ارجوكم ادعوا لأية تقوملنا بالسلامة

[عطر الشوق]

السلام عليكم ورحمه الله وبركاته
اللهم انى اسألك باسمك الاعظم الذى اذا دعيت به اجبت واذا سألت به اعطيت واذا استفرجت به فرجت واذا استرحمت به رحمت ان تنزل رحمتك على ايه ربنا يشفيكى ويعافيكى يارب ويخليكى ويبارك فى عمرك وترجعيلنا تانى ياحبيبه قلبي وسطنا وتنورينا ف المنتدى من تانى وربنا يقومك لينا بالف خير وسلامه يارب
انا والله حاسه بيكى يافجر انك عايزة تشوفيها وتطمنى عليها ربنا يطمنك ويطمنا عليها بكل خير ان شاء الله بس انتى ابقى طمنينا عليها وعرفينا الاخبار
ربنا يشفيها ويعافيها (آمـــــــــــــــــــــــــــــيـــــــــــــــــ ـــــــــن)

[سمــر]

الف سلامه عليها

ربنا يشفيها ... وتقوم احسن من الاول

من فضلك تبلغينا اخبارها علطول

اسال الله العظيم رب العرش العظيم ان يشفيها

[dr.noor]

خير ياحبيبتي ,,,
ان شاء الله تقوم بألف سلامه..
أسأل الله أن يكتب لها الشفاء عاجلا .لا اجلا..
ويطمنكم عليها,,,
ان الله مع الصابرين..

[M@HMOUD]

الف مليون سلامه على قمر المنتدى ايه
قدر الله وما شاء فعل

وباذن الله هتكون بخير
واحنا كلنا هنا بنتمنى ليها كل الخير وان هى تقوم بالسلامه وترجع تنور المنتدى تانى

بلغيها سلامنا كلنا

[H&H]

يا الله بجد انا حزينه اوي

و مش مصدقه

يا رب يشفيكي يا ايه و يكتب اللي حصل ده في ميزان حسناتك

[Şenyorita ®]

لا حول ولا قوة الا بالله
حصل امتى ده يا فجر
والله مش مصدقة طب وهيه اخبارها ايه دلوقتي
والنبي طمنينا انا والله لسه شايفة الخبر ده في الاهداءات
وقعدت اقول يا رب ما تكونش اية صحبتي
ولما دخلت بجد اتصدمت من كلامك
ربنا يشفيها
اوعي تقفلي قبل ما تطمنينا

[دلع القمر]

شكرا كلكم بجد عالدعوات والسؤال وهية والله متألمة جدا ربنا يشفيها يارب
ومستنيين الصبح يجي عشان تعمل العملية
وانا ان شاء الله حخلي بابا يحجزلي واروحلها اسسافر في اقرب وقت عشان اراعيها واكون جنبها
وانا لسة مكلماها دلوقتي وبتسلم عليكم كلكم ومبسوطة انكم بتسألوا عليها وفاكرينها وبتدعولها
وقدر الله وماشاء فعل ويارب عدي بكرة على خير بس

[Şenyorita ®]

اقتباس بشكركم كلكم على دعواتكم وافضلوا ادعولها وانا بدعيلها انا كلمتها دلوقتي فالتليفون لسة فايقة بس متألمة جامد مش قادرة تكلمني ودنها اتفتحت جامد ومتخيطة وراسها وحاجبها والكسر فالحوض دة تاعبها جدا ورجلها وبكرة الصبح بدري ان شاء الله حتعمل عملية وتركب شريحة فركبتها وتجبس رجلها كلها من فوق لتحت وحيشوفها استشاري مخ واعصاب بكرة عشان يتأكد ان مفيش حاجة فيها بعد مرور 24 ساعة عالحادثة وربنا ينتقم منه اللي داسها وسايق العربية بجنون فالحبس يارب ياخد جزائه ويارب يقومهالنا بالسلامة اغلى حد علية فالدنيا اختي وحبيبتي وبنتي اية

لا حول ولا قوة الا بالله بجد انا مش مستوعبة
انا معايا موبايلها بس طالاما انتي قولتي انها تعبانا خليها تستريح
ربنا معاها
وربنا ينتقم من اللي خبطها

[countess]

حبيتي فجر ايه هنا في السعوديه

من سكان جده او الرياض

اذا من جده قوليلي اسم المستشفى علشان اقوم با الواجب معاها

اوكيه

الله يخليها لكم يارب

اختك ساره

[بلبل الصعيد]

الدنيا مسأله حسابيه
خذ من اليوم عبره
ومن الأمس خبره
أطرح منها التعب والشقاء
وأجمع لهن الحب والوفاء
وأترك الباقي لرب السماء

اسأل الله العظيم الشفاء لأختنا الكريمه وأن يجعل ما أصابها تكفيراً لذنوبها

وأن ترجع لنا هنا وهي في أحسن حال أن شاء السميع العليم

تحياتي ومودتي للجميع