كوسة x كوسة

[الأمــيــر]

السلام عليكم و رحمة الله و بركاتة

انا عاوز اتكلم فى موضوع خطير اوى يا جماعة

الكوسة

بس هاخدها من منطلق تانى

كلنا يمكن دلوقتى الكوسة بتكون لينا أحنا

احنا اللى بيتكوسلنا يعنى

يعنى اللى يعرف دكتورأكيد أكيد أكيد بينجح

اللى بيعرف موظف بيخلص ورقة بسرعة

اللى يعرف بياع العيش حتى بيمشى بسرعة

و هكذا

لكن انا عاوز اتكلم عليها من ناحية تانية

كلنا دلوقتى تقريبا طلبة

فينا اللى هيبقى مهندس

وفينا اللى هيطلع دكتور و فينا اللى هيبقى محاسب

لو اتحطيت فى موقف اتفرض عليك فية انك تكوس لحد حاجة

كمثال

مثلا يعنى انت شغال مهندس و الشركة طلبت مهندسين جدد

و انت اتحطيت فى لجنة الانتر فيو اللى بيحدد مين ينجح

و لقيت رئيس الشركة بيقولك فلان تبعى

نجحة

و لقيت صاحب عمرك مثلا و صديق حياتك ابنة متقدم

و من غير مايقولك انت عارف أكيد انك لازم تنجحة

ممكن جدا كل واحد منا يتحط فى الموقف دة بأختلاف الشغل بتاعة

و مواقف كتير جدا مشابهة لكدة

يبقى تصرفنا اية فى الموقف دة

و السلام خير ختام

[محمد الشريف]

ممكن جدا كل واحد منا يتحط فى الموقف دة بأختلاف الشغل بتاعه

و مواقف كتير جدا مشابهة لكده

يبقى تصرفنا ايه فى الموقف ده؟

عندما نسلم بأن استغلال النفوذ والمحسوبية " الكوسة " أمر بغيض يقضى على

مبدأ تكافؤ الفرص فلو وضعتنا الظروف فى مثل تلك الحالات إما أن ننسحب من تلك

اللجان ولا نشارك فيها .. فإذا كان الاعتذار فى المشاركة غير ميسور فيجب اتباع

الأصول وعدم مسايرة تلك الجان فى قرارتها أو بأضعف الإيمان الاعتراض على

قرارتها وإن أدى الأمر بإبلاغ الجهات الأعلى بما يحدث من مخالفات جسيمة تتنافى

مع أبسط قواعد العدالة ، وسبحان من لايغفل ولا تأخذه سنة ولانوم . فالسكوت فى

مثل الحالات معاقب عليه من الله ...والساكت عن الحق شيطان أخرس

فلا طاعة لمخلوق فى معصية الخالق .

[عاشق المستحيل557]

اشكرك اختى على السؤال
وهرد عليه وبكل صراحه هكوس طبعا منا اكيد يااتكوسلي من الشخص دا قبل كدا وانا عاوز ارد الجميل او انا عاوز ابدا بالجميل ومنتظر من الشخص دا حاجه ماديه او معنويه
والله مبحب الكوسه كال لاكن بتتفرض عليها وبعملها فالحياه
مررت من هنا