فراغ سياسي مملوء بتعصب كروي!!

[SiLver Spectra]

بالطبع جميعنا قد سمع و شاهد و قرأ ما يحدث من حرب نشأت من هتافات و شعارات بعض الجهلاء
و التي حولت رياضة (كرة القدم) الى حلبة مصارعة في القذف و السب و الإساءة
و غاب المعنى السامي الحقيقي للرياضة المبني على الإحترام

هذا هو المشهد المرصود من المبارة أو المعركة القادمة بين (مصر) و (الجزائر)

و من هذا الموضوع سأعبر عن تحليلي الخاص مما أتابعه و ارصده في جو المشاحنات بين البلدين
و سأحاول أن أكون محايد في التحليل بعيدا عن جنسيتي

فتيل التعصب

هم نجوم رياضة سابقين و مذيعين يعتلون منابر في قنوات خاصة
و ظيفتهم هي نشر الهتافات و الشعارات المضادة
و مكسبهم الشهره من استعطاف الشعوب و المشاهدة

فقد شهد الإعلام في السنوات الأخيرة سيطرة القطاع الخاص عليه و انحسار دور القطاع العام (الأكثر مسؤولية)
خاصة في الرياضة
اصحاب هذه القطاعات هم في الغالب أغنياء
و ظيفتهم هي استغلال الثغرات و الاحتكاكات الفردية بين الشعوب و تعميمها لإستعطاف الشعوب و شحنهم بالكراهية ضد الطرف الآخر

بل حتى المذيعين من نفس البلد يتبادلون القذف فيما بينهم لأتفه الأسباب

و أخص بالذكر ما حدث بين
(مدحت شلبي) و ( علاء صادق)

مذيعي قناة مودرن سبورت
تراشق كل طرف التهم للآخر على شرط تأهل مصر للمونديال (2 -0) أم (3 -0)

و انتهت المعركة باستقالة (علاء صادق) و بقاء الآخر

(مدحت شلبي) أتى بالخارطة و رسم خط طول من مصر و الجزائر و بنى مثلث و قال أن المباراة الفاصلة ستقام في ألبانيا !!(راس المثلث المبني من نصف الخط بين البلدين)
و اصر على أن التأهل سيكون بهدفين


ننظر الآن للواقع المطروح
المباراة الفاصلة إن أقيمت ستكون في السودان
التأهل يحتاج لثلاث أهداف

فإنظر الى الإعلام!!!
و كيف يستغل البعض عواطف الشعوب لتحقيق الشهرة دون التحلي بالمصداقية
أو على الأقل التحري عنها


و بالأمس
شاهدت حادثة التراشق على نفس المحطة
وجدت النفي التام لما حدث (الفبركة)

و قد دفعني أسلوب الكلام الى درجة عالية من التصديق

و لكني بحكم أني محب للاطلاع..

قرأت و تصفحت الكثير من المواقع الإخبارية للوقوف على حقيقة ما جرى بشكل محايد بقدر استطاعتي
و ما شاهدته في أكثر من فيديو و تصريح يوحي أن أحد الصبية قام برشق حافلة (فريق الجزائر) بحجارة أو اثنين أو ثلاثة

بالطبع هو عمل مذموم و غير مقبول و لكنه النتاج الطبيعي للمشاحنات المدارة بين الطرفين سواء في الاعلام الفضائي أو عبر المواقع

و النتيجة ايضا...

قيام لاعبي منتخب الجزائر بتكسير الحافلة (زجاج و كراسي)
أيضا عمل مذموم
(ردت فعل تفقدك الحق)
من المفترض أن يكون اللاعب قدوة
هو بذلك أظهر الكره الاحتقان الممتلئ به


ما أثار إنتباهي في القضية هو تزييف الإعلام من الطرفين للحقيقة و الذي أعتبره فتيل الفتنة
تشاهد المذيع و هو يلقي باللوم و الحجج على الفريق الآخر
بتكذيب الخبر أو بإفتعال الحدث

حتى صرت حائرا و أنا أبحث عن الحقيقة الضائعة وسط الإحتقان و الكراهية

و ظل السؤال يدور في ذهني...

ليس من البادئ؟

و لكن ...لما كل هذا؟

و ماذا سيفعل الفريق المتأهل بعد الصعود و الذهاب إلى كأس العالم؟

هل سيحل مشكلة الفقر أو البطالة؟

أم فقد سنشاهده يلعب في الدور الأول 3 مباريات ثم بالسلامة
إن حالفه الحظ قد يلعب مباراة رابعه في الدور ال16

يعني تقريبا اسبوعين تلاته في جنوب أفريقيا و بعدين بالسلامة

هل يستحق هذا التراشق و الإحتقان و الكره من الطرفين!!




