هي غمزت بس بشويش ;)

[haytham ali]

مسا مسا علي الجميع



قررت امسح اغنية داقت بيك ونبتدي من الصفر وكدهون

البتاع بتاعي دا قديم اوي ومش كتبت فيه حاجة


بس نجرب نكتب مع اني ماليش في الكتابة اساسا :d

حاليا فاكر موقف ظريف حصل في المنتدي زمان , كنت لاغي كود التحقق للاعضاء اللي حابة تسجل

مش عايز اتعبهم في التسجيل وكدهون

ويومها سجل في المنتدي واحد بـ اسم حسني طز حوالي 2000 ولا 3000 عضوية مش فاكر بالظبط

حسني طز 1 - حسني طز 2 < بيشتم حسني مبارك

تعب اهلي في حذف العضويات ابن ستين في سبعين

بس ميمنعش اني ضحكت وقتها وحطيت حسني طز ع الميل توبيك وكل ما افتكر الموقف اضحك

[haytham ali]

كان ليا مزاج اوي حوار الـ 20 جنيه بتاع الواد عديم الطموح ده

يفضل لـ اخر الشهر ونزاول فى خلق الله

[haytham ali]

دا حتي يامؤمن ياموحد بالله بتكتب لجوجل الاخوان بس يقول لك كاذبون قبل المسلمين

جوجل ابلج الياهو لجلج

[haytham ali]

حافظ مش فاهم )

[youtube]

[haytham ali]

حتي انتي ياكوريا عندك مرشد

[haytham ali]

بسم الشعب , الاخت بتاعت البصل دي فكرتني بالتشرد بتاعي

في اولي ثانوي كنت فاكر في تانيه وفي حصة الانجليزي بتاعت المدرسه الموزه سهام



وكان معايا مسدس زي ده

وضربت

وراحت في مكان استغفر الله يعني

ومش قاصد

المهم واحد من اللي قاعدين ورا بعد ما ضربت وبرمي المسدس في الدرج بسرعه

طلع يجري ويقول لها اهوه ياابلة اهوه < كان عايز اللمبي وانت مال امك

المهم يعني كان فيه شوية عيال واقفين بيتعاقبوا

طلعت وقفت معاهم وقبل الحصه ما تخلص الابله قالت ادخلوا

اللي كانوا بيتعاقبوا دخلوا وقعدوا وانا واقف مش دخلت

روحت انا وهي للاخصائي وقالت له ع اللي حصل وفضلت انا معاه

المسدس بتاع مين

معرفش مش بتاعي

حتي اسأل جمال وهو يقول لك < واد جدع جمال ده

اللي كان قاعد جنبي

روح نادي لجمال

ناديت لجمال وسأل جمال معرفش ياخد معاه لا حق ولا باطل صاحب صاحبه

المهم ضربه علشان يعترف عليا وعمل استدعاء ولي امر

وخرجنا من عنده بضحك علي جمال علشان اتضرب

قام قال لي انا ابن كذا وكذا اللي قعدت جنبك

انا هقوم من جنبك ومش هقعد معاك تاني

تاني يوم , بعد استدعاء ولي الامر

فين ولي امرك

مسافر دهب

مفيش عندي اخوات كبيره , ماليش عم , قفلتها في وشه

يضرب جمال ويقول له لازم تعترف عليه

جمال يحلف له والله ما ليا دعوه ولا اعرف اي حاجه حتي اسأل ابراهيم

قال لي روح نادي لابراهيم وسيب لي جمال هنا

ابراهيم دا لواحده قصصصصة قول لي اقول له ايه ياصاحبي

علشان مش يعمل لك حاجه قولت له لو سألك علي حاجه قول له معرفش وبس ياابراهيم

دخل ابراهيم

اول كلمة قالها الاخصائي


انتوا هتشتغلوني بقي ولا ايه

لو معرفتش المسدس ده بتاع مين

هتتفصلوا انتوا التلاته بقي

رد ابراهيم بس يااستاذ انا هقول لك علي كل حاجه

هيثم هو اللي ضرب الابله والمسدس بتاعه وكان معاه

[haytham ali]

بيتصرف على المخدرات سنويا 600 بليون دولار ، العالم مش طايق نفسه

[haytham ali]

“Two things are infinite: the universe and human stupidity; and I'm not sure about the universe.”

Albert Einstein

[haytham ali]

بصوا بقي

نيوتن وتفاحتة دولا عاملين لي قلق في دماغي

هو والعالم بتوع النظريات والحاجات العبيطه دي اللي بيكتشفوها من حاجات هايفه

ساعات كتيير اوي بفكر ابقي مخترع او مكتشف احسن من العالم الفكسانه دي

هما احسن مني في ايه

اشوف اي حاجة فكسسسانه زي التفاحه دي واخترع منها بقي اي حاجه والسلام

حد فيكم عنده نفس القلق ده

[haytham ali]

ايوة يعني وانا كل ما اقول ياطارق و يا اسماعيل هتقوم المشاركة محذوفة مش برمي كلام عليا الطلاق

طاب طارق بقي وكل اسامي اعضاء المنتدي

دا لو اللي انتوا بتقولوه حقيقي نص المشاركات في المواضيع في القسم بشوف فيها اسامي

,,

بصوا بقي

وانا في اولي ابتدائي كان عليا ابله اسمها ايمان

المهم يعني ايمان دي قالت ايه بقي

انا هكتب علي السبوووره ومش عايزه حد يكتب ورايا الا لما اقول لكم اكتبوا واللي هيكتب هرمي له القلم بتاعه

المهم انا كتبت وراها علشان اقعد اتفرج ع العيال وهما بيكتبوا لما هي تقول اكتبوا

شافتني بنت ستين في سبعين ورمت لي القلم

عيطت لها وقولت لها انا عايز القلم بتاعي يابنت الكلب