابو أدهم مشي

بس و النبي يا طمطم شكلك هتطلعي ملحق
ههههههههه

هو أحمد واحد من الناس...

[حنونة]

الله يا نودي الموضوع حلو اوي