ديناميت التعصب

بالطبع هم الشعوب و الجماهير من الطرفين

ففي البلدين الفراغ السياسي هو السائد
لا يوجد أي دور سياسي للشباب
لا مؤسسات و لا جبهات سياسية ذات قرار قادرة على جذب الشباب الى حياة سياسية حقيقية
فما كان من هؤلاء الشباب الا و اتجهت كل ميولهم إلى الرياضة (كرة القدم)

نشاهد علم الدولة يرفرف و الوطنية على أشدها
بل حتى الأناشيد الوطنية القديمة التي صنعت ابان الحروب مع اسرائيل
صارت هي أناشيد كرة القدم!!

بالطبع للشعوب الحق في تشجيع منتخب بلادها
و لكن ما نشاهده من الطرفين ما هو الا استفزازات و كراهيات
تزيد الفرقة بين الشعوب و الدول
و تظل مخلفاتها عالقة في الأذهان مع الزمان


الإنفجار

سب - قذف - اساءات - استفزازات - تشهير -إلخ....
من يطلع على اليوتيوب سيعلم ما أقوله و يدرك الواقع المأساوي
أو حتى هنا في المنتدى (منتديات بنات مصر)
يأتي الكثير للتسجيل بهدف السب و اخراج طاقة الكره و الإحتقان الداخلي
الذي امتلأ منه عن طريق الإعلام

و بالطبع هو حال الطرف الآخر في منتدياته


لاأدري أين هي العقول!!
لماذا يفضل كل شعب نفسه على الآخر و كأنه هو الملاك و الآخر هو الشيطان!!



هذا ما ارصده من الواقع المؤسف

انت الي بدأت....لأ إنت الي ضربت

بصراحة كدا بالعامية لو مكان الفيفا كنت أهلت زامبيا للمونديال و حرمت الشعوب المتعصبة.....
لما تفهم الروح الرياضية و الإحترام الأول تبقى تلعب كورة

و بالطبع يظل هناك أناس محترمين من الطرفين
هم أصحاب الأخلاق و المبادئ
و هم اصحاب الروح الرياضية

أخشى أن يأتي اليوم الذي يختفي فيه هؤلاء الناس
و تصبح حياتنا كرة تعصب


احترامي للجميع....

[همسه مصريه]

صح لساااااااااااااااانك

موضوع مميز

ياتري مين المستفيد

من التعصب
ونشر الكراهيه
بين الناس؟

[هيا*HYA*]

فعلا هو دة الواقع الفعلى للاسف
جعلنى اشعر ان المباراة بين مصر والجزائر اصبحت حرب عالميه تالتة
وان الجزائر هى عدوتنا اللدودة.. واحنا بالنسبالهم قتلنالهم قتل
مع ان فى الاول والاخر كرة القدم ماهي الا... لعبه...
وكانت فى الماضى حرب ولكن كانوا اذكياء يعنى بيضربوا تحت الحزام
لكن دلوقتى بقى الضرب على عينى عينك يا تاجر
والسؤال اللى محيرنى : ليه كل دة بيحصل بينا؟؟
ليه يوصل الكره للدرجادى بينا؟؟ علشان مشاكل سياسيه حدث فى الماضى
طيب لو كانت السياسة هى السبب.. طيب مين اللى له الحق يزعل ويضايق
كل دة يدل على الفراغ السياسى اللى بتشاور له
تسلم ايدك يا طارق موضوع شائك
وكان يستحق المناقشه فيه
ربنا يزيدك

[nooody]

والله عندك حق يا طارق

انا مستغربه من اللى بيحصل

كلنا فى النهايه عرب

واللى هيوصل لكأس العالم

هيكون بيمثلنا كعرب

يبقى ليه كل دة

تعصب بدون اى داعى

شجع فريقك بدون تجريح فى الفريق الاخر

هى المنافسه الشريفه

موضوع جاى فى وقته طارق

اكيد هيكون لى عودة ان شاء الله

رد على السريع

[countess]

سلمت يمناك سلفر

اكيد الوطنيه حلوه وطالعه من القلب من غير تزيف

بس الروح الرياضيه احلى

والتعصب الكروي زاد في السنوات الاخيره في العالم با جمعه

بنشوف مذابح في الملا اعب خصوصا المباريات الي فيها تشنج مسبق

والله يعدي المباره على خير
واكيد كل عيون العرب على هذا اليوم وطبيعي كل
انسان له ميوله لا حدى الدولتين

سواء مصر او الجزائر
وانا ميولي مع ام الدنيا
وبا التوفيق لمصر ههه بس اكيد من غير تعصب

تسلم على التحليل الرئع الي اكيد من انسان واعي
تحيااااتي البرنسيسه 2

[** MiSs EgYpT **]

