أغانينا واحنا أطفال.....

[lost]

بسم الله الرحمن الرحيم

هي الفكرة شفتها في منتدي تاني وعجبتني وكتبتها كلنا نفكر بعض بأغانينا اللي كنا بنغيها واحنا أطفال في الحضانة

أنا فاكرة واحدة دلوقتي ولما هأفتكر تاني هأكتب

دي كنا كلنا بنقولها قبل حتي ما ندخل الحضانة.............

محمد نابينا
امه امنة
ابوه عبد الله
ابو طالب عمو
كان يدافع عنو
ستنا حليمة مرضعة نبينا
ولد بمكة و مات في المدينة ..

[EMoOoO]

واحد الله ربي
2 ماما وبابا
3 هم اخواتي
4 هم اصحابي
5 اصابع يدي
6 اركان الأيمان
7 على فوق
8 على تحت
9 عكاز جدو
10 شوط الكورة

[♥..pure]

هههههههههههههههه
بس احنا يا ايمو مكناش بنغنيها كدة
1 هو ربى
2 بابا وماما
3 هما اخواتى
4 هما اصحابى
5 صوابع ايدى
6 اقوم من نومى
7 اروح مدرستى
8 ادخل فصلى
9 مش فاكرة كانت ايه بالظبط
10 صوابع ايدى
تحياتى لك
أختك dr.rafef

[7w0r al gana]

تقريباكان فى اغنيه على الارقام
الواحد واقف مزبوط
و الاتنين بتبس عليه:biggrin:
و ال3 بسنيتين
و الارباعه اتنين و اتنين
والخمسه كحكه بسكر
و السته (مش فكراها)
و السبعه باتبس لفوق
و الثامنيه تبص لتحت
و التاسعه عصايت جدو
و العشره صفر وواحد
اصابى بقى يقولوها كلها
و يخلصو وانا اقول هيه بس
مليش غير فى الكلمه دى

[Mo chahin]

ايه الموضوع دا
طيب بقى اسمعوا
بعد ما النور يقطع


يارب النور يجي يارب النور يجي

[هيا*HYA*]

موضوع جميل اووى
ينقل للمكان الانسب له

[nooody]

ههههههههههه

كان فى اغنيه بحبها اوى

كانت بتغنها صفاء ابو السعود

كان اسمها تقريبا صابونه شقيه

مش فاكرة كلماتها اوى

كانت بتقول

يا اصحابى وصحباتى هنا ومحلك سر

بصوا وفوشوا حاجاتى انما ايه فى السر

عندى صابونه شقيه مكارة ولاعبيه

االباقى بقى مش فاكرها

موضوع فكرته حلوة

تسلم ايدك

[dr.marmar]

هههههههههههههههههه
ايوه ياهند انا كنت بحب الاغنيه دي اووووووووووووي
وكمان كنت بحب اغنيه بتاع
القطه المشمشيه
حلوه بس شقيه
نطت حته نطه
خطفت ورك البطه
سوسو زعلانه
هي الي غلطانه
سابت النمليه مفتوحه شويه
ههههههههههههه

[lost]

شكرا لمشاركتكم

ودي واحدة كنت بأقولها كتير وأنا صغيرة


ايد لوحدها متسقفش
طير بجناح مكسور ميطرش
جمد قلبك قوم متخفش
تقدر علي العالم بما فيه
كنا عيال لابسين كستور
واتشعبط حامنا في النور
شب ونط وعدي السور
دور علي حلمك تلاقيه

[همس القلوب]

ههههههههه


ايوه انا فاكره الاغنيه دى اللى قالتها د\مرمر

واغنية ايد لوحدها متسقفش كمان


كانت ايام جميله


ميرسى على الطرح الرائع والفكره

فى انتظار جديدك