تكلمت بلسان حالى سلفر


فمنذ ثلاثة ايام وانا فى حالة تردد تام

اريد ان اثير هذا الموضوع بصباحاتى

وخشيت ان يأخذ كلامى طابع سياسى

وخاصة صبيحة مشاهدتى للبيت بيتك الثلاثء الماضى

الاستاذ تامر امين


يحرض المتفرجين على معاملة الجزائريين بالمثل

وكما فعلو بمنتخبنا ليلة المباره امام فندقهم

لابد لشبابنا ان يرد لهم نفس الفعل

وبالصوت العالى قال ايوه زى ماعملو فينا نعمل فيهم

وده عنوان الاوتيل وياريت مننيمهم الليل

يا الهى ماهذا ؟

والله انه لجهل أعلامى

وجهل بماهية وظيفة الاعلام

الاعلام وظيفته التقريب بين الشعوب وليس التفريق

تراشق بالكلمات والالفاظ والتايه فى الوسط شبابنا

بتفكيره العاطفى وراء هذا الشحن الاعلامى

وكما قولت سلفر

ماذا بعد وصولهم ؟؟؟

سيتربع احدهما على زيل القائمه وبلا فخر كما هى العاده

وستكون النتيجه خسارة العلاقات بين البلدين

وتولد حاله من الكره بين الشعبين

وكل ده عشان مباره

بالذمه مش ده سخف وتفاهه

اوك انا احب بلدى واتمنى لها الفوز من كل ذره بكيانى

لكن دون الاساءه للاخر وخاصة هذا الاخر فى بلدى وعلى ارضى

كفى ياوسائل الاعلام واهتمو بقضايا بلدكم افضل



موضوع ولا اروع سلفر
سلمت اخى من كل شر



همس

[الدكتور المرح]

اهم حاجه مصر تفوز وتصعد :Milit-059:

بعد كده هنزيل الاحتقان


احنا نركز بالفوز والفوز بس

تحياتى
:Sport-066:

[SiLver Spectra]

اقتباس
المشاركة الأصلية كتبت بواسطة همسه مصريه

اقتباس صح لساااااااااااااااانك موضوع مميز ياتري مين المستفيد من التعصب ونشر الكراهيه بين الناس؟

الإعلام أو المحطة هي إلي مستفيده
أو الصحيفة

مافيش حد تاني هيستفيد
أما الدول و الشعوب فهم أكبر الخاسرين

ماديا و معنويا و أخويا

في ناس مريضه بالتعصب و ما بتصدق تستغل أي ظرف لنشره

شكرا ليكي يا همسه مصرية على المرور

[SiLver Spectra]

اقتباس
المشاركة الأصلية كتبت بواسطة هيا*HYA*





فعلا هو دة الواقع الفعلى للاسف
جعلنى اشعر ان المباراة بين مصر والجزائر اصبحت حرب عالميه تالتة
وان الجزائر هى عدوتنا اللدودة.. واحنا بالنسبالهم قتلنالهم قتل
مع ان فى الاول والاخر كرة القدم ماهي الا... لعبه...
وكانت فى الماضى حرب ولكن كانوا اذكياء يعنى بيضربوا تحت الحزام
لكن دلوقتى بقى الضرب على عينى عينك يا تاجر
والسؤال اللى محيرنى : ليه كل دة بيحصل بينا؟؟
ليه يوصل الكره للدرجادى بينا؟؟ علشان مشاكل سياسيه حدث فى الماضى
طيب لو كانت السياسة هى السبب.. طيب مين اللى له الحق يزعل ويضايق
كل دة يدل على الفراغ السياسى اللى بتشاور له
تسلم ايدك يا طارق موضوع شائك
وكان يستحق المناقشه فيه
ربنا يزيدك

بالعكس يا هيا

مافيش اي خلافات سياسية بين البلدين

دا البلدين ليهم تاريخ نضالي مشترك رائع

سواء بمساندة مصرية في حرب تحرير الجزائر أو بمساندة جزائرية في حرب أكتوبر


مافيش اي مشاكل بين مصر و دول المغرب غير في الكورة

كل ما يكون في ماتش نلاقي حالة احتقان

لكن للاسف عمر ما حالة الإحتقان وصلت للمستوى الحالي

يمكن عشان الإعلام المصري رد بشراسه و ماسكتش!!

فزاد الاحتقان بين الطرفين

لأن لو طرف بدأ و التاني سكت مش هيحصل شيء

أنا مش حابب اقول الجزائر بدأت ...الله أعلم

لكن هو في النهاية احتقان بين الطرفين

و شورة غير مشرفة لا لمصر و لا للجزائر

شكرا يا هيا على الرد و المشاركة

[حنـــــون]

والله معاك حق جداااااااا فى كل كلمه قولتها

انا فعلا مش عارفه انا هنوصل لحد فين من الى بيحصل ده

يعنى هو الفراغ وصل بينا لكده وخلاص مابقاش فى مشاكل فى

مجتمعنا فااتفرغنا للكره

وسبينا من كده ومالوا لما نشجع الكره بس كمان احنا مش قادرين

نشجع بتحضر يعنى جهل كمان فى الكره المعروف ان الكره فريق لازم

يفوزز والتانى لا احنا ماعندش الحكايه دى عايزين دايما الفريق الى بنشجعه

هو الى يفوز

بجد وضع محزن جدا لما تكون داول عربيه وبتعمل كده مع بعضها

بشكرك جداااااااااا ياطارق على الموضوع الرائع والاسلوب المميز

تحيااااااااااااااااتى حنون